Nyɛ̀nɛ̀ŋ 17:25 - WƆŊ FƐ̀Ì EBÒ SÌÀŊ DAYÀA

²⁵ Wo kuwà è wànàŋ nɛ̀ŋ gbiŋ e yìwìà wò nyùùŋ gbiŋ sìwè. Wò nyɛnɛŋ anyùùŋ nyaŋ gbiŋ aŋ nɔ̀ŋ wɔŋ nyiiŋ gèeo sùà yèè aŋ gè nyiiŋ, wò kiɛ̀ŋ nyiìŋ manɛ̀ŋ maŋ gbiŋ àŋ manaŋ màŋ.

Nyɛ̀nɛ̀ŋ 17:25 ပူးပေါင်းရင်းမြစ်များ

Maafiù 5:45

Kpeiŋ kɛ̀ nàŋ nɔ̀ŋ aŋ jɔ̀à koɓɛ̀ wo Dèdaiŋ nɔɔ̀ŋ ko àìjɛnɛ̀ŋ. Esaɓù kɛ̀ wò nyɛnɛŋ e gɔɛɛ dììkà anyùùŋ tɔ̀ɔ̀nyaàŋ nyaŋ yaà anyuùŋ naanààŋ nyaŋ diɛŋ, e kìlà wò nyɛnɛŋ maŋ gɔ̀à maŋ sɔ̀à anyùùŋ tɔ̀ɔ̀nyaàaŋ nyaŋ yèè anyuùŋ nyɛ̀nɛ̀ŋ maŋ tùwo naanààŋ nyaŋ diɛŋ.

Maafiù 9:13

Kɔ̀àaìŋ niŋ kpɛ̀nɛ̀ŋ e yèɛ wɔŋ fɛ̀ì Dayàa naŋ woò lɛ. Wɔ̀ŋ naŋ woò wààŋ, ‘Mìŋ manaŋ naŋ tɔ̀ɔ̀ ke nyowo koɓɛ̀ aŋ dàwiiŋ nyàŋ, kɛɛ e fè wèè naŋ nɔŋ gììyà màŋ ɗolònɛ̀ŋ saàà kò nɛ̀ɛ̀ŋ miìŋ.’ Miŋ gò hnàŋ wèè ka nyààŋ ànyùùŋ tɔ̀ɔ̀nyaàŋ nyaŋ wèè aŋ nɔ̀ŋ ànyùùŋ màŋjɛ̀wɛ̀im, sɔɔ̀ anyùùŋ maŋ kpèè naanààŋ nyaŋ.”

Nyɛ̀nɛ̀ŋ 14:17

Kɛɛ wò naŋ tɔɔ̀ kɛ̀ wò yaào wa e teenga gbiŋ e yìwìà maŋ keì sìàŋ maŋ wò naŋ nyɛ̀nɛ̀ŋ maŋ. Wo Dayà tuɔŋ maŋ gɔ̀àà e yìwìà ko àìjɛnɛ̀ŋ yèè màŋ nyɛnɛŋ manɛ̀ŋ wuiyeiŋ màŋ maŋ bɔù. Wò kiɛ̀ìŋ e nɛ̀ŋje yèè wò nyɛnɛŋ maŋ jiiŋ màŋ nɔ̀ŋ zɔlɔ̀ sùà.”

Nyɛ̀nɛ̀ŋ 17:28

yèè nààŋ wo nyùùŋ bà naŋ woò lɛ, ‘Wò naŋ wi kìɛ̀ŋ gààŋ wèè eiŋ nɔ̀ŋ wɔŋ nyiiŋ gèeɔ̀ sùà, wèè eiŋ kaàiŋ, yèè eiŋ nɔ̀ŋ anyùùŋ nyaŋ è yààìŋ nyaŋ.’ Màànààŋ nɔŋ anyuùŋ nyìmàŋ fɛi nyiŋ nyàŋ bà naŋ woò lɛ, ‘Yàwi nàŋ yaà aŋ jɔ̀àuŋ nyàŋ.’

Luùm 11:35

Ɓòò nauŋ wa kìɛ̀ŋ e nɛ̀ŋ gbiŋ, wèè e nɔ̀ŋ e kpàŋ wo niŋ gè?”

1Time 6:17

Wòò anyùùŋ nyaŋ naŋ bàne wɔŋ nyììŋ gè ɗuunyaŋ lɛɛ̀ sùà nyaŋ ɓɔ̀ àŋ joowò nyiiŋ bi, e kìlà ɓɔ̀ àŋ sìà màŋ jii tùlia nyiŋ màŋ è bànè ɗuunyaŋ lɛɛ̀ sùà. Wòò nyiŋ aŋ kɛɛnɛ̀ŋ e hààwe wo Kanaà Dayà sùà, wo yèɔ kpuumàŋ wiì yèè wo wi kìɛ̀ŋ manɛ̀ŋ maŋ gbiŋ è jikàìŋ maŋ nyiiŋ gèe wi màŋ sùà maŋ.