Nyɛ̀nɛ̀ŋ 19:23 - WƆŊ FƐ̀Ì EBÒ SÌÀŊ DAYÀA

²³ E teenga bi sùà e gbɔ̀ɔ gbee naŋ wa sɔ̀ɔ̀ ko Ɛfesɔ̀ e nyaàiŋ dè ke Dòmàŋ Kanaà Jisɛ̀ɛ.

Nyɛ̀nɛ̀ŋ 19:23 ပူးပေါင်းရင်းမြစ်များ

Nyɛ̀nɛ̀ŋ 18:26

Wo Àpolò naŋ tɔ̀ɔ̀tù gbòa janyai ko sààŋ zòòlò aŋ Juùù nyaŋ. Kɛɛ nààŋ wo Pɛ̀silià yèè wo Àkuilà nauŋ kumiè, àŋ nauŋ ɓemè auŋ kòà ko gboo nyiŋ noo yèè àŋ nauŋ kaà wèè wo nyìmàŋ e làngì Dayàa tɛ̀ɛ̀.

Nyɛ̀nɛ̀ŋ 19:9

Kɛɛ aŋ bà nyiŋ naŋ wa nyìngè maŋ nùŋ yèè aŋ naŋ wa gè maŋhɛɛ wèè aŋ niŋ haawè. Àŋ hewa wòò maŋ keì naanààŋ anyùùŋ nyaŋ fɛɛ̀feìŋ e nyaàiŋ dè ke Dòmàŋ Kanaà Jisɛ̀. Wo Pɔɔ̀ naŋ nyiŋ wa jòò yèè wò naŋ ɓèmè anyùùŋ màŋjɛ̀wɛ̀ Jisɛ̀ nyaŋ yèè aŋ naŋ kɔ̀ ko zɛ̀mɛ̀ɛ̀ŋ gbèè Talanùi ko yèi wò hewa gbòà ko nɛ̀ɛ̀ŋ nyiŋ niìŋ ke ɗɔɔ gbiŋ lɛ̀. Ko zɛmɛɛŋ bì kuŋ wo Talanù hewa gbòà koɓɛ̀ anyunùuŋ nyàŋ.

Nyɛ̀nɛ̀ŋ 22:4

Mìŋ hewa nìmìlà anyùùŋ ebɛ̀ŋ e fàa diɛŋ koɓɛ̀ anyùùŋ nyaŋ gbiŋ hewa dè ke Dòmàŋ Kanaà diɛŋ nyàŋ. Mìŋ hewa kùwà jɔùŋ yèè felaa e kìlà ka nyiŋ gbìàŋ ko sààŋ nyìwì.

Nyɛ̀nɛ̀ŋ 24:14

Kà nyimèè kɛ̀ aŋ màmàŋkùmɛŋ nyiŋ nyàŋ gongà kɛ̀ ke Dòmàŋ Kanaà mìŋ naŋ dè maŋjɛ̀wɛ yɛ̀ ke fè kè dòmaŋ kɛnɛɛ̀. Kɛɛ wo Dàyà gunɔ̀ɔŋ nɔŋ aŋ nèwàènèweim nyàŋ zoolà wɔ̀ wuŋ nɔŋ mìŋ zoolà. Mìŋ naŋ hààwè e yèɛ gbiŋ yaà sìnga niŋ maŋ Sàwà maŋ wo Dayà naŋ wa kìɛ̀ŋ wo Mòòze màŋ sùà yèè e yèɛ aŋ wɛ̀ijì nyaŋ naŋ woò lɛ.

Nyɛ̀nɛ̀ŋ 24:22

Wo Kanaà Filɛ̀, wo yèɔ naŋ wa nyìmè e ɗeweɛ̀ e nyaàiŋ dè ke Dòmàŋ Kanaà Jisɛ̀ wɔ, naŋ nyɛ̀nɛ̀ŋ maŋ nɔnɔŋ tùaŋ yèè wò naŋ hìɛ̀ŋ e keì wòo bi ko dìa. Wò naŋ woò wààŋ, “Mìŋ do nàŋ hàà e kiti mɛ̀ sèè wo Lasià, wo kànà aŋ kààlòòɗùà nyaŋ wò hnàŋ.”

Nyɛ̀nɛ̀ŋ 9:2

yèè wò nauŋ dawè wèè wo sìngà maŋ fɛi koɓɛ̀ aŋ sìèfèìŋ ke sààŋ zòòlò aŋ Juùù nyaŋ ko Dàmakɔ̀ wèè kɛ̀ sèè wò mɛɛ̀ŋ wo nyùùŋ gbiŋ, jɔùŋ yèè felaa wo yèɔ nɔ̀ŋ wo bàuŋbà e nyaàiŋ dè ke Dòmàŋ Kanaà Jisɛ̀ɛ diɛŋ wɔ, kɛ̀ wo dèkàuŋ wo kɛlɛ̀ɛ̀uŋ ko Jùlusɛ̀làm.

2 Kɔliìŋ 11:26

Yèè maŋ kààiŋ zimgbe màŋ miŋ naŋ kaaìŋ màŋ sùà, mìŋ naŋ kɔ̀ɛ̀ e kèì nyìngà wuiyè jòwa yèè anyuùŋ wùa dìì, yèè mìŋ naiŋ kɔ̀ɛ̀ dìì e yìwìà anyùùŋ miàŋ bi nyàŋ sìwè yèè e yìwìà anyùùŋ nyaŋ fè àŋ Juùù nyaŋ sìwè. Maŋ kèì fɛɛ̀ nyùwò naŋ nɔ̀ŋ maŋ jawa gbeegbèè maŋ sùà, maŋ kèì fɛɛ̀ nyùwò naŋ nɔ̀ŋ maŋ keì gɔ̀àgɔ̀à sùà maŋ sùà, maŋ kèì fɛɛ̀ nyùwò naŋ nɔ̀ŋ maŋ juwo màŋ diɛŋ, yèè maŋ kèì fɛɛ̀ nyùwò naŋ yìwìè aŋ wùìya nyuuŋ tòa sìwè.

2 Kɔliìŋ 6:5

Àŋ naŋ wi ɓùlò, aŋ wi gbìàŋ sààŋ nyìwì, aŋ wi nɛɛmùŋ maŋ nyààŋ tààŋ faaŋ sùà, àŋ naŋ wi toomò eiŋ kpèèwù maŋ jàwè ɔ̀ɔ̀ eiŋ kùwà ke tɔùŋ.

2 Kɔliìŋ 6:9

Mààŋ anyùùŋ nyimààŋ wì, kɛɛ anyùùŋ nyaŋ gbiŋ àŋ wi nyìmàŋ. È yaà mààŋ èiŋ fà, kɛɛ nààŋ nìŋ yɛmɛ̀ lɛ è yààìŋ wɔŋ nyiiŋ gèeɔ̀ sùà. Jòòpɛɛ àŋ ngainɓù wì, kɛɛ aŋ fè wi jìwà.