Nyɛ̀nɛ̀ŋ 18:25 - WƆŊ FƐ̀Ì EBÒ SÌÀŊ DAYÀA

²⁵ Wò naŋ wa gbeè yèè wò naŋ nyìmè e zimgbe niŋ e nyaàiŋ dè ke Dòmàŋ Kanaà, yèè wò naŋ wa gbòò e nyɛ̀ìnyɛ̀ìŋ gbee e yìwìà wo jinàaŋ sùà yèè wò naŋ kàà e tɔ̀ɔ̀nyaàŋ e nyaàiŋ dè wo Jisɛ̀. E ɗewe gbio sùà, wò naŋ wa nɔŋ nyìmè e kèè e ɗeweɛ̀ wo Jɔ̀ɔŋ guo nyùùŋ lɛ.

Nyɛ̀nɛ̀ŋ 18:25 ပူးပေါင်းရင်းမြစ်များ

Luù 1:4

mìŋ naŋ tɛɛ̀ nyɛ̀nɛ̀ŋ wèè muŋ nyìmàŋ e tɔɔɓaaà e nyaàiŋ dè e yèɛ gbiŋ anyùùŋ naum wa kaà lɛ.

Luù 7:29

Nààŋ anyùùŋ nyaŋ gbiŋ naŋ wa kùmìè e yèɛ wo Jisɛ̀ naŋ woò lɛ, e kpùlìà anyuùŋ kùwà nɛ̀ɛ̀nɛ̀ŋ fuɔɔ̀ŋ pɛɛ aŋ yè nyaŋ anyuùŋ zimgbe naŋ wa nììngè fɛ̀ɛ̀ nyaŋ, naŋ nyimèè wèè aŋ jɔ̀ɔ̀lɔ̀ ke dòmàŋ tɔ̀ɔ̀nyààŋ Dayàa dìì, nààŋ àŋ naŋ wa nyimèè wèè wo Jɔ̀ɔŋ wo nyiŋ gùà.

Nyɛ̀nɛ̀ŋ 13:10

yèè wò nauŋ woò wààŋ, “Muàum jɔ̀àfèlàà Dɛwìɔ! Mùŋ yaà wo jooɔ̀ wèè e keì jìlɛŋ gbiŋ. Mùŋ naŋ dìè kàaɓì ɗewe gbiŋ, yèè kòò mùŋ yaà kààmè ɗewe e teenga gbiŋ wèè maŋ kìlà e tɔ̀ɔ̀nyààŋ Kanaà koɓɛ̀ e tòa!

Nyɛ̀nɛ̀ŋ 16:17

Wo jɔùŋjɔaà naŋ dè yàwi nààŋ Pɔɔ̀ maŋjɛ̀wɛ, wò yaà kpàaŋ sùà wààŋ, “Anyùùŋ nyɛɛ̀ŋ àŋ yaà aŋ ɓɔìjɔ̀à wèè wo Dàyà Gaàŋ Gbeeɔ̀! Àŋ yààìŋ woo kɛ̀ diè nìŋ naŋ ɓɛ̀nɛ̀ŋ nɔ̀ŋ jòèyeiŋ.”

Nyɛ̀nɛ̀ŋ 18:26

Wo Àpolò naŋ tɔ̀ɔ̀tù gbòa janyai ko sààŋ zòòlò aŋ Juùù nyaŋ. Kɛɛ nààŋ wo Pɛ̀silià yèè wo Àkuilà nauŋ kumiè, àŋ nauŋ ɓemè auŋ kòà ko gboo nyiŋ noo yèè àŋ nauŋ kaà wèè wo nyìmàŋ e làngì Dayàa tɛ̀ɛ̀.

Nyɛ̀nɛ̀ŋ 19:23

E teenga bi sùà e gbɔ̀ɔ gbee naŋ wa sɔ̀ɔ̀ ko Ɛfesɔ̀ e nyaàiŋ dè ke Dòmàŋ Kanaà Jisɛ̀ɛ.

