Nyɛ̀nɛ̀ŋ 2:21 - WƆŊ FƐ̀Ì EBÒ SÌÀŊ DAYÀA

²¹ Paŋgàà e teenga lii e hnàŋ, wo nyùnɔ̀ɔŋ gbiŋ nyaaŋ wa nàwèè e dèè wo Kanaà Dayà wèè e kpùùmaŋ wɔ̀ wò do nàŋ jòèyè.’ ”

Nyɛ̀nɛ̀ŋ 2:21 ပူးပေါင်းရင်းမြစ်များ

Maafiù 28:19

Weètii, kɔ̀àaìŋ koɓɛ̀ anyùùŋ nyaŋ gbiŋ e ɗuunyaàŋ niŋ nyɛ̀nɛ̀ŋ nyiŋ aŋ nɔ̀ŋ anyùùŋ màŋjɛ̀wɛ̀im. Gùaìŋ nyiŋ e dèè Dèdaà diɛŋ, wo Jɔ̀àfelaaà, yèè wo Jìnàŋ Nɛɛmaàŋ,

Nyɛ̀nɛ̀ŋ 2:20

E gɔɛɛ̀ do wa nàwèè nàŋ kùwò nyìwì, e kìlà wɔŋ wààa do wa nàwèè nàŋ wɛ̀nɛ̀ŋ gbɔ̀ùŋ mààŋ maŋ sɛ̀ìŋ, paŋgàà ke ɗɔ̀ɔ̀ tɛ̀mɛ̀ɛ̀ gbèè Kanaà Dayà wò naŋ jàà e ɓula yɛ̀ ke hnàŋ.

Nyɛ̀nɛ̀ŋ 22:16

Kiìŋ mùŋ yaà fulie? Yewà dìì muŋ nɔ̀ŋ gùaum wèè Dayà juuyà maŋ jùumùum màŋ hakɛ̀ e yìwìà e zòòlo mɔ̀ɛ̀ koɓɛ̀ e deèuŋ nɛ̀.’ ”

Nyɛ̀nɛ̀ŋ 9:11

Wo Kanaà nauŋ woò wààŋ, “Yewà dìì muŋ ka ko gbòò Juɗài ke dòmaŋ nyìlɛɛ̀ŋ diɛŋ, muŋ dawè wèè wo kenàŋ bà àŋ nyaaŋ wo Sɔɔ̀ e yìwìà ko Tasɔ̀. Mùŋ douŋ nàŋ mɛɛ̀ŋ wò yaà zoolo,

Nyɛ̀nɛ̀ŋ 9:15

Kɛɛ wo Kanaà naŋ wòò wo Ananaayà wààŋ, “Kɔ̀ào, esaɓù kɛ̀ kàuŋ tàeɗùù wèè wo koà ke mìè gbìàŋ Ebò Siaŋ mɛ̀ koɓɛ̀ anyùùŋ nyaŋ fè àŋ Juùù nyaŋ yaà aŋ kànà fuɔŋ nyàŋ e kpùlìà aŋ Juùù nyaŋ nyiŋ bi, aŋ jɔ̀à kòmàŋ Ezɔ̀ɛ̀ nyaŋ.

1 Kɔliìŋ 1:2

naŋ yaà sìngìè wɔŋ fɛi wɛɛ̀ŋ koɓɛ̀ ke gbòò anyuùŋ hààwe nyàŋ yaà ko Kɔliìŋ yɛ. Nyɛ̀iŋ nyàŋ gbiŋ wo Dayà naŋ nyààŋ wèè naŋ nɔ̀ŋ anyùùŋ nɛ̀ɛ̀màŋ Dayà nyaŋ, aŋ yè nyaŋ yaà aŋ bà nyiŋ bà Jisɛ̀ɛ Kulaì sùà nyaŋ, e kpùlìà anyuùŋ gbànaŋ nyàŋ koɓɛ̀ gbiŋ àŋ naŋ nɔ̀ŋ, aŋ yè nyaŋ humo wo Kana wiɔ̀ Jisɛ̀ Kulaì nyaŋ, wo Kànà yàwi nààŋ gbiɔ̀ŋ.

Hiɓu 4:16

Kɛ̀ɛ̀nɛŋ wiìŋ ke jii tùlia e kìlà e kaiŋ ko gbɛ̀ɛ̀ ke kpùà kanaà Dayà ko yèi è doiŋ nàŋ yɛ̀mɛ̀ e tɛ̀ɛ̀tɛ̀ɛ̀. Kuŋ wo Dayà do wi nàŋ tɔ̀ɔ̀ ke nyowo yèè wo wi kìɛ̀ŋ e kpùùmaàŋ è naiŋ kpɛɛ̀ŋ weè niŋ lɛ̀.