Nyɛ̀nɛ̀ŋ 19:21 - WƆŊ FƐ̀Ì EBÒ SÌÀŊ DAYÀA

²¹ Nààŋ maŋ keì mɛɛ̀ŋ gbiŋ naŋ wa kaàiŋ, wo Pɔɔ̀ naŋ wa ɗewè wo jinàuŋ nɔɔ̀ŋ sùà wèè wo jaamè anyùùŋ nyaŋ ko Mɛ̀sèdonià yèè ko Àkaayà nààŋ wò yaà wa kɔ̀ɔ̀yɛ̀ ko Jùlusɛ̀làm. Wo Pɔɔ̀ naŋ wa woò wààŋ, “Sèè mìŋ yewe kuii mìŋ do nàŋ kɔ̀ ko Luùm.”

Nyɛ̀nɛ̀ŋ 19:21 ပူးပေါင်းရင်းမြစ်များ

Nyɛ̀nɛ̀ŋ 16:12

E yìwìà kuii è naiŋ kɔ̀ ko Fèlepì, e jawa gbee ke tiìŋ jiɛ̀jiɛ̀ɛ sùà ko Mɛ̀sèdonià. Ko Fèlepì yaà wa ko jawa gbee ko yèi anyùùŋ e yìwìà wɔŋ fùɔ̀ŋ anyùùŋ Luùm nyaŋ naŋ wa nyɛ̀lɛ̀ lɛ. È naiŋ wa nɔ̀ŋ ko Fèlepì wèè maŋ ɗɔɔ kpàa bà.

Nyɛ̀nɛ̀ŋ 18:12

Kɛɛ nààŋ anyùùŋ nyaŋ naŋ wa nyɛ̀nɛ̀ŋ wo Gàliò wo kana wèè wɔŋ fùɔ̀ŋ Àkaayàa, anyùùŋ gbèègbèè aŋ Juùù nyaŋ bà naŋ wa jàà ke gbòò yèè àŋ naŋ kùwò wo Pɔɔ̀ yèè àŋ nauŋ kɔ̀ɔ̀ ko fɛ̀ɛ̀fèìŋ wo kanaà ko sààŋ sàwài.

Nyɛ̀nɛ̀ŋ 18:21

Wèè paŋ wo jòà nyiŋ wa wo ka, wò naŋ nyiŋ woò wààŋ, “Sèè wo Dayà nyimààŋ, mìŋ do nàŋ kɛ̀ɛ̀ ko nɛ̀ɛ̀iŋ niìŋ.” Yèè wò naŋ sɛ̀ɛ̀ wɔŋ meeèɔ sùà wò naŋ yèwè ko Ɛfesɔ̀ yèè wò naŋ kɔ̀ ko Sesèlià.

Nyɛ̀nɛ̀ŋ 19:22

Kpeiŋ wò naŋ tùɔ̀ŋ anyuùŋ tòmo dàwiuŋ nyàŋ àŋ tìyèe, wo Timetè yaà wo Ɛ̀lesitɔ̀ ko Mɛ̀sèdonià. Kɛɛ wuŋ bi naŋ wa jòò ko Eesìà wèè e teenga kpàa bà.

Nyɛ̀nɛ̀ŋ 19:29

E teenga kpuu sùà anyùùŋ nyaŋ gbiŋ ko jawaì naŋ wa dàà ke gboà gbee. Yèè anyùùŋ nyaŋ bà nyiŋ naŋ kùwò wo Gayɔ̀ yaà wo Àlètakɔ̀, yèè aŋ naŋ nyiŋ kɔ̀ɔ̀ zɛ̀mɛ̀ɛ̀ŋ dèèneì. Aŋ fèlàà tìyèe bi naŋ wa dè wo Pɔɔ̀ maŋjɛ̀wɛ e yìwìà ko Mɛ̀sèdonià. Kpeiŋ anyùùŋ nyaŋ gbiŋ e faaàŋ sùà naŋ dùɔ̀ŋ aŋ kà koɓɛ̀i àŋ yaà wa kɛ̀ɛ̀nɛ̀ŋ sùà e dèènè jawaà lɛ.

