Nyɛ̀nɛ̀ŋ 19:3 - WƆŊ FƐ̀Ì EBÒ SÌÀŊ DAYÀA

³ Yèè wo Pɔɔ̀ naŋ nyiŋ dawè wààŋ, “Kɛ̀ dièsɔa nìŋ naŋ wa nɔ̀ŋ gùaiŋ?” Àŋ nauŋ fasàì nyààŋ, “E gùo kiiɛ̀ wo Jɔ̀ɔŋ naŋ wi kaà lɛ.”

Nyɛ̀nɛ̀ŋ 19:3 ပူးပေါင်းရင်းမြစ်များ

Maafiù 28:19

Weètii, kɔ̀àaìŋ koɓɛ̀ anyùùŋ nyaŋ gbiŋ e ɗuunyaàŋ niŋ nyɛ̀nɛ̀ŋ nyiŋ aŋ nɔ̀ŋ anyùùŋ màŋjɛ̀wɛ̀im. Gùaìŋ nyiŋ e dèè Dèdaà diɛŋ, wo Jɔ̀àfelaaà, yèè wo Jìnàŋ Nɛɛmaàŋ,

Luù 7:29

Nààŋ anyùùŋ nyaŋ gbiŋ naŋ wa kùmìè e yèɛ wo Jisɛ̀ naŋ woò lɛ, e kpùlìà anyuùŋ kùwà nɛ̀ɛ̀nɛ̀ŋ fuɔɔ̀ŋ pɛɛ aŋ yè nyaŋ anyuùŋ zimgbe naŋ wa nììngè fɛ̀ɛ̀ nyaŋ, naŋ nyimèè wèè aŋ jɔ̀ɔ̀lɔ̀ ke dòmàŋ tɔ̀ɔ̀nyààŋ Dayàa dìì, nààŋ àŋ naŋ wa nyimèè wèè wo Jɔ̀ɔŋ wo nyiŋ gùà.

Nyɛ̀nɛ̀ŋ 18:25

Wò naŋ wa gbeè yèè wò naŋ nyìmè e zimgbe niŋ e nyaàiŋ dè ke Dòmàŋ Kanaà, yèè wò naŋ wa gbòò e nyɛ̀ìnyɛ̀ìŋ gbee e yìwìà wo jinàaŋ sùà yèè wò naŋ kàà e tɔ̀ɔ̀nyaàŋ e nyaàiŋ dè wo Jisɛ̀. E ɗewe gbio sùà, wò naŋ wa nɔŋ nyìmè e kèè e ɗeweɛ̀ wo Jɔ̀ɔŋ guo nyùùŋ lɛ.

Nyɛ̀nɛ̀ŋ 8:16

Kɛɛ wèè paŋ tii kaaìŋ wa, wo Jìnàŋ Nɛɛmaàŋ kòò wò dèyè wa weè ànyùùŋ nyɛɛ̀ŋ bà gbiŋ diɛŋ. Àŋ naŋ wa nɔŋ nɔ̀ŋ gùa nyiŋ e dèè Kanaà Jisɛ̀ɛ sùà.

1 Kɔliìŋ 12:13

Yɛi nɔŋ, yàwi nààŋ gbiŋ è yààìŋ, èiŋ nɔ̀ŋ aŋ Juùù, ɔ̀ɔ̀ ànyùùŋ nyaŋ fè àŋ Juùù nyaŋ, èiŋ nɔ̀ŋ àŋ ɗo ɔ̀ɔ̀ e fèìŋ àŋ ɗo, wo Jinàŋ guùŋ wɛɛ̀, wò wi gùà e kìlà wò wi gbìàŋ ke kpùnàŋ guùŋ yɛɛ̀ sùà. Yàwi nààŋ gbiŋ è tìèìŋ e yìwìà wo Jìnàŋ guùŋ wɛɛ̀ sìwè.

Hiɓu 6:2

Ɓɔ̀ è kaàiŋ nɔŋ è ɗèwè ànyuùŋ gùa, yaà è làngì anyuùŋ gbùwà màŋ kùàŋ wèè eiŋ nyiŋ zòòlò diɛŋ. E kìlà, ɓɔ̀ è kaàiŋ ɓɛìŋ nɔŋ è kèè è tɔ̀ɔ̀nyaàaŋ kɛ̀, anyùùŋ nyaŋ do nàŋ yèwè e fàaà dìì wɔŋ nyiiŋ gèeo sùà. E kàa wilɛ̀ ɓɔ̀ è nɔ̀ŋ ɓɛìŋ nɔŋ wèè è ɗeweɛ̀ wo Dayà do nàŋ gbàì anyùùŋ lɛ, yèè e ɗeweɛ̀ e kitiuŋ nɛ̀ doo nàŋ jeè e kìlà wo nìmìlà anyùùŋ wèè julɔfɔ lɛ̀.