Nyɛ̀nɛ̀ŋ 19:9 - WƆŊ FƐ̀Ì EBÒ SÌÀŊ DAYÀA

⁹ Kɛɛ aŋ bà nyiŋ naŋ wa nyìngè maŋ nùŋ yèè aŋ naŋ wa gè maŋhɛɛ wèè aŋ niŋ haawè. Àŋ hewa wòò maŋ keì naanààŋ anyùùŋ nyaŋ fɛɛ̀feìŋ e nyaàiŋ dè ke Dòmàŋ Kanaà Jisɛ̀. Wo Pɔɔ̀ naŋ nyiŋ wa jòò yèè wò naŋ ɓèmè anyùùŋ màŋjɛ̀wɛ̀ Jisɛ̀ nyaŋ yèè aŋ naŋ kɔ̀ ko zɛ̀mɛ̀ɛ̀ŋ gbèè Talanùi ko yèi wò hewa gbòà ko nɛ̀ɛ̀ŋ nyiŋ niìŋ ke ɗɔɔ gbiŋ lɛ̀. Ko zɛmɛɛŋ bì kuŋ wo Talanù hewa gbòà koɓɛ̀ anyunùuŋ nyàŋ.

Nyɛ̀nɛ̀ŋ 19:9 ပူးပေါင်းရင်းမြစ်များ

Maafiù 15:14

Ɓɔ̀ nìŋ gongò è kii nyiŋ! Àŋ yaà aŋ ɓɛ̀màŋɗì zììlè le fɛ̀ɛ̀ wèè anyuùŋ zììlè le fɛ̀ɛ̀ nyaŋ. Yèè sèè wo nyuùŋ zììlè le fɛ̀ɛ̀ wo sìè wo dàwiuŋ nɔɔ̀ŋ feìŋ wèè wouŋ koà, nyiŋ tìyèe àŋ do nàŋ sɛ̀ɛ̀ ko golo.”

Maafiù 16:4

Wèè kiìŋ anyùùŋ maŋ jùumù gò kɛ̀ɛ̀nɛ̀ŋ hààwe nyɛ̀nɛ̀ŋ hmɔŋtu nyɛɛ̀ŋ wɔŋ niìsìa wɛɛ̀ŋ sùà àŋ dawà wèè e tɔ̀ɔ̀mànsèì e kèè mèè? Kpele! E tɔ̀ɔ̀màŋsèì kèè mèèɛ nɔŋ mìŋ naiŋ ɓɛ̀nɛ̀ŋ kìɛŋ lɛ̀ nàŋ yaà e yèɛ naŋ wa kààìŋ wo Joonàŋ lɛ.” Yèè wo Jisɛ̀ naŋ nyiŋ jòò wò naŋ kɔ̀.

Maafiù 26:55

Wo Jisɛ̀ naŋ gbòò koɓɛ̀ anyùùŋ nyaŋ wààŋ, “Wèè kiìŋ nìŋ naŋ hìɛ̀ŋ maŋ kòyà ɗùà yèè maŋ kuù kpuu kpùù ko kuwieim, e teenè mààŋ mìŋ yaà wo nyuùŋ dàà ke kpùùnɛɛ̀? Maŋ ɗɔɔ màŋ gbiŋ mìŋ jaà wa ko kàà anyùùŋ nyaŋ ke mìè Dayàa ko Saaŋ Zòòlò Dayài, yèè niŋ gòim wa kùwà.

Jɔ̀ɔŋ 12:40

“Wo Dayà naŋ wa nyɛ̀nɛ̀ŋ le fɛ̀ɛ̀ anyùùŋ e ziilè, yèè wò naŋ nyɛ̀nɛ̀ŋ maŋ jii nyiŋ màŋ maŋ nɔ̀ŋ gbɔ̀mgbɔɔ. Wo Dayà naŋ wa tɛɛ̀ nyɛ̀nɛ̀ŋ wèè kɛ̀ anyùùŋ nyaŋ go wa nàŋ yɛ̀mɛ̀ dìì, ɔ̀ɔ̀ wèè kɛ̀ aŋ go wa nàŋ nyìmè e keì gbiŋ e fèemàŋ, yèè wo Dayà wààŋ wèè aŋ go wa nàŋ kìlè ko nɛ̀ɛ̀uŋ niìŋ, wèè wo nyiŋ jùùyà hakɛ̀.”

