Nyɛ̀nɛ̀ŋ 19:26 - WƆŊ FƐ̀Ì EBÒ SÌÀŊ DAYÀA

²⁶ Yèè nàŋ niŋ naàŋ yɛmɛ̀ yèè nàŋ niŋ kòmàŋ nyɛ̀iŋ bi tɛ̀ɛ̀ e nyaàiŋ dè e yèɛ wo felaa wɛɛ̀, wo Pɔɔ̀ yaà woo koɓɛ̀ anyuùŋ zimgbe lɛ̀. Yèè wo fè nɔŋ wòò è keì lɛɛ̀ kò Ɛfesɔ̀ kuŋ guùŋ, kɛɛ ebɛ̀ŋ maŋ tàta màŋ gbiŋ sùà ko Eesìà. Wò naŋ nyɛ̀nɛ̀ŋ anyùùŋ nyaŋ aŋ nyìmàŋ kɛ̀ aŋ dayà nyaŋ anyuùŋ kpùuŋ baanàŋ le sìwè nyaŋ aŋ fè àŋ dayà kɛnɛ.

Nyɛ̀nɛ̀ŋ 19:26 ပူးပေါင်းရင်းမြစ်များ

Nyɛ̀nɛ̀ŋ 14:15

“Wèè kiɛ̀ŋ nìŋ yaà tɛɛ̀ nyinie? È yààìŋ anyuùŋ kpùuŋ mààŋ nyɛ̀iŋ bi. È yààìŋ kià wèè eiŋ dàànè Ebò Siaàŋ, wèè naŋ gè manɛ̀ŋ foofòò mɛɛ̀ŋ kùàŋ sùà naŋ kìlà koɓɛ̀ wo Dàyà nyiiŋ gèeɔ̀, wuŋ naŋ bànè ko àìjɛnɛ̀ŋ, e dììɛ e ɗuunyaàŋ yaà wɔŋ juwoɔ̀, e hààwè manɛ̀ŋ maŋ gbiŋ yaà miìŋ ko sùà maŋ.

Nyɛ̀nɛ̀ŋ 17:29

Nààŋ è yààìŋ aŋ jɔ̀à Dayà lɛ, ɓɔ̀ è gongòiŋ kɛ̀ è nɔ̀ŋ kiiuŋ nɛ̀ è yaà e nɛ̀ŋ gbiŋ mààŋ wo dayà jooɔ̀ wo yèɔ àŋ naŋ bàànè è gòoò, ɔ̀ɔ̀ è kaiŋfua ɔ̀ɔ̀ kè dùò wɔ. Wo fè mààŋ è nɛ̀ŋ gbiŋ è yèɛ wò nyuùŋkpùuŋ naŋ gongò kɛ̀ è kuwa e nɔ̀ŋ yèè wò naŋ banè lɛ.

Nyɛ̀nɛ̀ŋ 18:19

Nyiŋ taai àŋ naŋ hàì ko Ɛfesɔ̀, kuŋ wo Pɔɔ̀ naŋ wa jòò wo Pɛ̀silià yèè wo Àkuilà. Kpeiŋ wò naŋ kɔ̀ ko sààŋ zòòlò aŋ Juùù nyaŋ wèè wo gbòà koɓɛ̀ anyùùŋ nyaŋ.

Nyɛ̀nɛ̀ŋ 19:1

E teengaà wo Àpolò yaà wa ko Kɔliìŋ lɛ, wo Pɔɔ̀ naŋ kɔ̀ɛ̀ maŋ kpàlàùŋ kpàlàùŋ Eesìà maŋ sùà yèè wò naŋ hnè ko Ɛfesɔ̀. Kuŋ wò naŋ wa mɛ̀ɛ̀ŋ anyùùŋ màŋjɛ̀wɛ̀ Jisɛ̀ nyaŋ bà.

Nyɛ̀nɛ̀ŋ 19:10

Wo Pɔɔ̀ naŋ wa kɔ̀ɔ̀ ke nyɛ̀nɛŋ yɛɛ̀ feìŋ wèè maŋ dòà tìyèe, e jèèsùà aŋ Juùù nyaŋ gbiŋ yèè anyùùŋ nyaŋ fè àŋ Juùù nyaŋ maŋ kpàlàùŋ kpàlàùŋ Eesìà maŋ sùà aŋ kòmàŋ ke mìè gbìàŋ wo Kanaà Dayà.

Nyɛ̀nɛ̀ŋ 19:25

Wo Dìmɛtù naŋ wa nyààŋ anyùùŋ nyaŋ gbiŋ yaà nyiŋ hewa nyɛ̀nɛ̀ŋ e tòmò guùŋ nɛ nyàŋ koɓɛ̀ guùŋ, yèè wò naŋ nyiŋ woò wààŋ, “Dàwim nyàŋ, nàŋ nyìmàŋ kɛ̀ e yìwìà e tòmo lɛɛ̀ sùà è nyinìàŋ wɔŋ nyiiŋ gèe siaŋ wiɔ̀.

1 Kɔliìŋ 12:2

Nàŋ nyìmàŋ kɛ̀ e teengaà pɛɛ nìŋ yaà wa anyùùŋ nyaŋ fè àŋ Juùù nyaŋ, àŋ naiŋ wa kɔ̀ɔ̀ maŋ dòmaŋ nyaaŋ zimgbe ko zòòlò aŋ dayà joo gò gè nyiiŋ.

1 Kɔliìŋ 8:4

Wèètii, e kèè e nɛ̀ŋjè sààà aŋ dayà joo nyɛɛ̀ŋ jèe, èiŋ nyìmàŋ kɛ̀ wo dayà joo wò yaà e nɛ̀ŋ gò gè nyiiŋ. È naiŋ nyìmè kɛ̀ wo Dàyà guùŋ kpò nɔŋ nàŋ yaà.

Gàla 4:8

E teenga gɔu sùà niŋ nyimààŋ wa wo Dayà, nìŋ yaà wa aŋ ɗo wèè aŋ yè nyaŋ fè àŋ dayà kɛnɛ nyàŋ.

1Tɛsè 1:9

Anyùùŋ nyiiŋ gbiŋ woà e kèè e ɗeweɛ̀ nìŋ naŋ wi jàà kùàŋ dìì e teengaà è naiŋ jaamè lɛ, yèè e ɗeweɛ̀ nìŋ naŋ gè kùàŋ kèè aŋ dayà joo zòòlo sùà wèè naŋ tomo wèè wo Dàyà tɔ̀ɔ̀nyaàaŋ wo yèɔ yaà wɔŋ nyiiŋ gèeɔ̀ sùà wɔ,

Maŋ kèì nyɛɛnɛŋ 9:20

Anyuùŋ ziì gbànaŋ nyàŋ gbiŋ, aŋ yè nyaŋ maŋ keì nyìnga mɛɛ̀ŋ gò wa jìwà nyaŋ, aŋ gò wa kìlà koɓɛ̀ Dayài wèè aŋ dàngè àŋ dayà joo zòòlo nyàŋ nyiŋ bi naŋ wa banè nyaŋ. Àŋ hewa zòòlò aŋ jinàŋ naanààŋ, aŋ dayà joo bàànè gòoò, e kaiŋ fua, maŋ kàì, le dùò, yèè maŋ kùù, maŋ yè maŋ fè kòmàŋ màŋkàìŋ, maŋ fè yɛ̀mɛ̀ dìì ɔ̀ɔ̀ maŋ kaaìŋ.