Nyɛ̀nɛ̀ŋ 16:2 - WƆŊ FƐ̀Ì EBÒ SÌÀŊ DAYÀA

² Anyuùŋ hààwe nyàŋ gbiŋ ko Lesità yèè ko Ìkɔniɔ̀ŋ naŋ wa gbòò tɛ̀ɛ̀ e nyaàiŋ dè wo Timetè.

Nyɛ̀nɛ̀ŋ 16:2 ပူးပေါင်းရင်းမြစ်များ

Nyɛ̀nɛ̀ŋ 1:15

Maŋ ɗɔɔ kpàa naŋ mààŋ yèè anyuùŋ hààwe nyàŋ naŋ dèènè koɓɛ̀ guùŋ. Àŋ yaà wa e sɔ̀ngɔ̀ anyuùŋ hɔ̀nɔ̀ɔ̀ guùŋ kpɛ̀ɛ̀ùŋ guùŋ (120), kpeiŋ wo Pììlɛ naŋ sie wèè wo gbòà koɓɛ̀ anyùùŋ nyaŋ.

Nyɛ̀nɛ̀ŋ 13:51

Wo Pɔɔ̀ yaà wo Bànaŋɓà naŋ gbùmò e heiɛ̀ ko jawa wii maŋ gòlòò dìì nyiŋ màŋ wèè aŋ tɔɔ̀ kɛ̀ anyùùŋ nyaŋ gò wa jàà kè mìè gbìàŋ Dayàa kùàŋ dìì, yèè àŋ naŋ kɔ̀ ko jawa gbeeì Ìkɔniɔ̀ŋ.

Nyɛ̀nɛ̀ŋ 14:1

Wo Pɔɔ̀ yèè wo Bànaŋɓà naŋ gbòò koɓɛ̀ aŋ Juùù nyaŋ yèè anyùùŋ nyaŋ fè àŋ Juùù nyaŋ ko sààŋ zòòlò aŋ Juùù nyaŋ ko Ìkɔniɔ̀ŋ, màànààŋ nɔŋ àŋ naŋ wa nyɛ̀nɛ̀ŋ ko Aŋtiɔ̀ lɛ, yèè aŋ Juùù nyaŋ yaà aŋ yè nyaŋ fè àŋ Juùù nyaŋ zimgbe nyiŋ naŋ kɛ̀ɛ̀nɛ̀ŋ hààwe wo Kanaà Jisɛ̀ sùà.

Nyɛ̀nɛ̀ŋ 14:21

Wo Pɔɔ̀ yèè wo Bànaŋɓà naŋ wòò Ebò Siaàŋ ko Dɛɓì yèè anyuùŋ zimgbe naŋ kìlè anyùùŋ màŋjɛ̀wɛ̀ wo Kanaà Jisɛ̀. Kpeiŋ àŋ naŋ kɛ̀ɛ̀ maŋjɛ̀wɛ ko Lesità, ko Ìkɔniɔ̀ŋ, yèè àŋ naŋ hàì ko Aŋtiɔ̀ wɔŋ fùɔ̀ŋ Pɛ̀siidìàa sùà.

Nyɛ̀nɛ̀ŋ 14:6

Nààŋ aŋ kèèlà tìyèe nyàŋ naŋ wa tɛɛ̀ kòmò, àŋ naŋ yèwè ko jawa wii maŋ dùaŋ dùaŋ yèè àŋ naŋ kɔ̀ maŋ jawa gbeegbèè nyiŋ màŋ sùà àŋ nyaaŋ ko Lesità yèè ko Dɛɓì, maŋ kpàlàùŋ kpàlàùŋ Làkanià maŋ sùà.

Nyɛ̀nɛ̀ŋ 16:40

Wo Pɔɔ̀ yèè wo Silà naŋ fòlò ko sààŋ nyìwìi yèè àŋ naŋ kɔ̀ ko gbòò Leɗià. Kuŋ àŋ naŋ mɛ̀ɛ̀ŋ anyùùŋ hààwè Kanaà, yèè àŋ naŋ nyiŋ kìɛ̀ŋ maŋ mìè gbòà jii nyingè wèè e hààwe nyiŋ nɛ̀, yèè àŋ naŋ kɔ̀.

