Nyɛ̀nɛ̀ŋ 18:24 - WƆŊ FƐ̀Ì EBÒ SÌÀŊ DAYÀA

²⁴ E teenga lii sùà wo Juùù nyuuŋ bà e yìwìà ko Àlèzandilà àŋ nyaaŋ wo Àpolò naŋ wa hnè ko Ɛfesɔ̀. Wò hewa gbòà tɛ̀ɛ̀ e kìlà wò naŋ wa nyìmè e zimgbe niŋ wɔŋ Fɛ̀ì Dayàa sùà.

Nyɛ̀nɛ̀ŋ 18:24 ပူးပေါင်းရင်းမြစ်များ

Maafiù 13:52

Kpeiŋ wo Jisɛ̀ naŋ nyiŋ woò wààŋ, “Tɛɛ̀ naŋ tɔɔ̀ kɛ̀, wo kààmɔ̀ɔ̀ŋ maŋ Sàwà Dayàa bà gbiŋ wo yèɔ kile wo nɔ̀ŋ wo nyùùŋ màŋjɛ̀wɛ̀im wɔ̀ e Kànà àìjɛnɛ̀ɛŋ sùà wò yaà mààŋ wo kɛ̀ɛ̀nɛ̀ŋ ko gboo wo yèɔ fulià manɛ̀ŋ jɛi yèè manɛ̀ŋ gɔu e yìwìà ko saaŋ bàànè manɛ̀ŋ hàauŋ niìŋ.”

Luù 24:19

Wo Jisɛ̀ naŋ dawè wààŋ, “Kiìŋ màŋ keì naŋ kaaìŋ?” Àŋ naŋ woò nyààŋ, “Maŋ keì maŋ naŋ kààìŋ wo Jisɛ̀ e yìwìà ko Naazɔ̀ɛ̀ maŋ. E yìwìà maŋ keì maŋ wò nàŋ nyɛ̀nɛ̀ŋ yèè wò naŋ woò maŋ naŋ tɔɔ̀ kɛ̀ wò yaà wo wɛ̀ijì ko fɛ̀ɛ̀fèìŋ Dayà yèè anyùùŋ nyaŋ gbiŋ.

Nyɛ̀nɛ̀ŋ 18:19

Nyiŋ taai àŋ naŋ hàì ko Ɛfesɔ̀, kuŋ wo Pɔɔ̀ naŋ wa jòò wo Pɛ̀silià yèè wo Àkuilà. Kpeiŋ wò naŋ kɔ̀ ko sààŋ zòòlò aŋ Juùù nyaŋ wèè wo gbòà koɓɛ̀ anyùùŋ nyaŋ.

Nyɛ̀nɛ̀ŋ 18:21

Wèè paŋ wo jòà nyiŋ wa wo ka, wò naŋ nyiŋ woò wààŋ, “Sèè wo Dayà nyimààŋ, mìŋ do nàŋ kɛ̀ɛ̀ ko nɛ̀ɛ̀iŋ niìŋ.” Yèè wò naŋ sɛ̀ɛ̀ wɔŋ meeèɔ sùà wò naŋ yèwè ko Ɛfesɔ̀ yèè wò naŋ kɔ̀ ko Sesèlià.

Nyɛ̀nɛ̀ŋ 18:28

Wò naŋ wa gììyè aŋ Juùù nyaŋ maŋhɛɛ yèè yaà nyiŋ naŋ kpaane kpàànè ko ɓài. Yèè wò naŋ nyiŋ tɔɔ̀ janyai e yìwìà wɔŋ fɛ̀ì Dayàa sùà kɛ̀ wo Jisɛ̀ nàŋ yaà wo Kulaìɔ wo yèɔ wo Dayà naŋ tàeɗùù wèè wo joeyè e ɗuunyaàŋ wɔ.

Nyɛ̀nɛ̀ŋ 19:1

E teengaà wo Àpolò yaà wa ko Kɔliìŋ lɛ, wo Pɔɔ̀ naŋ kɔ̀ɛ̀ maŋ kpàlàùŋ kpàlàùŋ Eesìà maŋ sùà yèè wò naŋ hnè ko Ɛfesɔ̀. Kuŋ wò naŋ wa mɛ̀ɛ̀ŋ anyùùŋ màŋjɛ̀wɛ̀ Jisɛ̀ nyaŋ bà.

Nyɛ̀nɛ̀ŋ 27:6

Kuŋ wo nyùùŋ gbèè aŋ kààlòòɗùà nyaŋ naŋ wa mɛ̀ɛ̀ŋ wɔŋ meeè wɔ̀ŋ yewe ko Àlèzandilà wɔ̀ŋ yaà kɔ̀ɔ̀yɛ̀ ko Etelè. Yèè wò naŋ wi nyɛ̀nɛ̀ŋ eiŋ sɛ̀ɛ̀ wɔŋ meeè bi sùà.

