Nyɛ̀nɛ̀ŋ 18:19 - WƆŊ FƐ̀Ì EBÒ SÌÀŊ DAYÀA

¹⁹ Nyiŋ taai àŋ naŋ hàì ko Ɛfesɔ̀, kuŋ wo Pɔɔ̀ naŋ wa jòò wo Pɛ̀silià yèè wo Àkuilà. Kpeiŋ wò naŋ kɔ̀ ko sààŋ zòòlò aŋ Juùù nyaŋ wèè wo gbòà koɓɛ̀ anyùùŋ nyaŋ.

Nyɛ̀nɛ̀ŋ 18:19 ပူးပေါင်းရင်းမြစ်များ

Nyɛ̀nɛ̀ŋ 18:20

Anyùùŋ nyaŋ nauŋ wa dawè wèè wo nɔ̀ŋ nyiŋ le gòlò wèè maŋ ɗɔɔ kpàa, kɛɛ wo gò wa nyimèè.

Nyɛ̀nɛ̀ŋ 18:21

Wèè paŋ wo jòà nyiŋ wa wo ka, wò naŋ nyiŋ woò wààŋ, “Sèè wo Dayà nyimààŋ, mìŋ do nàŋ kɛ̀ɛ̀ ko nɛ̀ɛ̀iŋ niìŋ.” Yèè wò naŋ sɛ̀ɛ̀ wɔŋ meeèɔ sùà wò naŋ yèwè ko Ɛfesɔ̀ yèè wò naŋ kɔ̀ ko Sesèlià.

Nyɛ̀nɛ̀ŋ 18:24

E teenga lii sùà wo Juùù nyuuŋ bà e yìwìà ko Àlèzandilà àŋ nyaaŋ wo Àpolò naŋ wa hnè ko Ɛfesɔ̀. Wò hewa gbòà tɛ̀ɛ̀ e kìlà wò naŋ wa nyìmè e zimgbe niŋ wɔŋ Fɛ̀ì Dayàa sùà.

Nyɛ̀nɛ̀ŋ 18:4

Wo Pɔɔ̀ hewa gbòà koɓɛ̀ aŋ Juùù nyaŋ yèè anyùùŋ nyaŋ fè àŋ Juùù nyaŋ ko sààŋ zòòlò aŋ Juùù nyaŋ maŋ Ɗɔ̀ɔ̀ Zòòlò aŋ Juùù nyaŋ diɛŋ wèè aŋ kɛɛnɛ̀ŋ e hààwe wo Kanaà Jisɛ̀ sùà.

Nyɛ̀nɛ̀ŋ 19:1

E teengaà wo Àpolò yaà wa ko Kɔliìŋ lɛ, wo Pɔɔ̀ naŋ kɔ̀ɛ̀ maŋ kpàlàùŋ kpàlàùŋ Eesìà maŋ sùà yèè wò naŋ hnè ko Ɛfesɔ̀. Kuŋ wò naŋ wa mɛ̀ɛ̀ŋ anyùùŋ màŋjɛ̀wɛ̀ Jisɛ̀ nyaŋ bà.

Nyɛ̀nɛ̀ŋ 19:17

Yèè anyùùŋ nyaŋ gbiŋ joà wa ko Ɛfesɔ̀ nyaŋ naŋ tɛɛ̀ kòmò, e hààwè aŋ Juùù yèè anyùùŋ nyaŋ fè àŋ Juùù nyaŋ. Yèè e jùù naŋ sɛ̀ɛ̀ aŋ gbiŋ e kɔɔo sùà, yèè aŋ gbiŋ naŋ wa jòòwò e dèè wo Kanaà Jisɛ̀.

