Nyɛ̀nɛ̀ŋ 16:6 - WƆŊ FƐ̀Ì EBÒ SÌÀŊ DAYÀA

⁶ Wo Pɔɔ̀ yèè aŋ dàwiuŋ nyàŋ naŋ kɔ̀ɛ̀ maŋ kpàlàùŋ kpàlàùŋ Fɛgìà maŋ yèè Gàlatìà maŋ sùà, nààŋ wo Jìnàŋ Nɛɛmaàŋ gò wa nyimèè wèè aŋ gbòà kè mìè Dayàa wɔ̀ŋ fùɔ̀ŋ Eesìàa sùà.

Nyɛ̀nɛ̀ŋ 16:6 ပူးပေါင်းရင်းမြစ်များ

Luù 1:2

Aŋ ɓɔìjɔ̀à bi naŋ wa tomo wèè wo Dayà, nààŋ àŋ naŋ wa kàà anyùùŋ ke miè gbìaàŋ e nyaàiŋ dè wo Kanaà Jisɛ̀. Anyùùŋ nyaŋ zimgbe nyiŋ naŋ wa kòmò e nɛ̀ɛŋ àŋ naŋ nyiŋ wa kaà lɛ, naŋ sìngè maŋ keì maŋ wo Jisɛ̀ naŋ nyɛ̀nɛ̀ŋ weè wi e yìwìà e teengaà wò naŋ wa tɔ̀ɔ̀tù e tòmouŋ nɛ̀ lɛ.

Nyɛ̀nɛ̀ŋ 10:19

Nààŋ wo Pììlɛ yaà wa nɔŋ gòòngò e kèè e fàsàì e gɔaà, wo Jìnàŋ Nɛɛmaàŋ nauŋ woò wààŋ, “Aŋ felaa bà kòò àŋ yaà kià ko kaameum.

Nyɛ̀nɛ̀ŋ 11:12

Wo Jìnàŋ Nɛɛmaàŋ naim woò wààŋ miŋ dè nyiŋ maŋjɛ̀wɛ e kaiŋ e kìlà wààŋ ɓɔ̀ mìŋ gè màŋhɛɛ. Anyuùŋ hààwe nyàŋ àŋ nɔɔnɔŋ dièguùŋ naim dè maŋjɛ̀wɛ e yìwìà ko Jɔpà yèè è naiŋ kɔ̀ ko Sesèlià, yèè yàwi nààŋ gbiŋ naiŋ jɔ̀ ko sààŋ Kɔ̀nilìɔ̀.

Nyɛ̀nɛ̀ŋ 16:7

Nààŋ àŋ naŋ wa hàì ke konaàŋ fèemàŋ ko Masià, àŋ manaŋ wa weè aŋ kà ko Bɛ̀tenìà, kɛɛ wo Jìnàŋ Jisɛ̀ɔ gò nyiŋ wa nyimèè.

Nyɛ̀nɛ̀ŋ 18:23

Wò naŋ kuii nɔ̀ŋ wèè e teenga kpàa bà, yèè wò nao yèwè wo jààmè maŋ kpàlàùŋ kpàlàùŋ zimgbe wɔŋ fùɔ̀ŋ anyùùŋ Gàlatìà nyaŋ yaà wɔŋ fùɔ̀ŋ Fɛgìàa sùà. Wò naŋ wa kpùùmò anyuùŋ hààwe nyàŋ koɓɛ̀ bi wèè aŋ kɛɛnɛ̀ŋ gààŋ e hààwe nyiŋ nɛ̀ sùà.

Nyɛ̀nɛ̀ŋ 19:10

Wo Pɔɔ̀ naŋ wa kɔ̀ɔ̀ ke nyɛ̀nɛŋ yɛɛ̀ feìŋ wèè maŋ dòà tìyèe, e jèèsùà aŋ Juùù nyaŋ gbiŋ yèè anyùùŋ nyaŋ fè àŋ Juùù nyaŋ maŋ kpàlàùŋ kpàlàùŋ Eesìà maŋ sùà aŋ kòmàŋ ke mìè gbìàŋ wo Kanaà Dayà.

