Nyɛ̀nɛ̀ŋ 18:15 - WƆŊ FƐ̀Ì EBÒ SÌÀŊ DAYÀA

¹⁵ Kɛɛ sèè è nɔ̀ŋ e kèì maŋhɛɛ ge e nyaàiŋ dè e nɛ̀ɛŋ wo nyùùŋ bà naŋ woò lɛ yèè maŋ dèè anyùùŋ bà, yèè e làngì maŋ sàwàiŋ màŋ, kɛ̀ nyɛ̀iŋ bi bàneìŋ niŋ sùà. Miŋ naàŋ nɔ̀ŋ wò nyuùŋ gbài wèè màŋ keì mààŋ mɛɛ̀ŋ.”

Nyɛ̀nɛ̀ŋ 18:15 ပူးပေါင်းရင်းမြစ်များ

Maafiù 27:24

Kpeiŋ nààŋ wo Paalè naŋ wa yɛmɛ̀ kɛ̀ anyùùŋ nyaŋ fè wa wòò è keì kɛnɛ gbiŋ, kɛɛ àŋ manaŋ wa aŋ dàà ke kpùùnɛɛ̀, wò naŋ wa ɓèmè e wùìyè yèè wò naŋ gùò le sìwè ko fɛ̀ɛ̀fèìŋ e faaàŋ, wò yaà woo wààŋ, “Miŋ nyimààŋ è kèè màŋ sɛ̀ìŋ wò felaa wɛɛ̀, weètii nyɛ̀nɛìŋ niŋ nyɛ̀iŋ bi.”

Maafiù 27:4

Wò naŋ woò wààŋ, “Ka nyɛ̀nɛ̀ŋ e kèì jùumù nààŋ mìŋ mààŋ wo felaaà gò nyɛ̀nɛ̀ŋ è keì naanààŋ gbiŋ wɔ̀, wèè auŋ jìwà yèè wèè aŋ wùàŋ maŋ sɛnùuŋ màŋ.” Kpeiŋ anyùùŋ nyaŋ nauŋ fasàì nyààŋ, “Kiìŋ è kuwa e tii nyiniàŋ? E kpàtaum tii.”

Jɔ̀ɔŋ 18:31

Wo Paalè naŋ wòò aŋ Juùù nyaŋ wààŋ, “Kɛ̀ nyɛ̀iŋ bi kòa nùuŋ yèè niŋ kiliàuŋ e kiti diɛŋ màànààŋ ke sàwàiŋ nɛɛ̀ŋ naŋ woò lɛ.” Kpeiŋ anyùùŋ nyaŋ naŋ fasàì nyààŋ, “Ke sàwàa gò wi gè nyààŋ diɛŋ wèè eiŋ jìwà wò nyùùŋ gbiŋ.”

Nyɛ̀nɛ̀ŋ 18:13

Àŋ naŋ wòò wo Gàliò nyààŋ, “Wo felaa wɛɛ̀ yaà kààmè ɗewe wèè wo nyɛ̀nɛ̀ŋ anyùùŋ nyaŋ gbiŋ àŋ zòòlò Dayà e ɗeweɛ̀ maŋ sàwà wi màŋ gò tɔɔ̀ lɛ.”

Nyɛ̀nɛ̀ŋ 23:29

Mìŋ naŋ nyɛ̀nɛ̀ŋ maŋ nɔnɔŋ tùaŋ, kɛɛ miŋ gò yɛ̀mɛ̀ è keìɛ wò naŋ nyɛ̀nɛ̀ŋ lɛ wèè wo yɛ̀mɛ̀ fàa ɔ̀ɔ̀ wèè auŋ pɛɛ gbìàŋ kò sààŋ nyìwì. E keìɛ àŋ nauŋ gbùwò ɗì lɛ e nyaàiŋ naŋ dè maŋ sàwà nyiŋ màŋ.

