Nyɛ̀nɛ̀ŋ 2:39 - WƆŊ FƐ̀Ì EBÒ SÌÀŊ DAYÀA

³⁹ Esaɓù kɛ̀ wo Dayà naŋ wa jɔ̀ɔ̀ ɗààhiì ko nɛ̀ɛ̀iŋ niìŋ yèè aŋ jɔ̀àiŋ nyàŋ, yèè koɓɛ̀ anyùùŋ nyaŋ yaà koɓɛ̀ dii nyàŋ, aŋ yè nyaŋ gbiŋ wo Kanaà wo Dayà wiɔ̀ do nàŋ nyààŋ koɓɛ̀ wuŋ biì nyaŋ.”

Nyɛ̀nɛ̀ŋ 2:39 ပူးပေါင်းရင်းမြစ်များ

Nyɛ̀nɛ̀ŋ 10:45

È naŋ wa fòònò anyuùŋ hààwe nyàŋ aŋ Juùù nyaŋ sùà aŋ yè nyaŋ naŋ wa dè wo Pììlɛ maŋjɛ̀wɛ nyàŋ e yìwìà ko Jɔpà, esaɓù kɛ̀ wo Jìnàŋ Nɛɛmaàŋ naŋ wa nɔ̀ŋ kìɛuŋ koɓɛ̀ anyùùŋ nyaŋ fè àŋ Juùù nyaŋ, aŋ yè nyaŋ fè kpùà jàa nyiŋ nyàŋ.

Nyɛ̀nɛ̀ŋ 14:27

Nààŋ àŋ naŋ wa hàì ko Aŋtiɔ̀, wo Pɔɔ̀ yaà wo Bànaŋɓà naŋ nyààŋ ke gbòò anyuùŋ hààwe nyàŋ e dèène sùà. Yèè àŋ naŋ nyiŋ gbàìè jii wèè eɗewɛ̀ wo Dayà naŋ nyiŋ kpuumò lɛ, yèè e ɗeweɛ̀ wò naŋ yìlè wɔŋ gbemgbee wèè anyùùŋ nyaŋ fè àŋ Juùù nyaŋ aŋ kɛ̀ɛ̀nɛ̀ŋ hààwe wo Jisɛ̀ sùà.

Nyɛ̀nɛ̀ŋ 15:14

Wo Saamɔ̀ŋ Piilɛ̀ naŋ wi nɔŋ wòò e ɗeweɛ̀ wo Dayà naŋ wa hnè jɛɛ̀ yèè wò naŋ kìɛ̀ŋ e kpùùmaŋ koɓɛ̀ anyùùŋ nyaŋ fè àŋ Juùù nyaŋ. Wo Dayà naŋ wa tii nyɛ̀nɛ̀ŋ nààŋ wò naŋ wa tà aŋ bà nyiŋ ɗùù wèè aŋ nɔ̀ŋ anyunùuŋ.

Nyɛ̀nɛ̀ŋ 15:3

Anyuùŋ hààwe nyàŋ naŋ nyiŋ wa tùɔ̀ŋ. Yèè nààŋ àŋ yaà wa kɔɔyɛ, àŋ naŋ kɔ̀ɛ̀ ko Fònisìà yèè ko Sàmilià, àŋ yaà wòò anyùùŋ nyaŋ e ɗeweɛ̀ anyùùŋ nyaŋ fè àŋ Juùù nyaŋ naŋ kìlè koɓɛ̀ Dayài lɛ̀. Ebò lɛɛ̀ naŋ wa fɔ̀ɔ̀yɛ̀ anyùùŋ màŋjɛ̀wɛ̀ Kanaà maŋ jii yèè è naŋ nyiŋ nyìnìè zɔlɔ̀.

Nyɛ̀nɛ̀ŋ 15:8

Wo Dayà nyìmàŋ kɛ̀ ke jìì nyuùŋkpùuŋ gbiŋ kiɛ̀ŋ mìè seì, nààŋ wò naŋ kìɛ̀ŋ wo Jìnàŋ Nɛɛmaàŋ koɓɛ̀ anyùùŋ nyaŋ fè àŋ Juùù nyaŋ, màànààŋ nɔŋ wò naŋ wi wuŋ kiɛ̀ŋ yàwi pɛɛ lɛ̀.

