Nyɛ̀nɛ̀ŋ 18:21 - WƆŊ FƐ̀Ì EBÒ SÌÀŊ DAYÀA

²¹ Wèè paŋ wo jòà nyiŋ wa wo ka, wò naŋ nyiŋ woò wààŋ, “Sèè wo Dayà nyimààŋ, mìŋ do nàŋ kɛ̀ɛ̀ ko nɛ̀ɛ̀iŋ niìŋ.” Yèè wò naŋ sɛ̀ɛ̀ wɔŋ meeèɔ sùà wò naŋ yèwè ko Ɛfesɔ̀ yèè wò naŋ kɔ̀ ko Sesèlià.

Nyɛ̀nɛ̀ŋ 18:21 ပူးပေါင်းရင်းမြစ်များ

Maafiù 26:39

Wò naŋ ɓɛìŋ bɔ̀mɔ̀ŋ ko fènòo tòloò, wo dè maŋ gɛ̀ɛ̀ŋ nùuŋ màŋ dììnaŋ wo gbùwà wɔŋ feìŋ ko dììnaŋ, yèè wò naŋ zoolò wààŋ, “Dèda miɔ̀ŋ, sèè è naŋ ɓɛ̀nɛ̀ŋ hɛ̀ɛ̀nɛŋ, kɛ̀ gìim wɔŋ kpòò è keì nyìnga wɛɛ̀ŋ diɛŋ. Kɛɛ miŋ sɔ̀ɔ̀ è yèɛ mìŋ manaŋ lɛ̀, kɛɛ è yèɛ muàŋ mùŋ manaŋ lɛ̀.”

Luù 9:61

Wo nyùùŋ bà naŋ ɓɛìŋ woò wààŋ, “Kanaà, mìŋ doum nàŋ dè maŋjɛ̀wɛ, kɛɛ tɔ̀ weè miŋ ka miŋ diamàŋ ke kpoo miɛ̀ŋ.”

Nyɛ̀nɛ̀ŋ 15:29

kɛ̀ ɓɔ̀ nìŋ jè mànɛ̀ŋ jè saaà gbiŋ è yèɛ àŋ naŋ gììyè saaà koɓɛ̀ àŋ dayà joo lɛ̀, yèè ɓɔ̀ nìŋ gbìlà màŋ sɛ̀ìŋ. Ɓɔ̀ nìŋ gbìlà wò yilìɔ naŋ fɔ̀ yèè wo gò wùàŋ màŋ sɛ̀ìŋ wɔ, e kìlà nìŋ kuwa naŋ gbààì e kèè e hmɔŋtu nyɛ̀nɛŋ. Sèè nìŋ kuwo maŋ sàwà mɛɛ̀ŋ, kɛ̀ nàŋ nyɛ̀nɛ̀ŋ tɛ̀ɛ̀. È naiŋ tùɔ̀ŋ e zùùmo siaŋ, enììsìàiŋ.”

Nyɛ̀nɛ̀ŋ 18:19

Nyiŋ taai àŋ naŋ hàì ko Ɛfesɔ̀, kuŋ wo Pɔɔ̀ naŋ wa jòò wo Pɛ̀silià yèè wo Àkuilà. Kpeiŋ wò naŋ kɔ̀ ko sààŋ zòòlò aŋ Juùù nyaŋ wèè wo gbòà koɓɛ̀ anyùùŋ nyaŋ.

Nyɛ̀nɛ̀ŋ 18:20

Anyùùŋ nyaŋ nauŋ wa dawè wèè wo nɔ̀ŋ nyiŋ le gòlò wèè maŋ ɗɔɔ kpàa, kɛɛ wo gò wa nyimèè.

Nyɛ̀nɛ̀ŋ 18:24

E teenga lii sùà wo Juùù nyuuŋ bà e yìwìà ko Àlèzandilà àŋ nyaaŋ wo Àpolò naŋ wa hnè ko Ɛfesɔ̀. Wò hewa gbòà tɛ̀ɛ̀ e kìlà wò naŋ wa nyìmè e zimgbe niŋ wɔŋ Fɛ̀ì Dayàa sùà.

Nyɛ̀nɛ̀ŋ 19:1

E teengaà wo Àpolò yaà wa ko Kɔliìŋ lɛ, wo Pɔɔ̀ naŋ kɔ̀ɛ̀ maŋ kpàlàùŋ kpàlàùŋ Eesìà maŋ sùà yèè wò naŋ hnè ko Ɛfesɔ̀. Kuŋ wò naŋ wa mɛ̀ɛ̀ŋ anyùùŋ màŋjɛ̀wɛ̀ Jisɛ̀ nyaŋ bà.