Nyɛ̀nɛ̀ŋ 6:9

Kɛɛ aŋ felaa bà, aŋ yè nyaŋ yaà wa aŋ bà nyiŋ bà ke sààŋ zòòlò aŋ Juùù nyaŋ dìì wèè Anyuùŋ fòlà ɗo dìì nyaŋ, gò wa jàà wò Siiwììŋ kùàŋ dìì. Aŋ Juùù nyɛɛ̀ŋ naŋ wa nɔ̀ŋ aŋ ɗo, kɛɛ àŋ naŋ wa naàŋ yɛ̀mɛ̀ e tɔ̀ɔ̀nyaàŋ nyiŋ nɛ̀. Aŋ Juùù nyɛɛ̀ŋ bà nyiŋ yaà wa anyùùŋ e yìwìà ko Sàlinìŋ, yaà aŋ Juùù nyuuŋ bà e yìwìà ko Àlèzandilà e hààwè maŋ kpàlàùŋ kpàlàùŋ fùɔ̀ŋ Sèlesìàa yèè ko Eesìà. Anyùùŋ nyɛɛ̀ŋ naŋ wa tɔ̀ɔ̀tù wo Siiwììŋ gììyà maŋhɛɛ.

Nyɛ̀nɛ̀ŋ 7:22

Àŋ naŋ wa kàà wo Mòòze maŋ kèì nyɛ̀nɛ̀ŋ anyùùŋ Ijè nyaŋ gbiŋ, yèè maŋ mìè gbòauŋ màŋ yèè maŋ keì nyɛ̀nɛuŋ màŋ kuwa wa zùlù.

1 Kɔliìŋ 1:12

Tɔ̀ miŋ woò niŋ e ɗewe kii lɛɛ̀ sùa, nyɛ̀iŋ nààŋ gbiŋ nìŋ yaà gbuuye gbàgbà. Wo nyùnɔ̀ɔŋ bà wààŋ, “Wo Pɔɔ̀ mìŋ yaà maŋjɛ̀wɛ.” Wo bàa wààŋ, “Wo Àpolò mìŋ yaà maŋjɛ̀wɛ.” Wo bà wààŋ, “Wo Sifɔ̀ mìŋ yaà maŋjɛ̀wɛ,” yèè wo bà wààŋ, “Wo Jisɛ̀ Kulaì mìŋ yaà maŋjɛ̀wɛ.”

1 Kɔliìŋ 16:12

Wèè e nyaàiŋ dè, wo wùìya wiɔ̀ wo Àpolò. E teenga bà sùà mìŋ gbòoùŋ kɔɔ wèè woiŋ jaamè e kpùlìà aŋ wùìya nyàŋ bà nyiŋ, kɛɛ wo Dayà kòò nyìmèè wèè wo naàŋ hnàŋ, e ɗewe gbiŋ sùà, wò do nàŋ hnè sèè e ɗeweɛ̀ nɔ̀ŋ.

1 Kɔliìŋ 4:6

Nyɛ̀iŋ nààŋ wùìyaim nyàŋ, esaɓùiŋ nɛ̀ sùà kà kààìŋ maŋ keì mɛɛ̀ŋ gbiŋ sùà yàwi Àpolò, è yaà tòòmo sùà yàwi bi wèè eiŋ nɔ̀ŋ e tɔ̀ɔ̀màŋseì, wèè naŋ gbèè e fàsàìɛ yaà e wòo lɛɛ̀ sùà lɛ, “Dèeìŋ maŋ sàwà kɛnɛ màŋ maŋjɛ̀wɛ.” Nyɛ̀iŋ nyɛɛ̀ŋ bà gbiŋ, ɓɔ̀ mùŋ kuwìè è ɓɛ̀ɛ̀jàa wèè wo nyùùŋ guùŋ, maŋ kɔ̀ɔ̀yɛ̀ wò bàa fɛ̀ɛ̀ sùà.

2 Kɔliìŋ 10:10

Wo nyùuŋ bà do nàŋ woò wààŋ, “Maŋ fɛ̀ì sìngà Pɔɔ̀ maŋ màŋ yaà ke haaŋ, yèè màŋ naŋ nyìngè sùà, kɛɛ sèè e kpùnuŋ nɛ̀ wuŋ bi wò nɔ̀ŋ wì e tɛɛ, wò naŋ yɔkpɔ̀, yèè maŋ mìè gbòauŋ màŋ fè nɛ̀ŋ bà gbiŋ sùà.”

Kòlo 3:16

Tɔ̀ ke miè gbìaàŋ e nyaàiŋ dè wo Jisɛ̀ Kulaì dià maŋ jiiŋ màŋ sùà. Kààaìŋ e kìlà niŋ kiɛ̀ŋ maŋ mìè gòo koɓɛ̀ aŋ dàwiiŋ nyàŋ e jiikɛ̀ɛ sùà. Dààaìŋ maŋ nùŋ, e nyaàiŋ dè wo Jisɛ̀ Kulaì, yèè maŋ nùŋ nɛɛmaŋ. Dààaìŋ wɔŋ nùŋ ke sɛ̀ gèe koɓɛ̀ Dayài maŋ jiiŋ màŋ sùà.

Taitɔ̀ 3:13

Kàmè ɗewe muŋ kpuumàŋ Zinà wo kààmɔɔŋ gɔ̀àì maŋ sàwà sùàa yaà wo Àpolò wèè aŋ tɔɔtù e kàaiŋ nyiŋ nɛ̀, yèè muŋ yɛmɛ̀ kɛ̀ àŋ kuwa e nɛ̀ɛŋ gbiŋ àŋ naŋ kpɛɛ̀ŋ weè niŋ lɛ̀.