Nyɛ̀nɛ̀ŋ 16:40 - WƆŊ FƐ̀Ì EBÒ SÌÀŊ DAYÀA

⁴⁰ Wo Pɔɔ̀ yèè wo Silà naŋ fòlò ko sààŋ nyìwìi yèè àŋ naŋ kɔ̀ ko gbòò Leɗià. Kuŋ àŋ naŋ mɛ̀ɛ̀ŋ anyùùŋ hààwè Kanaà, yèè àŋ naŋ nyiŋ kìɛ̀ŋ maŋ mìè gbòà jii nyingè wèè e hààwe nyiŋ nɛ̀, yèè àŋ naŋ kɔ̀.

Nyɛ̀nɛ̀ŋ 16:40 ပူးပေါင်းရင်းမြစ်များ

Nyɛ̀nɛ̀ŋ 1:15

Maŋ ɗɔɔ kpàa naŋ mààŋ yèè anyuùŋ hààwe nyàŋ naŋ dèènè koɓɛ̀ guùŋ. Àŋ yaà wa e sɔ̀ngɔ̀ anyuùŋ hɔ̀nɔ̀ɔ̀ guùŋ kpɛ̀ɛ̀ùŋ guùŋ (120), kpeiŋ wo Pììlɛ naŋ sie wèè wo gbòà koɓɛ̀ anyùùŋ nyaŋ.

Nyɛ̀nɛ̀ŋ 14:22

Àŋ naŋ wa kìɛ̀ŋ anyuùŋ hààwe nyàŋ maŋ jii nyingè yèè àŋ naŋ nyiŋ pɔwɔ̀ wèè aŋ jeèè tɔ̀ɔ̀nyaàŋ e hààwe nyiŋ nɛ̀ sùà. Àŋ naŋ nyiŋ woò nyààŋ, “È kuwa eiŋ kà e keì nyìnga zimgbe dìì pangàà è kɔ̀àìŋ e Kànà Dayàa sùà.”

Nyɛ̀nɛ̀ŋ 16:14

Wo nìeɔ̀ àŋ nyaaŋ wo Leɗià wɔ nàŋ yaà wa wo nyùnɔ̀ɔŋ bà guùŋ naŋ wi wa kumìè wɔ. Wò yewe wa ko jawa gbeeì aŋ nyaaŋ Tàyatilà, wò yaà wa wo nyuùŋ mààŋ maŋ dèè sɛ̀ìŋ tɔɔ nyìngà ɓaà titi, yèè wò hewa zòòlò Dayà. Wo Kanaà naŋ wa yìlè ke jiiuŋ nɛɛ̀ŋ wèè wo kumiàŋ e yèɛ wo Pɔɔ̀ yaà wa woo lɛ̀.

Nyɛ̀nɛ̀ŋ 16:2

Anyuùŋ hààwe nyàŋ gbiŋ ko Lesità yèè ko Ìkɔniɔ̀ŋ naŋ wa gbòò tɛ̀ɛ̀ e nyaàiŋ dè wo Timetè.

Nyɛ̀nɛ̀ŋ 4:23

Anyùùŋ fuɔŋ nyàŋ naŋ wa nɔŋ dàngè wo Pììlɛ yaà wo Jɔ̀ɔŋ fa, àŋ kɛ̀ɛ̀ maŋjɛ̀wɛ koɓɛ̀ anyuùŋ nyiŋ nyàŋ yèè àŋ naŋ nyiŋ wòò e keìɛ kinɛiŋ aŋ kànà sìèfèìŋ zòòlo nyàŋ yèè aŋ màmànkùmɛ̀ŋ fuɔŋ nyàŋ naŋ nyiŋ woò lɛ.