Luùm 11:29

Wo Dayà fè kìlà kè jiiuŋ nɛɛ̀ŋ wèè wo nyùnɔ̀ɔŋ wò naŋ tàeɗùù yèè wò kiɛ̀ŋ e kpùùmaŋ wɔ̀.

Luùm 8:30

Anyùùŋ nyaŋ wo Dayà naŋ jàà e ɓula nyàŋ, nyiŋ wò naŋ nyààŋ. Anyùùŋ nyaŋ wò naŋ nyààŋ nyaŋ, nyiŋ wò naŋ jàà kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ ko nɛ̀ɛ̀uŋ niìŋ, yèè wò naŋ nyiŋ nyɛ̀nɛ̀ŋ wèè aŋ nɔ̀ŋ aŋ bà nyiŋ bà e jòòwouŋ nɛ̀ sùà.

Luùm 9:24

Esaɓù kɛ̀ yàwi nàŋ yaà anyùùŋ nyaŋ wò naŋ nyààŋ nyaŋ, yèè e fè nɔŋ è yìwìà àŋ Juùù nyaŋ è fèemàŋ, kɛɛ e yìwìà anyùùŋ nyaŋ fè àŋ Juùù nyaŋ nyiiŋ pɛɛ.

Luùm 9:4

Anyùùŋ Ezɔ̀ɛ̀ nyaŋ, nyiiŋ wo Dayà naŋ tàeɗùù. Wò naŋ nyiŋ ɓemè wèè aŋ nɔ̀ŋ anyunùuŋ. Wò naŋ nyiŋ tɔ̀ɔ̀ e jòòwouŋ nɛ̀, yèè wò naŋ bànè e ɗààhìì e mìèsùàguùŋ ko nɛ̀ɛ̀ŋ nyiŋ niìŋ yèè wò naŋ nyiŋ kìɛ̀ŋ maŋ Sàwàuŋ màŋ. Nyiiŋ nàŋ kanaŋ e ɗèwè kìì zòòlo kɛnɛɛ̀ yèè e ɗààhiìɛ wo Dayà naŋ ɓèmè ko nɛ̀ɛ̀ŋ nyiŋ niìŋ lɛ.

1 Kɔliìŋ 7:14

Wo wùìyaà Jisɛ̀ Kulaì sùà wo yèɔ kuwà è hààwe wɔ̀ wo Dayà jàaùŋ kùàŋ dìì esàɓù e nɔ̀uŋ nɛ̀ koɓɛ̀ guùŋ yaà jàwè. Wo jɔùŋ gò kùwiè è hààweɔ̀ wo Dayà jàaùŋ kùàŋ dìì esàɓù e nɔ̀uŋ nɛ̀ koɓɛ̀ guùŋ yaà faiŋ. Sèè tɛɛ̀ go yɛi weè nɔ̀ŋ, aŋ jɔ̀à nyiŋ nyàŋ henàŋ nɔ̀ŋ mààŋ aŋ jɔ̀à gò zɛ̀nɛ̀ŋ, kɛɛ nààŋ è yaà lɛ, àŋ yaà aŋ jɔ̀à nɛɛmaŋ.

Ɛfesɔ̀ 1:18

Mìŋ dawà wèè maŋ jiiiŋ màŋ maŋ yilè e kìlà niŋ yɛmɛ̀ e gbolòùuŋ nɛ, e wèè niŋ nyìmàŋ kɛ̀ kiìŋ nàŋ yaà ke jii tùliaà ke yèɛ wò naiŋ nyààŋ e weè nyiŋ nɛ̀, kɛ̀ nìŋ do nàŋ yɛ̀mɛ̀ e ɗeweɛ̀ maŋ kpùùmàŋ e keì sìàŋ gbeeuŋ nɛ̀ naŋ banè lɛ, maŋ yè maŋ wò naŋ ɓèmè e ɗààhiì wèè wo fè anyùùŋ nɛɛmauŋ nyàŋ gbiŋ lɛ̀,

