Nyɛ̀nɛ̀ŋ 2:10 - WƆŊ FƐ̀Ì EBÒ SÌÀŊ DAYÀA

¹⁰ wɔŋ fùɔ̀ŋ Fɛgìàa yaà wɔŋ fùɔ̀ŋ Pàŋfelìàa, wɔŋ fùɔ̀ŋ Ijèɔ yaà wɔŋ fùɔ̀ŋ Leɓìàa e gbɛ̀ɛ̀ ko Sàlinìŋ. Yàwi nààŋ bà nyiŋ è yààìŋ anyùùŋ ko Luùm,

Nyɛ̀nɛ̀ŋ 2:10 ပူးပေါင်းရင်းမြစ်များ

Maafiù 2:15

Kuŋ wò naŋ wa jeè e jèèsùà wo Hɛɛlɔ̀ fà. Tɛɛ̀ naŋ wa kaaìŋ wèè e nyɛ̀nɛ̀ŋ e yèɛ wo Kanaà naŋ wa wòò wo wɛ̀ijìuŋ lɛ e hɛɛnɛ̀ŋ, nààŋ wò naŋ wa woò wààŋ, “Mìŋ naŋ nyààŋ wo Jɔ̀àfelaa miɔ̀ŋ e yìwìà ko Ijè.”

Maafiù 23:15

“E keì nyìnga do nàŋ nɔ̀ŋ ko nɛ̀ɛ̀iŋ niìŋ nyɛ̀iŋ nààŋ kààmɔ̀ɔ̀ŋ maŋ Sàwà Dayà nyaŋ yèè nyɛ̀iŋ nààŋ Fɛlosiì nyaŋ. Nìŋ yaà nyùùŋ fɛ̀ɛ̀ ɗòònààkeì. Nìŋ kaaìŋ dìì naŋ nìàŋ wɔŋ juwoɔ̀ wèè naŋ kàmè anyùùŋ nyaŋ fè àŋ Juùù nyaŋ wò guùŋ wèè wo hààwè e yèɛ nìŋ kaà lɛ. Sèè nìŋ mɛɛ̀ŋ yèè nìŋ kile wo nyùùŋ bi koɓɛ̀ e hààweiŋ nɛ̀, nìŋ nyɛnɛŋ wo nyùùŋ wii wo nɔ̀ŋ e bànèbaneuŋ e sùà tìyèe wèè ko jàhamaŋ, màànààŋ nɔŋ nyɛ̀iŋ bi nìŋ doo nàŋ kɔ̀ lɛ.

Maafiù 27:32

Nààŋ àŋ yaà wa kɔɔyɛ, àŋ naŋ mɛ̀ɛ̀ŋ wo felaa bà àŋ nyaaŋ Saimɔ̀ŋ e yìwìà ko Sàlinìŋ, yèè aŋ kààlòòɗùà nyaŋ nauŋ kùwò wèè wo koà wɔŋ vànèkpàà Jisɛ̀ɔ.

Nyɛ̀nɛ̀ŋ 11:20

Aŋ Juùù gbòà Guliì mie nyaŋ bà nyiŋ e yìwìà ko Sapulɔ̀ yèè ko Sàlinìŋ naŋ wa kɔ̀ ko Aŋtiɔ̀ yèè àŋ naŋ tɔ̀ɔ̀tù Ebò Siaàŋ kìɛ̀ŋ nyaàiŋ dè wo Kanaà Jisɛ̀ koɓɛ̀ anyùùŋ nyaŋ fè àŋ Juùù nyaŋ.

Nyɛ̀nɛ̀ŋ 13:1

Ke gbòò anyuùŋ hààwe nyàŋ ko Aŋtiɔ̀ kuwa wa aŋ wɛ̀ijì yèè aŋ kààmɔɔŋ zimgbe. Nyiŋ nàŋ yaà wa wo Bànaŋɓà, wo Sìmiaŋ, wo yèɔ àŋ hewa ɓɛìŋ nyààŋ wo Nijà wɔ, wo Lùsiɔ̀ e yìwìà ko Sàlinìŋ, wo Manàŋ, wo dàwì mɔ̀ɔ̀nɔ̀ŋ Hɛɛlɔ̀ Aŋtipàa, yaà wo Sɔɔ̀.

