Nyɛ̀nɛ̀ŋ 17:17 - WƆŊ FƐ̀Ì EBÒ SÌÀŊ DAYÀA

¹⁷ Wò naŋ wa kɔ̀ ko sààŋ zòòlò aŋ Juùù nyaŋ wèè wo gbòà ke mìè Dayàa koɓɛ̀ wo nyùùŋ nyaŋ nààŋ fè àŋ Juùù nyaŋ yèè aŋ Juùù nyaŋ yè nyaŋ yaà nyiŋ zoolà koɓɛ̀ guùŋ nyaŋ. Ke ɗɔɔ gbiŋ wò hewa gbòà koɓɛ̀ anyuùŋ mààŋ dòmaŋ nyàŋ kɔɔ aŋ yè nyaŋ wò mɛɛ̀ŋ wa e bòliɛ̀ sùà nyaŋ.

Nyɛ̀nɛ̀ŋ 17:17 ပူးပေါင်းရင်းမြစ်များ

Luù 12:3

Sèè è nɔ̀ŋ yɛi, e nɛ̀ɛŋ gbiŋ mùŋ naŋ woò ke nyìwìɛ sùà lɛ anyùùŋ do niŋ nàŋ kòmò maŋ gɔɛɛ janjai, e kìlà e nɛ̀ɛŋ gbiŋ nìŋ naŋ woò maŋ wɛwɛɛ sùà ko saaŋ zɔ̀nù lɛ̀, ànyùùŋ do nàŋ jòwò ke saaàŋ dìmɛ̀ aŋ kpààŋ aŋ ɓààyè ebò bi.

Nyɛ̀nɛ̀ŋ 10:2

Wo Kɔ̀nilìɔ̀ yaà anyunùuŋ nyàŋ ko gboounoo kuwa wa e hààwe yèè àŋ duɔŋ wa wo Dayà. Wò hewa kpùùmàŋ anyuùŋ pɔ̀ɔ nyàŋ zimgbe, yèè wò hewa zòòlò Dayà e teengaà diɛŋ.

Nyɛ̀nɛ̀ŋ 13:16

Wo Pɔɔ̀ naŋ sie, yèè wò naŋ jòòwò wɔŋ kuàuŋ nɔɔ̀ŋ fùùŋ yèè wò naŋ woò wààŋ, “Nyɛ̀iŋ nààŋ nyùùŋ Ezɔ̀ɛ̀ nyaŋ, yèè nyɛ̀iŋ nyàŋ duɔŋ Dayà nyaŋ, jàaìŋ maŋ nùŋ dìì.

Nyɛ̀nɛ̀ŋ 13:43

Yèè nààŋ e dèèneɛ ko sààŋ zòòlò aŋ Juùù nyaŋ naŋ wa naàŋ ɓaa, aŋ Juùù nyuuŋ yèè anyùùŋ nyaŋ fè àŋ Juùù nyaŋ zimgbe nyiŋ naŋ wa kìlè koɓɛ̀ e zòòlò aŋ Juùù nyaŋ lɛ̀, naŋ wa dè wo Pɔɔ̀ yaà wo Bànaŋɓà maŋjɛ̀wɛ. Wo Pɔɔ̀ yaà wo Bànaŋɓà naŋ nyiŋ kìɛ̀ŋ jii nyingè wèè aŋ jeèè e hààwe sùà koɓɛ̀ Dayài esàɓù ke kpèè siaàŋ wo Dayà naŋ nyiŋ tɔɔ̀ lɛ.

Nyɛ̀nɛ̀ŋ 13:50

Kɛɛ anyùùŋ gbèègbèè aŋ Juùù nyaŋ naŋ kɔ̀ koɓɛ̀ aŋ kpàkòò ɓììɓìì nyaŋ bà ko jawaì yèè aŋ jɔùŋ kɛ̀ɛ̀nɛ̀ŋ ɓɛ̀ɛ̀jàa nyàŋ bà aŋ yè nyaŋ fè àŋ Juùù nyaŋ kɛɛ àŋ zoolà Dayà nyaŋ, yèè àŋ naŋ nyiŋ nyɛ̀nɛ̀ŋ aŋ kɛ̀ɛ̀nɛ̀ŋ maŋ jii fiìì wèè wo Pɔɔ̀ yèè wo Bànaŋɓà, yèè aŋ naŋ nyiŋ nimilà, e nɔ̀ŋ esaɓù aŋ nyiŋ nyìmàŋ aŋ nyiŋ gè maŋ tàta miiŋ wɔŋ fuɔɔ̀ŋ sùà.

Nyɛ̀nɛ̀ŋ 8:2

Anyuùŋ zòòlò Dayà bà naŋ wa sìè wo Siiwììŋ, àŋ yaà ke nyowo sùà àŋ golo weèuŋ.

Nyɛ̀nɛ̀ŋ 9:20

E bìyao sùà wò naŋ wa kɔ̀ ko sààŋ zòòlò aŋ Juùù nyaŋ yèè wò naŋ tɔ̀ɔ̀tù anyùùŋ nyaŋ wòo wààŋ wo Jisɛ̀ nàŋ yaà wo Jɔ̀àfèlàà Dayàa.

2Time 3:2

Anyùùŋ do nɔŋ nàŋ mɔ̀nɔ̀ŋ nyiìŋ bi, aŋ mànàŋ nɛɛnɛŋ, aŋ ɓèmè nyiiŋ bi gbee, yèè maŋ nyaàŋ gbeegbèè gbòa. Àŋ do nàŋ gbòò maŋ mìè ɓɛ̀ɛ̀pɔ̀ɔ, aŋ naàŋ kɛ̀ɛ̀nɛ̀ŋ è ɓɛ̀ɛ̀jàa wèè ànyuùŋ kòmaŋ nyiŋ nyàŋ, aŋ nɔ̀ŋ anyuùŋ gò nyìmàŋ saɓù, yèè aŋ naàŋ nyìmè wo Dayà.

2Time 3:5

Àŋ do nàŋ jàà e kèè Dayàa fɛ̀ɛ̀ sùà, kɛɛ aŋ gììyà e gaàŋ niŋ nɛ̀ maŋhɛɛ. Ɓɔ̀ mùŋ dè ànyùùŋ mààŋ nyiiŋ màŋjɛ̀wɛ.