Nyɛ̀nɛ̀ŋ 25:11

Sèè ka weè pɔ̀ɔ̀ ke sàwàa ke yèɛ naŋ tɔɔ̀ kɛ̀ sɔɔ̀ ka kà e mɔ̀ɔ̀nɛ̀ŋ e fàa dìì, mìŋ naàŋ weè dawè wèè aim gè è kèì nyìngà è fàa bi dìì. Kɛɛ miŋ gò nyɛ̀nɛ̀ŋ màŋ keì mɛɛ̀ŋ bà guùŋ pɛɛ àŋ naim yaà gbùwò ɗì maŋ, yèè wo nyùùŋ kuwà è tɔ̀ɔ̀nyaàaŋ wèè woim kìlà kòɓɛ̀ ànyùùŋ nyɛɛ̀ŋ. Weètii tɔ̀ miŋ dawè wo kanaà Siisɔ̀, wo Kànà anyùùŋ fùɔ̀ŋ Luùm nyaŋ wuŋ bi woim gbaì.”

Nyɛ̀nɛ̀ŋ 25:19

E yèɛ gbiŋ nɔŋ àŋ kuwa dài aŋ woò lɛ nàŋ yaà e keì kpàànè kpaane e nyaàiŋ dè maŋ langi nyiŋ màŋ bà yèè e kèè wo felaa bà naŋ wa fɔ̀ àŋ nyaaŋ wo Jisɛ̀. Wo Pɔɔ̀ naŋ woò wààŋ wo Jisɛ̀ bi naŋ yèwè e fàaà dìì yèè kòò wò yaà wɔŋ nyiiŋ gèeɔ̀ sùà.

Nyɛ̀nɛ̀ŋ 26:3

ɓɔɔɓɔɔ ngèè màŋ nyìmàŋ e zimgbe niŋ e nyaàiŋ dè e làngì zòòlo aŋ Juùù nyaŋ yaà maŋ hààwe màŋ naŋ gòònò tɛɛ màŋ. Weètii mìŋ manaŋ maim kumiàŋ tɛ̀ɛ̀ ke jii tɔumtɔ̀ùm sùà.

1Time 1:4

Wòò nyiŋ aŋ hɔanè pɔ̀ɔ̀ e teenga nyiŋ nɛ̀ maŋ kàɓanè gò kùwìè jiikɛ̀ɛ màŋjɛ̀wɛ, e kìlà aŋ dangè maŋ dèè aŋ nèwàènèwe gò kɛ̀ɛ̀nɛ̀ŋ dìa nyiŋ màŋ sìnga, maŋ yè maŋ hiàŋ e nyaàŋ kpàànè kpaane anyùùŋ e fèemàŋ. Maŋ fè tòòmò è ɗèwè Dayàa, è yèɛ nyaàiŋ naŋ dè è hààwe lɛ̀.

1Time 6:4

wo nyùùŋ mààŋ wii tɔɔ̀ wuŋ bi e dɛ̀ɛ̀kɛ sùà, yèè wo nyimààŋ è nɛ̀ŋ gbiŋ. Wò yaà ngèè siinyɛŋ ke jiikɛ̀ɛuŋ nɛɛ̀ŋ sùà, yèè e gòngò maŋhɛɛ gèe yaà e nyaàŋ tàaŋ e nyaàiŋ dè maŋ mìè gbòa màŋ yè maŋ hiàŋ e koo, e tɛɛ gòòno, e ɓɛ̀ɛ̀pɔ̀ɔ, yèè maŋ keì naanààŋ,

2Time 2:23

Kɛɛ gè kùàŋ maŋhɛɛ gèe zùwo gò kùwìè jiikɛ̀ɛ maŋ kùàŋ sùà. Màŋ nyìmàŋ kɛ̀ ko jèè ɗì miŋ niìŋ è yaà e nyaàŋ tàaŋ.

Taitɔ̀ 3:9

Ɓɔ̀ mùŋ gbìàŋ kùàŋ màŋ hɛ̀ɛ̀ gè zùwo sùà è nyaàiŋ dè àŋ nèwàènèwe nyàŋ, yèè ɓɔ̀ mùŋ gbɛ̀ɛ̀ màŋhɛ̀ɛ̀ gè nyaàtàaŋ wèè màŋ Sàwà Mòòze màŋ è kɔɔ. Maŋhɛɛ gèe mààŋ miiŋ, màŋ yaà maŋhɛɛ gèe foofòò e jiikɛ̀ɛ fè miìŋ sùà.