Nyɛ̀nɛ̀ŋ 16:9 - WƆŊ FƐ̀Ì EBÒ SÌÀŊ DAYÀA

⁹ Wɔŋ dùùm wiiŋ, wo Pɔɔ̀ naŋ gò e gɔa, wò naŋ yɛ̀mɛ̀ wo felaa bà e yìwìà ko Mɛ̀sèdonià wò siao wò yàaùŋ pɔɔwɔ wààŋ, “Hnaàŋ ko Mɛ̀sèdonià muŋ kpuumàŋ wi.”

Nyɛ̀nɛ̀ŋ 16:9 ပူးပေါင်းရင်းမြစ်များ

Nyɛ̀nɛ̀ŋ 10:3

Ke ɗɔ̀ɔ̀ guùŋ bà e gɔɛɛ gbòà taaà e koya gɔɛɛ, wo Kɔ̀nilìɔ̀ naŋ gò e gɔa, yèè wò naŋ yɛ̀mɛ̀ wo màìkà Dayà wò naŋ hnè ko nɛ̀ɛ̀uŋ niìŋ wò nauŋ woò wààŋ, “Kɔ̀nilìɔ̀!”

Nyɛ̀nɛ̀ŋ 10:30

Wo Kɔ̀nilìɔ̀ naŋ fasàì wààŋ, “Maŋ ɗɔ̀ɔ̀ tiinàŋ naàŋ mààŋ, nààŋ mìŋ yaà mɛ̀iŋ zoolo e gɔɛɛ gbòà taaà e koya gɔɛɛ ko saaŋ mio. Ko fɛɛ̀feìŋ, wo felaa gɔ̀àì maŋ deè fùà naim sìè ko fɛɛ̀feìŋ

Nyɛ̀nɛ̀ŋ 16:10

Nààŋ wo Pɔɔ̀ naŋ gò e gɔa lɛɛ̀, è naiŋ tɔ̀ɔ̀tù e ɗewe kàme wèè eiŋ kà ko Mɛ̀sèdonià. È naiŋ wa haawè kɛ̀ wo Dayà naŋ wi wa nyààŋ wèè e ka e daanèiŋ Ebò Siaàŋ koɓɛ̀ anyùùŋ nyaŋ koɓɛ̀ bi.

Nyɛ̀nɛ̀ŋ 16:12

E yìwìà kuii è naiŋ kɔ̀ ko Fèlepì, e jawa gbee ke tiìŋ jiɛ̀jiɛ̀ɛ sùà ko Mɛ̀sèdonià. Ko Fèlepì yaà wa ko jawa gbee ko yèi anyùùŋ e yìwìà wɔŋ fùɔ̀ŋ anyùùŋ Luùm nyaŋ naŋ wa nyɛ̀lɛ̀ lɛ. È naiŋ wa nɔ̀ŋ ko Fèlepì wèè maŋ ɗɔɔ kpàa bà.

Nyɛ̀nɛ̀ŋ 18:5

Kɛɛ nààŋ wo Silà yaà wo Timetè naŋ kɛ̀ɛ̀ maŋjɛ̀wɛ e yìwìà ko Mɛ̀sèdonià, e tòmò Pɔɔ̀ɛ wò yaà wa nyinie lɛ̀ nàŋ yaà ke mìè gbìàŋ Dayàa gbòa koɓɛ̀ aŋ Juùù nyaŋ, kɛ̀ wo Jisɛ̀ nàŋ yaà wo Kulaìɔ wo Dayà naŋ tàeɗùù wɔ wèè wo hìàŋ e jòèye koɓɛ̀ anyùùŋ nyaŋ e ɗuunyaàŋ.

Nyɛ̀nɛ̀ŋ 19:21

Nààŋ maŋ keì mɛɛ̀ŋ gbiŋ naŋ wa kaàiŋ, wo Pɔɔ̀ naŋ wa ɗewè wo jinàuŋ nɔɔ̀ŋ sùà wèè wo jaamè anyùùŋ nyaŋ ko Mɛ̀sèdonià yèè ko Àkaayà nààŋ wò yaà wa kɔ̀ɔ̀yɛ̀ ko Jùlusɛ̀làm. Wo Pɔɔ̀ naŋ wa woò wààŋ, “Sèè mìŋ yewe kuii mìŋ do nàŋ kɔ̀ ko Luùm.”

