Nyɛ̀nɛ̀ŋ 16:19 - WƆŊ FƐ̀Ì EBÒ SÌÀŊ DAYÀA

¹⁹ Nààŋ aŋ kɛ̀ɛ̀nɛ̀ŋ wo jɔùŋjɔaà naŋ wa naàŋ jàà jii kɛ̀ ke jìì tùlìà dòmàŋ e nɛɛnɛŋ bàne nyiŋ nɛɛ̀ŋ kè nyiŋ fòlà sìwè, àŋ naŋ kùwò wo Pɔɔ̀ yèè wo Silà yèè àŋ naŋ nyiŋ kɔ̀ɔ̀ anyùùŋ gbèègbèè sàwà nyaŋ fɛɛ̀feìŋ.

Nyɛ̀nɛ̀ŋ 16:19 ပူးပေါင်းရင်းမြစ်များ

Maafiù 24:9

“Anyùùŋ doiŋ nàŋ kùwò aiŋ kòà ke sàwà wèè naŋ kà e keì nyìnga dìì, e kìlà aiŋ jìwà. Anyùùŋ nyaŋ maŋ fuɔŋ màŋ gbiŋ sùà, doiŋ nàŋ wùɔ̀ŋ esàɓù e deè mɛ̀.

Nyɛ̀nɛ̀ŋ 14:19

Aŋ Juùù nyaŋ bà nyiŋ naŋ wa hnè e yìwìà ko Aŋtiɔ̀ wɔŋ fùɔ̀ŋ Pɛ̀siidìàa yèè e yìwìà ko Ìkɔniɔ̀ŋ yèè àŋ naŋ nyɛ̀nɛ̀ŋ anyùùŋ nyaŋ aŋ kɛ̀ɛ̀nɛ̀ŋ maŋ jii fiiì wèè wo Pɔɔ̀. Àŋ naŋ wa hɔ̀wɔ̀ wo Pɔɔ̀ le dùò yèè auŋ gɔ̀ɛ̀ɛ̀ dìì auŋ gè ko jawa gbeeì, yèè àŋ naŋ wa gongò kɛ̀ wò fà.

Nyɛ̀nɛ̀ŋ 14:5

Kpeiŋ anyùùŋ nyaŋ fè àŋ Juùù nyaŋ yaà aŋ Juùù nyaŋ nyiŋ bi, e kpùlìà anyuùŋ gbeegbèè nyiŋ nyàŋ, naŋ ɗewè wèè aŋ jàà e keì keekèè wo Pɔɔ̀ yaà wo Bànaŋɓà e kìlà wèè aŋ nyiŋ hɔ̀wà e jèèsùà aŋ nyiŋ jìwà.

Nyɛ̀nɛ̀ŋ 15:22

Aŋ keela tàeɗùù nyaŋ, yèè aŋ màmànkùmɛ̀ŋ anyuùŋ hààwe nyàŋ, e kpùlìà ke gbòò anyuùŋ hààwe nyàŋ naŋ ɗewè wèè aŋ tà anyùùŋ bà ɗùù wèè aŋ dè wo Pɔɔ̀ yèè wo Bànaŋɓà maŋjɛ̀wɛ aŋ ka ko Aŋtiɔ̀. Kpeiŋ àŋ naŋ tà wo Silà yèè wo Juɗà wo yèɔ àŋ nyaaŋ wa ɓɛìŋ wo Bàsaɓà wɔ ɗùù, aŋ sìèfèìŋ tìyèe anyuùŋ hààwe nyàŋ sùà.

Nyɛ̀nɛ̀ŋ 15:26

Anyùùŋ nyɛɛ̀ŋ naŋ jàà maŋ nyiiŋ nyiŋ màŋ e mìilì diɛŋ wèè wo Kana wiɔ̀ Jisɛ̀ Kulaì.

Nyɛ̀nɛ̀ŋ 15:40

kɛɛ wo Pɔɔ̀ naŋ ɓèmè wo Silà yèè àŋ naŋ kɔ̀. Anyuùŋ hààwe nyàŋ naŋ nyiŋ gè sɛ̀ yèè àŋ naŋ nyiŋ gbìɛ̀ŋ zòòlo maŋjɛ̀wɛ wèè e tɛ̀ɛ̀tɛ̀ɛ̀ Kanaà e nɔ̀ŋ nyiŋ diɛŋ.

Nyɛ̀nɛ̀ŋ 16:16

Ke ɗɔ̀ɔ̀ guùŋ nààŋ è yààìŋ wa kɔ̀ɔ̀yɛ̀ koɓɛ̀i àŋ zoolà lɛ, è naiŋ wa mɛ̀ɛ̀ŋ wo ɗo jɔùŋ jɔa bà. Wò kuwa wa e gààŋ jinàŋ naanààŋ wo yèɔ kiɛ̀uŋ wa e gààŋ wèè wo wòò wo nyùùŋ kɛ̀ kiɛ̀ŋ nàŋ do nàŋ kaaìŋ ko dòmàŋfeìŋ. Esàɓù ke nyɛ̀nɛuŋ yɛɛ̀ aŋ kɛ̀ɛ̀nɛuŋ nyàŋ heuŋ wa gììyà e nɛɛnɛŋ zimgbe sùà.

Nyɛ̀nɛ̀ŋ 16:20

Àŋ naŋ wòò anyuùŋ gbeegbèè nyaŋ nyààŋ, “Aŋ Juùù nyɛɛ̀ŋ yaà nyìnìè e keì naanààŋ ko jawa gbee wiì.

