Nyɛ̀nɛ̀ŋ 2:37 - WƆŊ FƐ̀Ì EBÒ SÌÀŊ DAYÀA

³⁷ Nààŋ anyùùŋ nyaŋ naŋ wa tɛɛ̀ kòmò, maŋ jii nyiŋ màŋ naŋ wa kpòlòkpòlò sùà yèè àŋ naŋ dàwè wo Pììlɛ yaà aŋ keela tàeɗùù nyaŋ nyààŋ, “Wùìya wi nyàŋ, kiìŋ è naiŋ naàŋ ɓɛ̀nɛ̀ŋ nyɛ̀nɛŋ?”

Nyɛ̀nɛ̀ŋ 2:37 ပူးပေါင်းရင်းမြစ်များ

Luù 3:10

Yèè anyùùŋ nyaŋ naŋ dàwè wo Jɔ̀ɔŋ nyààŋ, “Kiìŋ è naiŋ naàŋ ɓɛ̀nɛ̀ŋ nyɛ̀nɛŋ?”

Luù 3:12

Anyuùŋ kùwà nɛ̀ɛ̀nɛ̀ŋ fuɔŋ nyàŋ bà nyiŋ naŋ hnè wèè aŋ nɔ̀ŋ gùa nyiŋ, yèè àŋ naŋ dàwè wo Jɔ̀ɔŋ nyààŋ, “Kààmɔɔŋ, kiìŋ è naiŋ ɓɛ̀nɛ̀ŋ nyɛ̀nɛŋ?”

Luù 3:14

Aŋ kààlòòɗùà nyaŋ bà nyiŋ nauŋ dawè nyààŋ, “Yàwi pɛɛ zà, kiìŋ è kuwa wèè eiŋ nyɛ̀nɛ̀ŋ?” Wo Jɔ̀ɔŋ naŋ nyiŋ woò wààŋ, “Ɓɔ̀ nìŋ gè wò nyùùŋ gbiŋ è nɛɛnɛŋ sìwè màŋ gàangàaŋ ɔ̀ɔ̀ ɓɔ̀ nìŋ gbùwà wò nyùùŋ gbiŋ è keì ɓòù è ɗì. Ke jii fàiŋ wèè e yèɛ àŋ paawàìŋ lɛ.”

Jɔ̀ɔŋ 8:9

Nààŋ àŋ naŋ wa kòmò e nɛ̀ɛŋ wò naŋ woò lɛ, e yìwìà wo gbeeɔ̀, aŋ gbiŋ naŋ kɔ̀ guùŋ guùŋ. Àŋ naŋ jòò wo Jisɛ̀ wuŋ guùŋ, wo nìeɔ̀ sia koɓɛ̀i àŋ nauŋ seelè lɛ wo Jisɛ̀ kɔɔ.

Nyɛ̀nɛ̀ŋ 1:16

Wò naŋ woò wààŋ, “Nyɛ̀iŋ nààŋ nyuùŋ hààwe dàwim nyàŋ, e yèɛ wɔŋ fɛ̀ì Dayàa naŋ woò lɛ kuwa e hɛɛnɛ̀ŋ, e yìwìà ko yèi wo Jìnàŋ Nɛɛmaàŋ naŋ wa gbùùyè wo Dèèwe sùà lɛ. Wɔ̀ŋ naŋ wòò e keìɛ wo Juɗà do wa nàŋ nyɛ̀nɛ̀ŋ ko dòmànfeìŋ lɛ, wo yèɔ naŋ wa nɔ̀ŋ wo sìèfèìŋ anyùùŋ nyaŋ naŋ wa kùwò wo Kanaà Jisɛ̀ nyaŋ.

Nyɛ̀nɛ̀ŋ 22:10

Yèè mìŋ naŋ dawè mìàŋ, ‘Kiìŋ mùŋ manaŋ ka nyɛ̀nɛ̀ŋ, Kanaà?’ Wo Kanaà naim woò wààŋ, ‘Yewà dìì yèè muŋ ka ko Dàmakɔ̀, kuŋ wo nyùùŋ doum nàŋ woò kɛ̀ kiìŋ mùŋ do nàŋ nyɛ̀nɛ̀ŋ.’

Nyɛ̀nɛ̀ŋ 5:33

Nààŋ anyùùŋ gbèègbèè fuɔɔ̀ŋ naŋ wa tɛɛ̀ kòmò, àŋ naŋ wa tuù yèè àŋ manaŋ wa wèè aŋ jìwà aŋ keela tàeɗùù nyaŋ.

Nyɛ̀nɛ̀ŋ 7:54

Nààŋ anyùùŋ gbèègbèè fuɔɔ̀ŋ yaà wa kùmìàŋ sùà e keìɛ wo Siiwììŋ yaà wa woo lɛ̀, àŋ naŋ wa tuù àŋ gè gbìlà le sìaŋ e wùàŋ sùà weèuŋ.

Luùm 7:9

Miàŋ bi mìŋ yaà wa wɔŋ nyiiŋ gèeɔ̀ sùà paŋgàà mìŋ naŋ wa nyìmè e kèè ke sàwàa. Kɛɛ nààŋ ke sàwà naŋ naàŋ nɔ̀ŋ, e jùumù naŋ kɛ̀ɛ̀nɛ̀ŋ gààŋ wɔŋ nyiiŋ gèe diɛŋ,