Nyɛ̀nɛ̀ŋ 18:2 - WƆŊ FƐ̀Ì EBÒ SÌÀŊ DAYÀA

² Kuŋ wò naŋ wa mɛ̀ɛ̀ŋ wo Juùù nyuuŋ bà àŋ nyaaŋ wo Àkuilà, wo jɔ̀à kùmìàŋ ko Pɔuŋtɔ̀. Wo Àkuilà yèè wo jawèuŋ nɔɔ̀ŋ Pɛ̀silià naŋ nɔŋ hnè mùnèè tɛɛ nɛɛ̀ŋ e yìwìà ko Etelè, esaɓù kɛ̀ wo Kànà fuɔɔ̀ŋ wèè ko Luùm wo Kulɔdiɔ̀ naŋ woò wààŋ aŋ Juùù nyuuŋ nyàŋ gbiŋ aŋ yèwà ko Luùm. Wo Pɔɔ̀ naŋ wa kɔ̀ ko jààmè wo Àkuilà yèè wo Pɛ̀silià.

Nyɛ̀nɛ̀ŋ 18:2 ပူးပေါင်းရင်းမြစ်များ

Nyɛ̀nɛ̀ŋ 11:28

Wo bà guùŋ, e deèuŋ nɛ̀ nàŋ yaà wa wo Àgaɓɔ̀. E yìwìà e gààŋ Jinàaŋ sùà wo Àgaɓɔ̀ naŋ wa sie yèè wò naŋ woò kɛ̀ e jiè gbee do nàŋ sɔ̀ɔ̀ e ɗuunyaàŋ gbiŋ sùà ko dòmàŋfeìŋ. E jìè bi zà naŋ wa sɔ̀ɔ̀ e teengaà wo Kulɔdiɔ̀ yaà wa wo Kana wèè wɔŋ fùɔ̀ŋ anyùùŋ Luùm nyaŋ lɛ̀.

Nyɛ̀nɛ̀ŋ 18:18

Wo Pɔɔ̀ naŋ nɔ̀ŋ ko Kɔliìŋ wèè e teenga kpàa bà, yèèngàà wò naŋ fè anyuùŋ hààwe nyàŋ ke miè dìàmaŋ yèè wò naŋ kɔ̀ ko Siilià. Nààŋ wò yaà wa kɔɔyɛ, wo Pɛ̀silià yèè wo Àkuilà nauŋ wa dè maŋjɛ̀wɛ àŋ naŋ kɔ̀ ko Sìŋkulià. Kɛɛ wèè paŋ aŋ sɛɛ̀ wa wɔŋ meeèɔ sùà aŋ ka, wo Pɔɔ̀ naŋ wa dòò e ɗìuŋ nɛ̀ esaɓù kɛ̀ wò naŋ wa jɔ̀ɔ̀ e ɗààhiì koɓɛ̀ Dayài.

Nyɛ̀nɛ̀ŋ 18:26

Wo Àpolò naŋ tɔ̀ɔ̀tù gbòa janyai ko sààŋ zòòlò aŋ Juùù nyaŋ. Kɛɛ nààŋ wo Pɛ̀silià yèè wo Àkuilà nauŋ kumiè, àŋ nauŋ ɓemè auŋ kòà ko gboo nyiŋ noo yèè àŋ nauŋ kaà wèè wo nyìmàŋ e làngì Dayàa tɛ̀ɛ̀.

Nyɛ̀nɛ̀ŋ 2:9

Tiŋ zà yàwi nààŋ bà nyiŋ è yààìŋ anyùùŋ wɔŋ fùɔ̀ŋ Paatìàa, wɔŋ fùɔ̀ŋ Miɗiàa, wɔŋ fùɔ̀ŋ Ilamɔ̀ɔŋ, wɔŋ fùɔ̀ŋ Mɛsèpòtamiɔ̀ɔ, wɔŋ fùɔ̀ŋ Jùdiàa, wɔŋ fùɔ̀ŋ Kàpàdosìàa, wɔŋ fùɔ̀ŋ Pɔuŋtɔ̀ɔ yèè wɔŋ fùɔ̀ŋ Eesìàa,

Nyɛ̀nɛ̀ŋ 27:1

Nààŋ wo Fɛtɔ̀ yaà anyunùuŋ nyàŋ naŋ wa ɗewè wèè àŋ sɛɛ̀ wɔŋ meeɔ̀ sùà aŋ ka ko Luùm, àŋ naŋ wa kìlè wo Pɔɔ̀ yaà aŋ pèesìnàŋ gbànaŋ nyàŋ koɓɛ̀ wo kànà aŋ kààlòòɗùà titi nyàŋ, e deèuŋ nɛ̀ nàŋ yaà wa wo Juliɔ̀, wo Kànà Gbèè wɔŋ fùɔ̀ŋ anyùùŋ Luùm nyaŋ wèè wo yɛmɛ̀ nyiŋ diɛŋ.

Nyɛ̀nɛ̀ŋ 27:6

Kuŋ wo nyùùŋ gbèè aŋ kààlòòɗùà nyaŋ naŋ wa mɛ̀ɛ̀ŋ wɔŋ meeè wɔ̀ŋ yewe ko Àlèzandilà wɔ̀ŋ yaà kɔ̀ɔ̀yɛ̀ ko Etelè. Yèè wò naŋ wi nyɛ̀nɛ̀ŋ eiŋ sɛ̀ɛ̀ wɔŋ meeè bi sùà.

1 Kɔliìŋ 16:19

Maŋ gbòò anyuùŋ hààwe nyàŋ ko Eesìà dawàìŋ. Wo Àkuilà yaà wo Pikà yèè ke gbòò nyuùŋ hààwe nyàŋ deenàŋ ko saaŋ nyiŋ noo lɛ̀ naiŋ tùɔ̀ŋ e zùùmo e dèè Kanaà sùà.

2Time 4:19

Mìŋ naŋ tùɔ̀ŋ maŋ zùùmo koɓɛ̀ wo Pikà yaà wo Àkuilà yèè koɓɛ̀ ke kpòò Ɔ̀nesifelɔ̀ɛ.

Hiɓu 13:24

Mìŋ zuumàŋ anyuùŋ gbeegbèèiŋ nyàŋ yèè anyùùŋ nɛɛmaŋ nyàŋ gbiŋ. Anyùùŋ màŋjɛ̀wɛ̀ Kanaà ko Etelè, naiŋ tɔ̀ùŋ zùùmo.

1Pììlɛ 1:1

E yìwìà miàim Pììlɛ sìwè, wo yèɔ yaà wo keela tàeɗùù wèè Jisɛ̀ Kulaì wɔ, nàŋ yaà sìngìè wɔŋ fɛi wɛɛ̀ŋ koɓɛ̀ anyùùŋ nyaŋ wo Dayà naŋ tàeɗùù wèè aŋ nɔ̀ŋ anyunùuŋ nyàŋ, yèè àŋ naŋ nɔ̀ŋ aŋ nyùnèènyɛiŋ àŋ naŋ ɓààyè maŋ kpàlàùŋ kpàlàùŋ maŋ gbiŋ sùà nyaŋ e yìwìà ko Pɔuŋtɔ̀, Gàlatìà, Kàpàdosìà, Eesìà, yèè ko Bɛ̀tenìà.