Nyɛ̀nɛ̀ŋ 6:3

Weètii wùìya wi nyàŋ, tàaìŋ anyùùŋ nɔɔnɔŋ le tìyèe ɗùù nyɛ̀iŋ bi e tɛɛ aŋ yè nyaŋ wo Jìnàŋ Nɛɛmaàŋ naŋ dìèsùà nyaŋ e kìlà àŋ kuwa e jiikɛ̀ɛ. Nyiiŋ è doiŋ nàŋ kìɛ̀ŋ e keì wòo lɛɛ̀ e kìlà aŋ nɔ̀ŋ aŋ seì.

Fèle 2:22

Kɛɛ nyɛ̀iŋ bi nàŋ nyìmàŋ e ɗeweɛ̀ wò naŋ tɔɔ̀ kɛ̀ wò yaà nyuùŋkpùuŋ kɛnɛ tùlìà jii lɛ̀. Wo Timetè naŋ nɔ̀ŋ mààŋ wo jɔ̀àfelaa ko nɛ̀ɛ̀ŋ miìŋ, yèè wòim tòòmò kùàŋ sùà wèè e ɓaayè Ebò Siaàŋ.

1Time 3:7

Wo nɔ̀ŋ nyùnɔ̀ɔŋ anyùùŋ nyaŋ fè è hààweɛ̀ sùà nyaŋ, àŋ kiɛ̀ŋ e ɓɛ̀ɛ̀jàa, yèè ke mìè seì e nyaàiŋ euŋ dè wɔ, wèè wo go nàŋ sɛ̀ɛ̀ kè gbàù ɓɛ̀ɛ̀pɔ̀ɔ Dɛwìɔ sùà.

1Time 5:10

yèè wo nɔ̀ŋ wo nyùnɔ̀ɔŋ àŋ gboo tɛ̀ɛ̀ e nyaàiŋ euŋ dè wèè ke kpèè siaŋ wɔ̀. Wo nɔ̀ŋ wo jɔunɔ̀ɔŋ wo yèɔ naŋ gè aŋ jɔ̀àuŋ nyàŋ dìì tɛ̀ɛ̀ wɔ, wo yèɔ naŋ jàà aŋ nyùnèènyɛiŋ kùàŋ dìì ko gboo noo wɔ̀, wo nɔ̀ŋ nyùnɔ̀ɔŋ deeyà wuŋ bi e tòmò nɛɛmaŋ sùà wèè anyuùŋ hààwe joo wɔ̀, wo kpuumàŋ anyùùŋ nyaŋ yaà maŋ keì nyìnga sùà nyaŋ, yèè wò naŋ gbìɛ̀ŋ ke nyɛ̀nɛ̀uŋ nɛɛ̀ŋ gbiŋ e keì sìàŋ nyɛ̀nɛŋ maŋjɛ̀wɛ wɔ̀.

1Time 5:25

Yɛi nɔŋ e ɗèwè guùŋ bi sùà, àŋ yɛmɛ̀ maŋ tòmo siaŋ nyiŋ màŋ janjai, yèè maŋ yè maŋ aŋ fè yɛmɛ̀ janjai màŋ, maŋ fè ɓɛ̀nɛ̀ŋ nɔ̀ŋ ko nyɛɛnɛŋ.

2Time 3:11

Màŋ nyìmàŋ maŋ keì nyìnga màŋ yaà e mɔ̀ɔ̀nɛɛ̀ŋ gbiŋ mìŋ naŋ kɔ̀ dìì ko Aŋtiɔ̀, ko Ìkɔniɔ̀ŋ, yaà ko Lesità maŋ, yèè maŋ keì mèè nyìnga màŋ naim kaaìŋ maŋ. Kɛɛ wo Kanaà naim joeyè woim gè màŋ gbiŋ sùà.

2Time 3:15

yèè màŋ jàà jii kɛ̀ e gɔuo sùà, mùŋ yaà wa wo jɔ̀à, màŋ nyìmàŋ maŋ miè sìnga màŋ wɔŋ fɛ̀ì Dàyà sùà, wɔŋ yèɔ naum ɓɛ̀nɛ̀ŋ fè e jiikɛ̀ɛ naum ɓɛ̀nɛ̀ŋ jòèye yɛ̀, esàɓù e hààwe mɔ̀ɛ̀ wo Jisɛ̀ Kulaì sùà.

Hiɓu 11:2

E hààwè aŋ nèwàènèwe wi nyàŋ naŋ nyɛ̀nɛ̀ŋ wo Dayà naŋ nyiŋ wa jàà kùàŋ dìì.