Nyɛ̀nɛ̀ŋ 17:30 - WƆŊ FƐ̀Ì EBÒ SÌÀŊ DAYÀA

³⁰ E teenga gɔuɛ̀ sùà, wo Dayà naŋ wa jùùyè anyùùŋ nyaŋ gbiŋ hakɛ̀ wèè tɛɛ̀, esaɓù kɛ̀ aŋ nyimààŋ wa kɛ̀ kiìŋ àŋ yaà wa nyinie. Kɛɛ wò naŋ naàŋ woò sààmɛ kɛ̀ wo nyùùŋ gbiŋ yèè koɓɛ̀ gbiŋ aŋ dangè maŋ tùwo naanààŋ nyiŋ màŋ yèè aŋ kìlà ko nɛ̀ɛ̀uŋ niìŋ.

Nyɛ̀nɛ̀ŋ 17:30 ပူးပေါင်းရင်းမြစ်များ

Maafiù 20:7

Yèè anyùùŋ nyaŋ naŋ wòò wo kenàaŋ nyààŋ, ‘È sìàìŋ kià foo esaɓù kɛ̀ wo nyùùŋ gbiŋ kòò wò kìɛ̀ŋ wì è tòmo.’ Yèè wò naŋ nyiŋ woò wààŋ kɛ̀, ‘Kɔ̀àaìŋ niŋ tomo ko ɓù gbɛɛwɛ̀jɛ̀wɛ̀ miìŋ.’

Maafiù 3:2

Wo Jɔ̀ɔŋ naŋ wa wòò anyùùŋ nyaŋ wààŋ, “Fèiŋ maŋ tùwo naanààiŋ màŋ jɛwɛ niŋ kìlà koɓɛ̀ Dayài, esaɓù kɛ̀ e Kànà àìjɛnɛ̀ɛŋ è gbɛ̀ɛ̀.”

Maafiù 4:17

E yìwìà e teenga lii sùà wo Jisɛ̀ naŋ tɔ̀ɔ̀tù gbòà ke mìè Dayàa koɓɛ̀ anyùùŋ nyaŋ wààŋ, “Fèiŋ maŋ tùwo naanààiŋ màŋ jɛwɛ, esaɓù kɛ̀ e Kànà àìjɛnɛ̀ɛŋ è gbɛ̀ɛ̀!”

Luù 13:5

Kpele! Kɛɛ tɔ̀ miŋ woòiŋ kɛ̀ sèè nìŋ go fè maŋ jùumùiŋ màŋ jɛwɛ, nìŋ do nàŋ fɔ̀ nyɛ̀iŋ pɛɛ màànààŋ àŋ naŋ fɔ̀ lɛ.”

Luù 15:10

Tɔ̀ miŋ woòiŋ, yɛi nɔŋ aŋ màìkà Dayà nyaŋ do nàŋ gè zɔlɔ̀ wèè wo nyùùŋ maŋ jùumù wò bà guùŋ wo yèɔ fè maŋ tùwo naanààuŋ màŋ jɛwɛ wɔ̀.”

Luù 24:47

Maŋ fɛi màŋ naŋ ɓɛìŋ woò wààŋ aŋ woò ke miè gbìaàŋ e deè mɛ̀ diɛŋ koɓɛ̀ anyuùŋ kpùuŋ nyàŋ gbiŋ e ɗuunyaàŋ kɛ̀ aŋ fè maŋ tùwo naanààŋ nyiŋ màŋ jɛwɛ aŋ kìlà koɓɛ̀ Dayài, yèè e tɔɔtù ko Jùlusɛ̀làm wèè maŋ jùumù nyiŋ màŋ nɔ̀ŋ hakɛ̀ jùùya miŋ.

Nyɛ̀nɛ̀ŋ 11:18

Nààŋ àŋ naŋ wa kòmò e yèɛ wo Pììlɛ naŋ woò lɛ, aŋ gbiŋ naŋ wa kumiè yèè àŋ naŋ tɛ̀nɛ̀ŋ wo Dayà. Àŋ naŋ woò nyààŋ, “Wo Dayà naàŋ nyɛ̀nɛ̀ŋ anyùùŋ nyaŋ fè àŋ Juùù nyaŋ àŋ fè maŋ tùwo naanààŋ nyiŋ màŋ jɛwɛ, e kìlà wò nyiŋ kìɛ̀ŋ wɔŋ nyiiŋ gèe.”

Nyɛ̀nɛ̀ŋ 14:16

E teenga gɔuɛ̀ sùà wo Dayà naŋ wa nyimèè wèè anyùùŋ nyaŋ gbiŋ e ɗuunyaàŋ aŋ nyɛ̀nɛ̀ŋ e yèɛ àŋ manaŋ wa lɛ̀.

Nyɛ̀nɛ̀ŋ 17:23

Yèè nààŋ mìŋ yaà weè kààìŋ ko jawa gbeeiŋ niìŋ yèè mìŋ yaà yɛ̀ɛ̀mɛ̀ manɛ̀ŋ maŋ nìŋ zoolà maŋ, mìŋ naŋ mɛ̀ɛ̀ŋ wɔŋ gbɛ̀gbɛ̀ zòòlo maŋ mìè mɛɛ̀ŋ sìngìà wuùŋ wààŋ, ‘Koɓɛ̀ wo Dayàa e nyimàiŋ wɔ.’ Nìŋ zoolà wo Dayà wɛɛ̀, kɛɛ niŋ nyimààŋ wuùŋ ngèè gbiŋ. Weètii mìŋ manaŋ kaiŋ wòò e kiiuŋ nɛ̀.

