Nyɛ̀nɛ̀ŋ 17:4 - WƆŊ FƐ̀Ì EBÒ SÌÀŊ DAYÀA

⁴ Aŋ Juùù nyaŋ bà nyiŋ naŋ wa haawè yèè àŋ naŋ mààŋ wɔŋ fàà Pɔɔ̀ɔ yèè wo Silà. Eɓìèmàŋjɛ̀wɛ̀ nyiiŋ, anyuùŋ zimgbe aŋ Guliì nyuuŋ nyàŋ sùà yèè aŋ jɔùŋ ɓììɓìì nyaŋ zoolà Dayà nyaŋ naŋ mààŋ wɔŋ faà nyiŋ nɔɔ̀ŋ nyiŋ pɛɛ.

Nyɛ̀nɛ̀ŋ 17:4 ပူးပေါင်းရင်းမြစ်များ

Jɔ̀ɔŋ 7:35

Anyùùŋ gbèègbèè aŋ Juùù nyaŋ bà nyiŋ naŋ dàwè nyiŋ bi fèemàŋ nyààŋ, “Kòò wò do nàŋ kɔ̀ e yèɛ sèè è kamàuŋ e naàuŋ yɛmɛ̀? Ɓàà wò do nàŋ kɔ̀ wɔŋ fuɔŋ joo bà sùà ko yèi anyuùŋ wi nyàŋ bà joà lɛ anyuùŋ gbòà Guliì mie nyàŋ tɛɛ wèè wo nyiŋ kàà e ɗèwè e Guliì mieɛ̀ gbòa?

Nyɛ̀nɛ̀ŋ 13:43

Yèè nààŋ e dèèneɛ ko sààŋ zòòlò aŋ Juùù nyaŋ naŋ wa naàŋ ɓaa, aŋ Juùù nyuuŋ yèè anyùùŋ nyaŋ fè àŋ Juùù nyaŋ zimgbe nyiŋ naŋ wa kìlè koɓɛ̀ e zòòlò aŋ Juùù nyaŋ lɛ̀, naŋ wa dè wo Pɔɔ̀ yaà wo Bànaŋɓà maŋjɛ̀wɛ. Wo Pɔɔ̀ yaà wo Bànaŋɓà naŋ nyiŋ kìɛ̀ŋ jii nyingè wèè aŋ jeèè e hààwe sùà koɓɛ̀ Dayài esàɓù ke kpèè siaàŋ wo Dayà naŋ nyiŋ tɔɔ̀ lɛ.

Nyɛ̀nɛ̀ŋ 13:50

Kɛɛ anyùùŋ gbèègbèè aŋ Juùù nyaŋ naŋ kɔ̀ koɓɛ̀ aŋ kpàkòò ɓììɓìì nyaŋ bà ko jawaì yèè aŋ jɔùŋ kɛ̀ɛ̀nɛ̀ŋ ɓɛ̀ɛ̀jàa nyàŋ bà aŋ yè nyaŋ fè àŋ Juùù nyaŋ kɛɛ àŋ zoolà Dayà nyaŋ, yèè àŋ naŋ nyiŋ nyɛ̀nɛ̀ŋ aŋ kɛ̀ɛ̀nɛ̀ŋ maŋ jii fiìì wèè wo Pɔɔ̀ yèè wo Bànaŋɓà, yèè aŋ naŋ nyiŋ nimilà, e nɔ̀ŋ esaɓù aŋ nyiŋ nyìmàŋ aŋ nyiŋ gè maŋ tàta miiŋ wɔŋ fuɔɔ̀ŋ sùà.

Nyɛ̀nɛ̀ŋ 14:1

Wo Pɔɔ̀ yèè wo Bànaŋɓà naŋ gbòò koɓɛ̀ aŋ Juùù nyaŋ yèè anyùùŋ nyaŋ fè àŋ Juùù nyaŋ ko sààŋ zòòlò aŋ Juùù nyaŋ ko Ìkɔniɔ̀ŋ, màànààŋ nɔŋ àŋ naŋ wa nyɛ̀nɛ̀ŋ ko Aŋtiɔ̀ lɛ, yèè aŋ Juùù nyaŋ yaà aŋ yè nyaŋ fè àŋ Juùù nyaŋ zimgbe nyiŋ naŋ kɛ̀ɛ̀nɛ̀ŋ hààwe wo Kanaà Jisɛ̀ sùà.

Nyɛ̀nɛ̀ŋ 14:4

Kɛɛ anyùùŋ nyaŋ ko Ìkɔniɔ̀ŋ naŋ wa gòònò sùà. Aŋ bà nyiŋ naŋ wa dè aŋ Juùù nyaŋ maŋjɛ̀wɛ, yèè aŋ bà nyiŋ naŋ dè aŋ kèèlà Dayà nyaŋ maŋjɛ̀wɛ.