Nyɛ̀nɛ̀ŋ 13:13

Wo Pɔɔ̀ yèè aŋ dàwiuŋ nyàŋ naŋ yèwè ko Pafɔ̀ yèè àŋ naŋ kɔ̀ ko Pɛgà ko jawa gbeeì wɔŋ fùɔ̀ŋ Pàŋfelìàa sùà. Yèè wo Jɔ̀ɔŋ Maì naŋ nyiŋ noo jòò yèè wò naŋ kɛ̀ɛ̀ maŋjɛ̀wɛ ko Jùlusɛ̀làm.

Nyɛ̀nɛ̀ŋ 13:43

Yèè nààŋ e dèèneɛ ko sààŋ zòòlò aŋ Juùù nyaŋ naŋ wa naàŋ ɓaa, aŋ Juùù nyuuŋ yèè anyùùŋ nyaŋ fè àŋ Juùù nyaŋ zimgbe nyiŋ naŋ wa kìlè koɓɛ̀ e zòòlò aŋ Juùù nyaŋ lɛ̀, naŋ wa dè wo Pɔɔ̀ yaà wo Bànaŋɓà maŋjɛ̀wɛ. Wo Pɔɔ̀ yaà wo Bànaŋɓà naŋ nyiŋ kìɛ̀ŋ jii nyingè wèè aŋ jeèè e hààwe sùà koɓɛ̀ Dayài esàɓù ke kpèè siaàŋ wo Dayà naŋ nyiŋ tɔɔ̀ lɛ.

Nyɛ̀nɛ̀ŋ 14:24

Wo Pɔɔ̀ yèè wo Bànaŋɓà naŋ kɔ̀ɛ̀ maŋ kpàlàùŋ kpàlàùŋ Pɛ̀siidìà maŋ sùà, yèè àŋ naŋ hnè ko Pàŋfelià.

Nyɛ̀nɛ̀ŋ 15:38

kɛɛ wo Pɔɔ̀ gò wa nyimèè, esaɓù kɛ̀ wo Mài gò nyiŋ wa jèè màŋjɛ̀wɛ wèè àŋ do kpɛ̀ɛ̀yɛ̀ è tòmo nyiŋ nɛ̀, kɛɛ wò naŋ wa fè jɛwɛ yèè wò naŋ nyiŋ jòò ko Pàŋfelià.

Nyɛ̀nɛ̀ŋ 16:6

Wo Pɔɔ̀ yèè aŋ dàwiuŋ nyàŋ naŋ kɔ̀ɛ̀ maŋ kpàlàùŋ kpàlàùŋ Fɛgìà maŋ yèè Gàlatìà maŋ sùà, nààŋ wo Jìnàŋ Nɛɛmaàŋ gò wa nyimèè wèè aŋ gbòà kè mìè Dayàa wɔ̀ŋ fùɔ̀ŋ Eesìàa sùà.

Nyɛ̀nɛ̀ŋ 17:21

Eɓìèmàŋjɛ̀wɛ̀ e keì ɗewe gbiŋ, aŋ jɔ̀à kùmìàŋ ko Atɛ̀ìŋ nyaŋ yèè aŋ nyùùnèènyɛiŋ nyàŋ joào nyàŋ manaŋ e keì jɛ̀ì kòmaŋ yèè aŋ wòò kii niŋ.

