Nyɛ̀nɛ̀ŋ 18:6 - WƆŊ FƐ̀Ì EBÒ SÌÀŊ DAYÀA

⁶ Ko diemeì, anyùùŋ nyaŋ nauŋ gììyè maŋhɛɛ yèè àŋ nauŋ fè maŋ mìè ɓɛ̀ɛ̀pɔ̀ɔ. Kpeiŋ wo Pɔɔ̀ naŋ gbùmò e buunùuɛ̀ maŋ dèè kɔɔuŋ màŋ yèè wò naŋ nyiŋ tɔ̀ɔ̀ maŋ kùàŋ wò naŋ woò wààŋ, “Sìaìŋ nyɛ̀iŋ bi jii wèè e yèɛ gbiŋ doiŋ nàŋ kaaìŋ lɛ, e naàŋ nɔ̀ŋ è kpàŋ è kɔɔim è do nàŋ nɔ̀ŋ e kèì ɗì maŋ sɛ̀ìŋ nyɛ̀iŋ bi màŋ! Yèè niŋ naìm sìè jii. E yìwìà nàaŋ mìŋ do nàŋ nɔ̀ŋ gbùùyè ke mìè Dayàa koɓɛ̀ anyùùŋ nyaŋ fè àŋ Juùù nyaŋ.”

Nyɛ̀nɛ̀ŋ 18:6 ပူးပေါင်းရင်းမြစ်များ

Maafiù 10:14

Sèè nìŋ kɔ̀à ko gbooì ɔ̀ɔ̀ ko jawaì ko yèi anyùùŋ nyaŋ gòiŋ jàà kùàŋ dìì ɔ̀ɔ̀ aŋ manàŋ wèè aŋ kùmìàŋ è nɛ̀ɛŋ nìŋ woà lɛ, gbùmoìŋ e hèì gòlòò dìiŋ nɛ̀ niŋ yèwà ko gboo bi.

Maafiù 21:41

Yèè àŋ naŋ fasàì nyààŋ, “Wò do nàŋ hnè wo jìwà anyùùŋ maŋ kpèè naanààŋ nyiiŋ gbiŋ, e kìlà wo fè wɔŋ ɓù gbɛɛwɛ̀jɛ̀wɛ̀uŋ nɔɔ̀ŋ koɓɛ̀ aŋ nyuùŋ joo bà, aŋ yè nyaŋ douŋ nàŋ kìɛ̀ŋ e jotìuŋ nɛ̀ wèè maŋ gbɛ̀mɛ̀ɛ̀ŋ maŋ e teengaà diɛŋ.”

Maafiù 21:43

Yèè wo Jisɛ̀ naŋ nyiŋ ɓɛìŋ woò wààŋ, “Weètii tɔ̀ miŋ woòiŋ kɛ̀, àŋ doiŋ nàŋ gè e Kànà Dayàa sìwè yèè aŋ niŋ kìɛ̀ŋ koɓɛ̀ anyùùŋ nyaŋ do nàŋ nyɛ̀nɛ̀ŋ e yèɛ wo Dayà manaŋ lɛ̀. [

Maafiù 22:10

Aŋ ɓɔìjɔ̀à nyaŋ naŋ kɔ̀ maŋ tèetì maŋ diɛŋ yèè àŋ naŋ hìɛ̀ŋ anyùùŋ nyaŋ gbiŋ àŋ naŋ wa ɓɛ̀nɛ̀ŋ mɛ̀ɛŋ nyàŋ, aŋ siaŋ sìàŋ nyiŋ yèè aŋ naanààŋ nyiŋ. Wɔŋ zɛ̀mɛ̀ɛ̀ŋ gbèè wɔŋ ɗàà ke yɛɛ̀ gbìaàŋ naŋ wa dìè anyùùŋ.

Maafiù 27:25

Anyùùŋ nyaŋ gbiŋ naŋ fasàì nyààŋ, “Tɔ̀ e nɔ̀ŋ e kpààŋ kɔɔ wi yàwi nààŋ jɔ̀à wi nyàŋ wèè fàauŋ nɛ̀!”

Maafiù 8:11

Anyuùŋ zimgbe do wa nàwèè nàŋ yèwè maŋ tàta màŋ gbiŋ sùà wèè aŋ jɛ̀ì wo Eɓulɔhɛɛ̀ŋ, wo Ààze, yaà wo Jègɔ kɔɔ ko jììyè nɛ̀ŋ e Kànà àìjɛnɛ̀ɛŋ sùà.

Luù 22:65

Yèè àŋ nauŋ kìɛ̀ŋ maŋ mìè ɓɛ̀ɛ̀pɔ̀ɔ zimgbe.

Luù 9:5

Sèè nìŋ kɔ̀à ko jawaì ko yèi anyùùŋ nyaŋ gòiŋ jàà kùàŋ dìì lɛ, yèwaìŋ ko jawa bi e kìlà niŋ gbumò e hèì gòlòò dìiŋ nɛ̀ wèè e nɔ̀ŋ wo seì yaà e gòo ko nɛ̀ɛ̀ŋ nyiŋ niìŋ.”

Nyɛ̀nɛ̀ŋ 13:51

Wo Pɔɔ̀ yaà wo Bànaŋɓà naŋ gbùmò e heiɛ̀ ko jawa wii maŋ gòlòò dìì nyiŋ màŋ wèè aŋ tɔɔ̀ kɛ̀ anyùùŋ nyaŋ gò wa jàà kè mìè gbìàŋ Dayàa kùàŋ dìì, yèè àŋ naŋ kɔ̀ ko jawa gbeeì Ìkɔniɔ̀ŋ.

