Nyɛ̀nɛ̀ŋ 17:13 - WƆŊ FƐ̀Ì EBÒ SÌÀŊ DAYÀA

¹³ Kɛɛ nààŋ aŋ Juùù nyaŋ ko Tɛsèlonikà naŋ wa kòmò kɛ̀ wo Pɔɔ̀ naŋ wa gbòò ke mìè Dayàa ko Bɛ̀lià kuŋ pɛɛ, àŋ nao wa hnè wèè aŋ tooyà e nimilàa wo Pɔɔ̀ yèè wo Silà yaà wa kɔ̀ɔ̀yɛ̀ dìì tɛ lɛ̀.

Nyɛ̀nɛ̀ŋ 17:13 ပူးပေါင်းရင်းမြစ်များ

Maafiù 23:13

“E keì nyìnga do nàŋ nɔ̀ŋ ko nɛ̀ɛ̀iŋ niìŋ nyɛ̀iŋ nààŋ kààmɔ̀ɔ̀ŋ maŋ Sàwà Dayà nyaŋ, yèè nyɛ̀iŋ nààŋ Fɛlosiì nyaŋ. Nìŋ yaà anyùùŋ fɛ̀ɛ̀ ɗòònààkeì. Nìŋ naŋ sìè wɔŋ gbèmgbèè e Kànà àìjɛnɛ̀ɛŋ e kpòò anyùùŋ ko feìŋ, kɛɛ nyɛ̀iŋ bi niŋ fè jɔ̀à, e kìlà nìŋ keewà anyùùŋ kùàŋ feìŋ wèè aŋ goonàŋ jɔ̀ nyiŋ pɛɛ. [

Luù 12:51

Ɓɔ̀ nìŋ gongò kɛ̀ mìŋ naŋ hnè wèè ka hìàŋ ke jii fàa koɓɛ̀ anyùùŋ nyaŋ e ɗuunyaàŋ, mìŋ naŋ hnè wèè ka hìàŋ e tɛɛ gòòno.

Nyɛ̀nɛ̀ŋ 14:2

Kɛɛ aŋ Juùù nyaŋ yè nyaŋ kuwà wa e hààwe wò Kanaà Jisɛ̀ sùà nyaŋ naŋ wa nyɛ̀ŋɛ̀ŋ anyùùŋ nyaŋ fè àŋ Juùù nyaŋ aŋ kɛ̀ɛ̀nɛ̀ŋ maŋ jii fiiì wèè anyuùŋ hààwe nyàŋ.

Nyɛ̀nɛ̀ŋ 17:1

Wo Pɔɔ̀ yèè wo Silà naŋ kɔ̀ɛ̀ ko Aŋfepolì yèè ko Àpolonìà yèè àŋ naŋ hàì ko Tɛsèlonikà. Ke Sààŋ Zòòlò aŋ Juùù yaà wa ko jawa gbee bì.

Nyɛ̀nɛ̀ŋ 17:10

Wɔŋ dùùm guùŋ wiiŋ anyuùŋ hààwe nyàŋ naŋ tùɔ̀ŋ wo Pɔɔ̀ yaà wo Silà ko Bɛ̀lià. Yèè nààŋ àŋ nao haì, àŋ naŋ kɔ̀ ko sààŋ zòòlò aŋ Juùù nyaŋ.

Nyɛ̀nɛ̀ŋ 17:5

Kɛɛ aŋ Juùù nyaŋ bà nyiŋ yaà wa gììyè le koo wèè e keì lɛɛ̀, yèè àŋ naŋ gbònò anyùùŋ maŋ tùwo naanààŋ e yìwìà maŋ dòmaŋ màŋ diɛŋ wèè aŋ dàà e gbɔ̀ɔɔ yèè ke gbòà ko jawa gbeeì. Anyùùŋ nyɛɛ̀ŋ manaŋ wa aŋ hìàŋ wo Pɔɔ̀ yèè wo Silà koɓɛ̀ e faaàŋ, yèè àŋ naŋ dùɔ̀ŋ aŋ kà ko gbòò wo felaa bà àŋ nyaaŋ Jasììŋ ko kààmè wo Pɔɔ̀ yèè wo Silà, wèè aŋ fulià nyiŋ koɓɛ̀ e faaàŋ.

Nyɛ̀nɛ̀ŋ 20:4

Nààŋ wo Pɔɔ̀ yaà wa kɛ̀ɛ̀ sùà maŋjɛ̀wɛ, anyùùŋ bà nauŋ wa dè maŋjɛ̀wɛ tèènè mààŋ wo Sopatɔ̀, wo jɔ̀àfèlàà Palɔ̀ɔ e yìwìà ko Bɛ̀lià, wo Àlètakɔ̀ yèè wo Sekɔuŋɗù e yìwìà ko Tɛsèlonikà. Wo Gayɔ̀ e yìwìà ko Dɛɓì, wo Timetè, yèè aŋ fèlàà tìyèe e yìwìà ko Eesìà, wo Tachikɔ̀ yèè wo Tofimù.

Nyɛ̀nɛ̀ŋ 21:27

Nààŋ maŋ ɗɔ̀ɔ̀ nɔɔnɔŋ le tìyèe màŋ naŋ wa naàŋ joo tòloò wèè maŋ jùà, aŋ Juùù nyaŋ bà nyiŋ naŋ yèwè wɔŋ fùɔ̀ŋ Eesìàa nyàŋ, naŋ yɛ̀mɛ̀ wo Pɔɔ̀ ko Saaŋ Zòòlò Dayài, yèè àŋ naŋ dàà ke gboà gbee e faaàŋ sùà, e kìlà aŋ kùwà wo Pɔɔ̀.

Nyɛ̀nɛ̀ŋ 6:12

Tɛɛ̀ naŋ nyɛ̀nɛ̀ŋ anyùùŋ nyaŋ, aŋ màmànkùmɛ̀ŋ fuɔŋ nyàŋ yaà aŋ kààmɔ̀ɔ̀ŋ maŋ Sàwà Dayà nyaŋ, aŋ kɛ̀ɛ̀nɛ̀ŋ maŋ jii fiìì wèè Siiwììŋ. Àŋ naŋ kùwò wo Siiwììŋ yèè àŋ nauŋ kɔ̀ɔ̀ koɓɛ̀ anyùùŋ gbèègbèè fuɔŋ nyàŋ.

2 Kɔliìŋ 11:26

Yèè maŋ kààiŋ zimgbe màŋ miŋ naŋ kaaìŋ màŋ sùà, mìŋ naŋ kɔ̀ɛ̀ e kèì nyìngà wuiyè jòwa yèè anyuùŋ wùa dìì, yèè mìŋ naiŋ kɔ̀ɛ̀ dìì e yìwìà anyùùŋ miàŋ bi nyàŋ sìwè yèè e yìwìà anyùùŋ nyaŋ fè àŋ Juùù nyaŋ sìwè. Maŋ kèì fɛɛ̀ nyùwò naŋ nɔ̀ŋ maŋ jawa gbeegbèè maŋ sùà, maŋ kèì fɛɛ̀ nyùwò naŋ nɔ̀ŋ maŋ keì gɔ̀àgɔ̀à sùà maŋ sùà, maŋ kèì fɛɛ̀ nyùwò naŋ nɔ̀ŋ maŋ juwo màŋ diɛŋ, yèè maŋ kèì fɛɛ̀ nyùwò naŋ yìwìè aŋ wùìya nyuuŋ tòa sìwè.