Nyɛ̀nɛ̀ŋ 2:23 - WƆŊ FƐ̀Ì EBÒ SÌÀŊ DAYÀA

²³ Wo Dayà wuŋ bi naŋ wa jàà esaɓù titi ɓula e kìlà wò naŋ kìlè wo Kanaà Jisɛ̀ ko nɛ̀ɛ̀iŋ niìŋ. Kpeiŋ nìŋ nauŋ kùwò yèè nìŋ nauŋ kìɛ̀ŋ koɓɛ̀ anyùùŋ maŋ tùwo naanààŋ wèè aŋ jiwìàuŋ wɔŋ vànèkpaaà diɛŋ.

Nyɛ̀nɛ̀ŋ 2:23 ပူးပေါင်းရင်းမြစ်များ

Maafiù 20:19

yèè àŋ doim nàŋ kìlè koɓɛ̀ anyùùŋ nyaŋ fè àŋ Juùù nyaŋ, aŋ yè nyaŋ doim nàŋ hiilè, aim ɓùlà yèè aim jìwà. Sèè e gɔ̀ɛ̀ɛ̀ taai maaŋ, mìŋ do nàŋ yèwè e fàaà dìì wɔŋ nyiiŋ gèe sùà.”

Maafiù 26:24

Miàim wo Jɔ̀àfèlàà Nyuùŋ Kpùnɔɔ̀ŋ do nàŋ fɔ̀ màànààŋ nɔŋ è yaà sìnga niŋ wɔŋ fɛ̀ì Dayàa sùà e nyaàiŋ eim dè. Kɛɛ diè e keì nyìnga do yɛi nàŋ nɔ̀ŋ wèè wo nyùnɔ̀ɔŋ do nàŋ mààŋ miàim wo Jɔ̀àfèlàà Nyuùŋ Kpùnɔɔ̀ŋ le! È hewa weè nàŋ nɔŋ tɛ̀ɛ̀ weèuŋ sèè wo nààŋ gouŋ wa weè komàŋ gbiŋ!”

Maafiù 27:35

Kpeiŋ àŋ nauŋ kpùùnyɛ̀ŋ wɔŋ vànèkpaaà diɛŋ wèè auŋ jìwà, yèè àŋ naŋ gòònò maŋ deèuŋ màŋ e fèemàŋ nyiŋ nɛ̀. Àŋ naŋ dàà ke kpɔlɔ wèè aŋ yɛmɛ̀ sèè mààŋ kɛ̀ ɓòò nàŋ do wa nàŋ kɔ̀ɔ̀ maŋ dèè kɔɔuŋ màŋ.

Luù 22:22

Miàim wo Jɔ̀àfèlàà Nyuùŋ Kpùnɔɔ̀ŋ do nàŋ fɔ̀ màànààŋ nɔŋ è yaà sìnga niŋ wɔŋ fɛ̀ì Dayàa sùà e nyaàiŋ eim dè lɛ. Kɛɛ diè e keì nyìnga do yɛi nàŋ nɔ̀ŋ wèè wo nyùnɔ̀ɔŋ do nàŋ mààŋ miàim wo Jɔ̀àfèlàà Nyuùŋ Kpùnɔɔ̀ŋ le!”

Luù 22:37

Esaɓù, tɔ̀ miŋ woòiŋ naàŋ kɛ̀ è yaà sìnga niŋ wɔŋ fɛ̀ì Dayàa sùà wààŋ, ‘Àŋ nauŋ wa nyààŋ wo nyuùŋ gò nɔ̀ŋ sàwà dìì’ Tɛɛ̀ àŋ naŋ wa sìngè e nyaàiŋ eim dè, è do nàŋ hɛɛnɛ̀ŋ e teenga kpuu sùà.”

Luù 23:33

Nààŋ àŋ naŋ wa hnè koɓɛ̀i àŋ nyaaŋ nyààŋ “Koɓɛ̀ maŋ Ɗì Kòkòi,” kuŋ àŋ naŋ wa jìwìyè wo Jisɛ̀ wɔŋ vànèkpaaà diɛŋ, e hààwè anyùùŋ wùà tìyèe nyàŋ. Wò guùŋ yàaùŋ wa wɔŋ kùàŋ jìka yèè wò guùŋ yàaùŋ wɔŋ kùàŋ gbɔnɔŋ maŋ je nyiŋ vànèkpaa màŋ diɛŋ.

