Nyɛ̀nɛ̀ŋ 15:9 - WƆŊ FƐ̀Ì EBÒ SÌÀŊ DAYÀA

⁹ Wo kuwà è tɛɛ gòòno yàwi nyiŋ è fèemàŋ. Àŋ naŋ sìè e hààwe nyiŋ nɛ̀ wo Dayà sùà, yèè wò naŋ nyɛ̀nɛ̀ŋ maŋ jii nyiŋ màŋ maŋ zɛ̀nɛ̀ŋ.

Nyɛ̀nɛ̀ŋ 15:9 ပူးပေါင်းရင်းမြစ်များ

Nyɛ̀nɛ̀ŋ 10:15

Ke mìèɛ naŋ ɓɛìŋ gbòò ko nɛ̀ɛ̀uŋ niìŋ wààŋ, “Sèè wo Dayà wo woò wààŋ e nɛ̀ŋ yaà tɛ̀ɛ̀ wèè e nɛ̀ŋjè, ɓɔ̀ mùŋ woò mààŋ e fè zɛ̀nɛŋ niŋ yèè e fè tɛ̀ɛ̀ wèè jèe.”

Nyɛ̀nɛ̀ŋ 10:28

Wo Pììlɛ naŋ nyiŋ woò wààŋ, “Nàŋ nyìmàŋ kɛ̀ è yaà ke sàwà kɛ̀ yàwi nààŋ Juùù nyaŋ e yìwìà wɔŋ fùɔ̀ŋ Jùdiàa yaà anyùùŋ nyaŋ fè àŋ Juùù nyaŋ ɓɔ̀ àŋ kpulià kè nyɛ̀nɛŋ ɔ̀ɔ̀ eiŋ nyiŋ jaamè. Kɛɛ wo Dayà wòim tɔɔ̀ kɛ̀ wo gò gongò kɛ̀ wò nyùùŋ gbiŋ fè zɛ̀nɛuŋ ɔ̀ɔ̀ wo fè tɛ̀ɛ̀.

Nyɛ̀nɛ̀ŋ 10:34

Wo Pììlɛ naŋ tɔ̀ɔ̀tù gbòa wààŋ, “Kà naàŋ nyìmàŋ kɛ̀ è yaà tɔ̀ɔ̀nyaàŋ kɛ̀ wo Dayà kuwà wò nyuùŋ mànaŋ titi, kɛɛ wò manaŋ anyùùŋ nyaŋ gbiŋ e seenè kpaŋ.

Nyɛ̀nɛ̀ŋ 11:12

Wo Jìnàŋ Nɛɛmaàŋ naim woò wààŋ miŋ dè nyiŋ maŋjɛ̀wɛ e kaiŋ e kìlà wààŋ ɓɔ̀ mìŋ gè màŋhɛɛ. Anyuùŋ hààwe nyàŋ àŋ nɔɔnɔŋ dièguùŋ naim dè maŋjɛ̀wɛ e yìwìà ko Jɔpà yèè è naiŋ kɔ̀ ko Sesèlià, yèè yàwi nààŋ gbiŋ naiŋ jɔ̀ ko sààŋ Kɔ̀nilìɔ̀.

Nyɛ̀nɛ̀ŋ 14:1

Wo Pɔɔ̀ yèè wo Bànaŋɓà naŋ gbòò koɓɛ̀ aŋ Juùù nyaŋ yèè anyùùŋ nyaŋ fè àŋ Juùù nyaŋ ko sààŋ zòòlò aŋ Juùù nyaŋ ko Ìkɔniɔ̀ŋ, màànààŋ nɔŋ àŋ naŋ wa nyɛ̀nɛ̀ŋ ko Aŋtiɔ̀ lɛ, yèè aŋ Juùù nyaŋ yaà aŋ yè nyaŋ fè àŋ Juùù nyaŋ zimgbe nyiŋ naŋ kɛ̀ɛ̀nɛ̀ŋ hààwe wo Kanaà Jisɛ̀ sùà.