Nyɛ̀nɛ̀ŋ 19:26

Yèè nàŋ niŋ naàŋ yɛmɛ̀ yèè nàŋ niŋ kòmàŋ nyɛ̀iŋ bi tɛ̀ɛ̀ e nyaàiŋ dè e yèɛ wo felaa wɛɛ̀, wo Pɔɔ̀ yaà woo koɓɛ̀ anyuùŋ zimgbe lɛ̀. Yèè wo fè nɔŋ wòò è keì lɛɛ̀ kò Ɛfesɔ̀ kuŋ guùŋ, kɛɛ ebɛ̀ŋ maŋ tàta màŋ gbiŋ sùà ko Eesìà. Wò naŋ nyɛ̀nɛ̀ŋ anyùùŋ nyaŋ aŋ nyìmàŋ kɛ̀ aŋ dayà nyaŋ anyuùŋ kpùuŋ baanàŋ le sìwè nyaŋ aŋ fè àŋ dayà kɛnɛ.

Nyɛ̀nɛ̀ŋ 19:28

Nààŋ anyuùŋ tòmo dàwiuŋ nyàŋ naŋ tɛɛ̀ kòmò, àŋ naŋ wa tuù yèè àŋ naŋ tɔ̀ɔ̀tù kpàaŋ nyààŋ, “Wo dayà gbeeɔ̀ nàŋ yaà wo Atɛmè, wo dayàa wèè anyùùŋ Ɛfesɔ̀ nyaŋ!”

Nyɛ̀nɛ̀ŋ 19:35

Ko diemeì, wo nyuùŋ sìngà maŋ fɛ̀ì jawaà naŋ nyɛ̀nɛ̀ŋ anyùùŋ nyaŋ naŋ hɔ̀ànè kpàaŋ, yèè wò naŋ nyiŋ woò wààŋ, “Nyùnòò Ɛfesɔ̀ nyaŋ, anyùùŋ nyaŋ gbiŋ àŋ nyìmàŋ kɛ̀ ko jawa gbeeì Ɛfesɔ̀ nàŋ yaà nyuùŋ tùnìàŋ wo dayà gbeeɔ̀ Atɛmè, yaà ke duò titiɛ̀ naŋ wa fòlò ko àìjɛnɛ̀ŋ kè naŋ sɔ̀ɔ̀ yɛ.

Nyɛ̀nɛ̀ŋ 20:16

Wo Pɔɔ̀ naŋ wa ɗewè wèè eiŋ kɔ̀ɛ̀ ko Ɛfesɔ̀, esaɓù kɛ̀ wo manàŋ wa wèè wò do nɔ̀ŋ wɔ̀ŋ fùɔ̀ŋ Eesìàa wèè e teenga mùnlaŋ. Wò yaà wa nyinie fiòfiò yèè wò manaŋ wa wo hàì ko Jùlusɛ̀làm e teengaà wèè ke ɗɔ̀ɔ̀ zòòlò aŋ Juùù nyaŋ àŋ nyaaŋ Pɛnɛŋkɔ̀ɛ.

Nyɛ̀nɛ̀ŋ 20:17

Nààŋ wo Pɔɔ̀ naŋ hàì ko jawa gbeeì àŋ nyaaŋ Miletù wɔŋ juwoɔ̀ kɔɔ, wò naŋ tùɔ̀ŋ ke miè gbìaŋ koɓɛ̀ aŋ màmàŋkùmɛŋ nyàŋ wèè ke gbòò anyuùŋ hààwe nyàŋ ko Ɛfesɔ̀ wèè aŋ hnàŋ aŋ mɛɛ̀uŋ ko Miletù.

Nyɛ̀nɛ̀ŋ 21:29

Àŋ naŋ wa tɛɛ̀ woò e fèfoo àŋ naŋ yɛ̀mɛ̀ wo nyùùŋ e yìwìà ko Ɛfesɔ̀ àŋ nyaaŋ Tofimù yaà wo Pɔɔ̀ koɓɛ̀ guùŋ ke ɗɔɔɛ̀ bàa ko jawaì, e kìlà àŋ yaà wa goongo kɛ̀ wo Pɔɔ̀ nauŋ jɔ̀ɔ̀yɛ̀ ko Saaŋ Zòòlò Dayài.

