Nyɛ̀nɛ̀ŋ 19:35 - WƆŊ FƐ̀Ì EBÒ SÌÀŊ DAYÀA

³⁵ Ko diemeì, wo nyuùŋ sìngà maŋ fɛ̀ì jawaà naŋ nyɛ̀nɛ̀ŋ anyùùŋ nyaŋ naŋ hɔ̀ànè kpàaŋ, yèè wò naŋ nyiŋ woò wààŋ, “Nyùnòò Ɛfesɔ̀ nyaŋ, anyùùŋ nyaŋ gbiŋ àŋ nyìmàŋ kɛ̀ ko jawa gbeeì Ɛfesɔ̀ nàŋ yaà nyuùŋ tùnìàŋ wo dayà gbeeɔ̀ Atɛmè, yaà ke duò titiɛ̀ naŋ wa fòlò ko àìjɛnɛ̀ŋ kè naŋ sɔ̀ɔ̀ yɛ.

Nyɛ̀nɛ̀ŋ 19:35 ပူးပေါင်းရင်းမြစ်များ

Jɔ̀ɔŋ 9:31

Kà nyìmàŋ kɛ̀ wo Dayà fè kùmìàŋ ànyùùŋ màŋ jùumù. Wò kumiàŋ anyùùŋ nyaŋ kiɛ̀uŋ ɓɛ̀ɛ̀jàa e kìlà àŋ nyɛnɛŋ e yèɛ wò manaŋ àŋ nyɛ̀nɛ̀ŋ lɛ.

Nyɛ̀nɛ̀ŋ 18:19

Nyiŋ taai àŋ naŋ hàì ko Ɛfesɔ̀, kuŋ wo Pɔɔ̀ naŋ wa jòò wo Pɛ̀silià yèè wo Àkuilà. Kpeiŋ wò naŋ kɔ̀ ko sààŋ zòòlò aŋ Juùù nyaŋ wèè wo gbòà koɓɛ̀ anyùùŋ nyaŋ.

Nyɛ̀nɛ̀ŋ 19:26

Yèè nàŋ niŋ naàŋ yɛmɛ̀ yèè nàŋ niŋ kòmàŋ nyɛ̀iŋ bi tɛ̀ɛ̀ e nyaàiŋ dè e yèɛ wo felaa wɛɛ̀, wo Pɔɔ̀ yaà woo koɓɛ̀ anyuùŋ zimgbe lɛ̀. Yèè wo fè nɔŋ wòò è keì lɛɛ̀ kò Ɛfesɔ̀ kuŋ guùŋ, kɛɛ ebɛ̀ŋ maŋ tàta màŋ gbiŋ sùà ko Eesìà. Wò naŋ nyɛ̀nɛ̀ŋ anyùùŋ nyaŋ aŋ nyìmàŋ kɛ̀ aŋ dayà nyaŋ anyuùŋ kpùuŋ baanàŋ le sìwè nyaŋ aŋ fè àŋ dayà kɛnɛ.

Nyɛ̀nɛ̀ŋ 19:34

Kɛɛ nààŋ àŋ nauŋ wa jàà jii kɛ̀ wò yaà wo Juùù nyuuŋ, aŋ gbiŋ naŋ kpààŋ sɛiŋ nyààŋ, “Wo dayà gbeeɔ̀ nàŋ yaà wo Atɛmè, wo dayàa wèè anyùùŋ Ɛfesɔ̀ nyaŋ!”

Nyɛ̀nɛ̀ŋ 19:36

Wo nyùùŋ gbiŋ fè tɛɛ̀ ɓɛ̀nɛ̀ŋ gè màŋhɛɛ. Weètii, gɔ̀aìŋ maŋ jiiŋ màŋ dìì yèè ɓɔ̀ nìŋ nyɛ̀nɛ̀ŋ è kèè ɓàaɓàa gbiŋ.

Ɛfesɔ̀ 2:12

E teenga lii sùà niŋ nyimààŋ wa è kèè Jisɛ̀ Kulaìɛ. Nìŋ yaà wa anyùùŋ fuɔŋ joo koɓɛ̀ anyùùŋ Ezɔ̀ɛ̀ nyaŋ wo Dayà naŋ tàeɗùù nyaŋ, yèè niŋ fè wa àŋ bàiŋbà kòɓɛ̀ è mìèsùàguùŋ nɛ è yèɛ wò Dayà naŋ wa ɓèmè è ɗààhiì kòɓɛ̀ ànyunùuŋ nyàŋ lɛ. Nìŋ yaà wa e ɗuunyaŋ lɛɛ̀, kɛɛ niŋ kuwà wa kò tùlìè jii bà gbiŋ, yèè niŋ gò wa gbɛ̀ɛ̀ Dayà kɔɔ tòloò pɛɛ.

1Time 4:2

Anyuùŋ jàà fɛ̀ɛ̀ keì tòa nyàŋ nàŋ ɓaayà maŋ kàa mààŋ mɛɛ̀ŋ, aŋ yè nyaŋ maŋ gòngo nyiŋ màŋ naŋ fɔ̀ nyaŋ, mààŋ koɓɛ̀i ke kaì bìya sùɔŋ nyiìŋ yɛi le.