Nyɛ̀nɛ̀ŋ 20:16

Wo Pɔɔ̀ naŋ wa ɗewè wèè eiŋ kɔ̀ɛ̀ ko Ɛfesɔ̀, esaɓù kɛ̀ wo manàŋ wa wèè wò do nɔ̀ŋ wɔ̀ŋ fùɔ̀ŋ Eesìàa wèè e teenga mùnlaŋ. Wò yaà wa nyinie fiòfiò yèè wò manaŋ wa wo hàì ko Jùlusɛ̀làm e teengaà wèè ke ɗɔ̀ɔ̀ zòòlò aŋ Juùù nyaŋ àŋ nyaaŋ Pɛnɛŋkɔ̀ɛ.

Nyɛ̀nɛ̀ŋ 20:22

Yèè mìŋ yaà naàŋ kɔ̀ɔ̀yɛ̀ ko Jùlusɛ̀làm, yèè miŋ nyimààŋ kɛ̀ kiìŋ nàŋ doim nàŋ kaaìŋ, kɛɛ mìŋ kuwa ka jɔ̀ɔ̀lɔ̀ wo Jìnàŋ wo Kanaà Dayà dìì yèè kao ka.

Nyɛ̀nɛ̀ŋ 21:17

E hài wi ko Jùlusɛ̀làm, anyùùŋ hààwè Kanaà naŋ wi ɓeè e zɔlɔ̀ sùà.

Nyɛ̀nɛ̀ŋ 21:4

È naiŋ wa kuii mɛ̀ɛ̀ŋ anyùùŋ hààwè Kanaà bà yèè è naiŋ nɔ̀ŋ ko nɛ̀ɛ̀ŋ nyiŋ niìŋ wèè maŋ ɗɔ̀ɔ̀ nɔɔnɔŋ le tìyèe. Wo Jìnàŋ Nɛɛmaàŋ naŋ wa wòò anyuùŋ hààwe nyàŋ wèè aŋ woò wo Pɔɔ̀ kɛ̀ ɓɔ̀ wò ka kò Jùlusɛ̀làm.

Nyɛ̀nɛ̀ŋ 23:11

Wɔŋ dùùm wiiŋ wo Kanaà Jisɛ̀ naŋ fòlò wo Pɔɔ̀ fɛɛ̀feìŋ yèè wò nauŋ woò wààŋ, “Kɛ̀ɛ̀nɛɛ̀ŋ ke jii nyingè! Màŋ kìɛ̀ŋ ke mìè seì mɔɛ̀ŋ e nyaàiŋ eim dè ko Jùlusɛ̀làm, yèè kìɛ̀ŋ ɓɛìŋ ke mìè seì bi ko Luùm.”

Nyɛ̀nɛ̀ŋ 27:1

Nààŋ wo Fɛtɔ̀ yaà anyunùuŋ nyàŋ naŋ wa ɗewè wèè àŋ sɛɛ̀ wɔŋ meeɔ̀ sùà aŋ ka ko Luùm, àŋ naŋ wa kìlè wo Pɔɔ̀ yaà aŋ pèesìnàŋ gbànaŋ nyàŋ koɓɛ̀ wo kànà aŋ kààlòòɗùà titi nyàŋ, e deèuŋ nɛ̀ nàŋ yaà wa wo Juliɔ̀, wo Kànà Gbèè wɔŋ fùɔ̀ŋ anyùùŋ Luùm nyaŋ wèè wo yɛmɛ̀ nyiŋ diɛŋ.

Nyɛ̀nɛ̀ŋ 27:24

yèè wò naim woò wààŋ, ‘Pɔɔ̀, e jùù ɓɔ̀ è nyɛ̀nɛ̀um! Mùŋ do nàŋ kɔ̀ e gbài dìì wo kanaà Siisɔ̀, wo Kànà anyùùŋ fùɔ̀ŋ Luùm nyaŋ fɛɛ̀feìŋ. Yèè esàɓù mɔ̀ɛ̀ sùà wo Dayà do nàŋ jòèyè maŋ nyììŋ anyùùŋ nyaŋ gbiŋ wɔŋ meeè wɛɛ̀ŋ sùà.’

