Nyɛ̀nɛ̀ŋ 18:5 - WƆŊ FƐ̀Ì EBÒ SÌÀŊ DAYÀA

⁵ Kɛɛ nààŋ wo Silà yaà wo Timetè naŋ kɛ̀ɛ̀ maŋjɛ̀wɛ e yìwìà ko Mɛ̀sèdonià, e tòmò Pɔɔ̀ɛ wò yaà wa nyinie lɛ̀ nàŋ yaà ke mìè gbìàŋ Dayàa gbòa koɓɛ̀ aŋ Juùù nyaŋ, kɛ̀ wo Jisɛ̀ nàŋ yaà wo Kulaìɔ wo Dayà naŋ tàeɗùù wɔ wèè wo hìàŋ e jòèye koɓɛ̀ anyùùŋ nyaŋ e ɗuunyaàŋ.

Nyɛ̀nɛ̀ŋ 18:5 ပူးပေါင်းရင်းမြစ်များ

Luù 12:50

Mìŋ yaà hinie wèè ka kà e gùà keì nyìnga dìì. Mìŋ do nàŋ kɔ̀ e keì nyìnga zimgbe dìì e jèèsùà e keì bi e jùà jɛ̀wɛ̀.

Luù 16:28

Kòò mìŋ kuwao aŋ wùìyà nyùùŋ nɔɔnɔŋ. Wòouŋ wo ka wo kiɛ̀ŋ nyiŋ e goò wèè kɛ̀ aŋ go nàŋ hnè koɓɛ̀ keì nyìnga yaà.’

Jɔ̀ɔŋ 1:41

Kɛɛ jiɛ̀, wo Anɗù nàŋ mɛ̀ɛ̀ŋ wo wùìyauŋ nɔɔ̀ŋ Saimɔŋ Piilɛ̀, yèè wò nauŋ woò wààŋ, “Èiŋ mɛ̀ɛ̀ŋ wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ.”

Jɔ̀ɔŋ 10:24

Aŋ Juùù nyaŋ bà nyiŋ nauŋ gbònò kɔɔ yèè àŋ nauŋ dawè nyààŋ, “Kiìŋ è teenga mùŋ do wi nàŋ gè e gòngo maŋ jii wi màŋ sùà? Wòò wi e tɔɔɓaaà sèè mààŋ muàŋ nàŋ yaà wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ!”

Jɔ̀ɔŋ 15:27

Yèè nyɛ̀iŋ pɛɛ nìŋ do nàŋ nɔ̀ŋ aŋ sèì, esaɓù kɛ̀ èiŋ nɔ̀ŋ koɓɛ̀ guùŋ e yìwìà ko tɔ̀ɔ̀tù maŋ keì mɛɛ̀ŋ gbiŋ.

Jɔ̀ɔŋ 3:28

Sèè niŋ nɔ̀ŋ weè anyuùŋ jàà keì jii, mìŋ naiŋ kìɛ̀ŋ ke mìè seì mìàŋ, miàŋ nàŋ fè wò yèɔ wò Dayà naŋ tàeɗùù wɔ. Kɛɛ miàŋ nàŋ yaà wo yèɔ wo Dayà naŋ tùɔ̀ŋ ko feìŋ wèè ka dàànè ebòuŋ nɛ̀.

Nyɛ̀nɛ̀ŋ 10:42

Yèè wo Dayà naŋ wi woò wààŋ e woòiŋ ebò siaŋ lɛɛ̀ koɓɛ̀ anyùùŋ nyaŋ gbiŋ, yèè e gbòàiŋ ke mìè seì kɛ̀ wo Jisɛ̀ nàŋ yaà wo nyùnɔ̀ɔŋ wò naŋ tàeɗùù wɔ wèè wo nɔ̀ŋ wo nyuùŋ gbàiɔ̀ wèè anyuùŋ gè nyiiŋ nyàŋ yèè anyuùŋ fàa nyàŋ.

