Nyɛ̀nɛ̀ŋ 18:18 - WƆŊ FƐ̀Ì EBÒ SÌÀŊ DAYÀA

¹⁸ Wo Pɔɔ̀ naŋ nɔ̀ŋ ko Kɔliìŋ wèè e teenga kpàa bà, yèèngàà wò naŋ fè anyuùŋ hààwe nyàŋ ke miè dìàmaŋ yèè wò naŋ kɔ̀ ko Siilià. Nààŋ wò yaà wa kɔɔyɛ, wo Pɛ̀silià yèè wo Àkuilà nauŋ wa dè maŋjɛ̀wɛ àŋ naŋ kɔ̀ ko Sìŋkulià. Kɛɛ wèè paŋ aŋ sɛɛ̀ wa wɔŋ meeèɔ sùà aŋ ka, wo Pɔɔ̀ naŋ wa dòò e ɗìuŋ nɛ̀ esaɓù kɛ̀ wò naŋ wa jɔ̀ɔ̀ e ɗààhiì koɓɛ̀ Dayài.

Nyɛ̀nɛ̀ŋ 18:18 ပူးပေါင်းရင်းမြစ်များ

Maafiù 4:24

Kpeiŋ ebò Jisɛ̀ɛ naŋ ɓààyè maŋ tàta màŋ gbiŋ sùà wɔŋ fùɔ̀ŋ Siilìàa, yèè anyùùŋ naŋ hìɛ̀ŋ anyuùŋ kɛ̀ɛ̀nɛ̀ŋ maŋ sàaŋ gɛ̀wɛɛ̀ nyaŋ gbiŋ ko nɛ̀ɛ̀uŋ niìŋ wèè wo nyiŋ sùngà. Aŋ bà nyiŋ kuwa wa e sààŋ aŋ jinàŋ naanààŋ, aŋ bà nyiŋ kuwa e sààŋ gbògàngè, yèè aŋ bà nyiŋ naŋ wa kpɔɔkpɔ̀ɔ̀. Wo Jisɛ̀ naŋ wa sùngò aŋ gbiŋ.

Nyɛ̀nɛ̀ŋ 1:15

Maŋ ɗɔɔ kpàa naŋ mààŋ yèè anyuùŋ hààwe nyàŋ naŋ dèènè koɓɛ̀ guùŋ. Àŋ yaà wa e sɔ̀ngɔ̀ anyuùŋ hɔ̀nɔ̀ɔ̀ guùŋ kpɛ̀ɛ̀ùŋ guùŋ (120), kpeiŋ wo Pììlɛ naŋ sie wèè wo gbòà koɓɛ̀ anyùùŋ nyaŋ.

Nyɛ̀nɛ̀ŋ 15:23

E mìè nyààŋ wɔŋ fɛiɔ̀ àŋ naŋ wa sìngè wɔŋ naŋ woò wààŋ, “Yàwi, aŋ wùìya nyàŋ, aŋ keela tàeɗùù nyaŋ yaà aŋ màmànkùmɛ̀ŋ anyuùŋ hààwe nyàŋ, naŋ tùɔ̀ŋ e zùùmò e mɔ̀ɔ̀nɔŋ koɓɛ̀ nyɛ̀iŋ nyàŋ kinɛiŋ naŋ kìlè koɓɛ̀ wo Kanaà Dayà nyaŋ, kɛɛ niŋ fè àŋ Juùù nyuuŋ nyàŋ ko Aŋtiɔ̀, ko Siilià, yèè ko Sèlesìà.

Nyɛ̀nɛ̀ŋ 15:41

Yèè àŋ naŋ kɔ̀ɛ̀ wɔŋ fùɔ̀ŋ Siilìàa yaà ko Sèlesìà, àŋ yaà nyììne sùà ke gbòò anyuùŋ hààwe nyàŋ maŋ jii e nyaàiŋ dè wo Jisɛ̀.

Nyɛ̀nɛ̀ŋ 18:2

Kuŋ wò naŋ wa mɛ̀ɛ̀ŋ wo Juùù nyuuŋ bà àŋ nyaaŋ wo Àkuilà, wo jɔ̀à kùmìàŋ ko Pɔuŋtɔ̀. Wo Àkuilà yèè wo jawèuŋ nɔɔ̀ŋ Pɛ̀silià naŋ nɔŋ hnè mùnèè tɛɛ nɛɛ̀ŋ e yìwìà ko Etelè, esaɓù kɛ̀ wo Kànà fuɔɔ̀ŋ wèè ko Luùm wo Kulɔdiɔ̀ naŋ woò wààŋ aŋ Juùù nyuuŋ nyàŋ gbiŋ aŋ yèwà ko Luùm. Wo Pɔɔ̀ naŋ wa kɔ̀ ko jààmè wo Àkuilà yèè wo Pɛ̀silià.