Nyɛ̀nɛ̀ŋ 15:22

Aŋ keela tàeɗùù nyaŋ, yèè aŋ màmànkùmɛ̀ŋ anyuùŋ hààwe nyàŋ, e kpùlìà ke gbòò anyuùŋ hààwe nyàŋ naŋ ɗewè wèè aŋ tà anyùùŋ bà ɗùù wèè aŋ dè wo Pɔɔ̀ yèè wo Bànaŋɓà maŋjɛ̀wɛ aŋ ka ko Aŋtiɔ̀. Kpeiŋ àŋ naŋ tà wo Silà yèè wo Juɗà wo yèɔ àŋ nyaaŋ wa ɓɛìŋ wo Bàsaɓà wɔ ɗùù, aŋ sìèfèìŋ tìyèe anyuùŋ hààwe nyàŋ sùà.

Nyɛ̀nɛ̀ŋ 15:27

Weètii è yààìŋ tùàŋ sùà wo Juɗà yèè wo Silà, yèè àŋ doiŋ nàŋ wòò e kèì guùŋ nɛ è naiŋ sìngè lɛ.

Nyɛ̀nɛ̀ŋ 15:32

Aŋ wɛ̀ìjì tìyèe nyàŋ, wo Juɗà yèè wo Silà, naŋ wa gbòò anyuùŋ hààwe nyàŋ kɔɔ wèè e teenga mùnlaŋ wèè kɛ̀ aŋ kɛɛnɛ̀ŋ maŋ jii nyingè yèè e gààŋ.

Nyɛ̀nɛ̀ŋ 15:40

kɛɛ wo Pɔɔ̀ naŋ ɓèmè wo Silà yèè àŋ naŋ kɔ̀. Anyuùŋ hààwe nyàŋ naŋ nyiŋ gè sɛ̀ yèè àŋ naŋ nyiŋ gbìɛ̀ŋ zòòlo maŋjɛ̀wɛ wèè e tɛ̀ɛ̀tɛ̀ɛ̀ Kanaà e nɔ̀ŋ nyiŋ diɛŋ.

Nyɛ̀nɛ̀ŋ 16:3

Wo Pɔɔ̀ manaŋ wa wo Timetè wouŋ dè maŋjɛ̀wɛ; Kpeiŋ wò naŋ jàà wo Timetè ke kpùa, esaɓù kɛ̀ aŋ Juùù nyaŋ gbiŋ maŋ tàta miiŋ sùà wa nyìmàŋ kɛ̀ wo dèdà Timetèɔ yaà wa wo Guliì nyuuŋ.

Nyɛ̀nɛ̀ŋ 17:10

Wɔŋ dùùm guùŋ wiiŋ anyuùŋ hààwe nyàŋ naŋ tùɔ̀ŋ wo Pɔɔ̀ yaà wo Silà ko Bɛ̀lià. Yèè nààŋ àŋ nao haì, àŋ naŋ kɔ̀ ko sààŋ zòòlò aŋ Juùù nyaŋ.

Nyɛ̀nɛ̀ŋ 17:12

Aŋ zimgbe nyiŋ naŋ wa sìè e hààwe nyiŋ nɛ̀ wo Kanaà sùà, e hààwè aŋ Guliì nyuuŋ ɓììɓìì nyaŋ bà, aŋ jɔùŋ yèè felaa.

Nyɛ̀nɛ̀ŋ 17:14

Ko fɛɛ̀feìŋ anyuùŋ hààwe nyàŋ naŋ tùɔ̀ŋ wo Pɔɔ̀ wɔŋ juwoɔ̀ kɔɔ, kɛɛ wo Silà yaà wo Timetè naŋ wa jòò ko Bɛ̀lià.

Nyɛ̀nɛ̀ŋ 17:17

Wò naŋ wa kɔ̀ ko sààŋ zòòlò aŋ Juùù nyaŋ wèè wo gbòà ke mìè Dayàa koɓɛ̀ wo nyùùŋ nyaŋ nààŋ fè àŋ Juùù nyaŋ yèè aŋ Juùù nyaŋ yè nyaŋ yaà nyiŋ zoolà koɓɛ̀ guùŋ nyaŋ. Ke ɗɔɔ gbiŋ wò hewa gbòà koɓɛ̀ anyuùŋ mààŋ dòmaŋ nyàŋ kɔɔ aŋ yè nyaŋ wò mɛɛ̀ŋ wa e bòliɛ̀ sùà nyaŋ.

