Nyɛ̀nɛ̀ŋ 19:12 - WƆŊ FƐ̀Ì EBÒ SÌÀŊ DAYÀA

¹² Anyùùŋ nyaŋ bà nyiŋ naŋ wa ɓèmè maŋ pisì yaà maŋ deè kpàa faa dìkìà tɛɛ maŋ yè maŋ wo Pɔɔ̀ naŋ wa mɛŋlɛ̀ɛ̀ŋ maŋ, yèè aŋ naŋ miŋ kɔɔ̀ aŋ miŋ hàà wo nyùnɔ̀ɔŋ gbiŋ wò yaà wa siinyɛŋ wɔ̀ diɛŋ, yèè wò naŋ jòèyè, yèè aŋ jinàŋ naanààŋ nyaŋ naŋ wa fòlò anyùùŋ nyaŋ aŋ jinàŋ bì yaà wa maŋjɛ̀wɛ nyàŋ ko sùà.

Nyɛ̀nɛ̀ŋ 19:12 ပူးပေါင်းရင်းမြစ်များ

Maafiù 4:24

Kpeiŋ ebò Jisɛ̀ɛ naŋ ɓààyè maŋ tàta màŋ gbiŋ sùà wɔŋ fùɔ̀ŋ Siilìàa, yèè anyùùŋ naŋ hìɛ̀ŋ anyuùŋ kɛ̀ɛ̀nɛ̀ŋ maŋ sàaŋ gɛ̀wɛɛ̀ nyaŋ gbiŋ ko nɛ̀ɛ̀uŋ niìŋ wèè wo nyiŋ sùngà. Aŋ bà nyiŋ kuwa wa e sààŋ aŋ jinàŋ naanààŋ, aŋ bà nyiŋ kuwa e sààŋ gbògàngè, yèè aŋ bà nyiŋ naŋ wa kpɔɔkpɔ̀ɔ̀. Wo Jisɛ̀ naŋ wa sùngò aŋ gbiŋ.

Nyɛ̀nɛ̀ŋ 5:15

Esàɓù ke nyɛ̀nɛɛ̀ŋ aŋ keela tàeɗùù nyaŋ yaà wa kòasùà feìŋ yɛ, anyùùŋ nyaŋ hewa kòà anyuùŋ sàaŋ nyàŋ maŋ dòmaŋ màŋ diɛŋ e kìlà aŋ nyiŋ hàà maŋ gbùmaŋ yaà maŋ ɓɛɛ diɛŋ wèè kɛ̀ sèè pɛɛ wo Pììlɛ nɔ̀ŋ weè kɔ̀ɛ̀ sùà wɔŋ fàà anyuùŋ sàaŋ nyàŋ wɔŋ miimiiuŋ nɔɔ̀ŋ wɔŋ nyiŋ dè diɛŋ sèè wò nɔ̀ŋ màaŋ sùà.