Nyɛ̀nɛ̀ŋ 19:22

Kpeiŋ wò naŋ tùɔ̀ŋ anyuùŋ tòmo dàwiuŋ nyàŋ àŋ tìyèe, wo Timetè yaà wo Ɛ̀lesitɔ̀ ko Mɛ̀sèdonià. Kɛɛ wuŋ bi naŋ wa jòò ko Eesìà wèè e teenga kpàa bà.

Nyɛ̀nɛ̀ŋ 19:29

E teenga kpuu sùà anyùùŋ nyaŋ gbiŋ ko jawaì naŋ wa dàà ke gboà gbee. Yèè anyùùŋ nyaŋ bà nyiŋ naŋ kùwò wo Gayɔ̀ yaà wo Àlètakɔ̀, yèè aŋ naŋ nyiŋ kɔ̀ɔ̀ zɛ̀mɛ̀ɛ̀ŋ dèèneì. Aŋ fèlàà tìyèe bi naŋ wa dè wo Pɔɔ̀ maŋjɛ̀wɛ e yìwìà ko Mɛ̀sèdonià. Kpeiŋ anyùùŋ nyaŋ gbiŋ e faaàŋ sùà naŋ dùɔ̀ŋ aŋ kà koɓɛ̀i àŋ yaà wa kɛ̀ɛ̀nɛ̀ŋ sùà e dèènè jawaà lɛ.

Nyɛ̀nɛ̀ŋ 20:1

Wo Pɔɔ̀ naŋ nyààŋ anyuùŋ hààwe nyàŋ koɓɛ̀ guùŋ nààŋ ke gbòàa naŋ gɔ̀à dìì, wò naŋ nyiŋ kìɛ̀ŋ maŋ mìè jii nyingè. Maŋ ɗɔɔ kpàa naŋ mààŋ yèè wò naŋ nyiŋ diemè. Kpeiŋ wò naŋ kuii yèwè yèè wò naŋ kɔ̀ ko Mɛ̀sèdonià.

Nyɛ̀nɛ̀ŋ 20:3

yèè wò nao nɔ̀ŋ wèè maŋ wàà taai. Wo Pɔɔ̀ yaà wa bànèbane sùà wèè wo ka ko Siilià. Kɛɛ wò naŋ wa kòmò kɛ̀ anyùùŋ gbèègbèè aŋ Juùù nyaŋ bà naŋ jɔ̀ ke gbùnu sùà wèè auŋ jàà e keì naanààŋ, yèè wò naŋ ɗewè wèè wo kɛ̀ɛ̀ maŋjɛ̀wɛ, kɛɛ wò naŋ wa kɔ̀ɛ̀ ko Mɛ̀sèdonià.

Nyɛ̀nɛ̀ŋ 27:2

È naiŋ wa sɛ̀ɛ̀ wɔŋ meeè sùà e yìwìà ko Àɗàmatiɔ̀ŋ. Wɔŋ meeèɔ yaà wa kɔ̀ɔ̀yɛ̀ ko Eesìà. Wo Àlètakɔ̀ e yìwìà ko Tɛsèlonikà, wo felaa bà e yìwìà ko Mɛ̀sèdonià, naŋ wa sɛ̀ɛ̀ wɔŋ meeèɔ sùà wuŋ pɛɛ yèè yàwi nààŋ gbiŋ naiŋ kɔ̀.

Nyɛ̀nɛ̀ŋ 9:38

Ko Jɔpà gò wa diidìì e yìwìà kò Leɗià. Yèè nààŋ anyuùŋ hààwe nyàŋ ko Jɔpà naŋ wa kòmò kɛ̀ wo Pììlɛ yaà wa ko Leɗià, àŋ naŋ wa tùɔ̀ŋ aŋ fèlàà tìyèe ko nɛ̀ɛ̀uŋ niìŋ wèè auŋ pɔwɔ̀ nyààŋ, “Kɔ̀nɛɛ̀ŋ, hnaàŋ ko nɛ̀ɛ̀ŋ wiì fiò.”

