Nyɛ̀nɛ̀ŋ 2:33 - WƆŊ FƐ̀Ì EBÒ SÌÀŊ DAYÀA

³³ Wò naŋ wa nɔ̀ŋ jòòwouŋ wèè wo jɛi wɔŋ kùàŋ jìkà Dayàa, wo Dèdauŋ nɔɔ̀ŋ, e kìlà wò nauŋ kìɛ̀ŋ wo Jìnàŋ Nɛɛmaàŋ, màànààŋ wò naŋ wa jɔ̀ɔ̀ ɗààhiì lɛ. Wo Kanaà Jisɛ̀ nàŋ yaà ɓɛìŋ wo nyùnɔ̀ɔŋ naŋ wi kìɛ̀ŋ wo Jinàaŋ, tiiŋ nàŋ yaà e yèɛ nìŋ yaà yɛɛmɛ yèè nìŋ yaà kumie è yààìŋ woo lɛ̀.

Nyɛ̀nɛ̀ŋ 2:33 ပူးပေါင်းရင်းမြစ်များ

Maafiù 28:18

Wo Jisɛ̀ naŋ nyiŋ bɔ̀mɔ̀ŋ kɔɔ wò naŋ nyiŋ woò wààŋ, “E gààaŋ gbiŋ ko àìjɛnɛ̀ŋ yèè e ɗuunyaàŋ è nɔ̀ŋ kìɛŋ niŋ ko nɛ̀ɛ̀ŋ miìŋ.

Luù 24:49

Mìŋ manaŋ naŋ nyìmàŋ kɛ̀ miàŋ bi nàŋ doiŋ nàŋ tùɔ̀ŋ e nɛ̀ŋ kìɛɛ̀ŋ wo Dèda miɔ̀ŋ naŋ wa jɔ̀ɔ̀ e ɗààhiì wèè wo kiɛ̀ŋ lɛ. Kɛɛ ɓɔ̀ nìŋ yèwà kò Jùlusɛ̀làm e jèèsùà e gààaŋ eiŋ dèyà diɛŋ e yìwìà ko àìjɛnɛ̀ŋ.”

Jɔ̀ɔŋ 14:16

Kpeiŋ mìŋ do nàŋ dàwè wo Dèdaà, yèè wò doiŋ nàŋ tùɔ̀ŋ wo Jìnàŋ Nɛɛmaàŋ wo yèɔ doiŋ nàŋ kpuumò yèè wo nɔ̀ŋ ko nɛ̀ɛ̀iŋ niìŋ wèè julɔfɔ.

Jɔ̀ɔŋ 14:26

Kɛɛ wo nyuùŋ kpùùmaàŋ, wo Jìnàŋ Nɛɛmaàŋ do nàŋ hnè wèè woiŋ kpuumàŋ, wo yèɔ wo Dèdaà do nàŋ tùɔ̀ŋ e deè mɛ̀ diɛŋ wɔ̀. Wo Jinàaŋ doiŋ nàŋ kàà maŋ keì maŋ gbiŋ, yèè wò doiŋ nàŋ nyɛ̀nɛ̀ŋ naŋ kɛ̀ɛ̀nɛ̀ŋ jii jàa e nyaàiŋ dè e yèɛ mìŋ naiŋ woò e teengaà mìŋ yaà wa ko nɛ̀ɛ̀iŋ niìŋ lɛ.

Jɔ̀ɔŋ 15:26

“Kpeiŋ mìŋ doiŋ nàŋ tùɔ̀ŋ wo Jìnàŋ Nɛɛmaàŋ wo yèɔ yewe koɓɛ̀ wo Dèdaà wɔ yèè wò doiŋ nàŋ wòò e tɔ̀ɔ̀nyaàaŋ. Yèè wò doiŋ nàŋ kpuumò woiŋ wòò e tɔ̀ɔ̀nyaàaŋ e nyaàiŋ eim dè.

Jɔ̀ɔŋ 17:5

Weètii Dèda, kìɛ̀im ɓɛìŋ e dɛ̀ɛ̀kɛɛ̀ mùŋ naim wa kiɛ̀ŋ lɛ ko tɔɔtuì paŋgàà e ɗuunyaàŋ naŋ wa nɔ̀ŋ bàne niŋ nɛ̀.