Nyɛ̀nɛ̀ŋ 18:26

Wo Àpolò naŋ tɔ̀ɔ̀tù gbòa janyai ko sààŋ zòòlò aŋ Juùù nyaŋ. Kɛɛ nààŋ wo Pɛ̀silià yèè wo Àkuilà nauŋ kumiè, àŋ nauŋ ɓemè auŋ kòà ko gboo nyiŋ noo yèè àŋ nauŋ kaà wèè wo nyìmàŋ e làngì Dayàa tɛ̀ɛ̀.

Nyɛ̀nɛ̀ŋ 18:27

Kpeiŋ wo Àpolò naŋ ɗewè wèè wo ka wɔŋ fùɔ̀ŋ Àkaayàa sùà. Yèè anyuùŋ hààwe nyàŋ ko Ɛfesɔ̀ nauŋ nyììnè jii, yèè àŋ naŋ sìngè wɔŋ fɛi koɓɛ̀ anyuùŋ hààwe nyàŋ ko jawa bi wèè aŋ jààuŋ kùàŋ dìì. Nààŋ wo Àpolò naŋ wa hàì ko Àkaayà, wò naŋ wa nɔ̀ŋ wo nyuùŋ kpùùmaŋ gbee koɓɛ̀ anyùùŋ nyaŋ gbiŋ naŋ wa hààwè wo Kanaà Jisɛ̀ sùà nyaŋ, esàɓù ke kpèè sìàŋ Dayàa àŋ naŋ nɔ̀ŋ anyuùŋ hààwe.

Nyɛ̀nɛ̀ŋ 21:23

Kɔ̀nɛɛ̀ŋ nyɛnɛ̀ŋ e yèɛ è woàùm lɛ. È kùwàìŋ aŋ fèlàà tiinàŋ aŋ yè nyaŋ naŋ jɔ̀ɔ̀ ɗààhiì titi koɓɛ̀ Dayài.

Nyɛ̀nɛ̀ŋ 21:24

Kɔ̀à sɛ̀ɛ̀ nyiŋ sùà yèè muŋ nɔ̀ŋ wo bàumbà yèè niŋ nyɛ̀nɛ̀ŋ e nɛ̀ɛŋ maŋ Sàwà Dayà maŋ naŋ woò lɛ nààŋ wò naŋ miŋ wa kìɛ̀ŋ wo Mòòze wèè niŋ nɔ̀ŋ zɛ̀nɛiŋ ko fɛ̀ɛ̀fèìŋ Dayà lɛ. E kìlà muŋ paawà wèè manɛ̀ŋ saà nyiŋ màŋ, Kpeiŋ kɛ̀ àŋ dòò maŋ ɗìiŋ màŋ. E ɗewe lɛɛ̀ sùà anyùùŋ nyaŋ do nàŋ nyìmè kɛ̀ e yèɛ àŋ naŋ kòmò e nyaàiŋ eum dè lɛ è yaà e tòa, yèè kɛ̀ muàŋ bi kòò mùŋ yaà jɔ̀ɔ̀lɔ̀ maŋ Sàwà maŋ wo Dayà naŋ wa kìɛ̀ŋ wo Mòòze màŋ dìì.

Nyɛ̀nɛ̀ŋ 21:3

È naiŋ wa hàì koɓɛ̀ bà ko yèi è yɛmɛ̀ìŋ wa ko Sapulɔ̀, yèè è naiŋ kɔ̀ wɔŋ kùàŋ gbɔnɔŋ wɔŋ dakìɔ diɛŋ ko Taà wɔŋ fùɔ̀ŋ Siilìàa, ko yèi anyùùŋ nyaŋ yaà wa kɔɔyɛ wèè aŋ gè manɛ̀ŋ foo nyiŋ màŋ wɔŋ meeèɔ sùà.

Luùm 16:1

Mìŋ kuwa e keì sìàŋ wèè ka wòò wo jaa miɔ̀ŋ Foɓɛ̀, wo yèɔ yaà wo ɓɔìjɔ̀à wèè ke gbòò anyuùŋ hààwe nyàŋ ko Sìŋkulià wɔ.

1 Kɔliìŋ 9:20

E teengaà mìŋ yaà toomo wèè aŋ Juùù nyaŋ lɛ̀, mìŋ naŋ nyiŋ nɔ̀ŋ e tɛɛ mààŋ wo Juùù, wèè miŋ hiàŋ nyiŋ koɓɛ̀ Dayài. Jòòpɛɛ miàŋ bi miŋ fè màŋ Sàwà Mòòze màŋ dìì, mìŋ naŋ nɔ̀ŋ mààŋ mìŋ yaà miìŋ dìì sèè mìŋ nɔ̀ŋ tòòmò aŋ yè nyaŋ yaà miìŋ dìì nyaŋ tɛɛ, wèè aŋ mànàŋ Dayà.

Gàla 1:21

Eɓìèmàŋjɛ̀wɛ̀ tii, mìŋ naŋ kɔ̀ wɔŋ fùɔ̀ŋ Siilìàa yèè wɔŋ fùɔ̀ŋ Sèlesìà.