Luù 24:20

Aŋ kànà sìèfèìŋ zòòlo nyàŋ yaà anyùùŋ gbèègbèè fuɔɔ̀ŋ nauŋ kìɛ̀ŋ koɓɛ̀ aŋ màmàŋkùmɛŋ wi nyàŋ yèè àŋ nauŋ nimilà e kìlà auŋ jìwìà wɔŋ vànèkpaaà diɛŋ.

Jɔ̀ɔŋ 19:18

Kuii àŋ naŋ wa jìwìè wo Jisɛ̀ wɔŋ vànèkpaaà diɛŋ. Ke ɗɔ̀ɔ̀ guùŋ yii, àŋ naŋ wa kpùùnyɛ̀ŋ aŋ nyùùŋ wùà tìyèe maŋ je nyiŋ vànèkpaa màŋ diɛŋ wo Jisɛ̀ kɔɔ. Wò guùŋ yàaùŋ wa wɔŋ kùàŋ jìka yèè wo bàa yàaùŋ wɔŋ kùàŋ gbɔnɔŋ.

Jɔ̀ɔŋ 19:24

Yèè aŋ kààlòòɗùà nyaŋ naŋ wòò nyiŋ bi e fèemàŋ nyààŋ, “Ɓɔ̀ è sɛ̀ɛ̀iŋ wuŋ. Dàà wììŋ ke kpɔlɔ wèè e yɛmɛ̀iŋ sèè mààŋ ɓòò nàŋ do wuŋ nàŋ kɔɔ̀.” Tɛɛ̀ naŋ wa kaaìŋ wèè e nyɛ̀nɛ̀ŋ e yèɛ wɔŋ fɛ̀ì Dayàa naŋ woò lɛ e hɛɛnɛ̀ŋ nààŋ è yaà sìnga niŋ lɛ kɛ̀, “Àŋ naŋ gòònò maŋ dèè kɔɔim màŋ e fèemàŋ nyiŋ nɛ̀ yèè àŋ naŋ dàà ke kpɔlɔ wèè wɔŋ dèèɔ mìŋ gbiɛŋ gbààì wɔŋ.” Yèè tɛɛ̀ aŋ kààlòòɗùà nyaŋ naŋ wa nyɛ̀nɛ̀ŋ.

Nyɛ̀nɛ̀ŋ 13:27

Anyùùŋ nyaŋ ko Jùlusɛ̀làm yèè anyuùŋ gbeegbèè nyiŋ nyàŋ naŋ wa gè maŋhɛɛ wèè aŋ nyìmàŋ kɛ̀ wò Jisɛ̀ nàŋ yaà wa wò yèɔ wo Dayà naŋ tàeɗùù wèè wo nɔ̀ŋ wo Nyuùŋ Jòèyeɔ̀ wèè anyùùŋ nyaŋ gbiŋ e ɗuunyaàŋ. Yèè aŋ gò wa nyìmàŋ màŋ miè gbìaŋ màŋ aŋ wɛ̀ijì nyaŋ naŋ wa sìngè maŋ, jòòpɛɛ àŋ kpɛ̀nɛ̀ŋ miìŋ wa e teenga gbiŋ ke Ɗɔ̀ɔ̀ Zòòlò aŋ Juùù nyaŋ diɛŋ. Yèè àŋ naŋ wa gììyè wo Jisɛ̀ maŋhɛɛ màànààŋ nɔŋ aŋ wɛ̀ijì nyaŋ naŋ wa woò lɛ. Àŋ naŋ wa nyɛ̀nɛ̀ŋ e yèɛ nɔŋ wɔŋ Fɛ̀ì Dayàa naŋ wa woò lɛ.

Nyɛ̀nɛ̀ŋ 15:18

Tɛɛ̀ mìŋ naŋ wa nyɛ̀nɛ̀ŋ anyunùim nyàŋ aŋ nyìmàŋ e teenga gɔuo sùà.’ ”

Nyɛ̀nɛ̀ŋ 2:36

“Weètii tɔ̀ anyùùŋ Ezɔ̀ɛ̀ nyaŋ gbiŋ nyìmàŋ tɛɛ̀ kɛ̀, wo Kanaà Jisɛ̀ wɛɛ̀ nìŋ naŋ yaà wa jìwìè wɔŋ vànèkpaaà diɛŋ wɔ̀, nàŋ yaà wo yèɔ wo Dayà naŋ nyɛ̀nɛ̀ŋ wo Kana titi yèè wo yèɔ wò naŋ tàeɗùù wɔ, wo Kulaìɔ, wèè wo joeyè e ɗuunyaàŋ!”