Nyɛ̀nɛ̀ŋ 17:34

anyùùŋ nyaŋ bà nyiŋ naŋ wa hààwè wo Kanaà yèè aŋ naŋ dè wo Pɔɔ̀ maŋjɛ̀wɛ. Wo bà guùŋ nàŋ yaà wa wo felaaà àŋ nyaaŋ wo Dieninsɔ̀, wo màmàŋkùmɛɔ̀ŋ bà guùŋ, yèè wo nìe bà àŋ nyaaŋ wo Dàmalì yèè aŋ zimgbe nyiŋ naŋ wa kìlè koɓɛ̀ wo Kanaà e hààwe sùà.

Nyɛ̀nɛ̀ŋ 18:4

Wo Pɔɔ̀ hewa gbòà koɓɛ̀ aŋ Juùù nyaŋ yèè anyùùŋ nyaŋ fè àŋ Juùù nyaŋ ko sààŋ zòòlò aŋ Juùù nyaŋ maŋ Ɗɔ̀ɔ̀ Zòòlò aŋ Juùù nyaŋ diɛŋ wèè aŋ kɛɛnɛ̀ŋ e hààwe wo Kanaà Jisɛ̀ sùà.

Nyɛ̀nɛ̀ŋ 19:10

Wo Pɔɔ̀ naŋ wa kɔ̀ɔ̀ ke nyɛ̀nɛŋ yɛɛ̀ feìŋ wèè maŋ dòà tìyèe, e jèèsùà aŋ Juùù nyaŋ gbiŋ yèè anyùùŋ nyaŋ fè àŋ Juùù nyaŋ maŋ kpàlàùŋ kpàlàùŋ Eesìà maŋ sùà aŋ kòmàŋ ke mìè gbìàŋ wo Kanaà Dayà.

Nyɛ̀nɛ̀ŋ 2:44

Anyuùŋ hààwe nyàŋ gbiŋ naŋ wa tòòmò koɓɛ̀ guùŋ yèè àŋ hewa gòònò manɛ̀ŋ kɛ̀ɛ̀nɛŋ nyiŋ màŋ aŋ dàwi e fèemàŋ.

Nyɛ̀nɛ̀ŋ 21:28

Kpeiŋ àŋ naŋ tɔ̀ɔ̀tù kpàaŋ nyààŋ, “Nyɛ̀iŋ nààŋ nyùùŋ Ezɔ̀ɛ̀ nyaŋ, kìɛìŋ e kpùùmaŋ! Wo felaa wɛɛ̀ nàŋ yaà kàà sùà anyùùŋ nyaŋ gbiŋ maŋ tàta màŋ sùà kɛ̀ aŋ fè anyuùŋ wi nyàŋ jɛwɛ e kìlà ɓɔ̀ àŋ jɔɔlɔ̀iŋ maŋ Sàwà maŋ wo Dayà naŋ kìɛ̀ŋ Mòòze màŋ dìì; eɓìèmàŋjɛ̀wɛ̀ tii, wò naŋ hìɛ̀ŋ anyùùŋ nyaŋ fè àŋ Juùù nyaŋ wo nyiŋ jɔ̀ɔ̀yɛ̀ ko Saaŋ Zòòlò Dayài, yèè wò gè e ɓɛ̀ɛ̀jàa zɛ̀nɛɛ̀ŋ ko zòòlò nɛɛmaŋ yaà!”

Nyɛ̀nɛ̀ŋ 28:24

Aŋ bà nyiŋ naŋ wa hààwè e yèɛ wo Pɔɔ̀ naŋ wa woò lɛ, e kìlà aŋ bà nyiŋ gò wa haawè kɛ̀ è tɔɔɓaa le.

Nyɛ̀nɛ̀ŋ 4:23

Anyùùŋ fuɔŋ nyàŋ naŋ wa nɔŋ dàngè wo Pììlɛ yaà wo Jɔ̀ɔŋ fa, àŋ kɛ̀ɛ̀ maŋjɛ̀wɛ koɓɛ̀ anyuùŋ nyiŋ nyàŋ yèè àŋ naŋ nyiŋ wòò e keìɛ kinɛiŋ aŋ kànà sìèfèìŋ zòòlo nyàŋ yèè aŋ màmànkùmɛ̀ŋ fuɔŋ nyàŋ naŋ nyiŋ woò lɛ.

2 Kɔliìŋ 8:5

È naŋ nìè e yèɛ è he weè nàŋ kùwìè jii tùlia weè niŋ lɛ̀. Jiɛ̀, àŋ naŋ fè nyiŋ bi wo Kanaà, yèè esàɓù e gààŋ Dayàa sùà àŋ naŋ wi ɓɛìŋ fè nyiŋ bi.