Nyɛ̀nɛ̀ŋ 17:24 - WƆŊ FƐ̀Ì EBÒ SÌÀŊ DAYÀA

²⁴ Wo Dayàa naŋ bànè e ɗuunyaàŋ yèè manɛ̀ŋ maŋ gbiŋ yàà niìŋ sùà lɛ, wo yèɔ yaà wo Kana wèè ko àìjɛnɛ̀ŋ yèè e ɗuunyaàŋ wɔ, wo fè jòò màŋ saaŋ zòòlò Dayà maŋ dìì maŋ yè maŋ kùàŋ nyuùŋkpùuŋ naŋ nyɛ̀lɛ̀ maŋ.

Nyɛ̀nɛ̀ŋ 17:24 ပူးပေါင်းရင်းမြစ်များ

Maafiù 11:25

E teenga lii sùà wo Jisɛ̀ naŋ woò wààŋ, “Dèda, Kànà àìjɛnɛ̀ɔŋ yèè ɗuunyaàŋ, mìŋ naum gè sɛ̀ esaɓù kɛ̀, mùŋ naŋ nyɛ̀ɛ̀nɛ̀ŋ maŋ keì mɛɛ̀ŋ gbiŋ anyuùŋ nyìmàŋ nɛ̀ŋ nyaŋ sìwè, yèè mùŋ naŋ miŋ tɔ̀ɔ̀ anyuùŋ gò nyìmàŋ nɛ̀ŋ nyaŋ.

Maafiù 5:34

Kɛɛ tɔ̀ miŋ woòiŋ kɛ̀, ɓɔ̀ nìŋ gboonò sèè nìŋ woà nààŋ nìŋ manaŋ wèè naŋ nyɛ̀nɛ̀ŋ e nɛ̀ŋ bà wèè wo nyùùŋ! Ɓɔ̀ nìŋ gboonò è dèè kò àìjɛnɛ̀ɛŋ diɛŋ, esaɓù kɛ̀ kuŋ wo Dayà jaa ke kpùà kanauŋ nɛɛ̀ŋ diɛŋ.

Luù 10:21

E teenga lii sùà, e zɔlɔ̀ naŋ wa dìè Jisɛ̀ e yìwìà wo Jìnàŋ Nɛɛmaàŋ sùà. Kpeiŋ wò naŋ woò wààŋ, “Dèda, Kànà àìjɛnɛ̀ɔŋ yèè ɗuunyaàŋ, mìŋ naum gè sɛ̀ esaɓù kɛ̀, mùŋ naŋ nyɛ̀ɛ̀nɛ̀ŋ maŋ keì mɛɛ̀ŋ gbiŋ anyuùŋ nyìmàŋ nɛ̀ŋ nyaŋ sìwè yèè mùŋ naŋ miŋ tɔ̀ɔ̀ anyuùŋ gò nyìmàŋ nɛ̀ŋ nyaŋ. Hɛ̀ɛɛ̀ŋ Dèda, tɛɛ̀ naum wa fɔ̀ɔ̀yɛ̀ ke jii.”

Jɔ̀ɔŋ 1:1

Wèè paŋ wo Dayà banè wa e ɗuunyaàŋ, wo nyùnɔ̀ɔŋ àŋ nyaaŋ wa ke Mìè gbòauŋ nɛɛ̀ŋ wɔ wò yaào wa tɛ. Wo nyùnɔ̀ɔŋ ke Mìèɛ naŋ wa kɔ̀ɛ̀ ko sùà wɔ wò yaà wa koɓɛ̀ Dayài, yèè ke Mìèɛ nàŋ yaà wa wo Dayà wuŋ bi.

Nyɛ̀nɛ̀ŋ 14:15

“Wèè kiɛ̀ŋ nìŋ yaà tɛɛ̀ nyinie? È yààìŋ anyuùŋ kpùuŋ mààŋ nyɛ̀iŋ bi. È yààìŋ kià wèè eiŋ dàànè Ebò Siaàŋ, wèè naŋ gè manɛ̀ŋ foofòò mɛɛ̀ŋ kùàŋ sùà naŋ kìlà koɓɛ̀ wo Dàyà nyiiŋ gèeɔ̀, wuŋ naŋ bànè ko àìjɛnɛ̀ŋ, e dììɛ e ɗuunyaàŋ yaà wɔŋ juwoɔ̀, e hààwè manɛ̀ŋ maŋ gbiŋ yaà miìŋ ko sùà maŋ.

Nyɛ̀nɛ̀ŋ 4:24

Nààŋ anyuùŋ hààwe nyàŋ naŋ niŋ kòmò, aŋ gbiŋ naŋ dèènè koɓɛ̀ guùŋ aŋ zòòlò wo Dayà ke jìì guùŋ sùà nyààŋ, “Kanaà, muàŋ naŋ bànè ko àìjɛnɛ̀ŋ, e dììɛ e ɗuunyaàŋ yaà wɔŋ juwoɔ̀, e hààwè manɛ̀ŋ maŋ gbiŋ yaà miìŋ ko sùà maŋ,

Nyɛ̀nɛ̀ŋ 7:48

“Kɛɛ wo Dàyà Gaàŋ Gbeeɔ̀ fè jàwà màŋ saaŋ màŋ ànyuùŋ kpùuŋ naŋ nyɛ̀lɛ̀ maŋ dìì. Màànààŋ wo kèèlà Dayàa naŋ wa woò lɛ,

Luùm 1:19

Wo Dayà kiɛ̀ŋ nyiìŋ e keì nyìnga, esaɓù kɛ̀ manɛ̀ŋ maŋ gbiŋ àŋ naŋ nyìmè e nyaàiŋ dè wo Dayà maŋ màŋ yaà janjai ko nɛ̀ɛ̀ŋ nyiŋ niìŋ, e fèfoo wo Dayà wuŋ bi naŋ niŋ nyɛ̀nɛ̀ŋ è naŋ nɔ̀ŋ janjai.

Hiɓu 1:2

kɛɛ maŋ ɗɔɔ dìàmaŋ mɛɛ̀ŋ sùà, wò naŋ gbòò ko nɛ̀ɛ̀ŋ wiì e yìwìà wo Jɔ̀àfelaauŋ nɔɔ̀ŋ sùà. E saɓùuŋ nɛ̀ sùà wo Dayà naŋ wa bànè ko àìjɛnɛ̀ŋ yaà e ɗuunyaàŋ. Wuŋ wo Dayà naŋ tàeɗùù wèè wo nɔ̀ŋ wo nyuùŋ kɛ̀ɛ̀nɛ̀ŋ manɛ̀ŋ maŋ gbiŋ e teengaà e ɗuunyaàŋ juo wa nàwèè lɛ.

Hiɓu 3:4

Ke saaŋ gbiŋ mùŋ yɛmɛ̀, wo nyùùŋ bà naŋ nyiŋ nyɛ̀lɛ̀. Kɛɛ wo Dayà naŋ bànè manɛ̀ŋ maŋ gbiŋ.

Maŋ kèì nyɛɛnɛŋ 20:11

Mìŋ naŋ yɛ̀mɛ̀ ke kpùà kana fua gbee yèè wo nyùnɔ̀ɔŋ jàa nyìŋ diɛŋ wɔ̀. E dììɛ yaà ko àìjɛnɛ̀ŋ nauŋ wa jɔ̀ɔ̀nɔ̀ŋ ko fɛɛ̀feìŋ yèè wo nyùùŋ gbiŋ gò miŋ wa ɓɛìŋ yɛmɛ̀.