Nyɛ̀nɛ̀ŋ 3:18

Wo Dayà naŋ wa gbùùyè aŋ keela nyàŋ gbiŋ sùà e teenga gɔu kɛ̀ wo Keela tàeɗùùuŋ nɔɔ̀ŋ kuwa wa wo kà e mɔ̀ɔ̀nɛ̀ŋ dìì, yèè wo Dayà naŋ nyɛ̀nɛ̀ŋ è naŋ hɛɛnɛ̀ŋ wɔŋ dòmanyaaŋ wɛɛ̀ŋ.

Nyɛ̀nɛ̀ŋ 4:28

Àŋ naŋ wa deenè wèè aŋ nyɛ̀nɛ̀ŋ e yèɛ gbiŋ kɛ̀ muàŋ e yìwìà e gaàŋ mɔ̀ɛ̀ sùà mùŋ naŋ wa naàŋ ɗewè tɛ wèè e kaaìŋ lɛ.

Nyɛ̀nɛ̀ŋ 5:28

“È naiŋ naàà kɛ̀ ɓɔ̀ nìŋ kaà ànyùùŋ nyaŋ è dèè Kanaà Jisɛ̀ɛ diɛŋ. Yɛ̀mɛìŋ naàŋ e ɗeweɛ̀ nìŋ naŋ yɛi ɓààyè e kàaiŋ nɛ̀ koɓɛ̀ anyùùŋ nyaŋ gbiŋ ko Jùlusɛ̀làm, yèè nìŋ manaŋ naŋ woò kɛ̀ yàwi nauŋ jìwè.”

Nyɛ̀nɛ̀ŋ 5:30

Nìŋ naŋ wa jìwìè wo Jisɛ̀ wɔŋ vànèkpaa diɛŋ. Kɛɛ wo Dàyà aŋ nèwàènèwe wi nyàŋ nauŋ gè e fàaà dìì wɔŋ nyiiŋ gèeo sùà.

Nyɛ̀nɛ̀ŋ 7:52

Wo kèèlà Dayà bà gbiŋ wa hnàŋ wo yèɔ aŋ nèwàènɛweiŋ nyàŋ aŋ gò wa nimilà wɔ? Àŋ naŋ wa jìwè aŋ kèèlà Dayà nyaŋ naŋ wa wòò e kèè e hnàŋ wo Ɓɔ̀ìjɔ̀à Nɛɛmauŋ nɔɔ̀ŋ. Nìŋ nàuŋ maàŋ e kìlà nàuŋ jìwà.

Luùm 2:12

Anyùùŋ nyaŋ fè àŋ Juùù nyaŋ aŋ nyimààŋ màŋ Sàwà Dayà maŋ, kɛɛ àŋ do nàŋ kɔ̀ e keì nyìnga dìì wèè maŋ keì naanààŋ maŋ àŋ naŋ nyɛ̀nɛ̀ŋ maŋ. Aŋ Juùù nyaŋ nàŋ kuwa maŋ Sàwà maŋ, yèè wo Dayà do nàŋ tòòmò maŋ Sàwà maŋ wo nyiŋ hàà kiti diɛŋ wèè maŋ kèì jùumù nyiŋ màŋ àŋ nyɛnɛŋ maŋ.

Luùm 4:17

Wɔŋ fɛ̀ì Dayàa naŋ woò wààŋ, wo Dayà naŋ nyɛ̀nɛ̀ŋ wo Eɓulɔhɛɛ̀ŋ wo nèwàènèwe wèè anyuùŋ zimgbe maŋ fuɔŋ màŋ sùà. Wo Dayà naŋ wa jɔ̀ɔ̀ e ɗààhiì lɛɛ̀ koɓɛ̀ Eɓulɔhɛɛ̀iŋ esàɓù e hààweɛ̀ wò kuwa wo Dayà sùà lɛ, wo yèɔ naŋ gè anyuùŋ fàa nyàŋ dìì wo nyiŋ kìɛ̀ŋ wɔŋ nyiiŋ gèe, yèè wò naŋ bànè manɛ̀ŋ maŋ yè maŋ fè wa màŋ.

