Nyɛ̀nɛ̀ŋ 19:29 - WƆŊ FƐ̀Ì EBÒ SÌÀŊ DAYÀA

²⁹ E teenga kpuu sùà anyùùŋ nyaŋ gbiŋ ko jawaì naŋ wa dàà ke gboà gbee. Yèè anyùùŋ nyaŋ bà nyiŋ naŋ kùwò wo Gayɔ̀ yaà wo Àlètakɔ̀, yèè aŋ naŋ nyiŋ kɔ̀ɔ̀ zɛ̀mɛ̀ɛ̀ŋ dèèneì. Aŋ fèlàà tìyèe bi naŋ wa dè wo Pɔɔ̀ maŋjɛ̀wɛ e yìwìà ko Mɛ̀sèdonià. Kpeiŋ anyùùŋ nyaŋ gbiŋ e faaàŋ sùà naŋ dùɔ̀ŋ aŋ kà koɓɛ̀i àŋ yaà wa kɛ̀ɛ̀nɛ̀ŋ sùà e dèènè jawaà lɛ.

Nyɛ̀nɛ̀ŋ 19:29 ပူးပေါင်းရင်းမြစ်များ

Nyɛ̀nɛ̀ŋ 13:5

Nààŋ àŋ naŋ wa hài ko Salamì, àŋ naŋ tɔ̀ɔ̀tù ke mìè Dayàa gbòa ke sààŋ zòòlò aŋ Juùù nyaŋ dìì. Kuii wo Jɔ̀ɔŋ Mài naŋ wa nɔ̀ŋ wo ɓɔìjɔ̀à kpùùmaŋ nyiŋ ke nyɛ̀nɛŋ bi sùà.

Nyɛ̀nɛ̀ŋ 16:12

E yìwìà kuii è naiŋ kɔ̀ ko Fèlepì, e jawa gbee ke tiìŋ jiɛ̀jiɛ̀ɛ sùà ko Mɛ̀sèdonià. Ko Fèlepì yaà wa ko jawa gbee ko yèi anyùùŋ e yìwìà wɔŋ fùɔ̀ŋ anyùùŋ Luùm nyaŋ naŋ wa nyɛ̀lɛ̀ lɛ. È naiŋ wa nɔ̀ŋ ko Fèlepì wèè maŋ ɗɔɔ kpàa bà.

Nyɛ̀nɛ̀ŋ 16:9

Wɔŋ dùùm wiiŋ, wo Pɔɔ̀ naŋ gò e gɔa, wò naŋ yɛ̀mɛ̀ wo felaa bà e yìwìà ko Mɛ̀sèdonià wò siao wò yàaùŋ pɔɔwɔ wààŋ, “Hnaàŋ ko Mɛ̀sèdonià muŋ kpuumàŋ wi.”

Nyɛ̀nɛ̀ŋ 17:8

Nààŋ anyùùŋ nyaŋ yèè anyuùŋ gbeegbèè nyaŋ ko jawa gbeeì naŋ tɛɛ̀ kòmò, àŋ naŋ wa tuù e mààŋ nyààŋ.

Nyɛ̀nɛ̀ŋ 19:21

Nààŋ maŋ keì mɛɛ̀ŋ gbiŋ naŋ wa kaàiŋ, wo Pɔɔ̀ naŋ wa ɗewè wo jinàuŋ nɔɔ̀ŋ sùà wèè wo jaamè anyùùŋ nyaŋ ko Mɛ̀sèdonià yèè ko Àkaayà nààŋ wò yaà wa kɔ̀ɔ̀yɛ̀ ko Jùlusɛ̀làm. Wo Pɔɔ̀ naŋ wa woò wààŋ, “Sèè mìŋ yewe kuii mìŋ do nàŋ kɔ̀ ko Luùm.”

Nyɛ̀nɛ̀ŋ 19:22

Kpeiŋ wò naŋ tùɔ̀ŋ anyuùŋ tòmo dàwiuŋ nyàŋ àŋ tìyèe, wo Timetè yaà wo Ɛ̀lesitɔ̀ ko Mɛ̀sèdonià. Kɛɛ wuŋ bi naŋ wa jòò ko Eesìà wèè e teenga kpàa bà.

Nyɛ̀nɛ̀ŋ 19:32

Anyùùŋ nyaŋ bà nyiŋ e dèèneɛ̀ sùà yaà wa wòò e keì joo, yèè aŋ bà nyiŋ naŋ woò è gbà màànààŋ àŋ manaŋ lɛ̀. Maŋ jii naŋ wa dììyè anyùùŋ nyaŋ gbiŋ, yèè aŋ zimgbe nyiŋ nyimààŋ wa kɛ̀ wèè kiìŋ àŋ naŋ wa deenè.

Nyɛ̀nɛ̀ŋ 20:34

Nyɛ̀iŋ bi nàŋ nyìmàŋ kɛ̀ mìŋ naŋ tomo nyìnga wèè ka nyɛ̀nɛ̀ŋ wɔŋ nyiiŋ gèe miɔ̀ŋ yàwi nààŋ dàwim nyàŋ.

Nyɛ̀nɛ̀ŋ 20:4

Nààŋ wo Pɔɔ̀ yaà wa kɛ̀ɛ̀ sùà maŋjɛ̀wɛ, anyùùŋ bà nauŋ wa dè maŋjɛ̀wɛ tèènè mààŋ wo Sopatɔ̀, wo jɔ̀àfèlàà Palɔ̀ɔ e yìwìà ko Bɛ̀lià, wo Àlètakɔ̀ yèè wo Sekɔuŋɗù e yìwìà ko Tɛsèlonikà. Wo Gayɔ̀ e yìwìà ko Dɛɓì, wo Timetè, yèè aŋ fèlàà tìyèe e yìwìà ko Eesìà, wo Tachikɔ̀ yèè wo Tofimù.