Nyɛ̀nɛ̀ŋ 20:16

Wo Pɔɔ̀ naŋ wa ɗewè wèè eiŋ kɔ̀ɛ̀ ko Ɛfesɔ̀, esaɓù kɛ̀ wo manàŋ wa wèè wò do nɔ̀ŋ wɔ̀ŋ fùɔ̀ŋ Eesìàa wèè e teenga mùnlaŋ. Wò yaà wa nyinie fiòfiò yèè wò manaŋ wa wo hàì ko Jùlusɛ̀làm e teengaà wèè ke ɗɔ̀ɔ̀ zòòlò aŋ Juùù nyaŋ àŋ nyaaŋ Pɛnɛŋkɔ̀ɛ.

Nyɛ̀nɛ̀ŋ 20:28

Weètii yɛ̀mɛìŋ nyɛ̀iŋ bi diɛŋ e kpùlìà anyùùŋ nyaŋ kinɛiŋ wo Jìnàŋ Nɛɛmaàŋ naŋ gbìɛ̀ŋ e gaàiŋ nɛ̀ dìì nyaŋ. Nɔ̀iŋ mààŋ anyuùŋ tùnìàŋ aŋ ɓaawaa wèè ke gbòò anyuùŋ hààwè Dayà nyaŋ. Nyiŋ nàŋ yaà aŋ yè nyaŋ wò naŋ jàà e ɓula wèè wuŋ bi e yìwìà maŋ sɛ̀ìŋ wo Jɔ̀àfèlàà wuŋ biɔ̀ sùà.

Nyɛ̀nɛ̀ŋ 20:4

Nààŋ wo Pɔɔ̀ yaà wa kɛ̀ɛ̀ sùà maŋjɛ̀wɛ, anyùùŋ bà nauŋ wa dè maŋjɛ̀wɛ tèènè mààŋ wo Sopatɔ̀, wo jɔ̀àfèlàà Palɔ̀ɔ e yìwìà ko Bɛ̀lià, wo Àlètakɔ̀ yèè wo Sekɔuŋɗù e yìwìà ko Tɛsèlonikà. Wo Gayɔ̀ e yìwìà ko Dɛɓì, wo Timetè, yèè aŋ fèlàà tìyèe e yìwìà ko Eesìà, wo Tachikɔ̀ yèè wo Tofimù.

Nyɛ̀nɛ̀ŋ 21:27

Nààŋ maŋ ɗɔ̀ɔ̀ nɔɔnɔŋ le tìyèe màŋ naŋ wa naàŋ joo tòloò wèè maŋ jùà, aŋ Juùù nyaŋ bà nyiŋ naŋ yèwè wɔŋ fùɔ̀ŋ Eesìàa nyàŋ, naŋ yɛ̀mɛ̀ wo Pɔɔ̀ ko Saaŋ Zòòlò Dayài, yèè àŋ naŋ dàà ke gboà gbee e faaàŋ sùà, e kìlà aŋ kùwà wo Pɔɔ̀.

Nyɛ̀nɛ̀ŋ 6:9

Kɛɛ aŋ felaa bà, aŋ yè nyaŋ yaà wa aŋ bà nyiŋ bà ke sààŋ zòòlò aŋ Juùù nyaŋ dìì wèè Anyuùŋ fòlà ɗo dìì nyaŋ, gò wa jàà wò Siiwììŋ kùàŋ dìì. Aŋ Juùù nyɛɛ̀ŋ naŋ wa nɔ̀ŋ aŋ ɗo, kɛɛ àŋ naŋ wa naàŋ yɛ̀mɛ̀ e tɔ̀ɔ̀nyaàŋ nyiŋ nɛ̀. Aŋ Juùù nyɛɛ̀ŋ bà nyiŋ yaà wa anyùùŋ e yìwìà ko Sàlinìŋ, yaà aŋ Juùù nyuuŋ bà e yìwìà ko Àlèzandilà e hààwè maŋ kpàlàùŋ kpàlàùŋ fùɔ̀ŋ Sèlesìàa yèè ko Eesìà. Anyùùŋ nyɛɛ̀ŋ naŋ wa tɔ̀ɔ̀tù wo Siiwììŋ gììyà maŋhɛɛ.