Nyɛ̀nɛ̀ŋ 14:27

Nààŋ àŋ naŋ wa hàì ko Aŋtiɔ̀, wo Pɔɔ̀ yaà wo Bànaŋɓà naŋ nyààŋ ke gbòò anyuùŋ hààwe nyàŋ e dèène sùà. Yèè àŋ naŋ nyiŋ gbàìè jii wèè eɗewɛ̀ wo Dayà naŋ nyiŋ kpuumò lɛ, yèè e ɗeweɛ̀ wò naŋ yìlè wɔŋ gbemgbee wèè anyùùŋ nyaŋ fè àŋ Juùù nyaŋ aŋ kɛ̀ɛ̀nɛ̀ŋ hààwe wo Jisɛ̀ sùà.

Luùm 3:22

Wo Dayà jaa nɔŋ anyùùŋ kùàŋ dìì e tɔ̀ɔ̀nyaàŋ sùà esàɓù e hààweɛ̀ àŋ kuwa wo Jisɛ̀ Kulaì sùà lɛ. Wo Dayà nyɛnɛŋ tɛɛ̀ koɓɛ̀ anyùùŋ nyaŋ gbiŋ kuwa hààwe wo Jisɛ̀ Kulaì sùà nyaŋ, esaɓù kɛ̀ aŋ gbiŋ naŋ seenè kpaŋ.

Luùm 3:9

Kiìŋ tɛɛ̀ gbiŋ naŋ fasàì? Tɛɛ̀ ɓɛ̀nɛ̀ŋ tɔ̀ɔ kɛ̀ yàwi nààŋ Juùù nyaŋ tuwàìŋ tɛ̀ɛ̀ e nìàŋ anyùùŋ nyaŋ fè àŋ Juùù nyaŋ? Kpele, e fè yɛi! Aŋ Juùù, e kpùlìà anyùùŋ nyaŋ fè àŋ Juùù nyaŋ, aŋ gbiŋ àŋ yaà e gààŋ maŋ jùumù dìì, màànààŋ nɔŋ mìŋ naŋ woò lɛ.

Luùm 9:24

Esaɓù kɛ̀ yàwi nàŋ yaà anyùùŋ nyaŋ wò naŋ nyààŋ nyaŋ, yèè e fè nɔŋ è yìwìà àŋ Juùù nyaŋ è fèemàŋ, kɛɛ e yìwìà anyùùŋ nyaŋ fè àŋ Juùù nyaŋ nyiiŋ pɛɛ.

1 Kɔliìŋ 1:2

naŋ yaà sìngìè wɔŋ fɛi wɛɛ̀ŋ koɓɛ̀ ke gbòò anyuùŋ hààwe nyàŋ yaà ko Kɔliìŋ yɛ. Nyɛ̀iŋ nyàŋ gbiŋ wo Dayà naŋ nyààŋ wèè naŋ nɔ̀ŋ anyùùŋ nɛ̀ɛ̀màŋ Dayà nyaŋ, aŋ yè nyaŋ yaà aŋ bà nyiŋ bà Jisɛ̀ɛ Kulaì sùà nyaŋ, e kpùlìà anyuùŋ gbànaŋ nyàŋ koɓɛ̀ gbiŋ àŋ naŋ nɔ̀ŋ, aŋ yè nyaŋ humo wo Kana wiɔ̀ Jisɛ̀ Kulaì nyaŋ, wo Kànà yàwi nààŋ gbiɔ̀ŋ.

1 Kɔliìŋ 7:18

Sèè wo felaaà àŋ naŋ jàà ke kpùa tɛ wɔ̀ jaa e nyàànè Dayàa kùàŋ dìì, ɓɔ̀ wò fɛ̀ɛ̀ wèè wo gè è fèè kè kpùà jàa lii wɔ̀ŋ kɔɔuŋ nɔɔ̀ŋ. Sèè wo felaa gò jàà kè kpùaà wò jaa e nyàànè Dayàa kùàŋ dìì, ɓɔ̀ àŋ jààuŋ ɓɛìŋ kè kpùa.

