Nyɛ̀nɛ̀ŋ 17:11 - WƆŊ FƐ̀Ì EBÒ SÌÀŊ DAYÀA

¹¹ Anyùùŋ nyaŋ ko Bɛ̀lià naŋ wa jàà ke miè gbìaàŋ kùàŋ dìì e nìàŋ anyùùŋ nyaŋ ko Tɛsèlonikà. Wɔŋ niìsìa gbiŋ àŋ hewa gbèè wɔŋ fɛ̀ì Dayàa wèè aŋ nyɛ̀nɛ̀ŋ maŋ nɔnɔŋ tùaŋ sèè mààŋ e yèɛ wo Pɔɔ̀ naŋ woò lɛ è yaà tɔɔɓaa.

Nyɛ̀nɛ̀ŋ 17:11 ပူးပေါင်းရင်းမြစ်များ

Maafiù 13:23

Kɛɛ aŋ bà nyiŋ yaà mààŋ manɛ̀ŋ koei màŋ naŋ sɔ̀ɔ̀ e diì sìàaŋ diɛŋ lɛ̀, àŋ komo ke mìè Dayàa, aŋ nyiŋ jàà kùàŋ dìì, aŋ nyiŋ haawè. Aŋ bà nyiŋ komo e komàŋ hɔ̀nɔ̀ɔ̀ guùŋ, aŋ bà nyiŋ komo e komàŋ kpɛ̀ùŋ jɛ̀wɛ̀ zììyà, yèè aŋ bà nyiŋ komo e komàŋ kpɛ̀ùŋ taai.”

Luù 1:2

Aŋ ɓɔìjɔ̀à bi naŋ wa tomo wèè wo Dayà, nààŋ àŋ naŋ wa kàà anyùùŋ ke miè gbìaàŋ e nyaàiŋ dè wo Kanaà Jisɛ̀. Anyùùŋ nyaŋ zimgbe nyiŋ naŋ wa kòmò e nɛ̀ɛŋ àŋ naŋ nyiŋ wa kaà lɛ, naŋ sìngè maŋ keì maŋ wo Jisɛ̀ naŋ nyɛ̀nɛ̀ŋ weè wi e yìwìà e teengaà wò naŋ wa tɔ̀ɔ̀tù e tòmouŋ nɛ̀ lɛ.

Luù 11:3

Kìɛ̀ŋ wi e nɛ̀ŋjè nyaàŋ wilɛ̀ ke ɗɔɔ gbiŋ.

Luù 16:29

Kpeiŋ wo Eɓulɔhɛɛ̀ŋ nauŋ woò wààŋ, ‘Aŋ wùìyaum nyàŋ kòò àŋ kuwao wo Mòòze yaà aŋ wɛ̀ijì nyaŋ wèè aŋ nyiŋ kìɛ̀ŋ e gòo. Tɔ̀ aŋ wùìyaum nyàŋ aŋ nyɛ̀nɛ̀ŋ e nɛ̀ɛ̀iŋ àŋ woà nyìŋ lɛ.’

Luù 24:44

Kpeiŋ wò naŋ nyiŋ woò wààŋ, “Maŋ kèì guùŋ mɛɛ̀ŋ mìŋ naiŋ woò e teengaà mìŋ yààìŋ wa e tɛɛ lɛ̀. Maŋ keì maŋ gbiŋ yaà sìnga miŋ maŋ Sàwà Mòòze màŋ sùà, maŋ fɛ̀ì aŋ wɛ̀ijì nyaŋ sùà, yèè wɔŋ fɛ̀ì Saàaŋ sùà, màŋ kuwa maŋ hɛɛnɛ̀ŋ.”

Jɔ̀ɔŋ 3:21

Kɛɛ wo nyùnɔ̀ɔŋ gbiŋ nɔ̀ŋ e tɔ̀ɔ̀nyaàŋ sùà wɔŋ nyiiŋ gèeuŋ nɔɔ̀ŋ sùà wɔ do nàŋ hnè koɓɛ̀ e gbolòùŋ lɛ, esaɓù kɛ̀ àŋ do nàŋ mɔ̀nɔ̀ŋ wèè anyùùŋ aŋ nyìmàŋ kɛ̀ wo Dayà nàŋ yaà nyìnìè e yèɛ àŋ nyɛnɛŋ lɛ̀.”

Jɔ̀ɔŋ 5:39

Nìŋ kpɛnɛŋ wɔŋ fɛ̀ì Dayàa, esaɓù nìŋ naŋ gongò kɛ̀ maŋ fɛi bi sùà nìŋ do nàŋ yɛ̀mɛ̀ wɔŋ nyiiŋ gèe gò jùà. Yèè wɔŋ fɛ̀ì guùŋ bi naŋ kìɛ̀ŋ ke mìè seì ko nɛ̀ɛ̀iŋ niìŋ e nyaàiŋ eim dè.