Nyɛ̀nɛ̀ŋ 1:4

E teengaà wo Kanaà Jisɛ̀ yaà anyùùŋ màŋjɛ̀wɛ̀uŋ nyàŋ naŋ wa dèènè koɓɛ̀ guùŋ nɛ, wò naŋ nyiŋ wa kìɛ̀ŋ e go nyìnga wààŋ, “Ɓɔ̀ nìŋ yèwà kò Jùlusɛ̀làm, kɛɛ fòlaìŋ e nɛ̀ŋ kìɛɛ̀ŋ wo Dèda miɔ̀ŋ naiŋ wa wòò kii niŋ lɛ̀, e nɛ̀ŋ kìɛɛ̀ŋ wo Dèda miɔ̀ŋ naŋ wa jɔ̀ɔ̀ e ɗààhiì kɛ̀ wò doiŋ nàŋ kiɛ̀ŋ lɛ.

Nyɛ̀nɛ̀ŋ 10:45

È naŋ wa fòònò anyuùŋ hààwe nyàŋ aŋ Juùù nyaŋ sùà aŋ yè nyaŋ naŋ wa dè wo Pììlɛ maŋjɛ̀wɛ nyàŋ e yìwìà ko Jɔpà, esaɓù kɛ̀ wo Jìnàŋ Nɛɛmaàŋ naŋ wa nɔ̀ŋ kìɛuŋ koɓɛ̀ anyùùŋ nyaŋ fè àŋ Juùù nyaŋ, aŋ yè nyaŋ fè kpùà jàa nyiŋ nyàŋ.

Nyɛ̀nɛ̀ŋ 2:17

Wo Dayà naŋ woò wààŋ, ‘Tɛɛ̀ mìŋ do nàŋ nyɛ̀nɛ̀ŋ maŋ ɗɔɔ dìàmaŋ màŋ sùà; mìŋ do nàŋ tùɔ̀ŋ wo Jinàŋ miɔ̀ŋ anyuùŋ kpùuŋ nyàŋ gbiŋ maŋjɛ̀wɛ. Aŋ jɔ̀àfelaaiŋ nyàŋ yaà aŋ jɔ̀à jɔùnùiŋ nyàŋ do nàŋ wòò anyùùŋ maŋ miè gbìaim màŋ. Aŋ kɔmɔŋjɔa bɔwɔiŋ nyàŋ do nàŋ gò gɔ̀à e jɛ̀ì, e kìlà anyuùŋ kàìŋ nyaŋ e tɛɛiŋ do nàŋ gò maŋ gɔa.

Nyɛ̀nɛ̀ŋ 5:31

Wo Dayà nauŋ jàà wɔŋ kùàŋ jìkauŋ nɔɔ̀ŋ, yèè wò nauŋ nyɛ̀nɛ̀ŋ wo Kana yèè wo Nyuùŋ Jòèyeɔ̀ weè wì, wèè kɛ̀ anyùùŋ Ezɔ̀ɛ̀ nyaŋ fè maŋ tùwo naanààŋ nyiŋ màŋ jɛwɛ aŋ kìlà ko nɛ̀ɛ̀uŋ niìŋ e kìlà maŋ jùumù nyiŋ màŋ nɔ̀ŋ hakɛ̀ jùùya miŋ.

Luùm 5:5

Ke jii tùlia yɛɛ̀ fè wi zuwò, esaɓù kɛ̀ wo Dayà gbìàŋ e mànauŋ nɛ̀ maŋ jii wi màŋ sùà, esàɓù wo Jìnàŋ Nɛɛmaàŋ wo yèɔ wò naŋ wi kiɛ̀ŋ wɔ.

