Nyɛ̀nɛ̀ŋ 16:23 - WƆŊ FƐ̀Ì EBÒ SÌÀŊ DAYÀA

²³ Yèè nààŋ àŋ naŋ nyiŋ ɓùlò yèè e kɔɔ nyiŋ nɛ̀ gbiŋ naŋ nɔ̀ŋ manɛ̀ŋjèla, àŋ naŋ nyiŋ gbìɛ̀ŋ ko sààŋ nyìwì, yèè àŋ naŋ wòò wo nyùnɔ̀ɔŋ gbiɛŋ wo nyùùŋ ko sààŋ nyìwìi wɔ̀ wèè wo yìlà nyiŋ kpaŋ kpaŋ.

Nyɛ̀nɛ̀ŋ 16:23 ပူးပေါင်းရင်းမြစ်များ

Maafiù 26:48

Wo Juɗà naŋ wa tɔ̀ɔ̀ anyùùŋ nyaŋ e tɔ̀ɔ̀màŋsèì e keì wèè aŋ kùwà wo Jisɛ̀, “Wo felaaà mìŋ do nàŋ kpuuwò wɔ wuŋ wo. Kùwa nùuŋ!”

Luù 21:12

Wèè paŋ maŋ keì mɛɛ̀ŋ gbiŋ maŋ kaaìŋ, anyùùŋ doiŋ nàŋ kùwò aiŋ kòà ke sàwà wèè aiŋ gbaì. Àŋ doiŋ nàŋ kɔ̀ɔ̀ maŋ sààŋ zòòlò aŋ Juùù nyaŋ dìì e kìlà àŋ doiŋ nàŋ gbìɛ̀ŋ ko sààŋ nyìwì. Nìŋ do nàŋ sìè aŋ kana yaà aŋ ɓɛ̀mànɗì fuɔŋ fɛɛ̀feìŋ wèè esàɓù e deè mɛ̀.

Nyɛ̀nɛ̀ŋ 12:18

Wɔŋ niìsìaà bàa, maŋ jii sɛ̀ɛ gbee naŋ kùwò aŋ kààlòòɗùà nyaŋ yàaùŋ wa tùnìàŋ sùà nyaŋ yèè àŋ naŋ kùùnò gòngo kɛ̀ kiìŋ naŋ kààìŋ wo Pììlɛ.

Nyɛ̀nɛ̀ŋ 12:4

Kpeiŋ wò naŋ gbìɛ̀ŋ wo Pììlɛ ko sààŋ nyìwì, yèè wò naŋ wòò maŋ gbòò kààlòòɗùà ɗì tiinàŋ, ke yèɛ kuwa wa anyùùŋ tiinàŋ ke gbòò gbiŋ sùà wèè auŋ yɛ̀mɛ̀ diɛŋ. Wò naŋ wa ɗewè wèè wouŋ hìàŋ ko fɛ̀ɛ̀fèìŋ anyùùŋ nyaŋ sèè wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ juo wèè wouŋ gbaì.

Nyɛ̀nɛ̀ŋ 16:27

Nààŋ wo nyùnɔ̀ɔŋ gbiɛŋ wo nyùùŋ ko sààŋ nyìwìi wɔ̀ naŋ yèwè dìì yèè wò naŋ yɛmɛ̀ kɛ̀ maŋ gbemgbee màŋ gbiŋ yaà wa yìle miŋ, wò naŋ gɔ̀ɛ̀ɛ̀ e kòyà ɗùàuŋ nɛ̀ e ɓula wèè wo jìwà wuŋ bi. E fèfoo wò yaà goongo kɛ̀ anyùùŋ nyaŋ gbiŋ ko sààŋ nyìwìi àŋ dùàŋ.

Nyɛ̀nɛ̀ŋ 16:36

Yèè wo nyùnɔ̀ɔŋ gbiɛŋ wo nyùùŋ ko sààŋ nyìwìi wɔ̀ naŋ wòò wo Pɔɔ̀ wààŋ, “Anyuùŋ gbeegbèè nyaŋ nyààŋ miŋ dangèiŋ niŋ ka. Weètii nàŋ ɓɛ̀nɛ̀ŋ kàa ke jii fàa sùà.”

Nyɛ̀nɛ̀ŋ 5:18

Àŋ naŋ kùwò aŋ keela nyàŋ yèè àŋ naŋ nyiŋ gbìɛ̀ŋ ko sààŋ nyìwì.

Nyɛ̀nɛ̀ŋ 5:23

“È naiŋ kɔ̀ eiŋ mɛ̀ɛ̀ŋ ke sààŋ nyìwìɛ kè yaà yìla kpaŋ e kìlà anyuùŋ tùniaŋ nyiŋ nyàŋ sia wɔŋ gbemgbeeɔ̀ feìŋ, kɛɛ nààŋ è naiŋ yìlè wɔŋ gbemgbeeɔ̀, e gòiŋ mɛ̀ɛ̀ŋ wò nyùùŋ gbiŋ kò saaìŋ.”

Nyɛ̀nɛ̀ŋ 8:3

Kɛɛ wo Sɔɔ̀ naŋ tɔ̀ɔ̀tù ke gbòò anyuùŋ hààwe nyàŋ nìmila. Wò yaà wa jɔ̀à sùà maŋ saaŋ màŋ dìì guùŋ guùŋ, wò kuwo aŋ felaa yèè aŋ jɔùŋ wò deke, yèè wò gbìɛ̀ŋ nyìŋ ko sààŋ nyìwì.

