Nyɛ̀nɛ̀ŋ 19:16 - WƆŊ FƐ̀Ì EBÒ SÌÀŊ DAYÀA

¹⁶ Kpeiŋ wo felaaà kuwa wa wo jinàŋ naanààaŋ wɔ̀ naŋ tii woò, wò naŋ nyiŋ gbùwò ke gùuŋ yèè wò naŋ nyiŋ ɓùlò tɛ̀ɛ̀, esaɓù kɛ̀ wò kuwa wa gààŋ. Àŋ naŋ wa dùɔ̀ŋ aŋ fòlà ko saaìŋ, aŋ kòà ke kpanya yaà manɛ̀ŋjèla.

Nyɛ̀nɛ̀ŋ 19:16 ပူးပေါင်းရင်းမြစ်များ

Luù 8:29

Wò naŋ wa tɛɛ̀ woò esaɓù kɛ̀ wo Jisɛ̀ naŋ wa wòò aŋ jinàŋ naanààŋ nyaŋ kɛ̀ aŋ fòlàuŋ sùà. E teenga zimgbe aŋ jinàŋ nyaŋ dàaùŋ wa, jòòpɛɛ àŋ heuŋ wa jàà koɓɛ̀ guùŋ, aŋ dìkìà maŋ kuàuŋ màŋ yaà maŋ golòuŋ màŋ maŋ jɔ̀ɔ̀ maŋ kàì, kɛɛ wò he miŋ wa kɛtɛ kɛ̀tɛ̀, e kìlà aŋ jinàŋ naanààŋ nyaŋ auŋ kòà ke fòùngà e diì wòaà sùà.

Luù 8:35

Anyùùŋ nyaŋ naŋ wa kɔ̀ wèè aŋ yɛmɛ̀ e nɛ̀ɛŋ naŋ kaaìŋ lɛ. Nààŋ àŋ naŋ wa hnè koɓɛ̀ Jisɛ̀i, àŋ naŋ wa yɛ̀mɛ̀ wo felaaà aŋ jinàŋ naanààŋ nyaŋ naŋ wa naàŋ fòlò ko sùà wɔ, wò jaa wo Jisɛ̀ gòlòò dìì. Wò naŋ wa gɔ̀àì maŋ dèè e kìlà e jiikɛ̀ɛuŋ nɛ̀ gbiŋ naŋ kpɛɛlɛ̀, kɛɛ e jùù naŋ wa nyɛ̀nɛ̀ŋ anyùùŋ nyaŋ gbiŋ.

Nyɛ̀nɛ̀ŋ 19:15

Kɛɛ wo jinàŋ naanààaŋ naŋ nyiŋ wa fasàì wààŋ, “Kà nyìmàŋ wo Jisɛ̀, yèè kà nyìmàŋ wo Pɔɔ̀, kɛɛ ɓòò nàŋ yààìŋ?”

Nyɛ̀nɛ̀ŋ 19:17

Yèè anyùùŋ nyaŋ gbiŋ joà wa ko Ɛfesɔ̀ nyaŋ naŋ tɛɛ̀ kòmò, e hààwè aŋ Juùù yèè anyùùŋ nyaŋ fè àŋ Juùù nyaŋ. Yèè e jùù naŋ sɛ̀ɛ̀ aŋ gbiŋ e kɔɔo sùà, yèè aŋ gbiŋ naŋ wa jòòwò e dèè wo Kanaà Jisɛ̀.

Nyɛ̀nɛ̀ŋ 3:8

Wo felaaà naŋ vaì wo sie, yèè wò naŋ tɔ̀ɔ̀tù kààìŋ kaaiŋ. Kpeiŋ wò naŋ jɔ̀ ko Saaŋ Zòòlò Dayài yaà aŋ gbɛ̀ìŋ Pììlɛ, wò yaà kaaiŋ wò gè vàìvai wò yaà tɛ̀nɛ̀ŋ sùà wo Dayà.

2Pììlɛ 2:19

Àŋ naŋ ɓèmè ɗààhiì kɛ̀ àŋ do nyiŋ nàŋ gè e ɗo dìì, e yèɛ nyiŋ bi àŋ yaà aŋ ɗo koɓɛ̀ e tàitài lɛ̀, è nɛ̀ŋ gbiŋ naŋ kùwìè e gààŋ wo nyùùŋ diɛŋ wò yaà wo ɗo koɓɛ̀ e nɛ̀ŋ bi.