Nyɛ̀nɛ̀ŋ 19:3

Yèè wo Pɔɔ̀ naŋ nyiŋ dawè wààŋ, “Kɛ̀ dièsɔa nìŋ naŋ wa nɔ̀ŋ gùaiŋ?” Àŋ nauŋ fasàì nyààŋ, “E gùo kiiɛ̀ wo Jɔ̀ɔŋ naŋ wi kaà lɛ.”

Nyɛ̀nɛ̀ŋ 19:9

Kɛɛ aŋ bà nyiŋ naŋ wa nyìngè maŋ nùŋ yèè aŋ naŋ wa gè maŋhɛɛ wèè aŋ niŋ haawè. Àŋ hewa wòò maŋ keì naanààŋ anyùùŋ nyaŋ fɛɛ̀feìŋ e nyaàiŋ dè ke Dòmàŋ Kanaà Jisɛ̀. Wo Pɔɔ̀ naŋ nyiŋ wa jòò yèè wò naŋ ɓèmè anyùùŋ màŋjɛ̀wɛ̀ Jisɛ̀ nyaŋ yèè aŋ naŋ kɔ̀ ko zɛ̀mɛ̀ɛ̀ŋ gbèè Talanùi ko yèi wò hewa gbòà ko nɛ̀ɛ̀ŋ nyiŋ niìŋ ke ɗɔɔ gbiŋ lɛ̀. Ko zɛmɛɛŋ bì kuŋ wo Talanù hewa gbòà koɓɛ̀ anyunùuŋ nyàŋ.

Nyɛ̀nɛ̀ŋ 9:2

yèè wò nauŋ dawè wèè wo sìngà maŋ fɛi koɓɛ̀ aŋ sìèfèìŋ ke sààŋ zòòlò aŋ Juùù nyaŋ ko Dàmakɔ̀ wèè kɛ̀ sèè wò mɛɛ̀ŋ wo nyùùŋ gbiŋ, jɔùŋ yèè felaa wo yèɔ nɔ̀ŋ wo bàuŋbà e nyaàiŋ dè ke Dòmàŋ Kanaà Jisɛ̀ɛ diɛŋ wɔ, kɛ̀ wo dèkàuŋ wo kɛlɛ̀ɛ̀uŋ ko Jùlusɛ̀làm.

Luùm 12:11

Ɓɔ̀ mùŋ nɔ̀ŋ wò nyuùŋ jɛ̀kɛ, kɛɛ tòmò tɛ̀ɛ̀. Zòòloò sɛmɛ e wùànàŋ gbee sùà e teenga gbiŋ wèè wo Jìnàŋ Nɛɛmaàŋ nɔ̀um maŋjɛ̀wɛ, e kìlà muŋ nɔ̀ŋ wo ɗo wèè wo Kanaà Dayà.

2Time 2:4

Wo kààlòòɗùàa yaà ke di e tòmouŋ nɛ̀ diɛŋ wɔ̀, manaŋ wo kìɛ̀ŋ ke jii fàa koɓɛ̀ kaaloɔ̀ sìaùŋ feìŋ wɔ, weètii wo fè kpùlìà kè nyɛ̀nɛ̀ŋ nyiiŋ gèeuŋ nɔɔ̀ŋ kè jè ànyuùŋ nyaŋ fè àŋ kààlòòɗùà nyaŋ.

Jìiiŋ 5:16

Weètii, wòoìŋ maŋ jùumùiŋ màŋ nyɛ̀iŋ bi e fèemàŋ e kìlà niŋ zoolò wèè aŋ dàwiiŋ nyàŋ, wèè niŋ jòèyà. E zòòloɛ̀ nyùùŋ tɔ̀ɔ̀nyaàaŋ kuwa lɛ̀, e gaàŋ gbee yààìŋ sùà yèè è tomàŋ.