Nyɛ̀nɛ̀ŋ 16:25

E tèèngà wɔŋ duùm hàì tɛɛ wo Pɔɔ̀ yèè wo Silà naŋ tɔ̀ɔ̀tù zòòlo yèè àŋ yaà dàà sùà maŋ nùŋ tɛ̀nɛŋ koɓɛ̀ Dayài, yèè aŋ pèesìnàŋ gbànaŋ nyàŋ ko sààŋ nyìwìi yaà nyiŋ wa kùmiaŋ sùà.

Nyɛ̀nɛ̀ŋ 16:29

Wo nyùnɔ̀ɔŋ gbiɛŋ wo nyùùŋ ko sààŋ nyìwìi wɔ̀ naŋ dawè wèè ke sìnga kùwa, yèè wò naŋ kɔ̀ɔ̀ maŋ dùàŋ wo jɔ̀à ko sààŋ nyìwìi; e jùùɛ yaàùŋ wa wò gè jèla kpàkpà yèè wò naŋ kɔ̀ wo sɔ̀à ko dììnaŋ wo Pɔɔ̀ yèè wo Silà fɛɛ̀feìŋ.

Nyɛ̀nɛ̀ŋ 17:6

Kɛɛ nààŋ aŋ gò nyiŋ noo wa mɛɛ̀ŋ, àŋ naŋ kùwò wo Jasììŋ yèè anyuùŋ hààwe nyàŋ bà yèè àŋ naŋ nyiŋ kɔ̀ɔ̀ koɓɛ̀ anyùùŋ gbèègbèè ko Luùm nyaŋ ko jawa gbeeì yèè àŋ naŋ kpààŋ sɛiŋ nyààŋ, “Aŋ felaa nyɛɛ̀ŋ sèèlè anyùùŋ fuɔŋ nyàŋ gbiŋ fùùŋ e ɗuunyaàŋ. Tiŋ tɛɛ̀ àŋ hnàŋ ko jawa wiì,

Nyɛ̀nɛ̀ŋ 21:30

E gbɔ̀ɔ gbee naŋ wa sɔ̀ɔ̀ ko jawa gbeeì, e kìlà anyùùŋ naŋ hnè àŋ yaà duunyɛŋ e yìwìà maŋ tàta màŋ gbiŋ sùà ko jawaì. Àŋ naŋ kùwò wo Pɔɔ̀ auŋ gɔ̀ɛ̀ɛ̀ dìì auŋ gè ko Saaŋ Zòòlò Dayài, ko fɛɛ̀feìŋ àŋ naŋ yìlè maŋ gbemgbee màŋ gbiŋ ko Saaŋ Zòòlò Dayài.

Nyɛ̀nɛ̀ŋ 8:3

Kɛɛ wo Sɔɔ̀ naŋ tɔ̀ɔ̀tù ke gbòò anyuùŋ hààwe nyàŋ nìmila. Wò yaà wa jɔ̀à sùà maŋ saaŋ màŋ dìì guùŋ guùŋ, wò kuwo aŋ felaa yèè aŋ jɔùŋ wò deke, yèè wò gbìɛ̀ŋ nyìŋ ko sààŋ nyìwì.

Nyɛ̀nɛ̀ŋ 9:16

Kɛɛ miàŋ bi douŋ nàŋ tɔ̀ɔ kɛ̀ kiìŋ è keì nyìnga wò do nàŋ kɔ̀ɛ̀ sùà wèè esàɓù e deè mɛ̀.”

2 Kɔliìŋ 6:5

Àŋ naŋ wi ɓùlò, aŋ wi gbìàŋ sààŋ nyìwì, aŋ wi nɛɛmùŋ maŋ nyààŋ tààŋ faaŋ sùà, àŋ naŋ wi toomò eiŋ kpèèwù maŋ jàwè ɔ̀ɔ̀ eiŋ kùwà ke tɔùŋ.

Fèle 1:30

Nìŋ naim yɛmɛ̀ mìŋ naŋ kɔ̀ e mɔ̀ɔ̀nɛŋ dìì, yèè kòò nìŋ yaà nɔŋ kùmìè e kèè e keì nyìnga mɛ̀. Nyɛ̀iŋ pɛɛ nìŋ kuwa naŋ kà maŋ keì nyìnga dìì e ɗèwè guùŋ nɛ sùà.

1Tɛsè 2:2

Nàŋ nyìmàŋ e ɗeweɛ̀ àŋ naŋ wi kùwìè le siwè naanààŋ aŋ wi pɔ̀ɔ̀ɓɛ̀ɛ ko Fèlepì pangàà è naŋ hnè nɛ̀ɛ̀iŋ niìŋ ko Tɛsèlonikà. Jòòpɛɛ aŋ joo wi yaào, kɛɛ wo Dayà wiɔ̀ naŋ wi sìè ke di wèè eiŋ dàànè Ebò Siaàŋ e yèɛ yewe ko nɛ̀ɛ̀uŋ niìŋ lɛ.

1Time 6:10

E gùlòɛ wèè keì naanààŋ gɛ̀wɛɛ̀ zimgbe nàŋ yaà e wùànàŋ nɛɛnɛŋ keekèè. Anyùùŋ nyaŋ bà nyiŋ fɔɔnɔ̀ŋ e wùànàŋ nɛɛnɛŋ aŋ kɛ̀ɛ̀ e hààweɛ̀ maŋjɛ̀wɛ, yèè àŋ fè nyiŋ bi maŋ jii mɔ̀ɔ̀nɛ̀ŋ zimgbe.

Jìiiŋ 2:6

Kɛɛ màŋ pɔ̀ɔ̀ wo nyuùŋ kòmàŋ ke nuùɔŋ ɓɛ̀ɛ! Anyuùŋ bàne nyàŋ kùwòìŋ naanààŋ àŋ gɔ̀ɛ̀ìŋ dìì maŋ zɛ̀mɛ̀ɛ̀ŋ keì wòo dìì.