Nyɛ̀nɛ̀ŋ 15:22

Aŋ keela tàeɗùù nyaŋ, yèè aŋ màmànkùmɛ̀ŋ anyuùŋ hààwe nyàŋ, e kpùlìà ke gbòò anyuùŋ hààwe nyàŋ naŋ ɗewè wèè aŋ tà anyùùŋ bà ɗùù wèè aŋ dè wo Pɔɔ̀ yèè wo Bànaŋɓà maŋjɛ̀wɛ aŋ ka ko Aŋtiɔ̀. Kpeiŋ àŋ naŋ tà wo Silà yèè wo Juɗà wo yèɔ àŋ nyaaŋ wa ɓɛìŋ wo Bàsaɓà wɔ ɗùù, aŋ sìèfèìŋ tìyèe anyuùŋ hààwe nyàŋ sùà.

Nyɛ̀nɛ̀ŋ 16:1

Wo Pɔɔ̀ yèè wo Silà naŋ kɛ̀ɛ̀ maŋjɛ̀wɛ ko Dɛɓì yèè ko Lesità. Kuŋ àŋ naŋ wa mɛ̀ɛ̀ŋ wo nyùùŋ màŋjɛ̀wɛ̀ɔ bà guùŋ àŋ nyaaŋ wo Timetè. Wo yèyeuŋ nɔɔ̀ŋ wuŋ pɛɛ yaà wa wo nyuùŋ hààwe, kɛɛ wò yaà wa wo Juùù nyuuŋ, yèè wo dèdauŋ nɔɔ̀ŋ yaà wa wo Guliì nyuuŋ.

Nyɛ̀nɛ̀ŋ 16:12

E yìwìà kuii è naiŋ kɔ̀ ko Fèlepì, e jawa gbee ke tiìŋ jiɛ̀jiɛ̀ɛ sùà ko Mɛ̀sèdonià. Ko Fèlepì yaà wa ko jawa gbee ko yèi anyùùŋ e yìwìà wɔŋ fùɔ̀ŋ anyùùŋ Luùm nyaŋ naŋ wa nyɛ̀lɛ̀ lɛ. È naiŋ wa nɔ̀ŋ ko Fèlepì wèè maŋ ɗɔɔ kpàa bà.

Nyɛ̀nɛ̀ŋ 16:9

Wɔŋ dùùm wiiŋ, wo Pɔɔ̀ naŋ gò e gɔa, wò naŋ yɛ̀mɛ̀ wo felaa bà e yìwìà ko Mɛ̀sèdonià wò siao wò yàaùŋ pɔɔwɔ wààŋ, “Hnaàŋ ko Mɛ̀sèdonià muŋ kpuumàŋ wi.”

Nyɛ̀nɛ̀ŋ 17:3

wèè wo nyiŋ tɔɔ̀ kɛ̀ wo Kulaìɔ wo Dayà naŋ wa tàeɗùù wèè wo jòèyè e ɗuunyaàŋ wɔ kuwa wa wo kà e nimilà dìì yèè wo fà, e kìlà wo yèwà e fàa dìì wɔŋ nyiiŋ gèeo sùà. Wo Pɔɔ̀ naŋ nyiŋ woò wààŋ, “Wo Jisɛ̀ wɛɛ̀ mìŋ yààìŋ yaà wòò e kiiuŋ wɔ̀ nàŋ yaà wo Kulaìɔ wo Dayà naŋ tàeɗùù wèè wo joeyè anyùùŋ nyaŋ e ɗuunyaàŋ.”

Nyɛ̀nɛ̀ŋ 18:28

Wò naŋ wa gììyè aŋ Juùù nyaŋ maŋhɛɛ yèè yaà nyiŋ naŋ kpaane kpàànè ko ɓài. Yèè wò naŋ nyiŋ tɔɔ̀ janyai e yìwìà wɔŋ fɛ̀ì Dayàa sùà kɛ̀ wo Jisɛ̀ nàŋ yaà wo Kulaìɔ wo yèɔ wo Dayà naŋ tàeɗùù wèè wo joeyè e ɗuunyaàŋ wɔ.