Nyɛ̀nɛ̀ŋ 19:17

Yèè anyùùŋ nyaŋ gbiŋ joà wa ko Ɛfesɔ̀ nyaŋ naŋ tɛɛ̀ kòmò, e hààwè aŋ Juùù yèè anyùùŋ nyaŋ fè àŋ Juùù nyaŋ. Yèè e jùù naŋ sɛ̀ɛ̀ aŋ gbiŋ e kɔɔo sùà, yèè aŋ gbiŋ naŋ wa jòòwò e dèè wo Kanaà Jisɛ̀.

Nyɛ̀nɛ̀ŋ 19:21

Nààŋ maŋ keì mɛɛ̀ŋ gbiŋ naŋ wa kaàiŋ, wo Pɔɔ̀ naŋ wa ɗewè wo jinàuŋ nɔɔ̀ŋ sùà wèè wo jaamè anyùùŋ nyaŋ ko Mɛ̀sèdonià yèè ko Àkaayà nààŋ wò yaà wa kɔ̀ɔ̀yɛ̀ ko Jùlusɛ̀làm. Wo Pɔɔ̀ naŋ wa woò wààŋ, “Sèè mìŋ yewe kuii mìŋ do nàŋ kɔ̀ ko Luùm.”

Nyɛ̀nɛ̀ŋ 20:16

Wo Pɔɔ̀ naŋ wa ɗewè wèè eiŋ kɔ̀ɛ̀ ko Ɛfesɔ̀, esaɓù kɛ̀ wo manàŋ wa wèè wò do nɔ̀ŋ wɔ̀ŋ fùɔ̀ŋ Eesìàa wèè e teenga mùnlaŋ. Wò yaà wa nyinie fiòfiò yèè wò manaŋ wa wo hàì ko Jùlusɛ̀làm e teengaà wèè ke ɗɔ̀ɔ̀ zòòlò aŋ Juùù nyaŋ àŋ nyaaŋ Pɛnɛŋkɔ̀ɛ.

Nyɛ̀nɛ̀ŋ 21:14

Nààŋ wo gò wa jàà màŋ mìè gbòa wi màŋ kùàŋ dìì wèè wo nyimèè kɛ̀ ɓɔ̀ wò kao, è nauŋ hɔ̀ànè pɔ̀wɔ yèè è naŋ woò wìà, “Tɔ̀ e yèɛ wo Kanaà manaŋ lɛ̀ e hɛɛnɛ̀ŋ.”

Nyɛ̀nɛ̀ŋ 21:29

Àŋ naŋ wa tɛɛ̀ woò e fèfoo àŋ naŋ yɛ̀mɛ̀ wo nyùùŋ e yìwìà ko Ɛfesɔ̀ àŋ nyaaŋ Tofimù yaà wo Pɔɔ̀ koɓɛ̀ guùŋ ke ɗɔɔɛ̀ bàa ko jawaì, e kìlà àŋ yaà wa goongo kɛ̀ wo Pɔɔ̀ nauŋ jɔ̀ɔ̀yɛ̀ ko Saaŋ Zòòlò Dayài.

Luùm 1:10

e teenga gbiŋ e zòòlo mɛ̀ sùà. Mìŋ dawà wo Dayà e yìwìà e tɛ̀ɛ̀tɛ̀ɛ̀uŋ nɛ̀ sùà, wèè woim gè nyààŋ diɛŋ kaiŋ naàŋ jaamè.

Luùm 15:32

Mìŋ dawà Dayà wèè wo gèim nyààŋ diɛŋ wèè ka hnàŋ ko nɛ̀ɛ̀iŋ niìŋ, yèè miŋ nɔ̀ŋ ke jìì fà zɔlɔ̀ gbee sùà e tɛɛiŋ.

1 Kɔliìŋ 15:32

Kiìŋ nàŋ yaà e jìwà jɛ̀wɛ̀ mɛ̀ wèè anyìlì ɓie sùmiaŋ ko Ɛfesɔ̀? Kɛ sèè wo Dayà gò wa weè gè ànyuùŋ fàa nyàŋ è fàa dìì, kɛ̀ màànààŋ nɔŋ àŋ woà lɛ, “Tɔ̀ e jèiŋ nɛ̀ŋ, yèè e tìàiŋ nɛ̀ŋ saɓù kɛ̀ nàwèè è doiŋ nàŋ fɔ̀.”

1 Kɔliìŋ 16:7

Mìŋ manaŋ wèè kaiŋ yɛmɛ̀ e nìàŋ wèè kaiŋ nɔŋ yɛmɛ̀ vàò nɔŋ ka mààŋ. Mìŋ yaà yɛ̀ɛ̀mɛ̀ ko dòmàŋ feìŋ wèè ka nɔ̀ŋ ko nɛ̀ɛ̀ŋ niìŋ wèè e teenga bà, sèè wo Kanaà nyimààŋ.