Nyɛ̀nɛ̀ŋ 8:29

Yèè wo Jinàŋ Nɛɛmaàŋ naŋ wòò wo Felè wààŋ, “Kɔ̀à koɓɛ̀ wɔŋ gɔ̀ sòo wiiŋ yèè muŋ sie wuŋ kɔɔ fɔ̀ɔ̀.”

Luùm 16:5

Mìŋ zuumàŋ ɓɛìŋ anyuùŋ hààwe nyàŋ deenàŋ ko gbòò Pikà yaà Àkuilà nyaŋ. Mìŋ zuumàŋ wo wùìya miɔ̀ŋ Ɛpanetù, wo yèɔ jiɛ̀ naŋ wa kɛ̀ɛ̀nɛ̀ŋ hààwe wo Jisɛ̀ Kulaì sùà wɔ, paŋgàà anyùùŋ nyaŋ gbiŋ wɔŋ fùɔ̀ŋ Eesìàa sùà.

1 Kɔliìŋ 12:11

Kɛɛ wo Jìnàŋ guùŋ kpò wɛɛ̀ nàŋ nyɛnɛŋ maŋ keì mɛɛ̀ŋ gbiŋ, nààŋ wò manaŋ lɛ̀. Maŋ kìɛŋ màŋ gbiŋ yaà gbàgbà koɓɛ̀ nyùùŋ gbiŋ.

1 Kɔliìŋ 16:1

Wèè nyaàiŋ dè, e yèɛ nìŋ naŋ sìngè wèè e nɛɛnɛŋ gbònò gbonoɛ̀, wèè anyuùŋ hààwe nyàŋ ko Jùdià lɛ, sɔɔ̀ naŋ nyɛ̀nɛ̀ŋ e nɛ̀ɛŋ mìŋ naŋ wòò kè gbòò anyuùŋ hààwe nyàŋ ko Gàlatìà wèè aŋ nyɛ̀nɛ̀ŋ lɛ.

1 Kɔliìŋ 16:19

Maŋ gbòò anyuùŋ hààwe nyàŋ ko Eesìà dawàìŋ. Wo Àkuilà yaà wo Pikà yèè ke gbòò nyuùŋ hààwe nyàŋ deenàŋ ko saaŋ nyiŋ noo lɛ̀ naiŋ tùɔ̀ŋ e zùùmo e dèè Kanaà sùà.

2 Kɔliìŋ 1:8

Nyɛ̀iŋ nààŋ wùìya wi nyàŋ, è manaŋ wèè e dè maŋ jiiiŋ màŋ, koɓɛ̀ e keì nyìngaà è naŋ kùwò maŋ kpàlàùŋ kpàlàùŋ Eesìà maŋ sùà lɛ. E keì nyìngaà naŋ wi hnè diɛŋ lɛ̀, è naŋ dɛɛ̀ yèè è naŋ wi mùŋgò diɛŋ e jèèsùà e bɔ̀mɔ̀ŋ nyiiŋ gèe e wi wùìyà.

Gàla 1:2

Anyuùŋ hààwe nyàŋ gbiŋ yaà kià nyaŋ naim sìè jɛwɛ wèè ka tùàŋ e zùùmo koɓɛ̀ anyuùŋ hààwe nyaŋ maŋ sààŋ Dayàa màŋ dìì ko Gàlatìà.

Gàla 3:1

Nyɛ̀iŋ nààŋ nyùùŋ Gàlatìà ɓàaɓàa nyɛɛ̀ŋ! Ɓòò naiŋ gbìɛ̀ŋ e nɛ̀ŋ dàà nyùùŋ? Nyɛ̀iŋ bi ko fɛ̀ɛ̀fèìŋ mìŋ naiŋ wòò e ɗeweɛ̀ àŋ naŋ wa jìwìè wo Jisɛ̀ Kulaì wɔŋ vànèkpaa diɛŋ lɛ̀!