Luùm 15:26

Maŋ gbòò anyuùŋ hààwe nyàŋ ko Mɛ̀sèdonià yèè ko Àkaayà naŋ gbònògbònò e nɛɛnɛŋ, wèè ka niŋ kòà koɓɛ̀ anyùùŋ nɛɛmaŋ nyàŋ ko Jùlusɛ̀làm, wèè e nɔ̀ŋ e kpùùmaŋ koɓɛ̀ anyuùŋ pɔ̀ɔ nyàŋ.

2 Kɔliìŋ 11:9

E teengaà mìŋ yààìŋ e tɛɛ lɛ̀, miŋ gòiŋ kpɛɛ̀ŋ wèè naim kpuumàŋ. Sèè mìŋ mɔnɔŋ nɛɛnɛŋ, aŋ wùìya nyàŋ naŋ yèwè ko Mɛ̀sèdonià nyaŋ naim hìɛ̀ŋ e nɛ̀ɛŋ gbiŋ mìŋ manaŋ lɛ̀. Miŋ gò nɔ̀ŋ è kpɛ̀ɛŋ kò nɛ̀ɛ̀ŋ niìŋ kò tɔɔtuì, miŋ naàŋ nɔ̀ŋ è kpɛ̀ɛŋ kò nɛ̀ɛ̀ŋ niìŋ kò dòmàŋ feìŋ yaà!

2 Kɔliìŋ 12:7

E wèè miŋ go nàŋ ɓèmè miàŋ bi gbee zimgbe esàɓù maŋ kèì mèè gbeegbèè zimgbe màŋ mìŋ naŋ wa yɛmɛ̀ maŋ, mìŋ naŋ wa kɔ̀ e keì nyìnga dìì ke kpùnaŋ miɛ̀ŋ sùà, nààŋ wo Sɛ̀tanàaŋ naŋ wa tùɔ̀ŋ wo keelauŋ nɔɔ̀ŋ wèè woim ɓùlà, e kìlà woim nyɛ̀nɛ̀ŋ ka dèèyè miàŋ bi e kìlà ka jɔɔlɔ̀.

2 Kɔliìŋ 7:5

E teengaà pɛɛ è naiŋ hàì ko Mɛ̀sèdonià lɛ, e gòiŋ gè nyiiŋ. È naŋ mɛ̀ɛ̀ŋ maŋ keì nyìnga ko nɛ̀nɛ̀ŋ gbiŋ, maŋ nyaàŋ tàaŋ anyùùŋ fèemàŋ, yèè e jùù naŋ wi sɛ̀ɛ̀ kɔɔ sùà.

2 Kɔliìŋ 8:1

Wùìya wi nyàŋ, è manaŋ wèè naŋ nyìmàŋ e nɛ̀ɛŋ e tɛ̀ɛ̀tɛ̀ɛ̀ Dayà naŋ nyɛ̀nɛ̀ŋ è naŋ hɛɛnɛ̀ŋ maŋ gbòò anyuùŋ hààwe nyàŋ sùà ko Mɛ̀sèdonià lɛ.

2 Kɔliìŋ 9:2

Kà nyìmàŋ kɛ̀ è yààìŋ jii wèè naŋ kpuumàŋ, yèè kà kɛ̀ɛ̀ maŋ nyòngà koɓɛ̀ anyùùŋ Mɛsèdonìà nyaŋ e nyaàiŋ eiŋ dè kɛ̀, “Anyuùŋ hààwe nyàŋ ko Àkaayà, àŋ wa banebànè wèè aŋ kpuumàŋ e yìwìà doa bà mɛ̀iŋ.” E wùànàŋ kpùùmaiŋ nɛ̀, è sìà aŋ zimgbe nyiŋ ke di.

1Tɛsè 4:10

yèè kòò nìŋ yaà nyìnìè maŋ kpèè mɛɛ̀ŋ koɓɛ̀ anyuùŋ hààwe nyàŋ gbiŋ maŋ kpàlàùŋ kpàlàùŋ maŋ gbiŋ sùà wɔŋ fàà ko Mɛ̀sèdonià. E wèètii nyɛ̀iŋ nààŋ wùìya wi nyàŋ, è yààìŋ dàwe sùà wèè naŋ nyɛ̀nɛ̀ŋ zimgbe e tii nìàŋ.