Nyɛ̀nɛ̀ŋ 21:30

E gbɔ̀ɔ gbee naŋ wa sɔ̀ɔ̀ ko jawa gbeeì, e kìlà anyùùŋ naŋ hnè àŋ yaà duunyɛŋ e yìwìà maŋ tàta màŋ gbiŋ sùà ko jawaì. Àŋ naŋ kùwò wo Pɔɔ̀ auŋ gɔ̀ɛ̀ɛ̀ dìì auŋ gè ko Saaŋ Zòòlò Dayài, ko fɛɛ̀feìŋ àŋ naŋ yìlè maŋ gbemgbee màŋ gbiŋ ko Saaŋ Zòòlò Dayài.

Nyɛ̀nɛ̀ŋ 21:38

Muàŋ nàŋ fè wò nyùùŋ Ijèɔ wò yèɔ naŋ wa dàà kè gboà gbeeɛ̀ yèè mùŋ naŋ kɔ̀ɔ̀ anyuùŋ jìwà nyùùŋ tààsùùŋ tiinàŋ (4,000) kè fòùngà e diì wòaà sùà?”

Nyɛ̀nɛ̀ŋ 27:2

È naiŋ wa sɛ̀ɛ̀ wɔŋ meeè sùà e yìwìà ko Àɗàmatiɔ̀ŋ. Wɔŋ meeèɔ yaà wa kɔ̀ɔ̀yɛ̀ ko Eesìà. Wo Àlètakɔ̀ e yìwìà ko Tɛsèlonikà, wo felaa bà e yìwìà ko Mɛ̀sèdonià, naŋ wa sɛ̀ɛ̀ wɔŋ meeèɔ sùà wuŋ pɛɛ yèè yàwi nààŋ gbiŋ naiŋ kɔ̀.

Luùm 16:23

Wo Gayɔ̀, wo yèɔ naim jàà kùàŋ dìì wèè ka nɔ̀ŋ ko gboouŋ noo wɔ̀, ko yèi ke gbòò anyuùŋ hààwe nyàŋ deenàŋ wèè zòòlo lɛ̀, naiŋ tùɔ̀ŋ zùùmo. Aŋ wùìya wi nyàŋ tèènè mààŋ wo Ɛlesitù, wo nyùnɔ̀ɔŋ banàŋ e nɛɛnɛɛ̀ŋ hàa wèè ko jawa gbeeì wɔ, yèè wo Kɔatù, nyiŋ pɛɛ naiŋ tùɔ̀ŋ zùùmo.

1 Kɔliìŋ 1:14

Mìŋ naŋ gè wo Dayà ɓaikà wèè miŋ gò gùà nyɛ̀iŋ nyɛɛ̀ŋ bà gbiŋ sɔɔ̀ wo Kulesipɔ̀ yaà wo Gayɔ̀.

1 Kɔliìŋ 4:9

È yaà guùŋ ko nɛ̀ɛ̀ŋ miìŋ mààŋ yàwi nààŋ keela tàeɗùù nyaŋ, wo Dayà naŋ sèèlè ko sìè ɓɛ̀ɛ̀pɔ̀ɔ mààŋ anyùùŋ wo Dayà naŋ kìlìè e kìtì fàa diɛŋ wèè e ɗùùnyàŋ aŋ màikà nyaŋ, yaà anyuùŋ kpùuŋ nyàŋ aŋ wi yɛmɛ̀.

2 Kɔliìŋ 8:19

Yèè eɓìèmàŋjɛ̀wɛ̀ tii, maŋ gbòò anyuùŋ hààwe nyàŋ àuŋ tàeɗùù yèè àuŋ ɓemè wèè wo nɔ̀ŋ wo nyuùŋ tòmoɔ̀ bà maŋjɛ̀wɛ wi ko nyìnìè e tòmò e mànaŋ lɛɛ̀ wèè esàɓù e jòòwò Kanaà sùà, yèè wèè eiŋ tɔɔ̀ kɛ̀ è manaŋ wèè eiŋ kpuumàŋ.

Kòlo 4:10

Wo Àlètakɔ̀, wo yèɔ yàwi wuŋ yaà ko sààŋ nyìwìi wɔ̀, naiŋ tùɔ̀ŋ zùùmo. Wo Mài wuŋ pɛɛ, wo wùìyà Bànaŋɓàa, naiŋ tùɔ̀ŋ zùùmo. Yèè èiŋ woò tɛ wìàà, sèè wo Mài haì ko nɛ̀ɛ̀iŋ niìŋ nauŋ ɓeeè.

Felemɔ̀ŋ - PHM 1:24

Yèè anyuùŋ gbànaŋ nyɛɛ̀ŋ tèènè mààŋ wo Mài, wo Àlètakɔ̀, wo Dimà, yèè wo Luù, anyuùŋ tòmo dàwiim nyàŋ, naiŋ tùɔ̀ŋ e zùùmo nyiìŋ pɛɛ.

3Jɔ̀ɔŋ 1:1

E yìwià koɓɛ̀ wo màmàŋkùmɛɔ̀ŋ, wo sìèfèìŋ anyuùŋ hààwe nyàŋ. E kà koɓɛ̀ wo dàwi miɔ̀ŋ Gayɔ̀i, wo yeɔ̀ mìŋ naŋ kaì mɔ̀nɔ̀ŋ e tɔ̀ɔ̀nyaàŋ sùà wɔ.