Ɛfesɔ̀ 2:12

E teenga lii sùà niŋ nyimààŋ wa è kèè Jisɛ̀ Kulaìɛ. Nìŋ yaà wa anyùùŋ fuɔŋ joo koɓɛ̀ anyùùŋ Ezɔ̀ɛ̀ nyaŋ wo Dayà naŋ tàeɗùù nyaŋ, yèè niŋ fè wa àŋ bàiŋbà kòɓɛ̀ è mìèsùàguùŋ nɛ è yèɛ wò Dayà naŋ wa ɓèmè è ɗààhiì kòɓɛ̀ ànyunùuŋ nyàŋ lɛ. Nìŋ yaà wa e ɗuunyaŋ lɛɛ̀, kɛɛ niŋ kuwà wa kò tùlìè jii bà gbiŋ, yèè niŋ gò wa gbɛ̀ɛ̀ Dayà kɔɔ tòloò pɛɛ.

Ɛfesɔ̀ 4:4

Ke kpùnaàŋ kè yaà kè guùŋ, wo Jinàaŋ yaà wò guùŋ màànààŋ nɔŋ wo Dayà naiŋ wa kìɛ̀ŋ ke jìì tùlìà guùŋ e teengaà wò naiŋ wa tàeɗùù wèè naŋ nɔ̀ŋ anyunùuŋ lɛ̀.

2Tɛsè 1:11

Wèè esaɓù lɛɛ̀, è zoolà weèiŋ e teenga gbiŋ. È dawà wo Dayà wiɔ̀ wèè woiŋ nyɛ̀nɛ̀ŋ naŋ ɓɛnɛ̀ŋ wèè naŋ wɔŋ nyiiŋ gèeɔ̀ wò naiŋ nyààŋ wèè naŋ nɔ̀ŋ sùà wɔŋ. È dawà wèè e gààŋ Dayàa eiŋ kpuumàŋ naŋ nyɛ̀nɛ̀ŋ maŋ keì siaŋ sìàŋ maŋ gbiŋ nìŋ manaŋ naŋ nyɛ̀nɛ̀ŋ maŋ, yèè naŋ kpɛ̀ɛ̀yɛ̀ e tòmò hààweiŋ nɛ̀.

2Time 1:9

Wò naŋ wi joeyè, yèè wò naŋ wi nyààŋ wèè e nɔ̀ŋ anyùùŋ nɛɛmauŋ nyàŋ e fè wèè èsàɓù kè nyɛ̀nɛŋ wiɛ̀, kɛɛ è yaà esàɓù e ɗèwè wuŋ biɛ̀ yaà e tɛ̀ɛ̀tɛ̀ɛ̀uŋ nɛ̀. Wò naŋ wi kìɛ̀ŋ e tɛ̀ɛ̀tɛ̀ɛ̀ lɛɛ̀ e yìwìà wo Jisɛ̀ Kulaì sùà paŋ ngàà e ɗuunyaàŋ naŋ wa nɔ̀ŋ bàne niŋ,

Hiɓu 3:1

Nyɛ̀iŋ nààŋ nyuùŋ hààwe dàwium nyàŋ, wo Dayà naiŋ tàeɗùù wèè naŋ nɔ̀ŋ anyùùŋ nɛɛmauŋ. Weètii gòngoìŋ e kèè wo Jisɛ̀, wo yèɔ wo Dayà naŋ tàeɗùù wèè wo nɔ̀ŋ wo keela yèè wo Kànà Sìèfèìŋ Zòòlo Gbeeɔ̀ wèè e hààweɛ̀ è kuwàìŋ lɛ.

