Nyɛ̀nɛ̀ŋ 2:17 - WƆŊ FƐ̀Ì EBÒ SÌÀŊ DAYÀA

¹⁷ Wo Dayà naŋ woò wààŋ, ‘Tɛɛ̀ mìŋ do nàŋ nyɛ̀nɛ̀ŋ maŋ ɗɔɔ dìàmaŋ màŋ sùà; mìŋ do nàŋ tùɔ̀ŋ wo Jinàŋ miɔ̀ŋ anyuùŋ kpùuŋ nyàŋ gbiŋ maŋjɛ̀wɛ. Aŋ jɔ̀àfelaaiŋ nyàŋ yaà aŋ jɔ̀à jɔùnùiŋ nyàŋ do nàŋ wòò anyùùŋ maŋ miè gbìaim màŋ. Aŋ kɔmɔŋjɔa bɔwɔiŋ nyàŋ do nàŋ gò gɔ̀à e jɛ̀ì, e kìlà anyuùŋ kàìŋ nyaŋ e tɛɛiŋ do nàŋ gò maŋ gɔa.

Nyɛ̀nɛ̀ŋ 2:17 ပူးပေါင်းရင်းမြစ်များ

Luù 3:6

Kpeiŋ anyùùŋ nyaŋ gbiŋ do nàŋ yɛ̀mɛ̀ e ɗeweɛ̀ wo Dayà joeyà anyùùŋ lɛ.’ ”

Jɔ̀ɔŋ 17:2

Mùŋ naim kìɛ̀ŋ e gààŋ anyuùŋ kpùuŋ nyàŋ gbiŋ diɛŋ, wèè ka kìɛ̀ŋ wɔŋ nyiiŋ gèe gò jùà koɓɛ̀ anyùùŋ nyaŋ gbiŋ mùŋ naim kiɛ̀ŋ nyaŋ.

Jɔ̀ɔŋ 7:39

Wo Jisɛ̀ yaà wa wòò e kèè wo Jìnàŋ Dayàa, wo yèɔ wò hewa nàŋ kìɛ̀ŋ koɓɛ̀ wo nyùnɔ̀ɔŋ gbiŋ nauŋ haawè wɔ. Wo Jìnàŋ wo Kanaà Dayà kòò wò nɔ̀ŋ wa kìɛuŋ kòɓɛ̀ wò nyùùŋ gbiŋ, nààŋ wo Jisɛ̀ kòò wò nɔ̀ŋ wa jòòwouŋ wèè wò Dayà wouŋ kìɛ̀ŋ è dɛ̀ɛ̀kɛ.

Nyɛ̀nɛ̀ŋ 10:45

È naŋ wa fòònò anyuùŋ hààwe nyàŋ aŋ Juùù nyaŋ sùà aŋ yè nyaŋ naŋ wa dè wo Pììlɛ maŋjɛ̀wɛ nyàŋ e yìwìà ko Jɔpà, esaɓù kɛ̀ wo Jìnàŋ Nɛɛmaàŋ naŋ wa nɔ̀ŋ kìɛuŋ koɓɛ̀ anyùùŋ nyaŋ fè àŋ Juùù nyaŋ, aŋ yè nyaŋ fè kpùà jàa nyiŋ nyàŋ.

Nyɛ̀nɛ̀ŋ 11:27

E teenga lii sùà aŋ wɛ̀ijì nyaŋ bà naŋ wa kɔ̀ ko Aŋtiɔ̀ e yìwìà ko Jùlusɛ̀làm.

Nyɛ̀nɛ̀ŋ 11:28

Wo bà guùŋ, e deèuŋ nɛ̀ nàŋ yaà wa wo Àgaɓɔ̀. E yìwìà e gààŋ Jinàaŋ sùà wo Àgaɓɔ̀ naŋ wa sie yèè wò naŋ woò kɛ̀ e jiè gbee do nàŋ sɔ̀ɔ̀ e ɗuunyaàŋ gbiŋ sùà ko dòmàŋfeìŋ. E jìè bi zà naŋ wa sɔ̀ɔ̀ e teengaà wo Kulɔdiɔ̀ yaà wa wo Kana wèè wɔŋ fùɔ̀ŋ anyùùŋ Luùm nyaŋ lɛ̀.

Nyɛ̀nɛ̀ŋ 2:16

Kɛɛ tɛɛ̀ wo Dayà naŋ wa wòò wo wɛ̀ijìɔ Joɛ̀ wèè wo woò,

Nyɛ̀nɛ̀ŋ 2:18

Hɛ̀ɛɛ̀ŋ, aŋ ɗo felaa yaà aŋ ɗo jɔùŋ nyaŋ kàìŋ nyaŋ pɛɛ diɛŋ, maŋ ɗɔɔ miiŋ sùà mìŋ do nyiŋ nàŋ kìɛ̀ŋ wo Jinàŋ miɔ̀ŋ, wèè aŋ woò maŋ miè gbìaŋ màŋ koɓɛ̀ anyùùŋ.

Nyɛ̀nɛ̀ŋ 2:33

Wò naŋ wa nɔ̀ŋ jòòwouŋ wèè wo jɛi wɔŋ kùàŋ jìkà Dayàa, wo Dèdauŋ nɔɔ̀ŋ, e kìlà wò nauŋ kìɛ̀ŋ wo Jìnàŋ Nɛɛmaàŋ, màànààŋ wò naŋ wa jɔ̀ɔ̀ ɗààhiì lɛ. Wo Kanaà Jisɛ̀ nàŋ yaà ɓɛìŋ wo nyùnɔ̀ɔŋ naŋ wi kìɛ̀ŋ wo Jinàaŋ, tiiŋ nàŋ yaà e yèɛ nìŋ yaà yɛɛmɛ yèè nìŋ yaà kumie è yààìŋ woo lɛ̀.