Nyɛ̀nɛ̀ŋ 11:26

Nààŋ wò naŋ wa mɛ̀ɛ̀ŋ wo Sɔɔ̀, wò nauŋ hìɛ̀ŋ ko Aŋtiɔ̀. Kuŋ nyiiŋ tìyèe yaà ke gbòò anyuùŋ hààwe nyàŋ hewa dèènè koɓɛ̀ guùŋ wèè wɔŋ dòà guùŋ kpalauŋ, yèè àŋ naŋ kàà ke gbòò anyuùŋ zimgbe. Kuii ko Aŋtiɔ̀, nàŋ yaà koɓɛ̀ jiɛ̀jiɛ̀i anyùùŋ naŋ wa nyààŋ anyuùŋ hààwe nyàŋ aŋ Kulusɛ̀ɛ̀ìŋ wèè e teenga jiɛ̀jiɛ̀ɛ.

Nyɛ̀nɛ̀ŋ 14:4

Kɛɛ anyùùŋ nyaŋ ko Ìkɔniɔ̀ŋ naŋ wa gòònò sùà. Aŋ bà nyiŋ naŋ wa dè aŋ Juùù nyaŋ maŋjɛ̀wɛ, yèè aŋ bà nyiŋ naŋ dè aŋ kèèlà Dayà nyaŋ maŋjɛ̀wɛ.

Nyɛ̀nɛ̀ŋ 17:4

Aŋ Juùù nyaŋ bà nyiŋ naŋ wa haawè yèè àŋ naŋ mààŋ wɔŋ fàà Pɔɔ̀ɔ yèè wo Silà. Eɓìèmàŋjɛ̀wɛ̀ nyiiŋ, anyuùŋ zimgbe aŋ Guliì nyuuŋ nyàŋ sùà yèè aŋ jɔùŋ ɓììɓìì nyaŋ zoolà Dayà nyaŋ naŋ mààŋ wɔŋ faà nyiŋ nɔɔ̀ŋ nyiŋ pɛɛ.

Nyɛ̀nɛ̀ŋ 19:23

E teenga bi sùà e gbɔ̀ɔ gbee naŋ wa sɔ̀ɔ̀ ko Ɛfesɔ̀ e nyaàiŋ dè ke Dòmàŋ Kanaà Jisɛ̀ɛ.

Nyɛ̀nɛ̀ŋ 19:30

Wo Pɔɔ̀ wuŋ bi manaŋ wa wo ka wo gbòà koɓɛ̀ anyùùŋ nyaŋ, kɛɛ anyuùŋ hààwe nyàŋ gòuŋ wa nyimèè wèè woo ka.

Nyɛ̀nɛ̀ŋ 20:31

Yɛ̀mɛìŋ nyɛ̀iŋ bi diɛŋ! Jàaìŋ jii kɛ̀ mìŋ naiŋ wa gbòò kɔɔ maŋ gɔɛɛ yèè e dùùm, mìŋ naŋ kɔ̀ e keì nyìnga dìì, yèè mìŋ naiŋ kaà wèè maŋ dòà taai.

Nyɛ̀nɛ̀ŋ 22:4

Mìŋ hewa nìmìlà anyùùŋ ebɛ̀ŋ e fàa diɛŋ koɓɛ̀ anyùùŋ nyaŋ gbiŋ hewa dè ke Dòmàŋ Kanaà diɛŋ nyàŋ. Mìŋ hewa kùwà jɔùŋ yèè felaa e kìlà ka nyiŋ gbìàŋ ko sààŋ nyìwì.