1Tɛsè 2:15

aŋ yè nyaŋ naŋ wa jìwè wo Kanaà Jisɛ̀ Kulaì yaà aŋ wɛ̀ijì nyaŋ, yèè àŋ naŋ wi mɔɔnɛ̀ŋ nyaŋ. Ke jii sùlia yaà wo Dayà weè nyiŋ! Àŋ fè anyùùŋ gbiŋ e keì nyìnga.

1Pììlɛ 1:2

Wo Dayà Dèda wiɔ̀ wa ɗewè gɔu wèè woiŋ tàeɗùù naŋ nɔ̀ŋ anyunùuŋ, yèè wo Jinàuŋ nɔɔ̀ŋ wòiŋ nyɛ̀nɛ̀ŋ naŋ nɔ̀ŋ anyùùŋ nɛɛmaŋ, wèè naŋ jɔ̀ɔ̀lɔ̀ wo Jisɛ̀ Kulaì dìì, yèè maŋ sɛnìuŋ màŋ nyɛ̀nɛ̀ŋ nàŋ zɛ̀nɛ̀ŋ. Tɔ̀ wo Dayà kiɛ̀iŋ e tɛ̀ɛ̀tɛ̀ɛ̀ yaà ke jii fàa dìa sùà.

1Pììlɛ 1:20

Wo Dayà nauŋ wa tàeɗùù paŋgàà wò naŋ tɔ̀ɔ̀tù e ɗuunyaàŋ bàne, yèè wò naŋ dàànè ebòuŋ maŋ ɗɔɔ dìàmaŋ mɛɛ̀ŋ sùà, esaɓùiŋ nɛ̀ sùà.

1Pììlɛ 2:8

Yèè wɔŋ fɛ̀ì Dayàa koɓɛ̀ bà naŋ ɓɛìŋ woò wààŋ, “Kɛɛ̀ nàŋ yaà ke dùòɛ do nàŋ nyɛ̀nɛ̀ŋ anyùùŋ aŋ duonò, ke dùòɛ do nyiŋ nàŋ nyɛ̀nɛ̀ŋ aŋ sɔ̀à lɛ.” Àŋ do nàŋ duonò esaɓù kɛ̀ aŋ gò hààwe kè mìèɛ, kiŋ zà nàŋ yaà wa e kèè jìì Dayàa e weè nyiŋ.

Juù 1:4

Anyuùŋ gò nyìmàŋ Dayà nyaŋ, aŋ bà nyiŋ àŋ kɔ̀ɛ̀ kùàŋ dìì àŋ wi sɛ̀ɛ̀ e tɛɛ ke gbùnu sùà e gòiŋ nyìmàŋ, aŋ yè nyaŋ yaà pɔ̀ɔ sùà ke miè gbìaàŋ nyaàiŋ dè e tɛ̀ɛ̀tɛ̀ɛ̀ Dayà wiɔ̀ nyaŋ, wèè kàìsa aŋ yɛmɛ̀ ke kàfaì wèè maŋ kpèè naanààŋ nyiŋ màŋ, aŋ yè nyaŋ naŋ gè wo Jisɛ̀ Kulaì wo kɛ̀ɛ̀nɛŋ yèè wo Kana wiɔ̀ kùàŋ dìì nyaŋ. E gɔuo sùà, wɔŋ fɛ̀ì Dayàa wa kpɛ̀ɛ̀yɛ̀ wòò e kèì e kitiɛ̀ wo Dayà naŋ nyiŋ hèè diɛŋ lɛ̀.

Maŋ kèì nyɛɛnɛŋ 13:8

Anyùùŋ nyaŋ gbiŋ e ɗuunyaàŋ douŋ nàŋ zoolò, eɓìèmàŋjɛ̀wɛ̀ aŋ yè nyaŋ maŋ deè nyiŋ màŋ yaà sìnga miŋ wɔŋ fɛ̀ì anyuùŋ gè nyiiŋ nyàŋ sùà paŋgàà e ɗuunyaàŋ naŋ wa nɔ̀ŋ bàne niŋ lɛ̀. Anyùùŋ bi àŋ yaà aŋ bà nyiŋ bà wèè wo Ɓaawaaà àŋ naŋ wa jìwè wɔ.