Nyɛ̀nɛ̀ŋ 16:33 - WƆŊ FƐ̀Ì EBÒ SÌÀŊ DAYÀA

³³ E tèèngà guùŋ bi sùà wɔŋ dùùm wiiŋ, wo nyùnɔ̀ɔŋ gbiɛŋ wo nyùùŋ ko sààŋ nyìwìi wɔ̀ naŋ nyiŋ kɔ̀ɔ̀ koɓɛ̀ bà yèè wò naŋ gùò manɛ̀ŋjèla nyiŋ maŋ. Kpeiŋ wuŋ yèè anyùùŋ nyaŋ gbiŋ ko gboouŋ noo naŋ wa nɔ̀ŋ gùa nyiŋ e tèèngà guùŋ bi sùà.

Nyɛ̀nɛ̀ŋ 16:33 ပူးပေါင်းရင်းမြစ်များ

Maafiù 3:6

Àŋ naŋ wa wòò maŋ keì naanààŋ nyiŋ màŋ, yèè wo Jɔ̀ɔŋ naŋ nyiŋ wa gùò e Wùìyè Jɔɔɗììŋ nɛ̀ sùà.

Luù 19:9

Yèè wo Jisɛ̀ nauŋ woò wààŋ, “E jòèye è nàaŋ hnàŋ ko gboo yaà, esaɓù kɛ̀ wo felaa wɛɛ̀ wuŋ pɛɛ wò yaà wo jɔ̀ɛ̀jɔ̀ɛ̀ Eɓulɔhɛɛ̀ɔŋ bà.

Nyɛ̀nɛ̀ŋ 16:15

Nààŋ wuŋ yaà anyùùŋ nyaŋ ko gboouŋ noo naŋ wa nɔ̀ŋ gùa nyiŋ, wò naŋ wi wa woò wààŋ, “Sèè mààŋ nàim naàŋ jàà kùàŋ dìì wèè ka nɔ̀ŋ wo nyuùŋ hààweɔ̀ bà wo Kanaà sùà, kɛ̀ hnaìŋ niŋ nɔ̀ŋ ko gboo mio.” Yèè wò naŋ wi kai pɔwɔ̀ wèè è kaiŋ noo.

Nyɛ̀nɛ̀ŋ 16:23

Yèè nààŋ àŋ naŋ nyiŋ ɓùlò yèè e kɔɔ nyiŋ nɛ̀ gbiŋ naŋ nɔ̀ŋ manɛ̀ŋjèla, àŋ naŋ nyiŋ gbìɛ̀ŋ ko sààŋ nyìwì, yèè àŋ naŋ wòò wo nyùnɔ̀ɔŋ gbiɛŋ wo nyùùŋ ko sààŋ nyìwìi wɔ̀ wèè wo yìlà nyiŋ kpaŋ kpaŋ.

Nyɛ̀nɛ̀ŋ 16:25

E tèèngà wɔŋ duùm hàì tɛɛ wo Pɔɔ̀ yèè wo Silà naŋ tɔ̀ɔ̀tù zòòlo yèè àŋ yaà dàà sùà maŋ nùŋ tɛ̀nɛŋ koɓɛ̀ Dayài, yèè aŋ pèesìnàŋ gbànaŋ nyàŋ ko sààŋ nyìwìi yaà nyiŋ wa kùmiaŋ sùà.

Nyɛ̀nɛ̀ŋ 16:32

Kpeiŋ wo Pɔɔ̀ yèè wo Silà naŋ gbòò ke mìè Kanaà Dayà ko nɛ̀ɛ̀uŋ niìŋ e kpùlìà yaà anyunùuŋ nyàŋ gbiŋ ko gboouŋ noo.

1 Kɔliìŋ 1:16

Hòoò hɛ̀ɛɛ̀ŋ, Mìŋ naŋ gùò wo Sìfanà yaà ke kpoouŋ nɛɛ̀ŋ nyiŋ pɛɛ, kɛɛ miŋ gò ɓɛìŋ jàà jii wèè ka ɓɛìŋ gùà nyùùŋ gbiŋ.

Gàla 5:13

Wùìyaim nyaŋ, àŋ naiŋ wa tàeɗùù wèè naŋ nɔ̀ŋ e bìlɛiŋ e yìwìà e ɗo dìì. Ɓɔ̀ nìŋ toomò è bìlɛiŋ bi e nɔ̀ŋ kè kàfaì wèè naŋ nyɛ̀nɛ̀ŋ è yèɛ nìŋ manaŋ lɛ̀. Tòòmoìŋ niŋ e nɔ̀ŋ keì sìàŋ maŋ kpùnaiŋ màŋ sùà wèè naŋ kìɛ̀ŋ aŋ dàwi e mànaŋ.

Gàla 5:6

Sèè è naiŋ wèè nɔ̀ŋ anyùùŋ guùŋ wo Jisɛ̀ Kulaì sùà, e tɛɛ gòòno bà gbiŋ fè weè ɓɛ̀nɛ̀ŋ nɔ̀ŋ e fèèmàŋ anyuùŋ jàà kpùa, yaà anyuùŋ gò jàà kpùa nyàŋ. Kɛɛ e kɛnɛɛ̀ tɛɛ̀ gbiŋ sùà, e hààwe tòòmò sùà nàŋ nyɛnɛŋ wèè naŋ mànaŋ anyùùŋ joo.

1Pììlɛ 3:21

E wuiyè jòwaà naŋ wa nɔ̀ŋ e tɔ̀ɔ̀màŋsèì e gùò Dayàa, naiŋ naàŋ joeyè lɛ. E fè nɔŋ wèè maŋ gùà kèìŋ maŋ è ninaŋ, kɛɛ e ɗààhiìɛ nìŋ ɓemàŋ maŋ gòngò jii sengèì diɛŋ ko fɛ̀ɛ̀fèìŋ Dayà lɛ, esaɓù kɛ̀ wo Dayà naŋ gè Jisɛ̀ Kulaìɛ e fàa dìì,