Nyɛ̀nɛ̀ŋ 2:36

“Weètii tɔ̀ anyùùŋ Ezɔ̀ɛ̀ nyaŋ gbiŋ nyìmàŋ tɛɛ̀ kɛ̀, wo Kanaà Jisɛ̀ wɛɛ̀ nìŋ naŋ yaà wa jìwìè wɔŋ vànèkpaaà diɛŋ wɔ̀, nàŋ yaà wo yèɔ wo Dayà naŋ nyɛ̀nɛ̀ŋ wo Kana titi yèè wo yèɔ wò naŋ tàeɗùù wɔ, wo Kulaìɔ, wèè wo joeyè e ɗuunyaàŋ!”

Nyɛ̀nɛ̀ŋ 20:21

Mìŋ naŋ wòò aŋ Juùù yèè anyùùŋ nyaŋ fè àŋ Juùù nyaŋ kɛ̀ aŋ fè maŋ tùwo naanààŋ nyiŋ màŋ jɛwɛ wèè aŋ kìlà koɓɛ̀ Dayài yèè aŋ kɛɛnɛ̀ŋ hààwe wo Kana wiɔ̀ Jisɛ̀ sùà.

Nyɛ̀nɛ̀ŋ 20:23

Ko jawa gbee gbiŋ mìŋ kɔ̀à, wo Jìnàŋ Nɛɛmaàŋ kiɛ̀ìm e gòo kɛ̀ àŋ doim nàŋ gbìɛ̀ŋ ko sààŋ nyiwì yèè mìŋ do nàŋ nɔ̀ŋ e keì nyìnga dìì ko Jùlusɛ̀làm.

Nyɛ̀nɛ̀ŋ 20:24

Kɛɛ miŋ gò kpɛɛ̀ŋ kɛ̀ kiìŋ nàŋ do nàŋ kaaìŋ wɔ̀ŋ nyiiŋ miɔ̀ŋ, sèè nɔŋ mìŋ kpɛɛyɛ̀ e tòmoɛ̀ wo Kanaà Jisɛ̀ naim kiɛ̀ŋ wèè ka nyɛ̀nɛ̀ŋ lɛ. Yèè e tòmo lɛɛ̀ nàŋ yaà wèè ka wòò Ebò Siaàŋ e nyaàiŋ dè e tɛ̀ɛ̀tɛ̀ɛ̀ Dayàa.

Nyɛ̀nɛ̀ŋ 4:20

Esaɓù e naìŋ hɔ̀ànè wòò e yèɛ è naiŋ yɛmɛ̀ yèè è naiŋ kòmò lɛ.”

Nyɛ̀nɛ̀ŋ 9:22

Wo Sɔɔ̀ naŋ wa gbùùyè e gaàŋ gbee sùà ko Dàmakɔ̀, nààŋ wò naŋ wa tɔɔ̀ janyai kɛ̀ wo Jisɛ̀ nàŋ yaà wo yèɔ wo Dayà naŋ tàeɗùù wèè wo jòèyè anyùùŋ nyaŋ gbiŋ e ɗùùnyaàŋ wɔ, yèè aŋ Juùù nyaŋ ko Dàmakɔ̀ gò niŋ wa ɓɛ̀nɛ̀ŋ gììyà màŋhɛɛ.

2 Kɔliìŋ 1:19

E wèè Jisɛ̀ Kulaì, wo jɔ̀àfèlàà Dayàa, wo yèɔ wo Sìvanɔ̀ŋ wo Timetè, yèè miàŋ bi, è naiŋ wòò e kiiuŋ e tɛɛiŋ wɔ̀, wo fè wò nyuùŋ wòo wààŋ, “Hɛ̀ɛɛ̀ŋ” yèè “Kpele.” Yèè wɔŋ fàa bàa, wuŋ nàŋ yaà ke “Hɛ̀ɛɛ̀ŋ” Dayàa;

