Nyɛ̀nɛ̀ŋ 19:17 - WƆŊ FƐ̀Ì EBÒ SÌÀŊ DAYÀA

¹⁷ Yèè anyùùŋ nyaŋ gbiŋ joà wa ko Ɛfesɔ̀ nyaŋ naŋ tɛɛ̀ kòmò, e hààwè aŋ Juùù yèè anyùùŋ nyaŋ fè àŋ Juùù nyaŋ. Yèè e jùù naŋ sɛ̀ɛ̀ aŋ gbiŋ e kɔɔo sùà, yèè aŋ gbiŋ naŋ wa jòòwò e dèè wo Kanaà Jisɛ̀.

Nyɛ̀nɛ̀ŋ 19:17 ပူးပေါင်းရင်းမြစ်များ

Luù 1:65

E jùù naŋ wa nyɛ̀nɛ̀ŋ anyuùŋ jɛ̀i dàwiuŋ nyàŋ maŋ gboo kuaŋ maŋ sùa, e nyaàiŋ dè e yèɛ naŋ kaàiŋ lɛ. Anyùùŋ nyaŋ gbiŋ wɔŋ fàà maŋ toò maŋ ko Jùdià naŋ ɓèmè e keì lɛɛ̀ wèè e nɔ̀ŋ e keì wòo.

Luù 7:16

E jùù naŋ wa nyɛ̀nɛ̀ŋ anyùùŋ nyaŋ gbiŋ, yèè àŋ naŋ tɛ̀nɛ̀ŋ wo Dayà. Àŋ naŋ wa woò nyààŋ, “Wo wɛ̀ijì gbee wò wi hnàŋ e tɛɛ, wo Dayà hnàŋ koɓɛ̀ anyunùuŋ nyàŋ wèè wo nyiŋ joeyè.”

Nyɛ̀nɛ̀ŋ 13:12

E kàa kii lɛɛ̀ naŋ wa fòònò wo nyuùŋ gbeeɔ̀ nààŋ wò naŋ yɛ̀mɛ̀ e yèɛ naŋ wa kaaìŋ lɛ e nyaàiŋ dè wo Kanaà. Kpeiŋ wò naŋ sìè e hààweuŋ nɛ̀ wo Kanaà sùà.

Nyɛ̀nɛ̀ŋ 18:19

Nyiŋ taai àŋ naŋ hàì ko Ɛfesɔ̀, kuŋ wo Pɔɔ̀ naŋ wa jòò wo Pɛ̀silià yèè wo Àkuilà. Kpeiŋ wò naŋ kɔ̀ ko sààŋ zòòlò aŋ Juùù nyaŋ wèè wo gbòà koɓɛ̀ anyùùŋ nyaŋ.

Nyɛ̀nɛ̀ŋ 18:21

Wèè paŋ wo jòà nyiŋ wa wo ka, wò naŋ nyiŋ woò wààŋ, “Sèè wo Dayà nyimààŋ, mìŋ do nàŋ kɛ̀ɛ̀ ko nɛ̀ɛ̀iŋ niìŋ.” Yèè wò naŋ sɛ̀ɛ̀ wɔŋ meeèɔ sùà wò naŋ yèwè ko Ɛfesɔ̀ yèè wò naŋ kɔ̀ ko Sesèlià.

Nyɛ̀nɛ̀ŋ 19:1

E teengaà wo Àpolò yaà wa ko Kɔliìŋ lɛ, wo Pɔɔ̀ naŋ kɔ̀ɛ̀ maŋ kpàlàùŋ kpàlàùŋ Eesìà maŋ sùà yèè wò naŋ hnè ko Ɛfesɔ̀. Kuŋ wò naŋ wa mɛ̀ɛ̀ŋ anyùùŋ màŋjɛ̀wɛ̀ Jisɛ̀ nyaŋ bà.

Nyɛ̀nɛ̀ŋ 19:16

Kpeiŋ wo felaaà kuwa wa wo jinàŋ naanààaŋ wɔ̀ naŋ tii woò, wò naŋ nyiŋ gbùwò ke gùuŋ yèè wò naŋ nyiŋ ɓùlò tɛ̀ɛ̀, esaɓù kɛ̀ wò kuwa wa gààŋ. Àŋ naŋ wa dùɔ̀ŋ aŋ fòlà ko saaìŋ, aŋ kòà ke kpanya yaà manɛ̀ŋjèla.