Nyɛ̀nɛ̀ŋ 21:9

Wo Felè kuwa wa aŋ jɔ̀àjɔ̀ùŋ tiinàŋ aŋ yè nyaŋ yaà wa aŋ jɔ̀ùŋ jɔ̀à bɛ̀ɛ̀, àŋ hewa gbòà ke mìè Dayàa koɓɛ̀ anyùùŋ.

Luùm 5:5

Ke jii tùlia yɛɛ̀ fè wi zuwò, esaɓù kɛ̀ wo Dayà gbìàŋ e mànauŋ nɛ̀ maŋ jii wi màŋ sùà, esàɓù wo Jìnàŋ Nɛɛmaàŋ wo yèɔ wò naŋ wi kiɛ̀ŋ wɔ.

1 Kɔliìŋ 12:10

Wo Jìnàŋ Dayàa kiɛ̀ŋ wo nyùnɔ̀ɔŋ bàuŋ e gààŋ wèè wo nyɛ̀nɛ̀ŋ maŋ tòmò gaàŋ gbeegbèè nyaàiŋ dè maŋ kèì mèè nyɛ̀nɛŋ. Koɓɛ̀ wo bà, wo fè e kìɛ̀ŋ ke mìè gbìàŋ Dayàa gbòa, yèè wo gbàuŋ, wò fè e gààŋ wèè wo nyìmàŋ e fèèmàŋ maŋ kìɛŋ màŋ folo wo Jìnàŋ Dayàa sìwè maŋ yaà maŋ yè màŋ fòuŋ fòlà sìwè maŋ. Wo nyùnɔ̀ɔŋ bà, wò kiɛ̀uŋ e gààŋ wèè wo gbòà maŋ kaìŋ joo sùà, e kìlà wo kìɛ̀ŋ wo bàuŋ e gààŋ wèè wo gɔ̀ì e keìɛ wo nyùnɔ̀ɔŋ naŋ woò lɛ sùà.

1 Kɔliìŋ 12:28

Wo Dayà naŋ tà anyùùŋ maŋ ɗùù, ke gbòò anyuùŋ hààwe nyàŋ sùà. Aŋ jiɛ̀jiɛ̀ nyaŋ, naŋ yaà aŋ keela tàeɗùù nyaŋ. Aŋ dìà tìyèei nyàŋ, aŋ wɛ̀ijì nyaŋ. Aŋ dìà taai nyàŋ, aŋ kààmɔɔŋ. Aŋ yè nyaŋ nyɛnɛŋ maŋ tòmò gaàŋ gbeegbèè nyaàiŋ dè maŋ kèì mèè nyɛ̀nɛŋ. Aŋ gbànaŋ nyàŋ nàŋ yaà, aŋ yè nyaŋ wò naŋ kìɛ̀ŋ e gààŋ wèè aŋ sùngà anyùùŋ, ɔ̀ɔ̀ aŋ kpùùmàŋ anyùùŋ ɔ̀ɔ̀ aŋ nyiŋ dè ke dòmaŋ siaŋ diɛŋ, ɔ̀ɔ̀ wèè aŋ gbùùyà maŋ kaìŋ joo sùà.

Hiɓu 1:2

kɛɛ maŋ ɗɔɔ dìàmaŋ mɛɛ̀ŋ sùà, wò naŋ gbòò ko nɛ̀ɛ̀ŋ wiì e yìwìà wo Jɔ̀àfelaauŋ nɔɔ̀ŋ sùà. E saɓùuŋ nɛ̀ sùà wo Dayà naŋ wa bànè ko àìjɛnɛ̀ŋ yaà e ɗuunyaàŋ. Wuŋ wo Dayà naŋ tàeɗùù wèè wo nɔ̀ŋ wo nyuùŋ kɛ̀ɛ̀nɛ̀ŋ manɛ̀ŋ maŋ gbiŋ e teengaà e ɗuunyaàŋ juo wa nàwèè lɛ.

Jìiiŋ 5:3

E gòoòɛ yaà e kaiŋfuaiŋ nɛ̀ è do nàŋ kùwò maŋ kààlo, yèè maŋ kààlo bi do nàŋ nɔ̀ŋ seì maiŋ jèè e keì yèè maŋ gbìlà maŋ kenìiŋ màŋ mààŋ e hmɔ̀ɔ̀ŋ. Maŋ ɗɔɔ dìàmaŋ mɛɛ̀ŋ sùà nàŋ gbònògbònò maŋ bàne zimgbe nàŋ miŋ bànè ko hàa.

2Pììlɛ 3:3

E jiɛ̀jiɛ̀ɛ nàŋ yaà, nìŋ kuwa naŋ nyìmàŋ kɛ̀ maŋ ɗɔɔ dìàmaaŋ màŋ sùà anyùùŋ bà do nàŋ hnè aŋ yè nyaŋ naàŋ gòngò è keì bà gbiŋ sɔɔ̀ e ɗèwe naanààaŋ nyiŋ bi kuwa lɛ̀. Àŋ doiŋ nàŋ hiilè