2 Kɔliìŋ 11:9

E teengaà mìŋ yààìŋ e tɛɛ lɛ̀, miŋ gòiŋ kpɛɛ̀ŋ wèè naim kpuumàŋ. Sèè mìŋ mɔnɔŋ nɛɛnɛŋ, aŋ wùìya nyàŋ naŋ yèwè ko Mɛ̀sèdonià nyaŋ naim hìɛ̀ŋ e nɛ̀ɛŋ gbiŋ mìŋ manaŋ lɛ̀. Miŋ gò nɔ̀ŋ è kpɛ̀ɛŋ kò nɛ̀ɛ̀ŋ niìŋ kò tɔɔtuì, miŋ naàŋ nɔ̀ŋ è kpɛ̀ɛŋ kò nɛ̀ɛ̀ŋ niìŋ kò dòmàŋ feìŋ yaà!

2 Kɔliìŋ 5:14

E mànàŋ Jisɛ̀ Kulaì, nàŋ kilìà wì e kana ko diɛŋ wèè ka nyɛ̀nɛ̀ŋ e yèɛ gbiŋ yaà tɛ̀ɛ̀ lɛ, nààŋ è naiŋ jàà jii kɛ̀ wo fèlàà guùŋ naŋ fɔ̀ wèè anyùùŋ nyaŋ gbiŋ, e yèɛ naŋ tɔɔ̀ kɛ̀ wo nyùùŋ gbiŋ yaà e bàuŋbà wèè e fàa bi lɛ̀.

Fèle 1:23

Mìŋ sia maŋ dòmàŋ gbààmàŋ tìyèe. Mìŋ manaŋ wèè ka jòà e ɗuunyaŋ lɛɛ̀ wèè ka nɔ̀ŋ koɓɛ̀ Jisɛ̀ Kulaìi, e yèɛ do nàŋ nɔ̀ŋ tɛ̀ɛ̀ e nìàŋ wèè ka nɔ̀ŋ wɔŋ nyiiŋ gèeɔ̀ sùà.

1Tɛsè 3:2

yèè è naiŋ tùɔ̀ŋ wo Timetè wùìya wiɔ̀, è yààìŋ tòòmò koɓɛ̀ guùŋ wèè Dayà, nààŋ è woàìŋ Ebò Siaàŋ nyaàiŋ dè wo Jisɛ̀ Kulaì lɛ. È nauŋ tùɔ̀ŋ nɛ̀ɛ̀iŋ niìŋ wèè woiŋ nyììnè maŋ jii, yèè wo kpùùmàŋ e hààweiŋ nɛ̀,

1Tɛsè 3:6

Wo Timetè kɛ̀ɛ̀ maŋjɛ̀wɛ wò hnàŋ wò dàà mìè ebò siaàŋ nyaàiŋ dè e hààweiŋ nɛ̀, yèè e mànaàŋ nìŋ kuwa lɛ̀. Wò naŋ wi woò kɛ̀ e teenga gbiŋ sùà nìŋ jàà wì jii yèè e wùànàŋ yɛ̀mɛ wi nyɛ̀nɛ̀ìŋ, nààŋ nɔŋ yàwi pɛɛ e wùànàŋ yɛ̀mɛiŋ nyɛ̀nɛ̀ŋ wì lɛ.

1Pììlɛ 5:12

Wo Sailɔ̀ naim kpuumò mìŋ naŋ sìngè wɔŋ fɛi kpuu wɛɛ̀ŋ ko nɛ̀ɛ̀ŋ niìŋ, wo yèɔ mìŋ naŋ ɓemè wèè wo nɔ̀ŋ wo wùìya hààwè tɔ̀ɔ̀nyaàŋ wɔ. Mìŋ yààìŋ sìa sùà ke di kɛ̀ tɛɛ̀ nàŋ yaà e kìɛ̀ŋ tɔ̀ɔ̀nyààŋ Dayàa nyììneìŋ sùà niŋ nɔ̀iŋ sùà.