Gàla 3:28

E fèemàŋ gòòno bà gbiŋ fè e fèèmàŋ àŋ Juùù ɔ̀ɔ̀ anyùùŋ nyaŋ fè àŋ Juùù nyaŋ, àŋ ɗo ɔ̀ɔ̀ ànyùùŋ nyaŋ fè è ɗo dìì nyaŋ, àŋ felaa ɔ̀ɔ̀ àŋ jɔùŋ, nyɛ̀iŋ nààŋ gbiŋ nìŋ yaà anyùùŋ guùŋ e yìwìà e hààweiŋ nɛ̀ wo Jisɛ̀ Kulaì sùà.

Gàla 5:6

Sèè è naiŋ wèè nɔ̀ŋ anyùùŋ guùŋ wo Jisɛ̀ Kulaì sùà, e tɛɛ gòòno bà gbiŋ fè weè ɓɛ̀nɛ̀ŋ nɔ̀ŋ e fèèmàŋ anyuùŋ jàà kpùa, yaà anyuùŋ gò jàà kpùa nyàŋ. Kɛɛ e kɛnɛɛ̀ tɛɛ̀ gbiŋ sùà, e hààwe tòòmò sùà nàŋ nyɛnɛŋ wèè naŋ mànaŋ anyùùŋ joo.

Ɛfesɔ̀ 3:6

Ke gbùnu bi nàŋ yaà kɛ̀, esàɓù Jisɛ̀ Kulaì sùà, ke mìè gbìàŋ Ebò Siaàŋ kè nɔ̀ŋ esàɓù anyùùŋ nyaŋ fè àŋ Juùù nyaŋ àŋ nɔ̀ŋ aŋ bà nyiŋ bà koɓɛ̀ e ɗààhiìɛ wo Dayà naŋ wa ɓemè koɓɛ̀ aŋ Juùù nyaŋ lɛ̀, e kìlà wo Dayà nyɛ̀nɛ̀ŋ àŋ nɔ̀ŋ aŋ bà nyiŋ bà ke gbòò Jisɛ̀ Kulaìɛ sùà.

Kòlo 3:11

E tɛɛ gòòno fòo sèè pɛɛ naŋ nɔ̀ŋ anyùùŋ nyaŋ fè àŋ Juùù nyaŋ ɔ̀ɔ̀ àŋ Juùù nyuuŋ, ɔ̀ɔ̀ aiŋ jàà kpùa ɔ̀ɔ̀ naŋ nɔ̀ŋ anyuùŋ gò jàà kpùa, anyùùŋ maŋ fuɔŋ joo, anyùùŋ ɓie gò nyìmàŋ è kèè kò ɓài, aŋ ɗo, yèè anyùùŋ nyaŋ fè àŋ ɗo nyàŋ, kɛɛ wo Jisɛ̀ Kulaì nàŋ yaà e nɛ̀ɛŋ gbiŋ, e kìlà wo Jisɛ̀ Kulaì wò yaà e nɛ̀ɛŋ gbiŋ sùà.

1Pììlɛ 1:22

Nààŋ nìŋ yaà naàŋ jɔ̀ɔ̀lɔ sùà e tɔ̀ɔ̀nyaàŋ dìì, e tɔ̀mɛ jùumù fè ɓɛìŋ màŋ nyiiiŋ màŋ, nàŋ naàŋ zɛ̀nɛ̀ŋ. Yèè nàŋ kùwìè e mànaŋ kɛnɛ wèè anyùùŋ hààwè dawiiŋ nyàŋ. Kùwieìŋ e mànaŋ e fèemàŋ e yìwìà maŋ jiiiŋ màŋ diɛŋ.