Nyɛ̀nɛ̀ŋ 17:32 - WƆŊ FƐ̀Ì EBÒ SÌÀŊ DAYÀA

³² Anyùùŋ nyaŋ bà nyiŋ naŋ tɔ̀ɔ̀tù hìle nààŋ àŋ naŋ kòmò wo Pɔɔ̀ naŋ woò wààŋ wo Dayà naŋ gè wo nyùùŋ e fàa dìì. Kɛɛ aŋ bà nyiŋ naŋ woò nyààŋ, “È manaŋ maŋ wi ɓɛìŋ wòò e keì lɛɛ̀ e teenga joo bà sùà.”

Nyɛ̀nɛ̀ŋ 17:32 ပူးပေါင်းရင်းမြစ်များ

Luù 14:18

Kɛɛ wo bà guùŋ gbiŋ naŋ wa tɔ̀ɔ̀tù dàwe wèè ke kàfaì. Wo nyuùŋ jiɛ̀jiɛ̀ɔ naŋ wòò wo ɓɔìjɔ̀àa wààŋ, ‘Mìŋ naŋ nɔŋ dènè wɔŋ ɓù sààmɛ yèè kuŋ mìŋ yaà kɔɔyɛ wèè ka wuŋ yɛmɛ̀. Weètii jùùyaàim hakɛ̀.’

Luù 22:63

Anyùùŋ nyaŋ yaà wa tùnìè Jisɛ̀ diɛŋ nyàŋ nauŋ hiilè yèè àŋ nauŋ ɓùlò.

Luù 23:11

Wo Hɛɛlɔ̀ yaà aŋ kààlòòɗùàuŋ nyàŋ naŋ wa hììlè wo Jisɛ̀ e kìlà auŋ fè maŋ mìè ɓɛ̀ɛ̀pɔ̀ɔ. Kpeiŋ àŋ nauŋ gɔ̀àì wɔŋ ɓuuɓane siaŋ yèè àŋ nauŋ ɓɛìŋ tùɔ̀ŋ koɓɛ̀ Paalèi.

Luù 23:36

Aŋ kààlòòɗùà nyaŋ nyiŋ pɛɛ naŋ wa hììlè wo Jisɛ̀. Àŋ naŋ wa hnè yèè àŋ nauŋ kìɛ̀ŋ maŋ muàŋ keekèè,

Nyɛ̀nɛ̀ŋ 13:41

‘Yɛ̀mɛìŋ tɛɛ̀, nyɛ̀iŋ nyàŋ nìŋ gboo naanààŋ koɓɛ̀ Dayài nyàŋ! Tɔ̀ e keì foonòiŋ yèè niŋ fà! Esaɓù mìŋ do nàaŋ nàŋ nyɛ̀nɛ̀ŋ e nɛ̀ŋ bà e yèɛ niŋ naàŋ haawè lɛ, sèè pɛɛ wo nyùùŋ bà woiŋ niŋ wòò e kiiŋ.’ ”

Nyɛ̀nɛ̀ŋ 17:18

Maŋ gbòò anyuùŋ tɔ̀ɔ̀ fɛi bà aŋ nyaaŋ Ɛpekuliɛ̀ŋ yèè Sutɔ̀ naŋ hnè yèè yaà nyiŋ naŋ tɔ̀ɔ̀tù kpàànè kpaane. Anyùùŋ bà yaà wa daawe nyààŋ, “Ɓòò nàŋ yaà wo nyuùŋ gò nyìmàŋ keì fèemàŋ wɛɛ̀, yèè kiìŋ wò manaŋ wo wòò?” Aŋ bà nyiŋ naŋ woò nyààŋ, “È yaà mààŋ wo Pɔɔ̀ wò yaà wòò e kèè aŋ dàyà fuɔŋ joo bà, Tii naŋ tɔɔ̀ kɛ̀ wò yaà wa wòò e kèè wo Jisɛ̀ yèè anyùùŋ nyaŋ do nàŋ yèwè e fàaà dìì nyaŋ.”

Nyɛ̀nɛ̀ŋ 17:31

Wò jàà ke ɗɔɔ e ɓula wèè wo gbàì anyùùŋ nyaŋ gbiŋ e ɗuunyaàŋ e tɔ̀ɔ̀nyaàŋ sùà. Yèè wò naŋ tà wo Jisɛ̀ ke ɗùù wèè wo gbaì anyùùŋ nyaŋ weèuŋ. Wo Dayà wò wi kìɛ̀ŋ e tɔ̀ɔ̀nyààŋ e keì lɛɛ̀ yàwi nààŋ gbiŋ nààŋ wò naŋ gè wo Jisɛ̀ e fàa dìì.”

Nyɛ̀nɛ̀ŋ 17:33

Nààŋ wo Pɔɔ̀ naŋ fòlò e dèènè aŋ màmàŋkùmɛŋ nyàŋ sùà,

Nyɛ̀nɛ̀ŋ 2:13

Kɛɛ aŋ bà nyiŋ yaà wa hììlè anyuùŋ hààwe nyàŋ e kìlà àŋ yaà woo nyààŋ, “Maŋ mùàŋ naŋ kùwò anyùùŋ nyɛɛ̀ŋ!”