Gàla 3:14

Wo Jisɛ̀ Kulaì naŋ wa tɛɛ̀ nyɛ̀nɛ̀ŋ wèè wo kiɛ̀ŋ e ɗààhìì kpùùmaàŋ wo Dayà naŋ ɓèmè Eɓulɔhɛɛ̀ŋ diɛŋ koɓɛ̀ anyùùŋ nyaŋ fè àŋ Juùù nyaŋ lɛ̀, esàɓù Jisɛ̀ Kulaìɛ sùà wèè e yìwìà e hààwe sùà kɛ̀ wo Dayà do wi nàŋ kìɛ̀ŋ wo Jìnàŋ Nɛɛmaàŋ wò naŋ wa ɓèmè e ɗààhiì wèè wo wi kiɛ̀ŋ wɔ.

Ɛfesɔ̀ 1:13

Nyɛ̀iŋ pɛɛ nìŋ naŋ nɔ̀ŋ anyùùŋ Dayà nààŋ nìŋ naŋ kòmò ke miè gbìàŋ tɔ̀ɔ̀nyaàaŋ, e nyaàiŋ dè Ebò Siaàŋ doiŋ nàŋ joeyè lɛ. Nìŋ naŋ hààwè Jisɛ̀ Kulaì sùà, yèè wo Dayà naiŋ sìè e fee wèè e tɔɔ̀ kɛ̀ wuŋ nàŋ kànàìŋ. E fee bi nàŋ yaà wo Jìnàŋ Nɛɛmaàŋ wò naŋ wa ɓèmè e ɗààhiì wèè wo wi kiɛ̀ŋ wɔ.

Ɛfesɔ̀ 4:8

Wɔŋ fɛ̀ì Dayàa naŋ woò wààŋ, “E teengaà wò naŋ jòwò ko dìà ke nyiliɛ̀ lɛ, wò naŋ wa kɔ̀ɔ̀ aŋ ɗò ɗùà zimgbe, wò naŋ fè anyùùŋ maŋ kìɛŋ.”

Taitɔ̀ 3:6

Wo Dayà naŋ tùɔ̀ŋ Jisɛ̀ Kulaì wo Nyuùŋ Jòèye wiɔ̀ wèè wo wi kìɛ̀ŋ wo Jìnàŋ nɛɛmaàŋ wèè foo,

Hiɓu 10:12

Wo Jisɛ̀ Kulaì naŋ wa kìɛ̀ŋ wuŋ bi e saaà gèeo sùà, e sàà gè ɗì guùŋ bi kuwa sɛmɛmaŋ, yèè è teenga gbiŋ è guo maŋ jùumù wi màŋ, e kìlà wò naŋ jɛ̀ì wɔŋ kùàŋ jìkà Dayàa wèè woo jèè jɛ̀i.

Hiɓu 2:9

Kɛɛ è yɛmɛ̀ìŋ wo Jisɛ̀, wo yèɔ wo Dayà naŋ wa kìɛ̀ŋ e gaàŋ jɔ̀à wèè e teenga kpuu aŋ màikà nyaŋ diɛŋ, wèè kɛ̀ esàɓù e tɛ̀ɛ̀tɛ̀ɛ̀ Dayàa wo fà wèè anyùùŋ nyaŋ gbiŋ. È yɛmɛ̀uŋ naàŋ kɛ̀ wo Dayà nauŋ joowò yèè wò nauŋ kìɛ̀ŋ e ɓɛ̀ɛ̀jàa mààŋ wo kana esàɓù e fàuŋ nɛ̀ yaà e keì nyìngaà wò naŋ kɔ̀ dìì lɛ.

1Pììlɛ 1:21

Esàɓù Jisɛ̀ Kulaì sùà nìŋ naŋ hààwè Dayà, wo yèɔ nauŋ gèe dìì e yìwìà e fàa dìì, yèè wò nauŋ fè e jòòwo, wèètii e hààweiŋ nɛ̀ yèè ke jii tùliaiŋ nɛɛ̀ŋ yaà koɓɛ̀ Dayài.

1Pììlɛ 3:22

wo yèɔ naŋ naàŋ kɔ̀ ko àìjɛnɛ̀ŋ wò jaa wɔŋ kùàŋ jìkà Dayàa, wò yaà nyìnìè maŋ tòmò gaàŋ gbeegbèè màŋ gbiŋ ko àìjɛnɛ̀ŋ e kìlà wò kuwa e gààŋ aŋ màìkà nyaŋ diɛ̀ŋ.