Nyɛ̀nɛ̀ŋ 19:8 - WƆŊ FƐ̀Ì EBÒ SÌÀŊ DAYÀA

⁸ Wo Pɔɔ̀ naŋ ɓèmè maŋ wàà taai wò yaà kɔ̀ɔ̀yɛ̀ ko sààŋ zòòlò aŋ Juùù nyaŋ ko gbùùyè anyùùŋ nyaŋ kɔɔ ke jii nyingè sùà e nyaàiŋ dè e Kànà Dayàa. Wò yaà wa kààmè e ɗewe wèè wo kìlà nyiŋ koɓɛ̀ Dayài.

Nyɛ̀nɛ̀ŋ 19:8 ပူးပေါင်းရင်းမြစ်များ

Nyɛ̀nɛ̀ŋ 1:3

Wèè maŋ ɗɔɔ kpɛ̀ùŋ tìyèe sùà e yìwìà e teengaà wo Kanaà Jisɛ̀ naŋ wa fɔ̀ lɛ, wò naŋ nyiŋ fòlò feìŋ e teenga zimgbe maŋ dòmanyaaŋ titi bà sùà, maŋ yè maŋ naŋ nyiŋ tɔɔ̀ jaŋyai e hààwe sùà kɛ̀ kòò wò yaà wɔŋ nyiiŋ gèeɔ̀ sùà. Àŋ nauŋ yɛmɛ̀, yèè wò naŋ nyiŋ gbòò kɔɔ e nyaàiŋ dè e kèè e Kànà Dayàa.

Nyɛ̀nɛ̀ŋ 13:14

Àŋ naŋ yèwè ko Pɛgà yèè àŋ naŋ kɔ̀ ko Aŋtiɔ̀ wɔŋ fùɔ̀ŋ Pɛ̀siidìàa sùà. Kpeiŋ ke Ɗɔ̀ɔ̀ Zòòlò aŋ Juùù nyaŋ diɛŋ àŋ naŋ kɔ̀ ko sààŋ zòòlò aŋ Juùù nyaŋ yèè àŋ naŋ jɛi.

Nyɛ̀nɛ̀ŋ 13:46

Kɛɛ wo Pɔɔ̀ yaà wo Bànaŋɓà naŋ ngèè ɓɛìŋ gbòò maŋ jii nyingè sùà nyààŋ, “È yaà weè tɛ̀ɛ̀ wèè eiŋ gbòà ke mìè Dayàa ko nɛ̀ɛ̀iŋ niìŋ jiɛ̀. Kɛɛ nààŋ niŋ gò nyiŋ jàà kùàŋ dìì yèè niŋ gò ɓèmè nyɛ̀iŋ bi wèè naŋ nɔ̀ŋ anyuùŋ kɛnɛ wèè wɔŋ nyiiŋ gèe gò jùà lɛ̀, è yààìŋ jòà sùà eiŋ kìlà koɓɛ̀ anyùùŋ nyaŋ fè àŋ Juùù nyaŋ.

Nyɛ̀nɛ̀ŋ 14:1

Wo Pɔɔ̀ yèè wo Bànaŋɓà naŋ gbòò koɓɛ̀ aŋ Juùù nyaŋ yèè anyùùŋ nyaŋ fè àŋ Juùù nyaŋ ko sààŋ zòòlò aŋ Juùù nyaŋ ko Ìkɔniɔ̀ŋ, màànààŋ nɔŋ àŋ naŋ wa nyɛ̀nɛ̀ŋ ko Aŋtiɔ̀ lɛ, yèè aŋ Juùù nyaŋ yaà aŋ yè nyaŋ fè àŋ Juùù nyaŋ zimgbe nyiŋ naŋ kɛ̀ɛ̀nɛ̀ŋ hààwe wo Kanaà Jisɛ̀ sùà.

Nyɛ̀nɛ̀ŋ 17:17

Wò naŋ wa kɔ̀ ko sààŋ zòòlò aŋ Juùù nyaŋ wèè wo gbòà ke mìè Dayàa koɓɛ̀ wo nyùùŋ nyaŋ nààŋ fè àŋ Juùù nyaŋ yèè aŋ Juùù nyaŋ yè nyaŋ yaà nyiŋ zoolà koɓɛ̀ guùŋ nyaŋ. Ke ɗɔɔ gbiŋ wò hewa gbòà koɓɛ̀ anyuùŋ mààŋ dòmaŋ nyàŋ kɔɔ aŋ yè nyaŋ wò mɛɛ̀ŋ wa e bòliɛ̀ sùà nyaŋ.

Nyɛ̀nɛ̀ŋ 18:19

Nyiŋ taai àŋ naŋ hàì ko Ɛfesɔ̀, kuŋ wo Pɔɔ̀ naŋ wa jòò wo Pɛ̀silià yèè wo Àkuilà. Kpeiŋ wò naŋ kɔ̀ ko sààŋ zòòlò aŋ Juùù nyaŋ wèè wo gbòà koɓɛ̀ anyùùŋ nyaŋ.