Nyɛ̀nɛ̀ŋ 18:2

Kuŋ wò naŋ wa mɛ̀ɛ̀ŋ wo Juùù nyuuŋ bà àŋ nyaaŋ wo Àkuilà, wo jɔ̀à kùmìàŋ ko Pɔuŋtɔ̀. Wo Àkuilà yèè wo jawèuŋ nɔɔ̀ŋ Pɛ̀silià naŋ nɔŋ hnè mùnèè tɛɛ nɛɛ̀ŋ e yìwìà ko Etelè, esaɓù kɛ̀ wo Kànà fuɔɔ̀ŋ wèè ko Luùm wo Kulɔdiɔ̀ naŋ woò wààŋ aŋ Juùù nyuuŋ nyàŋ gbiŋ aŋ yèwà ko Luùm. Wo Pɔɔ̀ naŋ wa kɔ̀ ko jààmè wo Àkuilà yèè wo Pɛ̀silià.

Nyɛ̀nɛ̀ŋ 18:23

Wò naŋ kuii nɔ̀ŋ wèè e teenga kpàa bà, yèè wò nao yèwè wo jààmè maŋ kpàlàùŋ kpàlàùŋ zimgbe wɔŋ fùɔ̀ŋ anyùùŋ Gàlatìà nyaŋ yaà wɔŋ fùɔ̀ŋ Fɛgìàa sùà. Wò naŋ wa kpùùmò anyuùŋ hààwe nyàŋ koɓɛ̀ bi wèè aŋ kɛɛnɛ̀ŋ gààŋ e hààwe nyiŋ nɛ̀ sùà.

Nyɛ̀nɛ̀ŋ 2:11

yàwi nààŋ bà nyiŋ è yààìŋ aŋ Juùù nyuuŋ, e kìlà yàwi nààŋ bà nyiŋ fèìŋ àŋ Juùù nyuuŋ kɛɛ è naiŋ nyimèè yèè è naiŋ kìlè koɓɛ̀ e zòòlò aŋ Juùù nyaŋ. E kìlà yàwi nààŋ bà nyiŋ è yààìŋ anyùùŋ nòò Kiliì, e kìlà yàwi nààŋ bà nyiŋ è yààìŋ aŋ Alà nyuuŋ, kɛɛ yàwi nààŋ gbiŋ yààìŋ kòmaŋ sùà anyùùŋ nyɛɛ̀ŋ àŋ yaà gbuuye maŋ kaìŋ wi maŋ sùà, aŋ yaà wòò e keì nyaàiŋ dè maŋ kèè mèè gbeegbèè maŋ wo Dayà naŋ nyɛ̀nɛ̀ŋ maŋ!”

Nyɛ̀nɛ̀ŋ 23:11

Wɔŋ dùùm wiiŋ wo Kanaà Jisɛ̀ naŋ fòlò wo Pɔɔ̀ fɛɛ̀feìŋ yèè wò nauŋ woò wààŋ, “Kɛ̀ɛ̀nɛɛ̀ŋ ke jii nyingè! Màŋ kìɛ̀ŋ ke mìè seì mɔɛ̀ŋ e nyaàiŋ eim dè ko Jùlusɛ̀làm, yèè kìɛ̀ŋ ɓɛìŋ ke mìè seì bi ko Luùm.”

Nyɛ̀nɛ̀ŋ 27:5

Kpeiŋ è naiŋ kɔ̀ e tèèngà ko Sèlesìà yèè ko Pàŋfelià e jèèsùà eiŋ hàì koɓɛ̀i maŋ meeè maŋ jaà lɛ ko Malà wɔŋ fùɔ̀ŋ Lasìàa.

Nyɛ̀nɛ̀ŋ 28:15

Anyuùŋ hààwe nyàŋ ko Luùm naŋ kòmò ebò wi yèè àŋ naŋ hnè e bòliɛ̀ sùà ko Apiɔ̀ yèè koɓɛ̀i àŋ nyaaŋ wa nyààŋ maŋ Sààŋ Nyùnèè Nyɛ̀ìŋ Taai màŋ wèè aŋ wi mɛɛ̀ŋ. Nààŋ wo Pɔɔ̀ naŋ nyiŋ wa yɛmɛ̀, wò naŋ wa gè wo Dayà esɛ̀ weè nyiŋ yèè è nauŋ kìɛ̀ŋ ke jii nyingè.