Nyɛ̀nɛ̀ŋ 24:25

Kɛɛ e jùù naŋ wa nyɛ̀nɛ̀ŋ wo Kanaà Filɛ̀ nààŋ wo Pɔɔ̀ naŋ wòò e kèè e tùwo siaŋ, yèè wo nyùùŋ yɛmɛ̀ wuŋ bi diɛŋ wèè ke kpèèuŋ nɛɛ̀ŋ, yèè ke ɗɔ̀ɔ̀ e gbàiɛ̀ do nàŋ hnè yɛ. Wo Kanaà Filɛ̀ naŋ wòò wo Pɔɔ̀ wààŋ, “E keì wòoɛ̀ yaà naàŋ tɛ̀ɛ̀. Màŋ naàŋ ɓɛ̀nɛ̀ŋ kàa. Kɛɛ sèè mìŋ kɛɛnɛ̀ŋ ɓɛìŋ e ɗewe mìŋ do nàŋ tùɔ̀ŋ weèum.”

Nyɛ̀nɛ̀ŋ 25:19

E yèɛ gbiŋ nɔŋ àŋ kuwa dài aŋ woò lɛ nàŋ yaà e keì kpàànè kpaane e nyaàiŋ dè maŋ langi nyiŋ màŋ bà yèè e kèè wo felaa bà naŋ wa fɔ̀ àŋ nyaaŋ wo Jisɛ̀. Wo Pɔɔ̀ naŋ woò wààŋ wo Jisɛ̀ bi naŋ yèwè e fàaà dìì yèè kòò wò yaà wɔŋ nyiiŋ gèeɔ̀ sùà.

Nyɛ̀nɛ̀ŋ 26:8

Wèè kiìŋ nyɛ̀iŋ nyàŋ yaà kià nyaŋ naŋ ɓɛ̀nɛ̀ŋ gè maŋhɛɛ kɛ̀, wo Dayà fè ɓɛ̀nɛ̀ŋ gè wò nyùùŋ è fàa dìì wɔŋ nyiiŋ gèeo sùà?

1 Kɔliìŋ 1:23

Kɛɛ sèè è nɔ̀ŋ wèè yàwi, è woàìŋ kɛ̀ àŋ naŋ wa jìwìè wo Jisɛ̀ Kulaìɛ wɔŋ vànèkpaàa diɛŋ. Ke miè gbìaŋ bi zà nàŋ sie aŋ Juùù nyaŋ e wùàŋ, yèè koɓɛ̀ anyùùŋ nyaŋ fè àŋ Juùù nyaŋ àŋ gongà kɛ̀ è yaà e ɓàaɓàa,

1 Kɔliìŋ 15:12

Nààŋ ke miè gbìaŋ wiɛ̀ naŋ woò kɛ̀ wo Dayà naŋ gè wo Jisɛ̀ Kulaì e fàa dìì, dièsɔa nyɛ̀iŋ nààŋ bà nyiŋ nìŋ woà nààŋ anyuùŋ fàa nyàŋ naàŋ fòlò è fàa dìì?

1 Kɔliìŋ 4:10

Esàɓù Jisɛ̀ Kulaì sùà, è yààìŋ anyuùŋ zùwo, kɛɛ nìŋ gongà kɛ̀ nìŋ naŋ kɛ̀ɛ̀jii nààŋ nìŋ yaà aŋ bàiŋbà Jisɛ̀ Kulaì sùà lɛ. È naiŋ yɔkpɔ̀, kɛɛ nìŋ gongà kɛ̀ nìŋ yaà e gààŋ. Àŋ naŋ wi kɔ̀ɔ̀yɛ̀ fɛ̀ɛ̀ sùà, kɛɛ nìŋ gongà kɛ̀ àŋ kiɛ̀ìŋ e ɓɛ̀ɛ̀jàa.

2 Kɔliìŋ 6:2

Kòmaìŋ e nɛ̀ɛŋ wo Dayà naŋ woò lɛ, “Nààŋ e teengaà naŋ haì wèè kaiŋ kpuumàŋ, Mìŋ naiŋ kumìè. Nààŋ e teengaà naŋ haì wèè kaiŋ joeyè, Mìŋ naiŋ kpuumò.” Jàaìŋ maŋ nùŋ e dìì, E teengaà lɛɛ̀ wèè wo nyùùŋ yɛ̀mɛ̀ e kpùùmàŋ Dayàa, nàaŋ ɗɔɔ yɛɛ̀ nàŋ yaà ke ɗɔɔ wèè wo nyùùŋ gbiŋ jòèyà.

Hiɓu 11:36

Anyùùŋ naŋ wa hììlè aŋ bà nyiŋ yèè àŋ naŋ nyiŋ ɓùlò, àŋ sìà aŋ bà nyiŋ maŋ jɔ̀ɔɔ yèè aŋ nyiŋ gbìàŋ ko sààŋ nyìwì.

Hiɓu 13:13

Weètii, kà wiìŋ ko nɛ̀ɛ̀uŋ niìŋ e jawaà ɓula wèè e nɔ̀iŋ aŋ bàuŋbà wèè e sàngèɛ àŋ nauŋ wa sìè lɛ.