Nyɛ̀nɛ̀ŋ 16:26 - WƆŊ FƐ̀Ì EBÒ SÌÀŊ DAYÀA

²⁶ Ko fɛɛ̀feìŋ e dììɛ naŋ gbiinè sɛmɛ, yèè ke sààŋ nyìwìɛ gbiŋ naŋ gbiinè e hàì ko tɔ̀ɔ̀tù ke saaàŋ e dììɛ dìì. Ko fɛɛ̀feìŋ maŋ gbemgbee maŋ gbiŋ naŋ yilè yèè maŋ jɔ̀ɔɔ màŋ naŋ fìlè aŋ pèesìnàŋ nyaŋ gbiŋ maŋ gòlò.

Nyɛ̀nɛ̀ŋ 16:26 ပူးပေါင်းရင်းမြစ်များ

Maafiù 28:2

E bìao sùà e dììɛ naŋ kìlè. Yèè wo màìkà Kanaà Dayà naŋ dèyè e yìwìà ko àìjɛnɛ̀ŋ wò naŋ dùlò ke dùòɛ wo nyiŋ gè ke hùaàŋ yɛmgbɛ̀ yèè wò naŋ nyiŋ jɛ̀ì diɛŋ.

Nyɛ̀nɛ̀ŋ 12:10

Àŋ naŋ kɔ̀ aŋ gɛ̀ɛ̀ maŋ gbòò ɗì tìyèè aŋ kààlòòɗùà nyaŋ, yèè nààŋ àŋ naŋ hàì wɔŋ gbèmèè maŋ kàìɔ feìŋ wèè wɔŋ gɔ̀ɔ̀uŋ naŋ kìlìè e jawa gbeeɛ̀ wɔŋ, wɔ̀ŋ naŋ yilè kùàŋ wùŋ maŋ wuŋ. Àŋ naŋ fòlò yèè àŋ naŋ kààìŋ ke dòmaàŋ kpoloo, yèè ko fɛɛ̀feìŋ wo màikàa naŋ jɔ̀ɔ̀nɔ̀ŋ wo Pììlɛ fɛ̀ɛ̀.

Nyɛ̀nɛ̀ŋ 12:7

Ko fɛɛ̀feìŋ wo màìkà wo Kanaà nao haì, yèè e hmɔɔ̀ŋ mɛ̀ɛŋ naŋ dè ko sààŋ nyìwìi e gbàì ko gbiŋ. Wò naŋ mɛ̀ɛ̀mɛ̀ɛ̀ŋ wo Pììlɛ wɔŋ gbaŋ yèè wò nauŋ tùngò. Yèè wo màikàa nauŋ woò wààŋ, “Yewà dìì fiò.” Yèè maŋ jɔ̀ɔɔ màŋ yàùŋ maŋ kùàŋ maŋ naŋ filè maŋ sɔ̀à.

Nyɛ̀nɛ̀ŋ 4:31

Nààŋ àŋ naŋ wa kpɛ̀ɛ̀yɛ̀ Dayà zòòlo, koɓɛ̀i àŋ naŋ wa deenè lɛ naŋ wa mɛɛmɛ̀ɛ̀ŋ. Wo Jìnàŋ Nɛɛmaàŋ naŋ nyiŋ wa dìèsùà yèè àŋ naŋ tɔ̀ɔ̀tù ke mìè Dayàa gbòa janyai ke jii nyingè sùà.

Nyɛ̀nɛ̀ŋ 5:19

Kɛɛ wɔŋ dùùm wiiŋ wo màìkà Kanaà Dayàa naŋ yìlè wɔŋ gbèmgbèè ko sààŋ nyìwìi, wo nyiŋ fulià, yèè wò naŋ nyiŋ woò wààŋ,

Maŋ kèì nyɛɛnɛŋ 11:13

E tèèngà guùŋ lii sùà nɔŋ, e dììɛ naŋ wa kìlè fiò. E jawa gbeeɛ̀, sèè è naŋ weè ɓɛ̀nɛ̀ŋ nɔ̀ŋ gòòno niŋ e ɗì zììyà, wo Dayà naŋ pɔ̀ɔ̀pɔ̀ɔ̀ e ɗì guùŋ. Anyuùŋ tààsùùŋ nɔɔnɔŋ le tìyèe (7,000) naŋ wa fɔ̀. E jùù naŋ wa nyɛ̀nɛ̀ŋ anyuùŋ gbànaŋ nyàŋ naŋ wa joo nyàŋ, yèè àŋ naŋ tɛ̀nɛ̀ŋ wo Dayà ko àìjɛnɛ̀ŋ wèè e gaàŋ gbeeuŋ nɛ̀.

Maŋ kèì nyɛɛnɛŋ 6:12

Mìŋ naŋ yɛ̀mɛ̀ wo Ɓaawaaà naŋ yìlè e fèè e nɛ̀ŋ yìlia dìà nɔɔnɔŋ dièguùŋ nɛ. Nààŋ mìŋ naŋ gè fɛ̀ɛ̀ dìì, mìŋ naŋ yɛ̀mɛ̀ e dììɛ naŋ kìlè, yèè e gɔɛɛ naŋ diiyè kpì mààŋ wɔŋ deè bilabìlà die, yèè wɔŋ wààa naŋ wɛ̀nɛ̀ŋ gbɔ̀ùŋ mààŋ maŋ sɛ̀ìŋ.