1 Kɔliìŋ 16:8

Mìŋ nɔ̀ŋ kià ko Ɛfesɔ̀ e jèèsùà ke ɗɔ̀ɔ̀ e zòòlò aŋ Juùù nyaŋ àŋ nyaaŋ Pɛnɛŋkɔ̀ɛ lɛ̀ ke haì.

1 Kɔliìŋ 4:19

Sèè wo Dayà nyimààŋ, ɗewe gbiŋ, mìŋ do nàŋ zùmò hnàaŋ ko nɛ̀ɛ̀iŋ niìŋ kpeiŋ ka nyɛ̀nɛ̀ŋ maŋ nɔnɔŋ tùaŋ wèè miàŋ bi, nyaàiŋ dè e gààaŋ anyuùŋ maŋ nyòngà nyɛɛ̀ŋ kuwa lɛ̀, e fè nɔŋ è nɛ̀ɛŋ àŋ woà lɛ.

2 Kɔliìŋ 13:11

E gbiŋ sùà, nyɛ̀iŋ nààŋ wùìyaim nyàŋ enììsìàiŋ. Nɔ̀ɔìŋ tɛ̀ɛ̀ yèè niŋ kuwìè e gòngo wèè maŋ keì maŋ mìŋ naiŋ woò maŋ. Fɛ̀ɛìŋ niŋ nɔ̀ŋ ɓɛ̀ guùŋ ke jii fàa sùà. Kɛ̀ wo Dayà kùwìè e mànaàŋ yaà ke jii fàa doiŋ nàŋ nɔ̀ŋ e kɔɔ.

Ɛfesɔ̀ 1:1

E yìwìà miàim Pɔɔ̀ sìwè, wo yèɔ yaà wo keela tàeɗùù wèè Kulaì Jisɛ̀ esàɓù e kèè jìì Dayàa sùà wɔ, nàŋ yaà sìngìè wɔŋ fɛi wɛɛ̀ŋ koɓɛ̀ anyùùŋ nɛɛmaŋ nyàŋ kuwa maŋ jii tùlia maŋ nyiiŋ gèe nyiŋ màŋ sùà àŋ yaà aŋ bà nyiŋ bà Jisɛ̀ Kulaì sùà ko Ɛfesɔ̀ nyaŋ.

Hiɓu 6:3

Kàwiìŋ ko feìŋ e kìlà e nɔ̀iŋ anyuùŋ kɛ̀ɛ̀nɛ̀ŋ hààwe kàmaiŋ, sèè wo Dayà gè wì nyààŋ diɛŋ.

Jìiiŋ 4:15

E nɛ̀ɛŋ nìŋ henàŋ woò lɛ nàŋ yaà, “Sèè wo Kanaà Dayà nyimààŋ, è doiŋ nàŋ nɔ̀ŋ nyiiŋ gèeɔ̀ sùà eiŋ tɛɛ̀ nyɛ̀nɛ̀ŋ eiŋ tii nyɛ̀nɛ̀ŋ.”

1Pììlɛ 3:17

È yaà tɛ̀ɛ̀ wèè maŋ kà e keì nyìnga dìì wèè e keì sìàŋ nyɛ̀nɛŋ sèè tii naŋ ɓɛ̀nɛ̀ŋ nɔ̀ŋ e ɗèweɛ̀ wèè Dayà, tii siaŋ e wèè e nɛ̀ɛŋ nyɛ̀nɛ̀ŋ naŋ nyɛ̀nɛ̀ŋ keì naanààŋ lɛ.

Maŋ kèì nyɛɛnɛŋ 1:11

Ke mìèɛ naŋ woò wààŋ, “Singà e nɛ̀ɛŋ mùŋ naŋ yɛmɛ̀ lɛ wɔŋ fɛi sùà, yèè muŋ tùàŋ niŋ koɓɛ̀ maŋ gbòò anyuùŋ hààwe nyàŋ maŋ jàwà gbèègbèè nɔɔnɔŋ le tìyèe mɛɛ̀ŋ sùà, ko Ɛfesɔ̀, ko Sìmanà, ko Pɛgamùŋ, ko Tàyatilà, ko Saɗì, ko Fèlèdɛfià, yaà ko Làòdisià.”

Maŋ kèì nyɛɛnɛŋ 2:1

Wo Jisɛ̀ naŋ ɓɛìŋ woò wààŋ, “Tɛɛ̀ mùŋ kuwa maŋ sìngà koɓɛ̀ wo màikàa wèè ke gbòò anyuùŋ hààwe nyàŋ ko Ɛfesɔ̀. “Ke miè gbìaàŋ yɛɛ̀ e yìwìà wo yèɔ kuwa maŋ ɗù nɔɔnɔŋ le tìyèe màŋ wɔŋ kùàŋ jìkauŋ nɔɔ̀ŋ, yèè wò kaaìŋ maŋ gòoò kùù sɛ̀ɛ̀ laumpò, màŋ nɔɔnɔŋ le tìyèe e fèemàŋ wɔ.