Nyɛ̀nɛ̀ŋ 19:27 - WƆŊ FƐ̀Ì EBÒ SÌÀŊ DAYÀA

²⁷ Anyùùŋ nyaŋ gbiŋ do nàŋ tɔ̀ɔ̀tù maŋ keì naanààŋ wòo e nyaàiŋ dè e tòmo wilɛ̀. Anyùùŋ nyaŋ do nàŋ hɔ̀ànè e ɓɛ̀ɛ̀jàa kìɛŋ koɓɛ̀ ke saaŋ zòòlò dàyà Atɛmèɔ, wo yèɔ àŋ zoolà ko Eesìà yaà e ɗuunyaàŋ gbiŋ sùà wɔ. Anyùùŋ nyaŋ do nàŋ fè wo dayà gbee wiɔ̀ jɛwɛ!”

Nyɛ̀nɛ̀ŋ 19:27 ပူးပေါင်းရင်းမြစ်များ

Maafiù 23:13

“E keì nyìnga do nàŋ nɔ̀ŋ ko nɛ̀ɛ̀iŋ niìŋ nyɛ̀iŋ nààŋ kààmɔ̀ɔ̀ŋ maŋ Sàwà Dayà nyaŋ, yèè nyɛ̀iŋ nààŋ Fɛlosiì nyaŋ. Nìŋ yaà anyùùŋ fɛ̀ɛ̀ ɗòònààkeì. Nìŋ naŋ sìè wɔŋ gbèmgbèè e Kànà àìjɛnɛ̀ɛŋ e kpòò anyùùŋ ko feìŋ, kɛɛ nyɛ̀iŋ bi niŋ fè jɔ̀à, e kìlà nìŋ keewà anyùùŋ kùàŋ feìŋ wèè aŋ goonàŋ jɔ̀ nyiŋ pɛɛ. [

Maafiù 24:14

Eɓìèmàŋjɛ̀wɛ̀ tii, Ebò Siaàŋ e nyaàiŋ dè e Kànà Dayàa, do wa nàwèè nàŋ nɔ̀ŋ ɓààye niŋ koɓɛ̀ anyùùŋ nyaŋ gbiŋ e ɗuunyaàŋ, wèè kɛ̀ maŋ ziì maŋ gbiŋ maŋ fuɔŋ màŋ sùà aŋ niŋ kòmàŋ e kìlà aŋ kiɛ̀ŋ ke mìè seì, kpeiŋ kɛ̀ ɗuunyaàŋ hàì ko dìa.”

Nyɛ̀nɛ̀ŋ 19:10

Wo Pɔɔ̀ naŋ wa kɔ̀ɔ̀ ke nyɛ̀nɛŋ yɛɛ̀ feìŋ wèè maŋ dòà tìyèe, e jèèsùà aŋ Juùù nyaŋ gbiŋ yèè anyùùŋ nyaŋ fè àŋ Juùù nyaŋ maŋ kpàlàùŋ kpàlàùŋ Eesìà maŋ sùà aŋ kòmàŋ ke mìè gbìàŋ wo Kanaà Dayà.

Nyɛ̀nɛ̀ŋ 19:21

Nààŋ maŋ keì mɛɛ̀ŋ gbiŋ naŋ wa kaàiŋ, wo Pɔɔ̀ naŋ wa ɗewè wo jinàuŋ nɔɔ̀ŋ sùà wèè wo jaamè anyùùŋ nyaŋ ko Mɛ̀sèdonià yèè ko Àkaayà nààŋ wò yaà wa kɔ̀ɔ̀yɛ̀ ko Jùlusɛ̀làm. Wo Pɔɔ̀ naŋ wa woò wààŋ, “Sèè mìŋ yewe kuii mìŋ do nàŋ kɔ̀ ko Luùm.”

1Time 6:5

yèè maŋ nyaàŋ tàaŋ gò kɛ̀ɛ̀nɛ̀ŋ dìa e yìwìà anyuùŋ kùwìè maŋ jiikɛ̀ɛ gò tomo nyàŋ, yèè aŋ yè nyaŋ kuwà wa ɓɛìŋ è tɔ̀ɔ̀nyaàŋ lɛ̀. Àŋ gongà kɛ̀ e hààwe nyiŋ nɛ nàŋ yaà e ɗeweɛ̀ wèè aŋ banè.

1Jɔ̀ɔŋ 5:19

Èiŋ nyìmàŋ kɛ̀ wo Dayà nàŋ kànàŋ wì, jòòpɛɛ e ɗuunyaàŋ gbiŋ è yaà e gààŋ wo Nyuùŋ kɛ̀ɛ̀nɛ̀ŋ ke Kpèè naanààaŋ sìwè.

Maŋ kèì nyɛɛnɛŋ 13:3

È yaà mààŋ e ɗì wo yilì kùùnoɔ̀ bà guùŋ naŋ wa nɛɛmùŋ e sɔ̀ngɔ̀ wo weè fà, kɛɛ è wa naàŋ jòèyà. È naŋ wa fòònò anyùùŋ nyaŋ gbiŋ e dììɛ diɛŋ e ɗuunyaàŋ wèè aŋ yɛ̀mɛ̀ wo yilì kùùno gbee mààŋ wɛɛ̀ he yaà wa weè nàŋ fɔ̀ wɔ wò yaà gììyè nyiiŋ, yèè àŋ nauŋ dè maŋjɛ̀wɛ.

Maŋ kèì nyɛɛnɛŋ 13:8

Anyùùŋ nyaŋ gbiŋ e ɗuunyaàŋ douŋ nàŋ zoolò, eɓìèmàŋjɛ̀wɛ̀ aŋ yè nyaŋ maŋ deè nyiŋ màŋ yaà sìnga miŋ wɔŋ fɛ̀ì anyuùŋ gè nyiiŋ nyàŋ sùà paŋgàà e ɗuunyaàŋ naŋ wa nɔ̀ŋ bàne niŋ lɛ̀. Anyùùŋ bi àŋ yaà aŋ bà nyiŋ bà wèè wo Ɓaawaaà àŋ naŋ wa jìwè wɔ.

Maŋ kèì nyɛɛnɛŋ 14:9

Nààŋ aŋ màìkà tìyèe jiɛ̀jiɛ̀ nyaŋ naŋ kɔ̀, wo màikà dìà taaiɔ̀ naŋ fòlò fɛɛ̀feìŋ ko fùùiŋ wò naŋ kpààŋ sɛiŋ yèè wò naŋ woò wààŋ, “Anyùùŋ nyaŋ gbiŋ naŋ zòòlò wo yilì kùùnoɔ̀ yèè wo dayà joouŋ nɔɔ̀ŋ, e kìlà àŋ naŋ nyiŋ hèè e fee maŋ ɗìfeìŋ ɔ̀ɔ̀ maŋ kùàŋ jìka nyàŋ,