Nyɛ̀nɛ̀ŋ 20:21

Mìŋ naŋ wòò aŋ Juùù yèè anyùùŋ nyaŋ fè àŋ Juùù nyaŋ kɛ̀ aŋ fè maŋ tùwo naanààŋ nyiŋ màŋ jɛwɛ wèè aŋ kìlà koɓɛ̀ Dayài yèè aŋ kɛɛnɛ̀ŋ hààwe wo Kana wiɔ̀ Jisɛ̀ sùà.

Nyɛ̀nɛ̀ŋ 3:19

Fèìŋ maŋ tùwo naanààiŋ màŋ jɛwɛ, Kpeiŋ, niŋ kìlà koɓɛ̀ Dayài, wèè wo juuyà maŋ jùumùiŋ màŋ hakɛ̀.

Luùm 1:28

Nààŋ anyùùŋ nyɛɛ̀ŋ naŋ gè maŋhɛɛ wèè aŋ ngèè pɛɛ gòngò e kèè Dayàa, wò dangà wèè maŋ jìì kòmàŋ kàaɓì nyiŋ màŋ maŋ nyiŋ toomò. Weètii àŋ nyɛnɛŋ maŋ keì sàngè maŋ yè maŋ gò tɛɛwɛ̀ wèè aŋ nyɛ̀nɛ̀ŋ maŋ.

Luùm 2:4

Tɔɔɓaa ɓɔ̀ nìŋ woò nààŋ wò Dayà yaà nyìnìè e keì sìàŋ gbee weè wi, weètii e kuwàìŋ èsaɓù bà wèè eiŋ fè màŋ tùwo naanààŋ wi màŋ jɛwɛ. Nyìmaìŋ kɛ̀ wo Dayà yààìŋ nyinie tɛ̀ɛ̀ e kìlà wò yààìŋ tɔ̀ɔ̀ sùà e mànaŋ, wèè woiŋ kìɛ̀ŋ jii nyingè naŋ fè maŋ tùwo naanààiŋ màŋ jɛwɛ yèè naŋ kìlà ko nɛ̀ɛ̀uŋ niìŋ.

Luùm 3:23

Yàwi nààŋ gbiŋ èiŋ nyɛ̀nɛ̀ŋ maŋ jùumù yèè èiŋ ka fauŋ e yìwìà e jòòwò Dayàa fɛɛ̀feìŋ.

Luùm 3:25

Wo Dayà naŋ wa tùɔ̀ŋ wo yèɔ wò naŋ tàeɗùù wɔ, wo Kulaìɔ, wèè wo nɔ̀ŋ e nɛ̀ŋ saaà weè wì. Wo Jisɛ̀ Kulaì naŋ wa wùɔ̀ŋ maŋ sɛ̀ìŋ e kìlà wo fà weè wi, wèè kɛ̀ sèè è kɛɛnɛ̀uŋ hààwe sùà, wo Dayà do wi nàŋ jàà kùàŋ dìì. Wo Dayà naŋ wa tɛɛ̀ nyɛ̀nɛ̀ŋ e teenga gɔu sùà wèè wo tɔɔ̀ kɛ̀ wò yaà wa e tɔ̀ɔ̀nyaàŋ sùà wèè wo kɛ̀ɛ̀nɛ̀ŋ ke jii tɔumtɔ̀ùm e kìlà wo jùùyà anyùùŋ hakɛ̀ wèè maŋ jùumù nyiŋ màŋ. Tɛɛ̀ naŋ ɓɛìŋ tɔɔ̀ kɛ̀ wo Dayà yaà tɔ̀ɔ̀nyaàŋ, nààŋ wò jaa anyùùŋ kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ e kìlà sèè àŋ kɛɛnɛ̀ŋ hààwe wo Jisɛ̀ sùà.

2 Kɔliìŋ 7:10

Ke jii mɔ̀ɔ̀nɛɛ̀ŋ wo Dayà naiŋ tòòmò diɛŋ yɛ̀ kè naŋ hìɛ̀ŋ e vɔ̀ɔ̀nɔŋ e yèɛ joeyàìŋ nɛ, yèè ke jii mɔ̀ɔ̀nɛŋ bà gbiŋ fè kìlà kè jiiuŋ nɛɛ̀ŋ. Kɛɛ ke jìì mɔ̀ɔ̀nɛ̀ŋ ɗuunyaàŋ kè hiàŋ e fàa.

1Pììlɛ 4:3

Nìŋ naŋ wa kòlò ko nyìnìè maŋ keì maŋ anyùùŋ nyaŋ fè àŋ Juùù nyaŋ manaŋ wèè nyɛ̀nɛŋ màŋ. Nìŋ yaà wa nyuùŋ naanààŋ nìŋ kuwa wa e ɗèwè maŋ keì naaŋ nààiŋ màŋ maŋjɛ̀wɛ. Nìŋ gèe wa kìlia ko tììyè maŋ mùàŋ yèè ko nyìnìè gbana, yèè ngèè, nìŋ yaà wa pɛɛ ko zòòlò maŋ gòò.