Nyɛ̀nɛ̀ŋ 2:20 - WƆŊ FƐ̀Ì EBÒ SÌÀŊ DAYÀA

²⁰ E gɔɛɛ̀ do wa nàwèè nàŋ kùwò nyìwì, e kìlà wɔŋ wààa do wa nàwèè nàŋ wɛ̀nɛ̀ŋ gbɔ̀ùŋ mààŋ maŋ sɛ̀ìŋ, paŋgàà ke ɗɔ̀ɔ̀ tɛ̀mɛ̀ɛ̀ gbèè Kanaà Dayà wò naŋ jàà e ɓula yɛ̀ ke hnàŋ.

Nyɛ̀nɛ̀ŋ 2:20 ပူးပေါင်းရင်းမြစ်များ

Maafiù 24:29

Wo Jisɛ̀ naŋ ɓɛìŋ woò wààŋ, “Kɛɛ maŋ ɗɔɔ miiŋ sùà, eɓìèmànjɛ̀wɛ̀ maŋ keì nyìnga miiŋ, e gɔɛɛ̀ do naŋ kùwò ke nyìwì yèè wɔŋ wààa naàŋ ɓɛìŋ dè. Maŋ ɗu màŋ do nàŋ sɔ̀ɔ̀ e yìwìà ke nyiliɛ̀, yèè manɛ̀ŋ gààŋ maŋ ko àìjɛnɛ̀ŋ do nàŋ mɛɛmɛ̀ɛ̀ŋ e yìwìà ko jɛ̀i miŋ niìŋ.

Maafiù 27:45

E gɔɛɛ hàì ɗìò tɛɛ, e dììɛ wɔŋ fuɔɔ̀ŋ gbiŋ naŋ wa kùwò nyìwì. Ke nyìwìɛ nao wa nɔ̀ŋ wèè e hààwà taai.

Luù 21:25

“E tɔ̀ɔ̀màŋsèì maŋ kèè mèè do nàŋ kààìŋ e gɔɛɛ̀, wɔŋ wààa, yèè maŋ ɗu màŋ. E jùù do nàŋ nyɛ̀nɛ̀ŋ anyuùŋ kpùuŋ nyàŋ gbiŋ e dììɛ diɛŋ sèè àŋ yɛmɛ̀ wɔŋ juwoɔ̀ wɔ̀ŋ nɔ̀ŋ ɓuluno ɓuluno e kìlà e bɔiŋ nɛ̀ jowo, yèè aŋ naàŋ nyìmè kɛ̀ kiìŋ àŋ do nàŋ nyɛ̀nɛ̀ŋ.

Nyɛ̀nɛ̀ŋ 2:19

Mìŋ do nàŋ tɔ̀ɔ̀ maŋ kèè mèè gbeegbèè ke nyiliɛ̀ e kìlà ka tɔ̀ɔ̀ maŋ tɔ̀ɔ̀màŋsèì maŋ keì e dììɛ diɛŋ e ɗuunyaàŋ. Nìŋ do nàŋ yɛ̀mɛ̀ maŋ sɛ̀ìŋ, e hmɔ̀ɔ̀ŋ, yèè ke komò gènaŋ.

Nyɛ̀nɛ̀ŋ 2:21

Paŋgàà e teenga lii e hnàŋ, wo nyùnɔ̀ɔŋ gbiŋ nyaaŋ wa nàwèè e dèè wo Kanaà Dayà wèè e kpùùmaŋ wɔ̀ wò do nàŋ jòèyè.’ ”

1 Kɔliìŋ 5:5

nìŋ kuwa naŋ gè wo felaaà wɛɛ̀ kùàŋ nauŋ fè wo Sɛ̀tanàaŋ. Wèè maŋ kèìŋ felaa wɛɛ̀ maŋ nɔ̀ŋ pɔ̀ɔ̀pɔɔ miŋ, kɛ̀ wɔŋ nyiiuŋ nɔɔ̀ŋ yɛ̀mɛ̀ e jòèye ke ɗɔɔɛ̀ wo Kanaà hnàŋ lɛ.

1Tɛsè 5:2

Nyɛ̀iŋ bi nàŋ nyìmàŋ kɛ̀ ke ɗɔ̀ɔ̀ e hnàŋ Kanaà Jisɛ̀ do nàŋ nɔ̀ŋ màànààŋ e ɗeweɛ̀ wo nyuùŋ wùa hnàŋ e fòòno sùà lɛ.

2Pììlɛ 3:10

Kɛɛ ke ɗɔ̀ɔ̀ Kanaà do nàŋ hnè mààŋ e ɗeweɛ̀ wo nyuùŋ wùa hnàŋ lɛ. Ke ɗɔɔ bi diɛŋ maŋ àìjɛnɛ̀ŋ maŋ do nàŋ jɔɔnɔ̀ŋ e giimè gbee sùà kpeiŋ manɛ̀ŋ sìàŋ sìàŋ àìjɛnɛ̀ŋ maŋ do nàŋ hèwè maŋ pɔɔpɔ̀ɔ̀, e kìlà e nɛ̀ŋ gbiŋ naŋ nɔ̀ŋ e dììɛ diɛŋ e jɔɔnɔ̀ŋ.

2Pììlɛ 3:7

Kɛɛ ke mìè gbòà guùŋ yii wo Dayà naŋ yɛi wa gbòò le, naŋ kìlìè maŋ àìjɛnɛ̀ŋ maŋ yèè e dìì lɛɛ̀ nàaŋ kùàŋ feìŋ wèè e hmɔ̀ɔ̀ŋ go miŋ nàŋ pɔɔpɔ̀ɔ̀, e jèèsùà ke ɗɔ̀ɔ̀ gbài kitiɛ̀ diɛŋ wo Dayà wo gbàì anyuùŋ gò nyìmàŋ Dayà nyaŋ e kìlà wo nyiŋ sìà e hmɔ̀ɔ̀ŋ wa nàwèè.

Maŋ kèì nyɛɛnɛŋ 16:8

Wo màikà dìà tiinàaŋ naŋ kɔ̀ yèè wo naŋ gɔ̀àì wɔŋ gɛ̀yiuŋ nɔɔ̀ŋ e gɔɛɛ diɛŋ, yèè e zùzù niŋ nɛ̀ naŋ tɔ̀ɔ̀tù sùàŋ anyùùŋ nyaŋ mààŋ e mhɔ̀ɔ̀ŋ.

Maŋ kèì nyɛɛnɛŋ 6:12

Mìŋ naŋ yɛ̀mɛ̀ wo Ɓaawaaà naŋ yìlè e fèè e nɛ̀ŋ yìlia dìà nɔɔnɔŋ dièguùŋ nɛ. Nààŋ mìŋ naŋ gè fɛ̀ɛ̀ dìì, mìŋ naŋ yɛ̀mɛ̀ e dììɛ naŋ kìlè, yèè e gɔɛɛ naŋ diiyè kpì mààŋ wɔŋ deè bilabìlà die, yèè wɔŋ wààa naŋ wɛ̀nɛ̀ŋ gbɔ̀ùŋ mààŋ maŋ sɛ̀ìŋ.