Hiɓu 9:15

E wèè saɓù lɛɛ̀, wo Jisɛ̀ Kulaì nàŋ yaà wo nyùnɔ̀ɔŋ sià ke konaŋ fèemàaŋ, wo yèɔ naŋ bànè e ɗààhìì e mìèsùàguùŋ jɛ̀ì, wèè kɛ̀ aŋ yè nyaŋ wo Dayà naŋ nyààŋ nyaŋ aŋ yɛmɛ̀ e kpùùmàŋ wɔŋ nyiiŋ gèe gò jùà e yèɛ wo Dayà naŋ jɔ̀ɔ̀ ɗààhiì wèè wo kiɛ̀ŋ lɛ. Tɛɛ̀ ɓɛ̀nɛ̀ŋ kààiŋ esaɓù kɛ̀ wo Jisɛ̀ Kulaì naŋ fɔ̀, yèè tɛɛ̀ naŋ nyɛ̀nɛ̀ŋ anyùùŋ naŋ fòlò e keì dìì e yìwìà maŋ keì naanààŋ maŋ àŋ naŋ nyɛ̀nɛ̀ŋ maŋ, e teengaà e ɗààhìì mìèsùàguùŋ jiɛ̀jiɛ̀ɛ yaà wa toomo lɛ̀.

1Pììlɛ 5:10

Sèè nìŋ kɔɛ̀ maŋ keì nyìnga mɛɛ̀ŋ sùà wèè e teenga kpuu sùà, wo Dayàa kuwa maŋ tɛ̀ɛ̀tɛ̀ɛ̀ maŋ gbiŋ wɔ̀, wo yèɔ naiŋ nyààŋ wèè wo goonòiŋ e jòòwò nyiiŋ gèe gò jùà ke gbòò Jisɛ̀ Kulaì sùà wɔ, wuŋ bi doiŋ nàŋ nyɛ̀nɛ̀ŋ sengei yèè woiŋ fè e kɔɔ nyingè, woiŋ sìà e gààŋ woiŋ jàà ko tɔɔtu tùlìà jii.

2Pììlɛ 1:10

E wèètii nyɛ̀iŋ nààŋ wùìyaim nyàŋ, fɛ̀ɛìŋ niŋ ɓemè e nyàànè Dayàa wò naiŋ nyààŋ yèè wò naiŋ tàeɗùù wèè naŋ nɔ̀ŋ e kèì jiiuŋ nɛ̀, e keì e yèɛ fèiŋ yèwà jii lɛ̀. Sèè nìŋ nɔ̀ŋ yɛi nyinie, niŋ naàŋ duonò wèè naŋ gììyà è hààweiŋ nɛ̀ kɛ̀ɛ.

2Pììlɛ 1:3

E nɛ̀ɛ̀màŋ Dayàa, e gaàiŋ nɛ̀ è wi kìɛ̀ŋ e nɛ̀ɛŋ gbiŋ è mànàìŋ wèè eiŋ nɔ̀ŋ wɔŋ nyiiŋ gèeɔ̀ fɔɔyɛ̀ Dayà jii wɔ̀ŋ sùà, esaɓù kɛ̀ eiŋ nyìmàŋ wo yèɔ naŋ wi nyààŋ wèè wo wi gòònò e jòòwouŋ nɛ̀ yèè e tɛ̀ɛ̀tɛ̀ɛ̀uŋ nɛ̀ e fèemàŋ wɔ.

Maŋ kèì nyɛɛnɛŋ 17:14

Aŋ kana nyɛɛ̀ŋ gbiŋ do nàŋ sùmìè wo Ɓaawaaà. Kɛɛ wo Ɓaawaaà, e kpùlìà aŋ yè nyaŋ wò naŋ tàeɗùù yèè àŋ yaà anyuùŋ tùlìà jii e kìlà àŋ nauŋ dè maŋjɛ̀wɛ nyaŋ, do nyiŋ nàŋ ɓùlò, esaɓù kɛ̀ wò yaà wo Kana gbee aŋ kana nyàŋ gbiŋ diɛŋ, yèè wo Kààmɔɔŋ gbee aŋ kààmɔ̀ɔ̀ŋ nyaŋ gbiŋ diɛŋ.”

Maŋ kèì nyɛɛnɛŋ 19:9

Wo màikàa naim woò wààŋ, “Singà tɛɛ̀. E zɔlɔ̀ yaà anyùùŋ nyaŋ àŋ naŋ nyààŋ koɓɛ̀ wɔŋ ɗàà ke yɛɛ̀ gbìaàŋ e nyaàiŋ dè wo Ɓaawaaà.” Wo màikàa naŋ ɓɛìŋ woò wààŋ, “Maŋ mìè gbòà tɔ̀ɔ̀nyaàŋ maŋ e nyaàiŋ dè wo Dayà.”