Nyɛ̀nɛ̀ŋ 10:33

Mìŋ naŋ tùɔ̀ŋ weèum fiò, yèè mùŋ naŋ niŋ jàà kùàŋ dìì mùŋ naŋ hnè. Yàwi nààŋ gbiŋ kòò è yààìŋ kià wo Kànà Dayàa fɛɛ̀feìŋ, wèè eiŋ kòmàŋ e yèɛ wo Kanaà naum woò lɛ.”

Nyɛ̀nɛ̀ŋ 11:1

Aŋ keela tàeɗùù nyaŋ yèè anyuùŋ hààwe nyàŋ ko Jùdià kòmàŋ kɛ̀ anyùùŋ nyaŋ fè àŋ Juùù nyaŋ jàà ke mìè gbìàŋ Dayàa kùàŋ dìì.

Nyɛ̀nɛ̀ŋ 17:1

Wo Pɔɔ̀ yèè wo Silà naŋ kɔ̀ɛ̀ ko Aŋfepolì yèè ko Àpolonìà yèè àŋ naŋ hàì ko Tɛsèlonikà. Ke Sààŋ Zòòlò aŋ Juùù yaà wa ko jawa gbee bì.

Nyɛ̀nɛ̀ŋ 2:41

Kpeiŋ anyùùŋ nyaŋ naŋ hààwè ke mìè gbìàŋ Pììlɛɛ̀ maŋ jii nyiŋ màŋ sùà nyaŋ, naŋ wa nɔ̀ŋ gùa nyiŋ. E sɔ̀ngɔ̀ anyuùŋ tààsùùŋ tàài (3,000) naŋ wa sɛ̀ɛ̀ ke gboò nyiŋ nɛɛ̀ŋ sùà ke ɗɔɔ yii.

1Tɛsè 1:6

Nìŋ naŋ wi fɔɔnɔ̀ŋ yèè nìŋ naŋ fɔ̀ɔ̀nɔ̀ŋ wo Kanaà Jisɛ̀. Jòòpɛɛ nìŋ naŋ mɔɔnɛ̀ŋ zimgbe, kɛɛ nìŋ naŋ jàà ke miè gbìaàŋ kùàŋ dìì e zɔlɔ̀ sùà ke yèɛ yewe wo Jìnàŋ Nɛɛmaàŋ sìwè lɛ.

1Tɛsè 2:13

Esaɓù joo bà kòò è yaà ɓɛìŋ wèè e nɛ̀ɛŋ è gèìŋ Dayà ke sɛ̀ weè niŋ lɛ̀. Tiŋ nàŋ yaà, e teengaà è naiŋ hìɛ̀ŋ ke mìè gbìàŋ Dayàa lɛ̀, nìŋ naŋ nyiŋ kòmò yèè nìŋ naŋ nyiŋ jàà kùàŋ dìì, e fè mààŋ kè miè gbìaŋ è yìwìà nyuùŋkpùuŋ sìwè. Kè yaà ke mìè gbìàŋ Dayà ke yèɛ yaà e tɔ̀ɔ̀nyaàŋ lɛ. Nyɛ̀iŋ nyàŋ nìŋ naŋ haawè nyaŋ, wo Dayà yààìŋ sùà wò yaà toomo.

2Tɛsè 2:10

yèè anyùùŋ nyaŋ do nàŋ fɔ̀ nyaŋ, wò do nyiŋ nàŋ tòòmò maŋ tòa naanààŋ diɛ̀ŋ. Àŋ do nàŋ fɔ̀ esaɓù kɛ̀ aŋ gò wa mànàŋ è tɔ̀ɔ̀nyaàaŋ aiŋ jàà kùàŋ dìì wèè aŋ yɛ̀mɛ̀ è jòèyè.

Jìiiŋ 1:21

Weètii gèeìŋ maŋ nyɛ̀nɛŋ kùwà niŋ naŋ màŋ yaà maŋ kpèè naanààiŋ màŋ gbiŋ kùàŋ sùà maŋ yè maŋ anyùùŋ nyaŋ yaà nyinie màŋ. Yèè maŋ miè gbìaŋ màŋ wo Dayà naiŋ gbìɛ̀ŋ maŋ jiio sùà maŋ, jɔ̀ɔ̀lɔìŋ miŋ dìì yèè niŋ nyɛ̀nɛ̀ŋ e nɛ̀ɛŋ màŋ naŋ woò lɛ. Esaɓù kɛ̀ ke miè gbìaŋ yii kuwa gààŋ wèè ke jòèyè wɔŋ nyiiŋ mɔɔ̀ŋ.

1Pììlɛ 2:2

Nɔ̀iŋ mààŋ aŋ jɔaa kòmàŋ jɛ̀ì, e teenga gbiŋ sùà e wùànàŋ maŋ yaà màì gò kɛ̀ɛ̀nɛ̀ŋ tɔ̀mɛ màŋ e gààŋ Jìnàŋ Dayàa sùà e nyɛ̀nɛ̀iŋ, wèè kɛ̀ sèè nìŋ yàà miìŋ naŋ dɛɛ̀ e kìlà wo Dayà woiŋ joeyè.