Nyɛ̀nɛ̀ŋ 16:22 - WƆŊ FƐ̀Ì EBÒ SÌÀŊ DAYÀA

²² Yèè e faaàŋ naŋ hnè koɓɛ̀ guùŋ wèè aŋ gbùwà wo Pɔɔ̀ yèè wo Silà ke gùuŋ. Kpeiŋ anyuùŋ gbeegbèè nyaŋ naŋ sɛ̀ɛ̀sɛ̀ɛ̀ maŋ dèè kɔ̀ɔ̀ aŋ fèlàà tìyèe nyàŋ yèè àŋ naŋ kìɛ̀ŋ aŋ kààlòòɗùà nyaŋ e gààŋ wèè aŋ ɓulià nyiŋ ke sele.

Nyɛ̀nɛ̀ŋ 16:22 ပူးပေါင်းရင်းမြစ်များ

Maafiù 10:17

Yɛ̀mɛìŋ nyɛ̀iŋ bi diɛŋ. Anyùùŋ doiŋ nàŋ kùwò aiŋ kòà ke sàwà wèè aiŋ gbaì. E kìlà àŋ doiŋ naŋ vukò maŋ sààŋ zòòlò aŋ Juùù nyaŋ dìì.

Maafiù 27:26

Yèè wò Paalè naŋ dàngè wo Bàlaɓà weè nyiŋ. Kpeiŋ wò naŋ gè wo Jisɛ̀ nyààŋ diɛŋ auŋ ɓùlà yèè wò naŋ nyiŋ wuŋ kiɛ̀ŋ wèè aŋ jiwìàuŋ wɔŋ vènèkpaaà diɛŋ.

Luù 12:11

“Sèè anyùùŋ aiŋ kùwà e kìlà aiŋ hìàŋ ko sààŋ zòòlò aŋ Juùù nyaŋ ɔ̀ɔ̀ aŋ kana yaà anyùùŋ gbèègbèè fuɔŋ nyàŋ fɛɛ̀feìŋ wèè aiŋ gbaì, ɓɔ̀ nìŋ sɛɛ̀ jii wèè è ɗeweɛ̀ nìŋ do nàŋ gbaì wèè nyɛ̀iŋ bi lɛ̀ ɔ̀ɔ̀ wèè e nɛ̀ɛŋ nìŋ do nàŋ woò lɛ̀.

Nyɛ̀nɛ̀ŋ 16:37

Kɛɛ wo Pɔɔ̀ naŋ wòò aŋ pòèsià nyaŋ wààŋ, “È yààìŋ anyùùŋ ko Luùm, yèè anyùùŋ gbèègbèè ko Luùm nyaŋ naŋ wi ɓùlò e yèɛ aŋ gò wi gbaì wèè aŋ woò nyààŋ è keì naŋ wi jeè. Àŋ naŋ wi gbìɛ̀ŋ ko sààŋ nyìwì. Kpeiŋ àŋ manaŋ naàŋ aŋ wi dangè wèè e ka mɔ̀ɔ̀ŋ? Kpele, aŋ fè yɛi ɓɛ̀nɛ̀ŋ nyɛ̀nɛŋ! Tɔ̀ nyiŋ bi aŋ hnàŋ kià aŋ fulià wi.”

Nyɛ̀nɛ̀ŋ 17:5

Kɛɛ aŋ Juùù nyaŋ bà nyiŋ yaà wa gììyè le koo wèè e keì lɛɛ̀, yèè àŋ naŋ gbònò anyùùŋ maŋ tùwo naanààŋ e yìwìà maŋ dòmaŋ màŋ diɛŋ wèè aŋ dàà e gbɔ̀ɔɔ yèè ke gbòà ko jawa gbeeì. Anyùùŋ nyɛɛ̀ŋ manaŋ wa aŋ hìàŋ wo Pɔɔ̀ yèè wo Silà koɓɛ̀ e faaàŋ, yèè àŋ naŋ dùɔ̀ŋ aŋ kà ko gbòò wo felaa bà àŋ nyaaŋ Jasììŋ ko kààmè wo Pɔɔ̀ yèè wo Silà, wèè aŋ fulià nyiŋ koɓɛ̀ e faaàŋ.

Nyɛ̀nɛ̀ŋ 18:12

Kɛɛ nààŋ anyùùŋ nyaŋ naŋ wa nyɛ̀nɛ̀ŋ wo Gàliò wo kana wèè wɔŋ fùɔ̀ŋ Àkaayàa, anyùùŋ gbèègbèè aŋ Juùù nyaŋ bà naŋ wa jàà ke gbòò yèè àŋ naŋ kùwò wo Pɔɔ̀ yèè àŋ nauŋ kɔ̀ɔ̀ ko fɛ̀ɛ̀fèìŋ wo kanaà ko sààŋ sàwài.

Nyɛ̀nɛ̀ŋ 5:40

Aŋ naŋ nyààŋ aŋ keela nyàŋ ko saaìŋ, yèè anyuùŋ gbeegbèè nyaŋ naŋ wa kìɛ̀ŋ e gààŋ koɓɛ̀ anyuùŋ tùnìàŋ ke sààŋ nyìwìɛ wèè aŋ nyiŋ ɓùlà. Kpeiŋ àŋ naŋ nyiŋ naàà kɛ̀ ɓɔ̀ àŋ gbuuyà wa ɓɛìŋ è dèè Kanaà Jisɛ̀ɛ sùà julɔfɔ, yèè àŋ naŋ nyiŋ dangè àŋ naŋ kɔ̀.

2 Kɔliìŋ 6:5

Àŋ naŋ wi ɓùlò, aŋ wi gbìàŋ sààŋ nyìwì, aŋ wi nɛɛmùŋ maŋ nyààŋ tààŋ faaŋ sùà, àŋ naŋ wi toomò eiŋ kpèèwù maŋ jàwè ɔ̀ɔ̀ eiŋ kùwà ke tɔùŋ.

1Tɛsè 2:2

Nàŋ nyìmàŋ e ɗeweɛ̀ àŋ naŋ wi kùwìè le siwè naanààŋ aŋ wi pɔ̀ɔ̀ɓɛ̀ɛ ko Fèlepì pangàà è naŋ hnè nɛ̀ɛ̀iŋ niìŋ ko Tɛsèlonikà. Jòòpɛɛ aŋ joo wi yaào, kɛɛ wo Dayà wiɔ̀ naŋ wi sìè ke di wèè eiŋ dàànè Ebò Siaàŋ e yèɛ yewe ko nɛ̀ɛ̀uŋ niìŋ lɛ.

Hiɓu 11:36

Anyùùŋ naŋ wa hììlè aŋ bà nyiŋ yèè àŋ naŋ nyiŋ ɓùlò, àŋ sìà aŋ bà nyiŋ maŋ jɔ̀ɔɔ yèè aŋ nyiŋ gbìàŋ ko sààŋ nyìwì.

1Pììlɛ 2:24

Wo Jisɛ̀ Kulaì wuŋ bi naŋ kɔ̀ɔ̀ maŋ jùumù wi màŋ ke kpùnauŋ nɛɛ̀ŋ sùà wɔŋ vànèkpaaà diɛŋ. Wèè kɛ̀ e nɔ̀iŋ anyuùŋ fàa koɓɛ̀ jùumù, yèè e nɔ̀iŋ wɔŋ nyiiŋ gèe sùà koɓɛ̀ e tɔ̀ɔ̀nyaàaŋ. Esaɓù manɛ̀ŋ jèlauŋ màŋ sùà nìŋ naŋ jòèyè.