Nyɛ̀nɛ̀ŋ 18:26

Wo Àpolò naŋ tɔ̀ɔ̀tù gbòa janyai ko sààŋ zòòlò aŋ Juùù nyaŋ. Kɛɛ nààŋ wo Pɛ̀silià yèè wo Àkuilà nauŋ kumiè, àŋ nauŋ ɓemè auŋ kòà ko gboo nyiŋ noo yèè àŋ nauŋ kaà wèè wo nyìmàŋ e làngì Dayàa tɛ̀ɛ̀.

Nyɛ̀nɛ̀ŋ 18:4

Wo Pɔɔ̀ hewa gbòà koɓɛ̀ aŋ Juùù nyaŋ yèè anyùùŋ nyaŋ fè àŋ Juùù nyaŋ ko sààŋ zòòlò aŋ Juùù nyaŋ maŋ Ɗɔ̀ɔ̀ Zòòlò aŋ Juùù nyaŋ diɛŋ wèè aŋ kɛɛnɛ̀ŋ e hààwe wo Kanaà Jisɛ̀ sùà.

Nyɛ̀nɛ̀ŋ 19:10

Wo Pɔɔ̀ naŋ wa kɔ̀ɔ̀ ke nyɛ̀nɛŋ yɛɛ̀ feìŋ wèè maŋ dòà tìyèe, e jèèsùà aŋ Juùù nyaŋ gbiŋ yèè anyùùŋ nyaŋ fè àŋ Juùù nyaŋ maŋ kpàlàùŋ kpàlàùŋ Eesìà maŋ sùà aŋ kòmàŋ ke mìè gbìàŋ wo Kanaà Dayà.

Nyɛ̀nɛ̀ŋ 19:7

Aŋ gbiŋ àŋ yaà wa aŋ kpàkòò zììyà jɛ̀wɛ̀ tìyèe.

Nyɛ̀nɛ̀ŋ 19:9

Kɛɛ aŋ bà nyiŋ naŋ wa nyìngè maŋ nùŋ yèè aŋ naŋ wa gè maŋhɛɛ wèè aŋ niŋ haawè. Àŋ hewa wòò maŋ keì naanààŋ anyùùŋ nyaŋ fɛɛ̀feìŋ e nyaàiŋ dè ke Dòmàŋ Kanaà Jisɛ̀. Wo Pɔɔ̀ naŋ nyiŋ wa jòò yèè wò naŋ ɓèmè anyùùŋ màŋjɛ̀wɛ̀ Jisɛ̀ nyaŋ yèè aŋ naŋ kɔ̀ ko zɛ̀mɛ̀ɛ̀ŋ gbèè Talanùi ko yèi wò hewa gbòà ko nɛ̀ɛ̀ŋ nyiŋ niìŋ ke ɗɔɔ gbiŋ lɛ̀. Ko zɛmɛɛŋ bì kuŋ wo Talanù hewa gbòà koɓɛ̀ anyunùuŋ nyàŋ.

Nyɛ̀nɛ̀ŋ 20:31

Yɛ̀mɛìŋ nyɛ̀iŋ bi diɛŋ! Jàaìŋ jii kɛ̀ mìŋ naiŋ wa gbòò kɔɔ maŋ gɔɛɛ yèè e dùùm, mìŋ naŋ kɔ̀ e keì nyìnga dìì, yèè mìŋ naiŋ kaà wèè maŋ dòà taai.

Nyɛ̀nɛ̀ŋ 28:23

Nààŋ àŋ naŋ tɔ̀ɔ̀ e teenga wèè aŋ mɛ̀ɛ̀ŋ wo Pɔɔ̀, aŋ zimgbe nyiŋ naŋ wa hnè ko gbooì wò joà lɛ ke ɗɔɔ yii. Wo Pɔɔ̀ naŋ gbòò ko nɛ̀ɛ̀ŋ nyiŋ niìŋ e nyaàiŋ dè e Kànà Dayàa e yìwìà maŋ nyiìŋ tɛ̀tɛ̀ e jèèsùà e gɔɛɛ hàì ko ɗìò tɛɛ. Wò naŋ gbòò ko nɛ̀ɛ̀ŋ nyiŋ niìŋ e yìwìà maŋ Sàwà maŋ wo Dayà naŋ wa kìɛ̀ŋ wo Mòòze màŋ yèè maŋ keì wòo màŋ e yìwìà maŋ fɛ̀ì aŋ Wɛ̀ijì nyaŋ sùà wèè wo kamè ɗewe aŋ kɛɛnɛ̀ŋ e hààwe wo Jisɛ̀ sùà.

Juù 1:3

Nyɛiŋ nààŋ dàwi mànaim nyàŋ, tɔɔɓaa mìŋ yaà wa zoolo sɛmɛ e wànàŋ gbee sùà wèè ka sìngà ko nɛ̀ɛ̀iŋ niìŋ e nyaàiŋ dè e jòèyè nɛɛmaàŋ è naiŋ gòònò e fèemàŋ lɛ. Kɛɛ sɔɔ̀ ka sìngà kaiŋ dawè wèè naŋ dè e hààwe bi gòlò jɛwɛ e yèɛ wo Dayà naŋ kìɛ̀ŋ anyunùuŋ nyàŋ yèè e bà gbiŋ gò jòò jɛ̀wɛ̀ lɛ.