Nyɛ̀nɛ̀ŋ 24:21

E keìɛ nɔŋ àŋ naim gbùwà ɗì lɛ nàŋ yaà e yèɛ mìŋ naŋ woò ke miè gbee sùà nààŋ mìŋ sìà nyiìŋ ko fɛɛ̀feìŋ mìàŋ, ‘Mìŋ yaà nàaŋ kɔ̀ɔ̀yɛ̀ e gbài dìì esaɓù kɛ̀ mìŋ naŋ haawè kɛ̀ anyuùŋ fàa nyàŋ do nàŋ yèwè e fàaà dìì wɔŋ nyiiŋ gèeo sùà.’ ”

Nyɛ̀nɛ̀ŋ 28:22

Kɛɛ tɔ̀ e nyìmàŋ kɛ̀ kiìŋ nàŋ yaà e gòngo mɔ̀ɛ̀. Èiŋ nyìmàŋ kɛ̀ anyùùŋ maŋ tàta màŋ gbiŋ sùà yaà wòò e kèè ke gbòò yɛɛ̀ mùŋ sùà yaà lɛ naanààŋ.”

Nyɛ̀nɛ̀ŋ 7:51

Wo Siiwììŋ naŋ nyiŋ ɓɛìŋ woò wààŋ, “Kiìŋ è ɗì nyinge nìŋ kuwa yɛi le! Nìŋ yaà mààŋ anyùùŋ maŋ jii komaŋ gò jàà kpùa kpùɔ̀ŋ maŋ nùŋ, aŋ yè nyaŋ kòò àŋ kòmò wa kè mìè gbìàŋ Dayàa. Nìŋ yaà mààŋ aŋ nèwàènèweiŋ nyàŋ. Nyɛ̀iŋ pɛɛ nìŋ giiyà wo Jìnàŋ Nɛɛmaàŋ maŋhɛɛ e teenga gbiŋ!

Nyɛ̀nɛ̀ŋ 9:2

yèè wò nauŋ dawè wèè wo sìngà maŋ fɛi koɓɛ̀ aŋ sìèfèìŋ ke sààŋ zòòlò aŋ Juùù nyaŋ ko Dàmakɔ̀ wèè kɛ̀ sèè wò mɛɛ̀ŋ wo nyùùŋ gbiŋ, jɔùŋ yèè felaa wo yèɔ nɔ̀ŋ wo bàuŋbà e nyaàiŋ dè ke Dòmàŋ Kanaà Jisɛ̀ɛ diɛŋ wɔ, kɛ̀ wo dèkàuŋ wo kɛlɛ̀ɛ̀uŋ ko Jùlusɛ̀làm.

Luùm 11:7

Kiìŋ tɛɛ̀ naŋ tɔɔ̀? È naŋ tɔɔ̀ kɛ̀, anyùùŋ Ezɔ̀ɛ̀ nyaŋ gò wa mɛ̀ɛ̀ŋ è nɛ̀ɛŋ àŋ yaà wa kaame lɛ̀. Anyuùŋ kpàka nyàŋ wo Dayà naŋ wa tàeɗùù anyùùŋ Ezɔ̀ɛ̀ nyaŋ sùà nyaŋ, naŋ wa mɛ̀ɛ̀ŋ e nɛ̀ɛŋ aŋ gbiŋ yaà wa kaame lɛ̀. Aŋ gbànaŋ nyàŋ gbiŋ, wo Dayà naŋ wa nyiŋ nyɛ̀nɛ̀ŋ aŋ gò kòmàŋ è nyààneuŋ nɛ̀.

Luùm 9:18

Weètii wo Dayà tɔɔ̀ ke nyowo koɓɛ̀ wo nyùnɔ̀ɔŋ gbiŋ wò manaŋ wɔ̀, yèè sèè wò mɔnɔŋ wèè wo nyɛ̀nɛ̀ŋ ke jìì nyùùŋ gbiŋ ke nɔ̀ŋ gbɔ̀mgbɔ̀ɔ̀, wò nyɛ̀nɛ̀ŋ nìŋ.

1 Kɔliìŋ 16:9

Wɔŋ gbèmgbèè e tòmo gbee kià yilè, e yèɛ yaà tɛ̀ɛ̀ wèè ka nyɛ̀nɛ̀ŋ lɛ, jòòpɛɛ aŋ jooim nyàŋ naŋ gàŋ.

1Time 6:5

yèè maŋ nyaàŋ tàaŋ gò kɛ̀ɛ̀nɛ̀ŋ dìa e yìwìà anyuùŋ kùwìè maŋ jiikɛ̀ɛ gò tomo nyàŋ, yèè aŋ yè nyaŋ kuwà wa ɓɛìŋ è tɔ̀ɔ̀nyaàŋ lɛ̀. Àŋ gongà kɛ̀ e hààwe nyiŋ nɛ nàŋ yaà e ɗeweɛ̀ wèè aŋ banè.

