Nyɛ̀nɛ̀ŋ 18:10 - WƆŊ FƐ̀Ì EBÒ SÌÀŊ DAYÀA

¹⁰ Kòò mìŋ yààùm maŋjɛ̀wɛ, wo nyùùŋ gbiŋ naàum gbùwò kè gùuŋ wèè woum nɛɛmùŋ, esaɓù anyùùŋ nyaŋ zimgbe nyiŋ ko jawa gbee àŋ yaà anyunùim.”

Nyɛ̀nɛ̀ŋ 18:10 ပူးပေါင်းရင်းမြစ်များ

Maafiù 1:23

Wò naŋ woò wààŋ, “Wo jɔ̀ùŋ jɔ̀à bɛ̀ɛ̀ do nàŋ nɔ̀ŋ le sùà yèè wò do nàŋ kòmò wo jɔ̀àfelaa, yèè àŋ douŋ nàŋ jàà e dèèɛ Ìmaanuɛ̀.” (E fàsàì e dèèɛ Ìmaanuɛ̀ nàŋ yaà kɛ̀, “Wo Dayà yaà wì e tɛɛ.”)

Maafiù 10:30

Sèè è nɔ̀ŋ wèè muàŋ, e ɗì duum nɛ̀ pɛɛ ko ɗì muìŋ è yaà kpɛ̀nɛŋ niŋ.

Maafiù 28:20

e kìlà niŋ kaà nyiŋ wèè aŋ jɔɔlɔ̀ e yèɛ gbiŋ mìŋ naiŋ kaà lɛ dìì. Yèè mìŋ doiŋ nàŋ nɔ̀ŋ maŋjɛ̀wɛ e teenga gbiŋ, e jèesùà e hàì ko dìà e ɗuunyaàŋ.”

Luù 21:18

Kɛɛ ke ɗì dùùm kpèè guùŋ pɛɛ maŋ ɗìiŋ màŋ ke naàŋ go.

Jɔ̀ɔŋ 10:16

Kòò mìŋ kuwa aŋ ɓaawaa joo bà àŋ yè nyaŋ fè wɔ̀ŋ gɔ̀ɔ̀ŋ àŋ ɓaawaa nyɛɛ̀ŋ kò sùà nyaŋ. Mìŋ kuwa ka nyiŋ hìàŋ koɓɛ̀ guùŋ nyiŋ pɛɛ, yèè àŋ do nàŋ kòmò ke miè miɛ̀ŋ. Kpeiŋ àŋ do nàŋ nɔ̀ŋ ke gbòò maŋ ɗòlònɛ̀ŋ aŋ ɓààwàà guùŋ.

Jɔ̀ɔŋ 11:52

Yèè wo Kaifɔ̀ naŋ ɓɛìŋ woò wààŋ kɛ̀ wo Jisɛ̀ fè wa nɔŋ fà sùà wèè nyiŋ guùŋ. Wò yaà wa fàa sùà wèè wo hìàŋ anyùùŋ Dayà nyaŋ gbiŋ naŋ wa ɓaayè nyaŋ wèè aŋ nɔ̀ŋ mìèsùàguùŋ.

Nyɛ̀nɛ̀ŋ 15:14

Wo Saamɔ̀ŋ Piilɛ̀ naŋ wi nɔŋ wòò e ɗeweɛ̀ wo Dayà naŋ wa hnè jɛɛ̀ yèè wò naŋ kìɛ̀ŋ e kpùùmaŋ koɓɛ̀ anyùùŋ nyaŋ fè àŋ Juùù nyaŋ. Wo Dayà naŋ wa tii nyɛ̀nɛ̀ŋ nààŋ wò naŋ wa tà aŋ bà nyiŋ ɗùù wèè aŋ nɔ̀ŋ anyunùuŋ.

Nyɛ̀nɛ̀ŋ 15:18

Tɛɛ̀ mìŋ naŋ wa nyɛ̀nɛ̀ŋ anyunùim nyàŋ aŋ nyìmàŋ e teenga gɔuo sùà.’ ”

Nyɛ̀nɛ̀ŋ 18:11

Yèè e teengaà wo Pɔɔ̀ naŋ wa nɔ̀ŋ ko Kɔliìŋ lɛ è yaà wa wɔŋ dòà guùŋ gbànaŋ, wò yaà kàà sùà anyùùŋ nyaŋ ke mìè Dayàa.

Nyɛ̀nɛ̀ŋ 18:9

Wɔŋ dùùm guùŋ wo Pɔɔ̀ naŋ gò e gɔa, yèè e gɔagòo bi sùà wo Kanaà nauŋ woò wààŋ, “E jùù ɓɔ̀ è nyɛ̀nɛ̀um wèè kè mìè Kanaà gbòa kòɓɛ̀ ànyùùŋ nyaŋ, yèè ɓɔ̀ mùŋ hɔnè nyiŋ gbòa.

Luùm 8:31

Kiìŋ è naiŋ ɓɛ̀nɛ̀ŋ wòo e nyaàiŋ dè maŋ keì mɛɛ̀ŋ gbiŋ? Sèè wo Dayà nɔ̀ŋ weè wi, kɛ̀ ɓòò naŋ ɓɛ̀nɛ̀ŋ nɔ̀ŋ wo joo wi?

2 Kɔliìŋ 12:9

Kɛɛ wò naŋ fasàì wààŋ, “E kìɛŋ tɛ̀ɛ̀tɛ̀ɛ̀ mɛ̀ nɔŋ mùŋ kuwa maŋ kɛɛnɛ̀ŋ, yèè e gaàŋ mɛ̀ nàŋ yaà e gbeeɛ̀ sèè mùŋ yɔkpɔ̀.” Kpeiŋ kɛ̀ ke jii kèim fà wèè ka kɛ̀ɛ̀ maŋ nyòngà wèè e yɔ̀kpɔ mɛ̀, e wèè ka yɛ̀mɛ̀ e gààŋ Jisɛ̀ Kulaìɛ yɛmɛ̀ nyùùŋ diɛŋ lɛ̀ ko diɛim.

2Time 4:17

Kɛɛ wo Kanaà naim wa nɔ̀ŋ maŋjɛ̀wɛ yèè wò naim kìɛ̀ŋ e gààŋ, weètii mìŋ naŋ wa ɓɛnɛ̀ŋ wèè ka wòò ke miè gbìaàŋ gbiŋ koɓɛ̀ anyùùŋ nyaŋ gbiŋ fè àŋ Juùù nyaŋ wèè aŋ nyiŋ kòmàŋ, yèè mìŋ naŋ wa yɛ̀mɛ̀ e jòèye, aŋ gòim wa gè nyààŋ diɛŋ wèè àŋ nyàa nyaŋ aim jìwà.

2Time 4:22

Wo Kanaà Jisɛ̀ yɛmɛ̀um diɛŋ. Tɔ̀ e tɛ̀ɛ̀tɛ̀ɛ̀ Dayàa nɔ̀ŋ nyɛ̀ìŋ gbiŋ maŋjɛ̀wɛ.