Nyɛ̀nɛ̀ŋ 6:5

Ke jii naŋ wa fɔ̀ ke gbòòɛ gbiŋ wèè e keìɛ aŋ keela nyàŋ naŋ wa woò lɛ. Anyùùŋ nyɛɛ̀ŋ àŋ naŋ wa tàeɗùù, wo Siiwììŋ, wo yèɔ kuwa wa e hààwè gbee e kìlà wo Jìnàŋ Nɛɛmaàŋ yàaùŋ wa sùà, yaà wo Felè, wo Pɔchɔlɔ̀, wo Ninkanɔ̀, wo Timɔ̀ŋ, wo Pamɛnà, yèè wo Nikolà, wo nyùùŋ e yìwìà ko Aŋtiɔ̀. Wo fè wa wò Juùù nyuuŋ, kɛɛ wò naŋ wa naàŋ kìlè koɓɛ̀ e zòòlò aŋ Juùù nyaŋ wèè zòòlo.

Nyɛ̀nɛ̀ŋ 6:9

Kɛɛ aŋ felaa bà, aŋ yè nyaŋ yaà wa aŋ bà nyiŋ bà ke sààŋ zòòlò aŋ Juùù nyaŋ dìì wèè Anyuùŋ fòlà ɗo dìì nyaŋ, gò wa jàà wò Siiwììŋ kùàŋ dìì. Aŋ Juùù nyɛɛ̀ŋ naŋ wa nɔ̀ŋ aŋ ɗo, kɛɛ àŋ naŋ wa naàŋ yɛ̀mɛ̀ e tɔ̀ɔ̀nyaàŋ nyiŋ nɛ̀. Aŋ Juùù nyɛɛ̀ŋ bà nyiŋ yaà wa anyùùŋ e yìwìà ko Sàlinìŋ, yaà aŋ Juùù nyuuŋ bà e yìwìà ko Àlèzandilà e hààwè maŋ kpàlàùŋ kpàlàùŋ fùɔ̀ŋ Sèlesìàa yèè ko Eesìà. Anyùùŋ nyɛɛ̀ŋ naŋ wa tɔ̀ɔ̀tù wo Siiwììŋ gììyà maŋhɛɛ.

Luùm 1:15

Mìŋ kuwa ka wòò Ebò Siaàŋ koɓɛ̀ anyùùŋ nyaŋ gbiŋ. Weètii mìŋ yaà bànèbaneim wèè ka jààmè nyɛ̀iŋ gbiŋ ko Luùm.

Luùm 1:7

Weètii mìŋ naŋ sìngè wɔŋ fɛi wɛɛ̀ŋ koɓɛ̀ nyɛ̀iŋ nààŋ nyùùŋ nɛɛmaŋ nyàŋ gbiŋ ko Luùm. Wo Dayà mànàìŋ e kìlà wòiŋ tàeɗùù wèè naŋ nɔ̀ŋ anyùùŋ wuŋ bi. Tɔ̀ wo Dayà Dèda wiɔ̀ yaà wo Kanaà Jisɛ̀ Kulaì kiɛ̀iŋ e tɛ̀ɛ̀tɛ̀ɛ̀ yèè ke jii fàa!

2Time 1:17

E teengaà wò naŋ wa hàì ko Luùm lɛ, wò naìm wa tɔ̀ɔ̀tù kàme e jèèsùà woim yɛmɛ̀.

Maŋ kèì nyɛɛnɛŋ 11:8

e kìlà àŋ do nàŋ jòò maŋ die nyiŋ màŋ maŋ tèetì màŋ diɛŋ, ko jawa gbee ko yèi àŋ naŋ wa jìwìyè wo Kana nyiŋ nɔɔ̀ŋ wɔŋ vànèkpaaà diɛŋ lɛ̀. E dèèɛ anyùùŋ nyaŋ naŋ wa nyìmè wèè ko jàwà nɛɛmaŋ wii lɛ̀ nàŋ yaà, ko Sɔdɔ̀ùŋ ɔ̀ɔ̀ ko Ijè.