1 Kɔliìŋ 15:32

Kiìŋ nàŋ yaà e jìwà jɛ̀wɛ̀ mɛ̀ wèè anyìlì ɓie sùmiaŋ ko Ɛfesɔ̀? Kɛ sèè wo Dayà gò wa weè gè ànyuùŋ fàa nyàŋ è fàa dìì, kɛ̀ màànààŋ nɔŋ àŋ woà lɛ, “Tɔ̀ e jèiŋ nɛ̀ŋ, yèè e tìàiŋ nɛ̀ŋ saɓù kɛ̀ nàwèè è doiŋ nàŋ fɔ̀.”

1 Kɔliìŋ 16:8

Mìŋ nɔ̀ŋ kià ko Ɛfesɔ̀ e jèèsùà ke ɗɔ̀ɔ̀ e zòòlò aŋ Juùù nyaŋ àŋ nyaaŋ Pɛnɛŋkɔ̀ɛ lɛ̀ ke haì.

Ɛfesɔ̀ 1:1

E yìwìà miàim Pɔɔ̀ sìwè, wo yèɔ yaà wo keela tàeɗùù wèè Kulaì Jisɛ̀ esàɓù e kèè jìì Dayàa sùà wɔ, nàŋ yaà sìngìè wɔŋ fɛi wɛɛ̀ŋ koɓɛ̀ anyùùŋ nɛɛmaŋ nyàŋ kuwa maŋ jii tùlia maŋ nyiiŋ gèe nyiŋ màŋ sùà àŋ yaà aŋ bà nyiŋ bà Jisɛ̀ Kulaì sùà ko Ɛfesɔ̀ nyaŋ.

1Time 1:3

Mìŋ manaŋ wèè maŋ jèè ko Ɛfesɔ̀, màànààŋ nɔŋ mìŋ naum wa dawè e teengaà mìŋ yaà wa kɔ̀ɔ̀yɛ̀ ko Mɛ̀sèdonià lɛ. Anyùùŋ kòò àŋ yaào aŋ fè kàa sùà ànyùùŋ nyaŋ è hààwe kɛnɛ, nàaà nyiŋ wèè aŋ hɔanè niŋ nyɛ̀nɛŋ.

2Time 1:18

Tɔ̀ wo Kanaà wo yɛmɛ̀uŋ wa nàwèè ke nyowo ke ɗɔɔ dìàmaàŋ diɛŋ! Màŋ nyìmàŋ kɛ̀ kiìŋ è kpùùmaŋ wò naŋ nyɛ̀nɛ̀ŋ weèim ko Ɛfesɔ̀.

2Time 4:12

Mìŋ naŋ tùɔ̀ŋ wo Tachikɔ̀ ko Ɛfesɔ̀.

Maŋ kèì nyɛɛnɛŋ 1:11

Ke mìèɛ naŋ woò wààŋ, “Singà e nɛ̀ɛŋ mùŋ naŋ yɛmɛ̀ lɛ wɔŋ fɛi sùà, yèè muŋ tùàŋ niŋ koɓɛ̀ maŋ gbòò anyuùŋ hààwe nyàŋ maŋ jàwà gbèègbèè nɔɔnɔŋ le tìyèe mɛɛ̀ŋ sùà, ko Ɛfesɔ̀, ko Sìmanà, ko Pɛgamùŋ, ko Tàyatilà, ko Saɗì, ko Fèlèdɛfià, yaà ko Làòdisià.”

Maŋ kèì nyɛɛnɛŋ 2:1

Wo Jisɛ̀ naŋ ɓɛìŋ woò wààŋ, “Tɛɛ̀ mùŋ kuwa maŋ sìngà koɓɛ̀ wo màikàa wèè ke gbòò anyuùŋ hààwe nyàŋ ko Ɛfesɔ̀. “Ke miè gbìaàŋ yɛɛ̀ e yìwìà wo yèɔ kuwa maŋ ɗù nɔɔnɔŋ le tìyèe màŋ wɔŋ kùàŋ jìkauŋ nɔɔ̀ŋ, yèè wò kaaìŋ maŋ gòoò kùù sɛ̀ɛ̀ laumpò, màŋ nɔɔnɔŋ le tìyèe e fèemàŋ wɔ.