Nyɛ̀nɛ̀ŋ 26:11

Mìŋ he nyiŋ wa kìɛ̀ŋ keì nyìnga e teenga zimgbe maŋ sààŋ zòòlò aŋ Juùù wi nyàŋ dìì, yèè mìŋ kamàŋ wa e ɗewe wèè ka nyiŋ nyɛ̀nɛ̀ŋ aŋ woò maŋ mìè ɓɛ̀ɛ̀pɔ̀ɔ koɓɛ̀ Dayài. Yèè ngèè, mìŋ naŋ nyiŋ wa tùù sìwè zimgbe, e nɔ̀ŋ esaɓù sɔɔ̀ ka wa kà ko kaame nyiŋ maŋ jawa gbeegbèè maŋ fuɔ̀ŋ joo màŋ sùà.”

Nyɛ̀nɛ̀ŋ 26:20

Mìŋ naŋ gbòò ke mìè Dayàa koɓɛ̀ anyùùŋ nyaŋ ko Dàmakɔ̀ nyiŋ jiɛ̀, yèè mìŋ naŋ kɔ̀ ko Jùlusɛ̀làm yaà wɔŋ fùɔ̀ŋ Jùdiàa gbiŋ sùà. Eɓìèmàŋjɛ̀wɛ̀ tii, mìŋ naŋ kɔ̀ koɓɛ̀ anyùùŋ nyaŋ fè àŋ Juùù nyaŋ e kìlà mìŋ naŋ nyiŋ woò mìàŋ, aŋ fè maŋ tùwo naanààŋ nyiŋ màŋ jɛwɛ aŋ kìlà koɓɛ̀ Dayài! Kpeiŋ kɛ̀ niŋ tɔɔ̀ ke nyɛ̀nɛiŋ nɛɛ̀ŋ janyai e yìwìà e ɗeweɛ̀ nìŋ do naŋ nyɛ̀nɛ̀ŋ maŋ nyiiŋ gèeiŋ màŋ lɛ.

Nyɛ̀nɛ̀ŋ 28:28

Wo Pɔɔ̀ naŋ kpɛ̀ɛ̀yɛ̀ gbòa wààŋ, “Nyìmaìŋ kɛ̀ wo Dayà manaŋ wo jòèyè anyùùŋ nyaŋ fè àŋ Juùù nyaŋ! E kìlà àŋ do nàŋ jàà maŋ nùŋ dìì aŋ kumiàŋ tɛ̀ɛ̀.” [

Luùm 3:29

Nyɛ̀iŋ nààŋ Juùù nyaŋ, nìŋ gongà kɛ̀ nyɛ̀iŋ guùŋ nɔŋ wo Dayà do nàŋ jàà kùàŋ dìì? Tɔɔɓaa nyìmaìŋ kɛ̀ wò do nàŋ jàà anyùùŋ nyaŋ fè àŋ Juùù nyaŋ nyiŋ pɛɛ kùàŋ dìì.

1Time 5:22

Ɓɔ̀ mùŋ jèlà ke jii wèè maŋ gbùwà wɔ̀ŋ kùàŋ è zòòlo wò nyùùŋ diɛŋ, wèè wo nɔ̀ŋ e tòmò kanaà Jisɛ̀ Kulaì lɛ sùà. Ɓɔ̀ mùŋ nɔ̀ŋ wò bàumbà wèè màŋ jùùmù nyuùŋ joo, nyɛnɛ̀ŋ muàŋ bi muŋ nɔ̀ŋ sengei.

2Time 2:25

ɓòò nàŋ yaà nyuùŋ tɔ̀ùmtɔ̀ùm jiiɔ̀ wèè wo dè wo joouŋ nɔɔ̀ŋ ke dòmaŋ diɛŋ sèè wò nyɛnɛŋ e keì ɓàa wɔ̀, è do nàŋ nɔ̀ŋ mààŋ kɛ̀ wo Dayàa naŋ nyiŋ kìɛ̀ŋ e ɗeweɛ̀ wèè aŋ fè maŋ tùwo naanààŋ nyiŋ maŋ jɛwɛ yèè aŋ hnàŋ koɓɛ̀ e tɔ̀ɔ̀nyaàaŋ.

1Pììlɛ 4:14

Sèè aiŋ diɛ̀ŋ esaɓù kɛ̀ nìŋ yaà anyùùŋ màŋjɛ̀wɛ̀ Jisɛ̀ Kulaì wo Dayà doiŋ nàŋ kpuumò. Tɛɛ̀ naŋ tɔɔ̀ kɛ̀ wo Jinàŋ kùwìè jòòwo gbeeɔ̀, tèènè mààŋ wò Jìnàŋ Dayàa, wò yààìŋ maŋjɛ̀wɛ.

1Pììlɛ 4:4

È do nàŋ fòònò anyuùŋ gò hààwè Dayà nyaŋ àŋ gè gòngo kɛ̀ wèè kiìŋ niŋ fè nyiìŋ ɓɛìŋ màŋjɛ̀wɛ nìŋ gè kìlia ko nyìnìè maŋ keì nàànààŋ guùŋ maŋ, wèètii àŋ fèìŋ maŋ mìè ɓɛ̀ɛ̀pɔ̀ɔ weè niŋ.