Nyɛ̀nɛ̀ŋ 19:18

Anyuùŋ hààwe nyàŋ zimgbe nyiŋ naŋ wa hnè, yèè àŋ naŋ ngàà tɔ̀ɔ̀tù wòò maŋ keì naanààŋ maŋ àŋ yaà wa nyinie màŋ.

Nyɛ̀nɛ̀ŋ 2:43

Anyùùŋ nyaŋ gbiŋ yaà wa ko Jùlusɛ̀làm nyaŋ, e jùù naŋ wa sɛ̀ɛ̀ maŋ jii nyiŋ màŋ sùà, yèè àŋ naŋ kìɛ̀ŋ e ɓɛ̀ɛ̀jàa gbee koɓɛ̀ Dayài e nyaàiŋ dè maŋ kèè mèè gbeegbèè maŋ aŋ keela tàeɗùù nyaŋ yaà wa nyinie màŋ.

Nyɛ̀nɛ̀ŋ 5:11

E jùù naŋ wa nyɛ̀nɛ̀ŋ ke gbòò anyuùŋ hààwe nyàŋ yèè anyùùŋ nyaŋ gbiŋ naŋ niŋ wa kòmò lɛ.

Nyɛ̀nɛ̀ŋ 5:13

Wo nyùnɔ̀ɔŋ gbiŋ wo yèɔ fè wa kè gbòò anyuùŋ hààwe nyàŋ sùà wɔ gò wa nyimèè wèè wo kà àŋ keela nyàŋ kɔɔ, jòòpɛɛ anyùùŋ nyaŋ fè wa kè gbòòɛ sùà nyaŋ hewa gbòà tɛ̀ɛ̀ wèè aŋ keela nyàŋ.

Nyɛ̀nɛ̀ŋ 5:5

Wo Ananayà naŋ nɔŋ tɛɛ̀ kòmò fa, wò sɔ̀à ko dììnaŋ wò fà Kpeiŋ. Yèè anyùùŋ nyaŋ gbiŋ naŋ niŋ wa kòmò lɛ eɓìèmàŋjɛ̀wɛ̀ aŋ yè nyaŋ yaà wa ko fɛɛ̀feìŋ nyaŋ e jùù naŋ nyiŋ nyɛ̀nɛ̀ŋ.

Fèle 1:20

E yèɛ mìŋ yaà yɛ̀ɛ̀mɛ̀ dòmaŋ, yèè ke jii tùliaà mìŋ kuwa lɛ̀ nàŋ yaà kɛ̀ miŋ naàŋ wa nàwèè nyɛ̀nɛ̀ŋ è keì gbiŋ wèè eim nyìnìàŋ sàngè. Kɛɛ wèè e teenga gbiŋ, yèè sààmɛ pɛɛ, mìŋ do nàŋ kɛ̀ɛ̀nɛ̀ŋ ke jii nyingè, wèè ke kpùnaŋ miɛ̀ŋ gbiŋ ke hìàŋ e ɓɛ̀ɛ̀jàa koɓɛ̀ Jisɛ̀ Kulaìi, sèè pɛɛ ka nɔ̀ŋ wɔŋ nyiiŋ gèe sùà ɔ̀ɔ̀ ka fà.

2Tɛsè 1:12

E ɗewe mààŋ tɛɛ̀ sùà, e dèè Kana wiɔ̀ Jisɛ̀ Kulaì do nàŋ yɛ̀mɛ̀ e jòòwo e yìwìà nyɛ̀iŋ sìwè, yèè e yìwìà wuŋ sìwè wèè nyɛ̀iŋ esàɓù e tɛ̀ɛ̀tɛ̀ɛ̀ Dayà wiɔ̀ yèè wo Kana wiɔ̀ Jisɛ̀ Kulaì sùà.

2Tɛsè 3:1

Ko jèè e ɗìi nyɛ̀iŋ nààŋ wùìya wi nyàŋ, zòòloìŋ weè wi wèè ke mìè gbìàŋ Kanaà Jisɛ̀ ke kunò nɔŋ ɓààye keleiŋ, yèè ke yɛmɛ̀ kuàŋ jàà dìì e ɓɛ̀ɛ̀jàa sùà, màànààŋ nɔŋ è naŋ kaaìŋ e teengaà è yààìŋ e tɛɛ lɛ̀.