Nyɛ̀nɛ̀ŋ 28:16

Nààŋ è naiŋ hàì ko Luùm, àŋ naŋ wa gè wo Pɔɔ̀ nyààŋ diɛŋ wèè wo nɔ̀ŋ wɔŋ kùàŋ wuŋ bi yaà wo kààlòòɗùàa yàùŋ wa yɛ̀ɛ̀mɛ̀ diɛŋ wɔ̀.

Luùm 1:11

Mìŋ yaà e wùànàŋ sùà wèè kaiŋ yɛmɛ̀ e kìlà wèè kaiŋ kìɛ̀ŋ e kìɛɛ̀ŋ wo Jìnàŋ Dayàa naim kiɛ̀ŋ lɛ, wèè e hààweiŋ nɛ̀ e nyìngàà sùà.

Luùm 1:13

Jàaìŋ jii, nyɛ̀iŋ nààŋ wùìyaim nyàŋ, kɛ̀ e teenga zimgbe mìŋ naŋ ɗewè wèè kaiŋ jaamè. Kɛɛ e keì bà nàŋ keewàìm kùàŋ feìŋ e teenga zimgbe wèè miŋ gòim nàŋ jaamè. Mìŋ manaŋ ka hìàŋ anyùùŋ nyaŋ fè àŋ Juùù nyaŋ e yìwìà ko Luùm wèè aŋ dè ke dòmàŋ Jisɛ̀ Kulaìɛ diɛŋ, nààŋ mìŋ naŋ nyɛ̀nɛ̀ŋ maŋ tàta zimgbe sùà lɛ.

Luùm 1:15

Mìŋ kuwa ka wòò Ebò Siaàŋ koɓɛ̀ anyùùŋ nyaŋ gbiŋ. Weètii mìŋ yaà bànèbaneim wèè ka jààmè nyɛ̀iŋ gbiŋ ko Luùm.

1 Kɔliìŋ 16:5

Mìŋ do nàŋ hìɛ̀ŋ e jààme, sèè mìŋ yewe ko Mɛ̀sèdonià, mìŋ naŋ ɗewè wèè ka kɔ̀ɛ̀ ko Mɛ̀sèdonià.

1 Kɔliìŋ 4:19

Sèè wo Dayà nyimààŋ, ɗewe gbiŋ, mìŋ do nàŋ zùmò hnàaŋ ko nɛ̀ɛ̀iŋ niìŋ kpeiŋ ka nyɛ̀nɛ̀ŋ maŋ nɔnɔŋ tùaŋ wèè miàŋ bi, nyaàiŋ dè e gààaŋ anyuùŋ maŋ nyòngà nyɛɛ̀ŋ kuwa lɛ̀, e fè nɔŋ è nɛ̀ɛŋ àŋ woà lɛ.

2 Kɔliìŋ 10:16

Kpeiŋ kɛ̀ èiŋ ɓɛ̀nɛ̀ŋ gbòà ke mìè gbìàŋ Ebò Siaàŋ maŋ fuɔŋ joo bà sùà, yèè e naìŋ ɓɛ̀nɛ̀ŋ kɛ̀ɛ̀ màŋ nyòngà wèè è tòmoɛ̀ nyùuŋ bà naŋ kpɛ̀ɛ̀yɛ̀ nyɛ̀nɛŋ wɔ̀ŋ faàuŋ nɔɔ̀ŋ lɛ.

Gàla 2:1

Maŋ dòà zììyà jɛ̀wɛ tiinàŋ naŋ mààŋ, yàwi Bànaŋɓà naŋ kɛ̀ɛ̀ maŋjɛ̀wɛ ko Jùlusɛ̀làm, kɛɛ è naŋ wa kɔ̀ɔ̀ wo Taitɔ̀.

1Tɛsè 1:7

Wèètii nìŋ naŋ nɔ̀ŋ e tɔ̀ɔ̀màŋseì koɓɛ̀ anyuùŋ hààwe nyàŋ gbiŋ maŋ kpàlàùŋ kpàlàùŋ ko Mɛ̀sèdonià yèè ko Àkaayà maŋ sùà.