Nyɛ̀nɛ̀ŋ 19:24 - WƆŊ FƐ̀Ì EBÒ SÌÀŊ DAYÀA

²⁴ Wo felaa bà yaào wa àŋ nyaaŋ wo Dìmɛtù. Wò yaà wa wo zòòbuu wèè manɛ̀ŋ bàànè e kaiŋfua. Wuŋ nàŋ hewa bànè ke saaŋ zòòlò dàyà Atɛmèɔ. Anyùùŋ nyaŋ toomàuŋ wa dìì nyaŋ hewa nyɛ̀nɛ̀ŋ e nɛɛnɛŋ zimgbe.

Nyɛ̀nɛ̀ŋ 19:24 ပူးပေါင်းရင်းမြစ်များ

Nyɛ̀nɛ̀ŋ 16:16

Ke ɗɔ̀ɔ̀ guùŋ nààŋ è yààìŋ wa kɔ̀ɔ̀yɛ̀ koɓɛ̀i àŋ zoolà lɛ, è naiŋ wa mɛ̀ɛ̀ŋ wo ɗo jɔùŋ jɔa bà. Wò kuwa wa e gààŋ jinàŋ naanààŋ wo yèɔ kiɛ̀uŋ wa e gààŋ wèè wo wòò wo nyùùŋ kɛ̀ kiɛ̀ŋ nàŋ do nàŋ kaaìŋ ko dòmàŋfeìŋ. Esàɓù ke nyɛ̀nɛuŋ yɛɛ̀ aŋ kɛ̀ɛ̀nɛuŋ nyàŋ heuŋ wa gììyà e nɛɛnɛŋ zimgbe sùà.

Nyɛ̀nɛ̀ŋ 16:19

Nààŋ aŋ kɛ̀ɛ̀nɛ̀ŋ wo jɔùŋjɔaà naŋ wa naàŋ jàà jii kɛ̀ ke jìì tùlìà dòmàŋ e nɛɛnɛŋ bàne nyiŋ nɛɛ̀ŋ kè nyiŋ fòlà sìwè, àŋ naŋ kùwò wo Pɔɔ̀ yèè wo Silà yèè àŋ naŋ nyiŋ kɔ̀ɔ̀ anyùùŋ gbèègbèè sàwà nyaŋ fɛɛ̀feìŋ.

Nyɛ̀nɛ̀ŋ 19:25

Wo Dìmɛtù naŋ wa nyààŋ anyùùŋ nyaŋ gbiŋ yaà nyiŋ hewa nyɛ̀nɛ̀ŋ e tòmò guùŋ nɛ nyàŋ koɓɛ̀ guùŋ, yèè wò naŋ nyiŋ woò wààŋ, “Dàwim nyàŋ, nàŋ nyìmàŋ kɛ̀ e yìwìà e tòmo lɛɛ̀ sùà è nyinìàŋ wɔŋ nyiiŋ gèe siaŋ wiɔ̀.

Nyɛ̀nɛ̀ŋ 19:38

Sèè wo Dìmɛtù yèè anyuùŋ tòmouŋ nyàŋ kɛɛnɛ̀ŋ e keì gbiŋ wèè aŋ felaa nyɛɛ̀ŋ, kòò è kùwàìŋ anyuùŋ gbàì maŋ keì nyaŋ yèè maŋ ɗɔ̀ɔ̀ tòmo wèè ko sààŋ sàwài, tɔ̀ aŋ koào e zawè nyiŋ nɛ̀.