2Time 1:15

Màŋ nyìmàŋ kɛ̀ anyùùŋ nyaŋ gbiŋ maŋ kpàlàùŋ kpàlàùŋ maŋ fùɔ̀ŋ Eesìà maŋ sùà àim gììyà kɛ̀ɛ, e kpùlìà wo Fegelù yaà Hɛmɔgììŋ.

2Time 4:10

Wo Dimà naŋ wa sɛ̀ɛ̀ e mànàŋ e ɗuunyaàŋ lɛɛ̀ sùà yèè wò naim gììyè kɛ̀ɛ, wò naŋ kɔ̀ ko Tɛsèlonikà. Wo Kùlìsɛɛ̀ŋ naŋ kɔ̀ ko Gàlatìà, yèè wo Taitɔ̀ naŋ kɔ̀ ko Dàmatià.

Hiɓu 11:8

E hààwe naŋ wa nyɛ̀nɛ̀ŋ wo Eɓulɔhɛɛ̀ŋ naŋ jɔɔlɔ̀ e teengaà wo Dayà nauŋ wa nyààŋ wèè wo ka koɓɛ̀ wɔŋ fuɔŋ bà wɔŋ yèɔ wo Dayà naŋ wa jɔ̀ɔ̀ ɗààhiì wèè wouŋ kiɛ̀ŋ wɔŋ. Wo Eɓulɔhɛɛ̀ŋ naŋ wa yèwè wɔŋ fuɔuŋ nɔɔ̀ŋ wèè wo ka koɓɛ̀i wo nyimààŋ lɛ.

1Pììlɛ 1:1

E yìwìà miàim Pììlɛ sìwè, wo yèɔ yaà wo keela tàeɗùù wèè Jisɛ̀ Kulaì wɔ, nàŋ yaà sìngìè wɔŋ fɛi wɛɛ̀ŋ koɓɛ̀ anyùùŋ nyaŋ wo Dayà naŋ tàeɗùù wèè aŋ nɔ̀ŋ anyunùuŋ nyàŋ, yèè àŋ naŋ nɔ̀ŋ aŋ nyùnèènyɛiŋ àŋ naŋ ɓààyè maŋ kpàlàùŋ kpàlàùŋ maŋ gbiŋ sùà nyaŋ e yìwìà ko Pɔuŋtɔ̀, Gàlatìà, Kàpàdosìà, Eesìà, yèè ko Bɛ̀tenìà.

Maŋ kèì nyɛɛnɛŋ 1:11

Ke mìèɛ naŋ woò wààŋ, “Singà e nɛ̀ɛŋ mùŋ naŋ yɛmɛ̀ lɛ wɔŋ fɛi sùà, yèè muŋ tùàŋ niŋ koɓɛ̀ maŋ gbòò anyuùŋ hààwe nyàŋ maŋ jàwà gbèègbèè nɔɔnɔŋ le tìyèe mɛɛ̀ŋ sùà, ko Ɛfesɔ̀, ko Sìmanà, ko Pɛgamùŋ, ko Tàyatilà, ko Saɗì, ko Fèlèdɛfià, yaà ko Làòdisià.”

Maŋ kèì nyɛɛnɛŋ 1:4

Wo Jɔ̀ɔŋ naŋ sìngè wɔŋ fɛi koɓɛ̀ maŋ gbòò anyùùŋ hààwè ɗì nɔɔnɔŋ le tìyèe màŋ naŋ wa hààwè Jisɛ̀ sùà maŋ kpàlàùŋ kpàlàùŋ wɔŋ fùɔ̀ŋ Eesìàa sùà. Wò naŋ nyiŋ woò wààŋ, E tɛ̀ɛ̀tɛ̀ɛ̀ yaà ke jii fàa nɔ̀ŋ ko nɛ̀ɛ̀iŋ niìŋ e yìwìà wo Dayà sìwè, wo yèɔ yaà wɔŋ nyiiŋ gèeɔ̀ sùà nàaŋ, e kìlà wò yaào wa gɔu, yèè wo yèɔ do nàŋ hnè wɔ, yèè e yìwìà aŋ jìnàŋ nɔɔnɔŋ le tìyèe nyàŋ sìwè, aŋ yè nyaŋ sia ke kpùà kanauŋ nɛɛ̀ŋ feìŋ nyaŋ,