2Time 1:15

Màŋ nyìmàŋ kɛ̀ anyùùŋ nyaŋ gbiŋ maŋ kpàlàùŋ kpàlàùŋ maŋ fùɔ̀ŋ Eesìà maŋ sùà àim gììyà kɛ̀ɛ, e kpùlìà wo Fegelù yaà Hɛmɔgììŋ.

2Time 3:5

Àŋ do nàŋ jàà e kèè Dayàa fɛ̀ɛ̀ sùà, kɛɛ aŋ gììyà e gaàŋ niŋ nɛ̀ maŋhɛɛ. Ɓɔ̀ mùŋ dè ànyùùŋ mààŋ nyiiŋ màŋjɛ̀wɛ.

2Time 4:2

wèè maŋ wòò ke miè gbìaàŋ. Jèèe nyiŋ woo sèè pɛɛ è naŋ nɔ̀ŋ e teenga kɛnɛɛ̀ ɔ̀ɔ̀ è go nɔ̀ŋ è teenga kɛnɛɛ̀ diɛŋ, wèè maŋ de anyùùŋ ke dòmàŋ diɛŋ, maŋ nyiŋ kìɛ̀ŋ mìè gòo, yèè maŋ nyiŋ kìɛ̀ŋ maŋ jii nyingè, nààŋ mùŋ kaà nyiìŋ maŋ jii tɔumtɔ̀ùm sùà lɛ.

Hiɓu 3:13

Kɛɛ è yaà tɛ̀ɛ̀ wèè naŋ kìɛ̀ŋ àŋ dàwiiŋ nyàŋ maŋ jii nyingè ke ɗɔɔ gbiŋ, nààŋ nɔŋ ke mìè Dayàa “Nàaŋ” wɔŋ fɛ̀ì Dayàa sùà naŋ woò lɛ. Wo nyùùŋ bà gbiŋ e tɛɛiŋ ɓɔ̀ wò nyɛ̀nɛ̀ŋ kè jiiuŋ nɛɛ̀ŋ kè do nyìngà esàɓù maŋ jùumù maŋ wò do nàŋ nyɛ̀nɛ̀ŋ maŋ.

2Pììlɛ 2:12

Aŋ kààmɔ̀ɔ̀ŋ tòa nyɛɛ̀ŋ yaà mààŋ aŋ yìlì ɓie gò kùwìè jiikɛ̀ɛ. Aŋ fè jàà keì jii. Àŋ kòmò nyiìŋ nɔ̀ŋ wèè anyuùŋ kpùuŋ aŋ nyiŋ jìwà. Àŋ fè maŋ mìè ɓɛ̀ɛ̀pɔ̀ɔ koɓɛ̀ e keì gbiŋ e yèɛ aŋ nyimààŋ keì bà wèè nyaàiŋ dè keì bi lɛ̀. Kɛɛ maŋ kpèè nàànààŋ nyiŋ bi màŋ do nyiŋ nàŋ jìwè.

2Pììlɛ 2:2

Anyuùŋ zimgbe do nàŋ dè maŋ kpèè naanààŋ nyiŋ màŋ maŋjɛ̀wɛ, e nɔ̀ŋ saɓù anyùùŋ kùùnò gbòà maŋ mìè ɓɛ̀ɛ̀pɔ̀ɔ nyaàiŋ dè ke dòmàŋ tɔ̀ɔ̀nyaàŋ.

Juù 1:10

Kɛɛ anyùùŋ nyɛɛ̀ŋ àŋ diɛ̀ŋ e nɛ̀ŋ gbiŋ e yèɛ fè nyiŋ dìkà jiikɛ̀ɛ lɛ̀, e kpùlìà manɛ̀ŋ maŋ àŋ kuwa jiikɛ̀ɛ weè miŋ màŋ, àŋ yaà mààŋ aŋ yìlì, yèè manɛ̀ŋ guùŋ miiŋ nàŋ jìwè nyiìŋ.