Nyɛ̀nɛ̀ŋ 16:32 - WƆŊ FƐ̀Ì EBÒ SÌÀŊ DAYÀA

³² Kpeiŋ wo Pɔɔ̀ yèè wo Silà naŋ gbòò ke mìè Kanaà Dayà ko nɛ̀ɛ̀uŋ niìŋ e kpùlìà yaà anyunùuŋ nyàŋ gbiŋ ko gboouŋ noo.

Nyɛ̀nɛ̀ŋ 16:32 ပူးပေါင်းရင်းမြစ်များ

Nyɛ̀nɛ̀ŋ 16:31

Wo Pɔɔ̀ yèè wo Silà nauŋ fasàì nyààŋ, “Sèè mùŋ kɛɛnɛ̀ŋ e hààwe wo Kanaà Jisɛ̀ Kulaì sùà, muàŋ yèè anyùùŋ nyaŋ ko gboo moo nìŋ do nàŋ jòèyè.”

Nyɛ̀nɛ̀ŋ 16:33

E tèèngà guùŋ bi sùà wɔŋ dùùm wiiŋ, wo nyùnɔ̀ɔŋ gbiɛŋ wo nyùùŋ ko sààŋ nyìwìi wɔ̀ naŋ nyiŋ kɔ̀ɔ̀ koɓɛ̀ bà yèè wò naŋ gùò manɛ̀ŋjèla nyiŋ maŋ. Kpeiŋ wuŋ yèè anyùùŋ nyaŋ gbiŋ ko gboouŋ noo naŋ wa nɔ̀ŋ gùa nyiŋ e tèèngà guùŋ bi sùà.

Luùm 1:14

È yaà e kpàŋ è kɔɔim, koɓɛ̀ anyùùŋ nyaŋ gbiŋ, e kpùlìà anyùùŋ nyaŋ fè àŋ Juùù nyaŋ, anyùùŋ maŋ fuɔŋ joo, anyuùŋ nyìmàŋ keì fèemàŋ nyaŋ yaà anyuùŋ gò nyìmàŋ keì fèemàŋ nyaŋ, anyùùŋ nyaŋ naŋ nyìmè nɛ̀ŋ nyaŋ, yaà anyuùŋ gò nyìmàŋ nɛ̀ŋ nyaŋ.

Luùm 1:16

Mìŋ kuwa ke jii tùlia Ebò Siaàŋ sùà. Tiŋ nàŋ yaà e gààŋ Dayàa wèè wo jòèyè anyùùŋ nyaŋ gbiŋ kuwa hààwe nyàŋ, aŋ Juùù nyaŋ jiɛ̀ yèèngàà anyùùŋ nyaŋ fè àŋ Juùù nyaŋ.

Ɛfesɔ̀ 3:8

Miàŋ nàŋ yaà wo tòloòɔ anyùùŋ nɛɛmaŋ nyàŋ gbiŋ sùà, yɛi nɔŋ è yaà wo Dayà naŋ nɔ̀ŋ tɛ̀ɛ̀ ko nɛ̀ɛ̀ŋ miìŋ, yèè wò naim tàeɗùù wèè ka wòò ke mìè gbìàŋ Ebò Siaàŋ koɓɛ̀ anyùùŋ nyaŋ fè àŋ Juùù nyaŋ e nyaàiŋ dè e bànè nɛ̀ɛ̀màŋ Jisɛ̀ Kulaìɛ e kpùlìà maŋ yè maŋ nyùùŋ fè ɓɛ̀nɛ̀ŋ kpɛ̀nɛŋ màŋ,

1Tɛsè 2:8

Esàɓù e mànaàŋ è kuwa weèiŋ nɛ̀ nyɛ̀iŋ nààŋ wùìya mànaŋ wi nyàŋ, wèètii è naŋ wa banebànè wèè e nyɛ̀nɛ̀ŋ naŋ nyìmàŋ e kèì Ebò Siaàŋ è yewe Dayà sìwè lɛ, sèè weè pɛɛ maŋ nyiiŋ wi màŋ maiŋ jèè maŋjɛ̀wɛ. È kuwa e mànaŋ zimgbe weèiŋ.