Nyɛ̀nɛ̀ŋ 9:2

yèè wò nauŋ dawè wèè wo sìngà maŋ fɛi koɓɛ̀ aŋ sìèfèìŋ ke sààŋ zòòlò aŋ Juùù nyaŋ ko Dàmakɔ̀ wèè kɛ̀ sèè wò mɛɛ̀ŋ wo nyùùŋ gbiŋ, jɔùŋ yèè felaa wo yèɔ nɔ̀ŋ wo bàuŋbà e nyaàiŋ dè ke Dòmàŋ Kanaà Jisɛ̀ɛ diɛŋ wɔ, kɛ̀ wo dèkàuŋ wo kɛlɛ̀ɛ̀uŋ ko Jùlusɛ̀làm.

2 Kɔliìŋ 11:23

Àŋ yaà aŋ ɓɔ̀ìjɔ̀à Jisɛ̀ Kulaì? Mìŋ yaà gbuuyè mààŋ wo nyuùŋ zùwo, kɛɛ mìŋ yaà wo ɓɔìjɔ̀à kɛnɛ e nyiŋ nìàŋ! Mìŋ naŋ tomo nyìnga, àim gbìàŋ ko sààŋ nyìwì e teenga zimgbe sùà, àim vuwò nyìnga yèè kà gbɛ̀ɛ̀ ko nyɛ̀mgbɛ̀ fàa e teenga zimgbe sùà.

2 Kɔliìŋ 6:5

Àŋ naŋ wi ɓùlò, aŋ wi gbìàŋ sààŋ nyìwì, aŋ wi nɛɛmùŋ maŋ nyààŋ tààŋ faaŋ sùà, àŋ naŋ wi toomò eiŋ kpèèwù maŋ jàwè ɔ̀ɔ̀ eiŋ kùwà ke tɔùŋ.

Ɛfesɔ̀ 3:1

Wèè esaɓù lɛɛ̀ miàim Pɔɔ̀, wo Jisɛ̀ Kulaì naim nyɛ̀nɛŋ wèè ka nɔ̀ŋ wo nyùùŋ màŋ keì wèè nyɛ̀iŋ nààŋ nyùùŋ nyaŋ fè àŋ Juùù nyaŋ.

Ɛfesɔ̀ 4:1

Nààŋ miàim Pɔɔ̀, mìŋ yaà wo nyùùŋ màŋ keì wèè Kanaà lɛ, mìŋ yààìŋ pɔ̀wɔ sùà, nààŋ wo Dayà naiŋ nyààŋ wèè nauŋ haawè maŋ nyiiŋ gèeiŋ màŋ sùà lɛ.

2Time 2:9

Esàɓù Ebò Siaàŋ mìŋ woà lɛ, mìŋ kuwo e keì nyìnga yèè aim sìà maŋ jɔ̀ɔ̀ɔ mààŋ wo nyuùŋ nyɛ̀nɛ̀ŋ e keì naanààŋ. Kɛɛ ke mìè Dayà ke fè màŋ jɔ̀ɔ̀ɔ sùà,

Felemɔ̀ŋ - PHM 1:9

Kɛɛ mìŋ yààùm dàwe sùà wèè maŋ niŋ nyɛ̀nɛ̀ŋ esàɓù e mànaŋ. Hɛ̀ɛɛ̀ŋ, jòòpɛɛ miàŋ nàŋ yaà Pɔɔ̀ wo nyuùŋ kɔ̀à ke miè gbìàaŋ e kìlà mìŋ yaà wo nyùùŋ màŋ keì wèè wo Jisɛ̀ Kulaì.

Maŋ kèì nyɛɛnɛŋ 1:9

Miàŋ nàŋ yaà wo Jɔ̀ɔŋ, wo wùìyaiŋ nɔɔ̀ŋ, yèè wo nyùùŋ màŋjɛ̀wɛ̀ wo Kanaà Jisɛ̀. Miàŋ nàŋ yaà wo dàwiiŋ nɔɔ̀ŋ ke jii tɔumtɔ̀ùm sùà, wo yèɔ yaà kɔ̀ɔ̀yɛ̀ e keì nyìngaà dìì e yèɛ hnàŋ koɓɛ̀ aŋ yè nyaŋ yaà aŋ bà nyiŋ bà e Kanauŋ nɛ̀ sùà nyaŋ. Àŋ naim wa gbìɛ̀ŋ ke tììŋ Pamòɛ sùà mààŋ wo nyùùŋ keì, esaɓù kɛ̀ mìŋ naŋ gbòò ke mìè Dayàa, yèè mìŋ naŋ wòò e tɔ̀ɔ̀nyaàaŋ e nyaàiŋ dè ke mìè seìɛ wo Jisɛ̀ naŋ wa gɔ̀ì sùà yɛ.

Maŋ kèì nyɛɛnɛŋ 2:10

E jùù ɓɔ̀ è nyɛ̀nɛ̀iŋ wèè è nimilàa nìŋ yaà hinie naŋ kà dìì lɛ. Wo Dɛwìɔ doiŋ nàŋ kɔ̀ɔ̀ e wàa dìì e kìlà wo nyɛ̀nɛ̀ŋ aŋ gbìàŋ nyɛ̀iŋ nààŋ bà nyiŋ ko sààŋ nyìwì. E keì nyìngaiŋ nɛ̀ doo nàŋ nɔ̀ŋ wèè maŋ ɗɔ̀ɔ̀ zììyà. Jèeìŋ e hààwe sùà ko nɛ̀ɛ̀ŋ miìŋ, sèè pɛɛ è gelà wèè naŋ fà, mìŋ doiŋ nàŋ kìɛ̀ŋ wɔŋ nyiiŋ gèe màànààŋ nɔŋ àŋ kiɛ̀ŋ wo nyùùŋ ke ɓɔ̀ɗì kana wèè ke nɔ̀ŋ e jìwààjɛ̀wɛ̀ wèè e nɛ̀ɛŋ wò naŋ ɓùlò lɛ.”